Adil Zeynalov: “Zibilxanalar üçün yer ayrılanda qanunvericiliyin tələbləri pozulur”
Məişət tullantılarının idarə olunması məsələsi uzun illərdir Azərbaycan üçün aktual məsələdir. Sputnik Azərbaycan xəbər verir ki, bunu Ekologiya və Təbii Sərvətlər Nazirliyinin sektor müdiri Adil Zeynalov deyib.
“Böyük həcmdə olan tullantıların idarə olunması daha mükəmməl prinsiplər tələb edir. Bakıda məişət tullantılarının idarə olunmasında müəyyən irəliləyişlər əldə olunsa da, bu regionlarda hələ də problem olaraq qalır”.
“Regionlarda zibilxananlar heç bir sanitar və ekoloji normalara cavab vermir. Çünki regionlarda tullantıların zərərsizləşdirilməsi üçün yer ayrılanda qanunvericiliyin tələblərinə riayət olunmur. Buna görə də məişət tullantılarının ətraf mühitə mənfi təsiri artmaqda davam edir” – deyə o bildirib.
