Cahid İsmayıloğlu: “Vətəndaşların ayıq-sayıq olması üçün maarifləndirmə işləri aparılmalıdır”
Bundan sonra telefon xətlərinə qanunsuz daxil olmaqla danışıqlar aparmaq cinayət məsuliyyəti deyil, inzibati məsuliyyət yaradacaq.
İKT üzrə ekspert Cahid İsmayıloğlu Sputnik Azərbaycan-a deyir ki, dünyada və ölkəmizdə telefon xətlərinə qanunsuz daxil olmaqla danışıqlar aparma tez-tez baş verən hallardır:
“Bu, əsasən xaricə edilən zənglərdə baş verir və bu zaman vətəndaş külli miqdarda ziyana düşür. Mobil operatorlar təhlükəsizlik xidmətlərini, tədbirlərini daha da gücləndirməlidirlər. Belə cinayətlərin texnoloji üsulları günü-gündən inkişaf edir. Eyni zamanda, maarifləndirmə işləri aparmaq lazımdır ki, vətəndaşlar ayıq-sayıq olsunlar” — deyə o bildirib.
