Millət vəkili Fəzail İbrahimli

Millət vəkili: “1918-ci ildə millətin şərəf ləyaqəti xilas edildi”

35
(Yenilənib 17:17 27.05.2018)
Millət vəkili Fəzail İbrahimli deyir ki, 1918-ci ilin 28 mayında elan olunmuş İstiqlal bəyannaməsi millətimizin tarixi addımı idi

Fəzail İbrahimli: “Cümhuriyyətin atdığı hər addım böyük maneələrlə qarşılaşırdı”
“Savadsız, ali təhsili olmayan, mart soyqırımının müsibətlərini yaşayan məmləkətin bir qrup ziyalısı Azərbaycan Xalq Cümhuriyyətinin yaranmasının elan etdi”. Sputnik Azərbaycanın məlumatına görə, bunu Azərbaycan Xalq Cümhuriyyətinin 100 illik yubileyi münasibəti ilə keçirilən dəyirmi masada millət vəkili Fəzail İbrahimli deyib.

Millət vəkili qeyd edib ki, o dövrün çətin şərtləri altında 1918-ci ilin 28 mayında elan olunmuş İstiqlal bəyannaməsi millətimizin tarixi addımı idi: 

“Həmən gün millətin şərəf və ləyaqəti xilas edildi. AXC-nin yaranması Tiflisdə elan olunmuşdu. Bunu elan edənlərin ölkəsində ermənilər, daşnak-bolşeviklər at oynadırdı. Cümhuriyyətin atdığı hər addım böyük maneələrlə qarşılaşırdı”.

Bu il Azərbaycan Xalq Cümhuriyyətinin yaranmasının 100 ili tamam olur. Prezident İlham Əliyev 2018-ci ili ölkəmizdə “Azərbaycan Xalq Cümhuriyyəti İli” elan edib.

Millət vəkilinin geniş şərhinə audiofaylda qulaq asa bilərsiniz

35

Professor: “Kripto valyutaya etibar yoxdur ən etibarsız valyutadır”

11
(Yenilənib 11:17 20.04.2021)
Azərbaycan Dövlət İqtisad Universitetinin (UNEC) Maliyyə və maliyyə institutları kafedrasının professoru Elnur Sadıqov deyir ki, kripto valyuta ətrafında belə gərgin vəziyyətin yaranacağı təsəvvür edilmirdi
Professor: “Kripto valyutaya etibar yoxdur və ən etibarsız valyutadır”

Türkiyə Mərkəzi Bankı ölkə ərazisində kriptovalyutanın maliyyə əməliyyatlarında qadağan edilməsi barədə qərar verib. Müvafiq qərar “Resmi Gazete”də dərc olunub.

Azərbaycan Dövlət İqtisad Universitetinin (UNEC) Maliyyə və maliyyə institutları kafedrasının professoru Elnur Sadıqov Sputnik Azərbaycan-a  deyir ki, kripto valyutaların dövriyyə buraxılması elektron pulların dövriyyəyə buraxılması kimi qiymətləndirilmişdi:  “Prosesin bu cür sürətli davam etməsindən sonra kimsə kripto valyuta ətrafında belə gərgin vəziyyətin yaranacağını təsəvvür etməzdi. Bu gün kripto valyutanın nə üçün dövriyyəyə buraxılması qeyri-müəyyəndir. Hazırda kripto valyutaların milli valyutalara təzyiqi olduğunu qeyd etməliyik. Mənim fikrimcə kripto valyutaya etibar yoxdur və bu ən etibarsız valyutadır. Çünki onu dövriyyəyə buraxan tərəf üzərinə hər hansı məsuliyyət götürmür”.

Elnur Sadıqovun geniş şərhinə audiofaylda qulaq asa bilərsiniz

11
Türkdilli Dövlətlərin Əməkdaşlıq Şurası Baş katibinin müavini Qismət Gözəlov

Qismət Gözəlov: “Media sahəsində əməkdaşlıq vacib istiqamətdir”

12
(Yenilənib 21:23 15.04.2021)
Türkdilli Dövlətlərin Əməkdaşlıq Şurası Baş katibinin müavini Qismət Gözəlov deyir ki, indiyə qədər təşkilat çərçivəsində bu sahədə əməkdaşlıq üzrə 4 sənəd imzalanıb
Qismət Gözəlov: “Bu sahənin nə qədər vacib olmasına Vətən müharibəsində şahid olduq”

“Türk Şurası Media və İnformasiya nazirləri və qurum rəhbərlərinin 3-cü iclasının Bakıda keçirilməsi təşəbbüsü təşkilata sədrlik edən Azərbaycan tərəfindən irəli sürülmüşdü”. Sputnik Azərbaycan xəbər verir ki, bunu Türkdilli Dövlətlərin Əməkdaşlıq Şurası Baş katibinin müavini Qismət Gözəlov deyib.

“Məqsəd üzv ölkələr arasında işbirliyi mexanizmini daha da möhkəmləndirməkdən ibarət idi. İndiyə qədər təşkilat çərçivəsində bu sahədə əməkdaşlıq üzrə 4 sənəd imzalanıb. Ümumiyyətlə media sahəsində əməkdaşlıq üzv ölkələr üçün vacib istiqamətdir. Bu sahənin nə qədər zəruri və vacib olmasına 44 günlük Vətən müharibəsində şahid olduq. Düşünürəm məhz bunun nəticəsi idi ki, iki ölkə arasında media platforması quruldu. Digər tərəfdən də məqsəd məhz bu əməkdaşlıq ruhunu, bu dinamizmi digər ölkələr arasında da inkişaf etdirməkdən ibarətdir. İclasın yekunlarına gəlincə isə, üzv ölkələrimiz arasındaki mövcud əməkdaşlıq mexanizmi daha da gücləndirilərək, Koordinasiya Şurası yaradıldı, 2021-2022-ci illər üzrə Fəaliyyət Planı qəbul edildi” – deyə Qismət Gözəlov bildirib.

Qismət Gözəlovun fikirlərinə audiofaylda qulaq asa bilərsiniz

12
Bakı məktəblərində əyani tədris prosesinin başlanması, 1 fevral 2021-ci il

Nazirdən məktəbəqədər təhsillə bağlı paylaşım

0
(Yenilənib 17:45 20.04.2021)
Layihə çərçivəsində valideynləri övladlarının 5 yaşına qədərki dövrünə dair müxtəlif mövzularda maarifləndirmək üçün ilk 5 il platforması yaradılıb.

BAKI, 20 aprel — Sputnik. Məktəbəqədər və ibtidai təhsilin yaxşılaşdırılması məqsədilə hazırda ölkəmizin 50 şəhər və rayonunda 466 mərkəzdə 9373 uşağı əhatə edən 500 icma əsaslı məktəbəqədər təhsil qrupu fəaliyyət göstərir. Sputnik Azərbaycan-ın xəbərinə görə, bu barədə təhsil naziri Emin Əmrullayev "Facebook" hesabında məlumat verib.

Xəbərdə qeyd edilir ki, bu icma əsaslı qruplarda ümumilikdə 486 nəfər müəllim çalışır. Layihə çərçivəsində valideynləri övladlarının 5 yaşına qədərki dövrünə dair müxtəlif mövzularda maarifləndirmək üçün ilk 5 il platforması yaradılıb. Layihə Heydər Əliyev Fondu, Avropa İttifaqı və UNİCEF-in dəstəyi ilə Təhsil İnstitutu tərəfindən həyata keçirilir.

0
Teqlər:
paylaşım, nazir, məktəbəqədər təhsil