Elman Rüstəmov: “Müəyyən güclü inspulslar Azərbaycan iqtisadiyyatı üçün mənfi təsirlər, şoklar yaratdı”
Bütövlükdə bu dövrdə neft qiymətlərinin düşməsi nəticəsində Azərbaycan neft ixracından əldə etdiyi gəlirlərin üçdə ikisini itirib. Sputnik Azərbaycan xəbər verir ki, bunu Azərbaycan Mərkəzi Bankının (AMB) İdarə Heyətinin sədri Elman Rüstəmov deyib.
“Bu olduqca böyük itki idi. Müəyyən güclü inpulslar Azərbaycan iqtisadiyyatı üçün mənfi təsirlər, şoklar yaratdı. Azərbaycan hökumətinin və MB-nin bu şoklara reaksiyası iki cür oldu. Ölkənin strateji valyuta ehtiyatlarını və iqtisadi müstəqilliyini qoruyub saxlamaq üçün bütövlükdə fiskal yığcamlaşma və transferlərin azaldılması siyasətinə getdik. Çünki bu qaçılmaz idi və biz reaksiya verməli idik. Bu xarici şokun yumşaldılması üçün milli valyutanın dəyərinin mərhələli olaraq korreksiyası siyasəti seçildi” – deyə o bildirib.
