Vikipediyanın Azərbaycan versiyasının koordinatoru Elnur Eltürk

Ekspert azərbaycandilli "Vikipediya"nın vəziyyətini şərh edir

216
(Yenilənib 16:30 15.02.2019)
AMEA Mərkəzi Elmi Kitabxanasının şöbə müdiri Elnur Eltürk deyir ki, üç-dörd il öncə Vikipediyanın Azərbaycan sektorunda durğunluq var idi
Elnur Eltürk: “Vikipediyadakı məqalələrin hamısına nəzarət etmək çox çətindir”

“Bu gün azərbaycandilli Vikipediyada böyük işlər görülür”. Bunu Sputnik Azərbaycan-a ölkəmizdə Vikipediyya sahəsindəki vəziyyət və görülən işlər haqqında danışarkən “Vikipediya”nın milli versiyasının koordinatoru, AMEA Mərkəzi Elmi Kitabxanasının şöbə müdiri Elnur Eltürk deyib.

Elnur Eltürk bildirib ki, komandamız bütün potensialı ilə ölkəmizdə Vikipediyanın inkişafına çalışır: “AMEA Mərkəzi Elmi Kitabxanasında Vikipediyanın şərtləri və prinsipləri, həmçinin məqalə yaradılması ilə bağlı  təlimlər keçilir. Bu gün yüzlərlə könüllümüz Vikipediyada fəaliyyət göstərir və məqalələr yaradırlar. Üç-dörd il öncə Vikipediyanın Azərbaycan sektorunda durğunluq var idi. Hazırda isə  gündəlik olaraq 50-60 məqalə yaradılır. İstənilən şəxs Vikipediyada məqalə yarada bilər. Burada əsas şərt məqalənin ensiklopedik olmasıdır. Əgər məqalə şərtlərə cavab vermirsə, müzakirəyə çıxarılır və səsvermə yolu ilə silinir. Onu da deyim ki, azərbaycandilli Vikipediyada 140 min məqalə var və onların hamısına nəzarət etmək çox çətindir. Bu gün ölkəmizdə Vikipediyaya nəzarət edən hansısa dövlət qurumu da yoxdur. Belə bir qurumun olması da Azərbaycandan Vikipediyaya girişin məhdudlaşdırılmasına səbəb ola bilər”.

Qeyd edək ki, AMEA Mərkəzi Elmi Kitabxanasında (MEK) üçüncü ildir “Vikipediya” ilə bağlı təlimlər davam edir. “Vikipediya” Metodik Mərkəzi tərəfindən təşkil edilən təlimlərdə könüllülərdən ibarət 40-dan çox qrup ödənişsiz iştirak edib, bu sahədə maarifləndirilib.

Elnur Eltürkün geniş şərhinə audiofaylda qulaq asa bilərsiniz

 

216

Vasif Əliyev: “Yenidən sərt karantin rejiminə keçilə bilər”

60
(Yenilənib 09:52 26.10.2020)
TƏBİB-in İnfeksiya xəstəlikləri üzrə işçi qrupunun rəhbəri Vasif Əliyev deyir ki, yumşalmalardan sonra təkrar artımın ola biləcəyi dəfələrlə qeyd edilib
Vasif Əliyev: “Elə edək ki, zabitlərimizi koronavirusa da düçar etməyək”

“Biz öncə də demişdik ki, yoluxma artıma doğru gedir. Hazırki rəqəmlərdən də bunu görə bilərik. Təəssüf ki, bu artım davam edəcək. İnsanlarda o qədər arxayınlıq yaranıb ki... Belə olsa, iki həftədən sonra daha pis nəticələri görə bilərik”. Sputnik Azərbaycan xəbər verir ki, bunu TƏBİB-in İnfeksiya xəstəlikləri üzrə işçi qrupunun rəhbəri Vasif Əliyev deyib.

O bildirib ki, yoluxmaların sayı gələcəkdə hərbi-zabit heyətinə də təsir göstərə bilər. “Xəstəxanalarda həkim, eyni zamanda çarpayı qıtlığına səbəb ola bilər. Bu problem bizim qələbə sevincimizə mənfi təsir edə bilər. Elə edək ki, koronavirusa zabitlərimizi də düçar etməyək. Sadəcə, fərdi məsuliyyətsizlik, arxayınlaşma yarandı. Baxmayaraq yumşalmalardan sonra təkrar artımın ola biləcəyin dəfələrlə qeyd etmişdik. İnsanlar təmasdan qaçmalıdırlar. Zəruri olmadıqca bir-birinin evinə getməməlidirlər. Qapalı məkanlarda maska mütləq istifadə etməlidirlər. Hal-hazırda kritik günlər yaşayırıq. Avropa ölkələrində ciddi nəzarət tədbirləri görülür. Əgər belə artım olsa, sərt karantin rejiminə keçilə bilər”.

Vasif Əliyevin fikirlərinə audiofaylda qulaq asa bilərsiniz

60
UNEC-in professoru Elnur Sadıqov

Professor: “Banklar bu əməliyyatlardan uzaq olsalar yaxşıdır”

129
Azərbaycan Dövlət İqtisad Universitetinin (UNEC) Maliyyə və maliyyə institutları kafedrasının professoru Elnur Sadıqov deyir ki, bankların yeganə problemi müştəri hesablarında təhlükəsizliyin təmin edilməsidir
Elnur Sadıqov: “Müştərilərin banklardan uzaqlaşacağı ilə bağlı nəzəriyyələr özünü doğrultmayıb”

Ənənəvi banklarla onlayn ödəmə platformları və elektron portmanatlarının rəqabəti getdikcə artaraq bankların müştəri cəlb etməsini çətinləşdirəcək. Bu barədə “Moody’s” beynəlxalq reytinq agentliyi tərəfindən “Qlobal rəqəmsallaşma pərakəndə ödəmələrdə ənənəvi bankların üstün mövqeyini sual altına qoyur” adlı hesabatda bildirilir.

Azərbaycan Dövlət İqtisad Universitetinin (UNEC) Maliyyə və maliyyə institutları kafedrasının professoru Elnur Sadıqov Sputnik Azərbaycan-a deyir ki, banklar bu gün kifayət qədər geniş elektron xidmətlər yerinə yetirir:

“Pandemiya səbəbindən bankların müştərilərlə apardığı əməliyyatlar azalıb. Ancaq bu, müştərilərin bir dəfəlik banklardan kənarlaşması demək deyil. Müasir texnologiyaların inkişafı müştərilərin daha geniş şəkildə bank xidmətlərindən istifadəsini zəruri edir. Bu gün bankların yeganə problemi müştəri hesablarında təhlükəsizliyin təmin edilməsidir. Müasir dövrdə elə əməliyyatlar var ki, banklar onlardan uzaq olsalar yaxşıdır. Müştərilərin banklardan uzaqlaşacağı ilə bağlı nəzəriyyələr özünü doğrultmayıb”.

Elnur Sadıqovun geniş şərhinə audiofaylda qulaq asa bilərsiniz

129
İşğaldan azad olunan Qubadlı şəhəri

Müdafiə Nazirliyi işğaldan azad olunan Qubadlı şəhərinin videogörüntülərini yaydı

64
(Yenilənib 00:22 27.10.2020)
Müdafiə Nazirliyi işğaldan azad edilmiş Qubadlı şəhərindən çəkilmiş möhtəşəm videogörüntünü ictimaiyyətə təqdim edib.

BAKI, 26 oktyabr - Sputnik. Azərbaycan Müdafiə Nazirliyi işğaldan azad olunan Qubadlı şəhərinin videogörüntüsünü yayıb.

Qeyd edək ki, Prezidenti İlham Əliyev oktyabrın 25-də "Twitter" hesabında yazdığı tvitdə Qubadlı şəhərinin Azərbaycan silahlı qüvvələri tərəfindən işğaldan azad edildiyini bildirib.

Sputnik Azərbaycan Müdafiə Nazirliyinin saytına istinadla Qubadlı şəhərindən çəkilmiş videogörüntünü təqdim edir.

64
Əlaqədar
Qubadlı rayonunun işğaldan azad olunan Padar kəndinin videogörüntüsü yayıldı
Qubadlının işğaldan azad olunan Xanlıq kəndindən möhtəşəm görüntülər - VİDEO