Azərbaycan Yazıçılar Birliyinin mətbuat katibi Xəyal Rza Sputnik Azərbaycan-a deyir ki, Şərqin böyük şairi Nəsimin 650 illik yubileyi ərəfəsində belə bir festivalın keçirilməsi bütün ədəbiyyatsevərlərlə yanaşı, AYB-nin də ürəyincə olan layihə idi: “AYB-də bu layihədə yaxından iştirak etdi. Düşünürəm ki, bu layihə ilə qarşıya qoyulan hədəflərə çatıldı. Layihənin uğurla keçirilməsi növbəti illərdə də təşkil olunacağını düşünməyə əsas verir”.
Qeyd edək ki, Şərqin dahi şair və mütəfəkkirlərindən biri İmadəddin Nəsiminin (1369-1417) yaradıcılığına həsr olunan, şeir və sənətin yaşadılması məqsədi daşıyan festival Heydər Əliyev Fondunun təşkilatçılığı və Mədəniyyət Nazirliyinin dəstəyi ilə reallaşdırılıb.
Geniş şərhə audiofaylda qulaq asa bilərsiniz
