Sahib Məmmədov, hüquq müdafiəçisi

Ekspert: “ASAN xidmət” əlilliyi müəyyən edə bilməz”

298
(Yenilənib 16:55 04.06.2018)
Vətəndaşların Əmək Hüquqlarını Müdafiə Liqasının rəhbəri Sahib Məmmədov deyir ki, “ASAN xidmət” yalnız dövlət orqanlarının göstərdiyi xidmətləri özündə cəmləşdirir

Milli Məclis sədrinin birinci müavini Ziyafət Əsgərov parlamentin əlillik statusunun müəyyən edilməsinin “ASAN xidmət”ə verilməsini təklif edib. 

Vətəndaşların Əmək Hüquqlarını Müdafiə Liqasının rəhbəri Sahib Məmmədov Sputnik Azərbaycan-a deyir ki, “ASAN xidmət” yalnız dövlət orqanlarının göstərdiyi xidmətləri özündə cəmləşdirir:  “Dövlət orqanlarına yer verir və onların işinə nəzarət edir. Əlilliyi müəyyən etmək üçün “ASAN xidmət”də laborotoriya yaradılmalıdır? Bu, nazirliyin işidir.

“ASAN xidmət” əlilliklə bağlı hansısa yekun sənədi verə bilər. Əlilliyin müəyyən edilməsi üçün şəxs xəstəxanada yatmalıdır. Komissiya buna baxıb, sənədlər əsasında araşdırma aparmalıdır. Tibbi ekspert komissiyası buna baxmalıdır. Bunların hamısını “ASAN xidmət” edə bilməz. Əsas proses xəstəxanalarda və tibbi ekspert komissiyasında gedir”.

298