Milli Məclisin deputatı Vahid Əhmədov

Deputat: “Pambıqçılıq ağır zəhmət tələb etsə də, vacibdir”

49
Milli Məclisin İqtisadi Siyasət, Sənaye və Sahibkarlıq komitəsinin üzvü Vahid Əhmədov deyir ki, indiki dövrdə Azərbaycan iqtisadiyyatının inkişaf etdirilməsi üçün pambıqçılığın böyük əhəmiyyəti var

Vahid Əhmədov: “Pambıqçılığın inkişafı yeni iş yerlərinin açılması baxımından əhəmiyyətlidir”
Azərbaycan prezidenti İlham Əliyev "Azərbaycan Respublikasında pambıqçılığın inkişafına dair 2017–2022-ci illər üçün Dövlət Proqramı"nın təsdiq edilməsi haqqında sərəncam imzalayıb.

Milli Məclisin İqtisadi Siyasət, Sənaye və Sahibkarlıq komitəsinin üzvü Vahid Əhmədov Sputnik Azərbaycan-a deyir ki, dövlət başçısının tapşırıqlarına uyğun olaraq son vaxtlar qeyri-neft sektorunun inkişafına diqqət artırılıb: “Bu baxımdan qeyri-neft sektorunun bir qolu olan kənd təsərrüfatının inkişafına da xüsusi qayğı göstərilir”.

“Vaxt var idi Azərbaycan pambıq istehsalına görə lider ölkələrdən biri olmuşdu. 2015-ci ildə Azərbaycanda 30 min, 2016-cı ildə isə 90 min ton pambıq istehsal olunub. 2017-ci ildə istehsalın 200-250 min ton olması planlaşdırılır. Pambığın istehsalının artırılması yeni iş yerlərinin açılması baxımından əhəmiyyətlidir. Pambığın istehsalı ağır zəhmət tələb etsə də, indiki dövrdə Azərbaycan iqtisadiyyatının inkişaf etdirilməsi üçün böyük əhəmiyyəti var” — deyə o bildirib.

49
Qurban Qurbanov, arxiv şəkli

Qurban Qurbanov: “Fikrimiz Azərbaycan əsgərlərinin yanındadır”

22
(Yenilənib 16:01 22.10.2020)
“Qarabağ” komandasının baş məşqçisi Qurban Qurbanov deyir ki, futbolçuları oyuna motivasiya etməyə çalışırıq
Qurban Qurbanov: ““Makkabi”nin yaxşı oyun fəlsəfəsi var”

“Rəqibimizin Çempionlar Liqasında həm Belarusun “Dinamo” (Brest), həm də Avstriyanın “Zaltsburq” komandaları ilə keçirdiyi matçları izləmişəm. Özünəməxsus oyun taktikası olan komandadır”.

Sputnik Azərbaycan xəbər verir ki, bu sözləri “Qarabağ”ın baş məşqçisi Qurban Qurbanov İsrailin paytaxtı Təl-Əvivdə “Makkabi”yə qarşı keçirəcəkləri UEFA Avropa Liqasının I qrupunun ilk tur matçı barədə danışarkən deyib.

O bildirib ki, rəqibin hansısa futbolçusunu fərqləndirmək istəmir: ““Makkabi”nin yaxşı oyun fəlsəfəsi var. Hazırda Qarabağda müharibə getdiyi üçün fikrimiz Azərbaycan əsgərlərinin yanındadır. Ordumuz torpaqlarımızın işğaldan azad olunması üçün mübarizə aparır. Hər gün cəbhədən xoş xəbərlər gəlir. Biz də futbolçularımızı oyuna motivasiya etməyə və sərfəli nəticə qazanmaq üçün əlimizdən gələni etməyə çalışırıq”.

Qeyd edək ki, bu gün “Blumfild” stadionunda keçiriləcək “Makkabi” – “Qarabağ” matçı Bakı vaxtı ilə saat 23:00-da başlayacaq.

Qurban Qurbanovun fikirlərinə audiofaylda qulaq asa bilərsiniz

22
Politoloq İlqar Vəlizadə

Politoloq: “Vaşinqton görüşü Minsk qrupunun sonrakı fəaliyyətinə təsir edə bilər”

47
(Yenilənib 10:22 22.10.2020)
Politoloq İlqar Vəlizadə deyir ki, ABŞ Minsk qrupunun həmsədr ölkəsi kimi münaqişənin həlli üçün təsirli rola malikdir
İlqar Vəlizadə: “ABŞ öz rolunda düzəlişlər etmək niyyətindədir”

Oktyabrın 23-də Azərbaycan Respublikasının Xarici İşlər naziri Ceyhun Bayramovun Vaşinqtonda Amerika Birləşmiş Ştatlarının Dövlət katibi Mayk Pompeo, eləcə də ATƏT-in Minsk qrupunun həmsədrləri ilə görüşünün keçirilməsi nəzərdə tutulur.

Politoloq İlqar Vəlizadə Sputnik Azərbaycan-a deyir ki, ABŞ münaqişənin gərgin mərhələsində öz rolunu dəqiqləşdirmək və düzəlişlər etmək niyyətindədir:

“Mayk Pompeo Ceyhun Bayramovla cari vəziyyəti və birgə addımların atılması haqqında müzakirələr aparacaq. ABŞ Minsk qrupunun həmsədr ölkəsi kimi münaqişənin həlli üçün təsirli rola malikdir. Bu görüş Minsk qrupunun sonrakı fəaliyyətinə də müsbət təsir edə bilər”.

Qeyd edək ki, sentyabrın 27-də Ermənistan silahlı qüvvələrinin cəbhə xətti zonasında yerləşən Azərbaycan Ordusunun mövqelərini və yaşayış məntəqələrimizi növbəti dəfə intensiv atəşə tutmasına və təcavüzkar əməllərini davam etdirməsinə cavab olaraq Silahlı Qüvvələrimiz Ali Baş Komandanın əmri ilə düşmənə qarşı indiyədək misli görünməmiş əks-hücum əməliyyatına başlayıb.

Politoloqun  geniş şərhinə audiofaylda qulaq asa bilərsiniz

47
Mövzu:
Azərbaycan və Ermənistan arasında müharibə
Əlaqədar
Hikmət Hacıyevdən Paşinyana cavab: Münaqişənin danışıqlar yolu ilə həllini dəstəkləyirik
Paşinyan indi də İranı Qarabağ münaqişəsinin həllinə çəkmək istəyir
Makron Putinə zəng etdi: Mövzu Qarabağdır
XİN: Ceyhun Bayramovun Vaşinqtonda Pompeo və həmsədrlərlə görüşü gözlənilir
İlham Əliyev: İndi baş verənlərin bütün təqsiri şəxsən Paşinyanın üzərindədir
Здание Конгресса США, фото из архива

Amerika Senatı Rusiyaya qarşı növbəti sanksiyaların tətbiqini tələb edib

0
(Yenilənib 08:27 23.10.2020)
Senatorlar dövlət katibi Mayk Pompeo və Maliyyə katibi Stefan Mnuçini rusiyalı bloger Aleksey Navalnının zəhərlənməsi ilə əlaqədar yaranmış vəziyyətə görə Rusiyaya qarşı sanksiya tətbiq etməyə çağırıb.

BAKI, 23 oktyabr - Sputnik. ABŞ-ın bir neçə senatoru dövlət katibi Mayk Pompeo və Maliyyə katibi Stefan Mnuçinə məktub ünvanlayıblar. Məktub rusiyalı bloger Aleksey Navalnının zəhərlənməsi ilə əlaqədar yaranmış vəziyyətə görə Rusiyaya qarşı sanksiya çağırışlarını özündə əks etdirir. 

Sputnik Azərbaycan RİA Novosti-yə istinadla xəbər verir ki, bu barədə “Bloomberg” nəşri məlumat yayıb. 

Məktubu Demokratlardan Ben Kardin, Dik Durbin, Kris Kuns, Respublikaçılardan isə Mitt Romni, Marko Rubio və Rojer Uiker imzalayıb. 

0