Vikipediya-nın Azərbaycan üzrə koordinatoru Elnur Eltürk

Elnur Eltürk: “İstənilən şəxs Vikipediyada məqalə yarada bilər”

57
(Yenilənib 15:56 27.11.2018)
“Vikipediya”nın milli versiyasının koordinatoru Elnur Eltürk deyir ki, Azərbaycan sektorunda gündəlik olaraq 50-60 məqalə yaradılır

“Bu gün azərbaycandilli Vikipediyada böyük işlər görülür”. Bunu Sputnik Azərbaycan-a ölkəmizdə Vikipediyya sahəsindəki vəziyyət və görülən işlər haqqında danışarkən “Vikipediya”nın milli versiyasının koordinatoru, AMEA Mərkəzi Elmi Kitabxanasının şöbə müdiri Elnur Eltürk deyib.

Elnur Eltürk bildirib ki, komandamız bütün potensialı ilə ölkəmizdə Vikipediyanın inkişafına çalışır: “AMEA Mərkəzi Elmi Kitabxanasında Vikipediyanın şərtləri və prinsipləri, həmçinin məqalə yaradılması ilə bağlı  təlimlər keçilir. Bu gün yüzlərlə könüllümüz Vikipediyada fəaliyyət göstərir və məqalələr yaradırlar. Üç-dörd il öncə Vikipediyanın Azərbaycan sektorunda durğunluq var idi. Hazırda isə  gündəlik olaraq 50-60 məqalə yaradılır. İstənilən şəxs Vikipediyada məqalə yarada bilər. Burada əsas şərt məqalənin ensiklopedik olmasıdır. Əgər məqalə şərtlərə cavab vermirsə, müzakirəyə çıxarılır və səsvermə yolu ilə silinir. Onu da deyim ki, azərbaycandilli Vikipediyada 140 min məqalə var və onların hamısına nəzarət etmək çox çətindir. Bu gün ölkəmizdə Vikipediyaya nəzarət edən hansısa dövlət qurumu da yoxdur. Belə bir qurumun olması da Azərbaycandan Vikipediyaya girişin məhdudlaşdırılmasına səbəb ola bilər”.

Elnur Eltürkün geniş şərhinə audiofaylda qulaq asa bilərsiniz

57