Rizvan Hüseynov: “Dağlıq Qarabağ münaqişəsinin hərbi yolla həll edilməsi hələ gündəmdədir”
“Siyasətçilər, diplomatlar Qarabağ münaqişəsinin həlli üçün səylərini ortaya qoysalar da heç nə əldə edilməyib”. Bunu Bakıya səfər edəcək erməni deputatların xalq diplomatiyasındakı rolunu Sputnik Azərbaycan-a şərh edərkən Qafqaz Tarix Mərkəzinin direktoru Rizvan Hüseynov deyib.
“Son iki-üç ildə diplomatiya yolu ilə münaqişənin həll olunacağına ümid etsək də, hələ də məsələnin hərbi yolla nizamlanması gündəmdədir. Münaqişənin hansı yolla edilməsindən asılı olmayaraq qarşı tərəflə görüşlər keçirilməlidir. 2016-cı ilin aprel döyüşlərindən sonra ermənilər də xalq diplomatiyasının əhəmiyyətini anlamağa başladılar” — deyə o bildirib.
