Nazim Bəydəmirli: “Dövlət Gömrük Komitəsi ləğv olunmalıdır”
“Azərbaycanda gömrüyün büdcə ödəmələrinin əksəriyyəti əlavə dəyər vergisinin payına düşür”. Bunu Sputnik Azərbaycan-a açıqlamasında keçmiş deputat, iqtisadçı-ekspert Nazim Bəydəmirli deyib.
“Dünya ölkələrinin, təqribən 98 faizində gömrük komitəsi adında mərkəzi icra hakimiyyəti orqanı yoxdur. Gömrük xidməti mövcuddur və bu, müxtəlif qurumların tərkibindədir, əksər ölkələrdə Maliyyə Nazirliyinin bir departamenti kimi fəaliyyət göstərir. Bəzi ölkələrdə isə gömrük xidməti Vergilər Nazirliyinin tərkibindədir”, — deyə o bildirib.
