Публицист и драматург Эльчин Гусейнбейли

Yazıçı: “Uşaqlarda oxu mədəniyyətini formalaşdırmaq lazımdır”

137
(Yenilənib 17:21 12.12.2018)
Yazıçı Elçin Hüseynbəyli deyir ki, dövlət səviyyəsində diqqətin ayrılması uşaq ədəbiyyatının oxunmasına və genişlənməsinə yeni imkanlar açacaq
Elçin Hüseynbəyli: “Uşaqların sırf bədii ədəbiyyat oxuması vacib deyil”

Təhsil naziri Ceyhun Bayramov 2018-2019-cu dərs ilində “Ədəbiyyat biliciləri” müsabiqəsinin keçirilməsi barədə əmr imzalayıb.

Yazıçı Elçin Hüseynbəyli Sputnik Azərbaycan-a deyir ki, bu, çox yaxşı təşəbbüsdür:

“Uşaqlarda oxu mədəniyyətini formalaşdırmaq lazımdır. Sırf bədii ədəbiyyat oxuması vacib deyil. Biz də bu işdə öhdəmizə düşən nə varsa edərik. Bu gün də uşaq ədəbiyyatı yaranır, yeni nümunələr var. Ancaq bu sahəyə dövlət səviyyəsində diqqətin ayrılması uşaq ədəbiyyatının oxunmasına və genişlənməsinə yeni imkanlar açacaq”.

Yazıçının şərhinə audiofaylda qulaq asa bilərsiniz

137
Kamran Bayramov

Millət vəkilinin fikrincə, karantin qaydalarının pozumasına görə cəzalar sərtləşməlidir

17
Milli Məclisin deputatı Kamran Bayramov deyir ki, son günlərdə səsləndirilən rəqəmlər Azərbaycanda pandemiyanın ikinci dalğasınının olması ehtimalını ciddi şəkildə artırır
Kamran Bayramov: “Qanunvericilik çərçivəsində sərt addımların atılması zəruridir”

İnsanların kütləvi şəkildə toplaşdığı qapalı və açıq hava məkanlarında (ictimai nəqliyyat, ictimai iaşə və ticarət obyektləri, park və bulvarlar) karantin rejiminin tətbiqi ilə bağlı şərtlərə yenidən baxılmalı, əhali arasında sosial məsafə tələbi ən geniş şəkildə təbliğ olunmalı, tibbi maskalardan istifadə məcburiyyətə çevrilməli, bu qaydaların pozulmasına görə cəzalar sərtləşdirilməlidir. Sputnik Azərbaycan xəbər verir ki, bunu Trend-ə açıqlamasında Milli Məclisin deputatı Kamran Bayramov deyib.

Deputat bildirib ki, koronavirusun ölkəmizdə yayılması ilə bağlı hökumətin son günlərdə səsləndirdiyi rəqəmlər Azərbaycanda pandemiyanın ikinci dalğasının olması ehtimalını ciddi şəkildə artırır: “Əfsuslar olsun ki, karantin rejiminin yumşaldılmasını ölkəmizdə pandemiya təhlükəsinin tam səngiməsi, bu virusdan tam qurtulması kimi qəbul edənlər var və onların sayı da az deyil. Sosial şəbəkələrdə “koronavirus yoxdur”, “koronavirus siyasi-iqtisadi oyundur”, “koronavirus dövlətlərin vətəndaşlara qarşı repressiv tədbirlər görməsi üçün bəhanədir” kimi marazmatik açıqlamaları paylaşanlar da var. Onlar anlamırlar ki, bu cür fikir və bəyanatlar ictimaiyyətdə çaşqınlıq yaradır, aidiyyəti qurumlarımızın pandemiya ilə apardığı mübarizənin səmərəliliyinə təsir göstərir. Nəticədə bəzi insanlarımız belə yanlış fikirlərə inanaraq arxayınlaşır, sanitar-gigiyenik qaydalara məhəl qoymur, tibbi maskalardan və dezinfeksiya vasitələrindən istifadə etmirlər. Azərbaycan hakimiyyəti, dövlət qurumları və həkimlərin müstəsna əməyi nəticəsində koronavirusa yoluxma miqyasının maksimal dərəcədə məhdudlaşdırılmasına nail olunub. Lakin ölkədə pandemiyaya yoluxmaların sayının azaldılması və vəziyyətin nəzarətdə saxlanması üçün dövlət qurumları tərəfindən mövcud qanunvericilik çərçivəsində müvafiq sərt addımların atılması olduqca zəruridir”.

Kamran Bayramovun fikirlərinə audiofaylda qulaq asa bilərsiniz

17
UNEC-in professoru Elnur Sadıqov

Professor rəqəmsal iqtisadiyyatın önəmini şərh edir

8
(Yenilənib 10:04 26.05.2020)
Azərbaycan Dövlət İqtisad Universitetinin (UNEC) Maliyyə və maliyyə institutları kafedrasının professoru Elnur Sadıqov deyir ki, son dövrlər baş verənlər rəqəmsallaşmanın təhsildə, iqtisadiyyatın müxtəlif sahələrində, maliyyə sektorunda tətbiqinin zəruriliyini göstərdi
Elnur Sadıqov: “İnsanların məsafədən xidmətlərdən yararlanması önəmlidir”

“Azərbaycan yeni texnologiyalara, innovasiyalara hazırdır. Biz artıq bunun üçün əhəmiyyətli insan kapitalı yaratmışıq və bizim dövlət xidmətləri, sosial xidmətlərlə bağlı texnologiyalarımız bu gün bəzi başqa ölkələr tərəfindən istifadə olunur”. Bu fikirləri mayın 22-də Azərbaycan Respublikasının Prezidenti İlham Əliyev "Signify" (əvvəlki adı “Philips Lighting”) şirkətinin baş icraçı direktoru Erik Rondolat, MDB üzrə baş meneceri Erik Benedetti və “Signify” rəhbərliyinin digər nümayəndələri arasında keçirilən videokonfransda deyib.

Azərbaycan Dövlət İqtisad Universitetinin (UNEC) Maliyyə və maliyyə institutları kafedrasının professoru Elnur Sadıqov Sputnik Azərbaycan-a deyir ki, bu gün Azərbaycan rəqəmsal iqtisadiyyat modelinə keçib:

“Son dövrlər baş verənlər rəqəmsallaşmanın təhsildə, iqtisadiyyatın müxtəlif sahələrində, maliyyə sektorunda tətbiqinin zəruriliyini göstərdi. Bu gün insanların məsafədən xidmətlərdən yararlanması önəmlidir. Bu baxımdan Azərbaycan qısa müddət ərzində xidmətləri təkmilləşdirməyi və xidmətlərin fasiləsizliyini təmin etməyi bacarıb”.

Elnur Sadıqovun geniş şərhinə audiofaylda qulaq asa bilərsiniz

8
Əlaqədar
Prezident İlham Əliyev: "Müasir, qabaqlayıcı vasitələrə ehtiyacımız var"
Rövnəq Abdullayev: “Rəqəmsallaşma strateji inkişaf planımızda 2-ci yerdə dayanır”
Azərbaycanda rəqəmsal texnologiyanın inkişafına nə mane olur- IT mütəxəssisi danışır
ABŞ-Çin münasibətlərinin gərginləşməsi dünya üçün nə vəd edir – politoloq rəyi
Azərbaycanla Türkiyə bəzi mallara görə rüsumları sıfırlayacaqlar
Azərbaycan bayrağı

Azərbaycan Xalq Cümhuriyyətinin yaranmasından 102 il ötür

9
(Yenilənib 22:20 27.05.2020)
Azərbaycan Demokratik Respublikası gərgin və mürəkkəb ictimai-siyasi şəraitdə cəmi 23 ay fəaliyyət göstərə bildi.

BAKI, 28 may - Sputnik. Bu gün Azərbaycanda Respublika Günü qeyd olunur.

Sputnik Azərbaycan xəbər verir ki, 28 May 1918-ci il tarixində müsəlman Şərqində ilk dünyəvi demokratik dövlət olan Azərbaycan Xalq Cümhuriyyətinin yaranmasından 102 il ötür.

1990-cı ildən Respublika Günü dövlət bayramı kimi qeyd edilir.

Bakıda Azərbaycan Xalq Cümhuriyyətinin şərəfinə İstiqlal bəyannaməsi abidəsi ucaldılıb.

1917-ci ildə Rusiyada baş vermiş Fevral inqilabı nəticəsində Çar İmperiyası devrildi. Ölkədə çarizmin məzlum vəziyyətə saldığı xalqların milli hərəkatı başlandı. 1918-ci il mayın 28-də Azərbaycan Xalq Cümhuriyyəti (1918-1920) – müsəlman Şərqində ilk dünyəvi demokratik dövlət yaradıldı. Bu respublika azərbaycanlıları tarixi yaddaşında Azərbaycan dövlətçiliyinin ilk təcrübəsi kimi iz qoyub.

Məhəmməd Əmin Rəsulzadə tərəfindən əsası qoyulan Azərbaycan Xalq Cümhuriyyəti türk və İslam dünyasında ilk parlamentli respublika və ilk demokratik, hüquqi və dünyəvi dövlət nümunəsi idi.

Azərbaycan müvəqqəti hökumətinin ilk başçısı isə Fətəli Xan Xoyski idi. 10 gün Milli Şura Tiflisdə işlədikdən sonra Gəncəyə köçürülüb. Yalnız 1918-ci ilin sentyabrında Türkiyə ordusunun rəhbərliyi ilə – Bakı daşnak-rus qüvvələrdən təmizləndikdən sonra milli hökumət Gəncədən Bakıya köçdü.

Müstəqil Azərbaycan Cümhuriyyəti qısa ömründə böyük nailiyyətlər və qalibiyyətlər əldə edib. İlk dəfə qadınlara seçim hüququ tanıyan və qadın–kişi bərabərliyini təmin edən cümhuriyyət o cümlədən milli ordu, milli pul, demokratlaşma, milli bank, azad seçkilər, beynəlxalq əlaqələr və beynəlxalq ictimayyət tərəfindən Azərbaycan istiqlalının rəsmiyyətə tanınması, Azərbaycanın bütövlüyünü təmin etmək, iqtisadi islahat və s. müstəqil Azərbaycan Cümhuriyyəti təmin edib.

Azərbaycan Demokratik Respublikasını rəsmi surətdə tanıyan ilk dövlət Osmanlı dövləti olub (4 iyun 1918-ci ildə).

1918-ci il 9 noyabr tarixində M.Ə.Rəsulzadənin təklifi əsasında Azərbaycan Demokratik Respublikasının üç rəngli bayrağı qəbul edilib. O zamana qədər Azərbaycan Demokratik Respublikasının bayrağı qırmızı rəngdəydi.

Azərbaycan Demokratik Respublikası gərgin və mürəkkəb ictimai-siyasi şəraitdə cəmi 23 ay fəaliyyət göstərə bildi. Təəssüflər olsun ki, müstəqil Azərbaycan Cümhuriyyəti iki yaşına çatmadan bolşeviklərin hücumuna məruz qalıb müvəqqəti olaraq devrildi. Sovetlər Birliyi, Azərbaycanı məcburi surətdə öz tərkibinə daxil etdi. Bolşeviklər tərifindən devirlməsinə baxmayaraq, istiqlal ideyası yenilmədi və 1991-ci ildə Sovet İmperiyasının dağılması ilə Azərbaycan yenidən öz müstəqilliyini elan etdi.

9