Микаил Джаббаров, министр образования Азербайджана

Cabbarov: “Çinin məktəblərimizə İKT dəstəyini yüksək qiymətləndiririk”

33
(Yenilənib 16:44 20.09.2017)
Azərbaycanın və Çin arasında İKT avadanlıqlarının təhvil verilməsi barədə akt imzalanıb

Mikayıl Cabbarov: “Region məktəblərinin İKT avadanlıqlarına olan ehtiyacını təmin etmək diqqət mərkəzindədir”
"Azərbaycan özünün təhsil sistemində informatika fəninin məzmununa yenidən baxır". Bu fikirləri təhsil naziri Mikayıl Cabbarov bildirib. Nazir deyib ki, İKT-nin tətbiqini genişləndirmək və region məktəblərinin İKT avadanlıqlarına olan ehtiyacını təmin etmək diqqət mərkəzindədir.

Sputnik Azərbaycan xəbər verir ki, sentyabrın 19-da Azərbaycanın Təhsil və Kənd Təsərrüfatı nazirlikləri ilə Çin Xalq Respublikasının İqtisadi Texniki Mübadilə üzrə Beynəlxalq Mərkəzi arasında İKT avadanlıqlarının təhvil verilməsi barədə akt imzalanıb.  

İKT avadanlıqlarının təhvil verilməsi barədə aktı Azərbaycan Respublikasının təhsil naziri Mikayıl Cabbarov, kənd təsərrüfatı naziri Heydər Əsədov və Çin Xalq Respublikasının Azərbaycan Respublikasındakı fövqəladə və səlahiyyətli səfiri Vey Cinxua imzalayıb. 

33
İqtisadçı-ekspert Rəşad Həsənov

Bank sektorunun şəffaflıq problemi nədən xəbər verir? iqtisadçı şərhi

11
(Yenilənib 14:33 04.08.2021)
İqtisadçı ekspert Rəşad Həsənov deyir ki, bankların verdiyi məlumatların böyük əksəriyyəti reallığı əks etdirməyib
Rəşad Həsənov: “Bəzi banklarda çox cidi likvidlik problemi yaşanır”

"S&P Global Ratings" ("S&P") reytinq agentliyi Azərbaycanın bank sektorunun yeni qiymətəndirməsini aparıb və "Banking Industry Country Risk Assessment" (BICRA) sisteminə görə ölkənin bank sistemini "9" qrupunda qərarlaşdırıb.

İqtisadçı ekspert Rəşad Həsənov Sputnik Azərbaycan-a deyir ki, son 5-6 ilin nəticələrinə baxdıqda bank sektorunda olan aktorların 20 faizinin bazardan kənarlaşdığını görürük: “2015-ci ilə qədər olan dövrdə bank sektorunda aqressiv kreditləşmə qabarıq şəkildə özünü büruzə verirdi. Sonradan baş verən proseslər göstərdi ki, bank sektoru üzərində nəzarət çox zəif təşkil edilib. Bankların verdiyi məlumatların böyük əksəriyyəti reallığı əks etdirməyib. Bu gün bank sektorunda şəffaflıqla bağlı risklər qalmaqdadır. Görünən odur ki, bəzi banklarda çox cidi likvidlik problemi yaşanır”.

Rəşad Həsənovun geniş şərhinə audiofaylda qulaq asa bilərsiniz

11
Politoloq Fikrət Sadıxov

Politoloq: “Şablona çevrilən izahatlar reallığı əks etdirmir”

16
(Yenilənib 12:37 04.08.2021)
Politoloq Fikrət Sadıxov deyir ki, İsrail və Qərb dövlətləri bu regionda təhlükəsizliyin təmin edilməsində maraqlıdır
Fikrət Sadıxov: “Bu, Qərblə İranın münasibətlərinin nəticəsidir”

Oman körfəzində İsrail şirkətinə məxsus neft daşıyan tankerin hücuma məruz qalmasında İran günahlandırılır. Arıq bir çox Qərb dövlətləri bununla bağlı İran hökumətini sərt tənqid edib.

Politoloq Fikrət Sadıxov Sputnik Azərbaycan-a deyir ki, bu cür hallar ilk dəfə deyil ki yaşanır və bu, Qərblə İranın münasibətlərinin nəticəsidir: “Ola bilsin ki, belə bir hadisənin baş verməsində İranın da əli və maraqları var. Ancaq şablona çevrilən izahatlar reallığı əks etdirmir. Əgər bunu İran edibsə, boynuna götürməlidir, kimdən çəkinməlidir axı?! Aydındır ki, tərəflər arasında qarşıdurma gedir. İsraili də başa düşmək olar. İsrail və Qərb dövlətləri bu regionda təhlükəsizliyin təmin edilməsində maraqlıdır”.

Fikrət Sadıxovun geniş şərhinə audiofaylda qulaq asa bilərsiniz

16
Təhsil naziri Emin Əmrullayev

Təhsil naziri narazı müəllimlərə cavab verdi

0
(Yenilənib 19:08 04.08.2021)
Emin Əmrullayev deyib ki, 30 baldan aşağı bal toplayan müəllimlər müəllim kimi işə qəbul olunmur. Müəllim əgər 30 baldan yuxarı toplayıbsa o, prinsipcə müəllim işləyə bilər.

BAKI, 4 avqust — Sputnik. Təhsil naziri Emin Əmrullayev özünün sosial şəbəkə hesabında Müəllimlərin İşə Qəbul İmtahanın ədalətsiz keçirilməsi ilə bağlı ittihamlara cavab verib. Sputnik Azərbaycan-ın məlumatına görə, nazir bildirib ki, namizədlər riyaziyyat və ingilis dili ixtisasları üzrə MİQ imtahanlarının çətinliyindən şikayətlənməkdə müəyyən qədər haqlıdırlar.

"Suallar çətin olub, amma imtahanlar ədalətsiz olmayıb. MİQ imtahanlarında ibtidai sinif üzrə 3 920 müəllim 41-60 bal aralığında nəticə göstərib. Ümumilikdə 402 nəfər 56-60 bal yığdığından onlar arasında rəqabət yaranacaq. Riyaziyyat fənni üzrə isə 3 nəfər 56-60 bal yığıb, amma ingilis dili fənni üzrə heç bir namizəd bu nəticəni göstərə bilməyib. Bu o demək deyil ki, həmin fənn müəllimlərinin biliyi zəifdir. Bütün bunlar ilkin nəticələrdir. Riyzaiyyat fənni müəllimləri başa düşməlidirlər ki, suallar çətin olsa da, imtahanlar ədalətsiz təşkil olunmayıb", - deyə nazir bildirib.

E.Əmrullayev onu da bildirib ki, 30 baldan aşağı bal toplayan müəllimlər müəllim kimi işə qəbul olunmur.

"Müəllim əgər 30 baldan yuxarı toplayıbsa o, prinsipcə müəllim işləyə bilər", - deyə nazir vurğulayıb. 

Nazir imtahan vaxtının uzadılması ilə bağlı təkliflərin dəyərləndiriləcəyini, müddətin artırılmasının mümkün olduğunu söyləyib və məktəblərdə vakant yerlərin gizlədilməsindən də danışıb. Onun sözlərinə görə, əgər kimdəsə belə fakt varsa nazirliyə müraciət edə bilər.

"Bu barədə bəzən media da yazır. Amma məktəbin adını qeyd etmir. Əgər düşünürsünüzsə ki, hansısa məktəblərdə vakant yerlər gizlədilib, bu barədə bizə məlumat verin. Məktəblərin adını qeyd edin, araşdıraq", - deyə nazir söyləyib.

Eləcə də oxuyun:

0
Teqlər:
nazir, təhsil, müəllim, məktəb, imtahan