Fərasət Qurbanov: “Dövlətin vətəndaş cəmiyyətini inkişaf etdirmək üçün siyasi iradəsi var”
Bu gün vətəndaş cəmiyyətini QHT-lərsiz təsəvvür etmək mümkün deyil. Bunu Sputnik Azərbaycana açıqlamasında Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurası Katibliyinin icraçı direktoru Fərasət Qurbanov deyib:
“QHT vətəndaş cəmiyyətinin ən güclü institutlarından hesab olunur. Prezidenti yanında Qeyri-Hökumət Təşkilatlarına Dövlət Dəstəyi Şurası QHT sektorunun gücləndirilməsi, onları ictimai problemlərin həllinə cəlb etmək üçün müəyyən tədbirlər həyata keçirir”.
“Əgər 2008-2009-cu illərdə bu sahədə müəyyən təcrübəsizliklər müşahidə olunurdusa, artıq zaman keçdikcə QHT-lər də təcrübə toplayıb, təkmilləşirlər. 2007-ci ilə qədər bizim ölkədə QHT-lər tam şəkildə xarici donorlardan asılı olub. Preizdent İlham Əliyevin sərəncamı ilə 2007-ci ildə QHT-lərə dövlət dəstəyi konsepsiyası qəbul olundu. Bu da dövlətin QHT-lərin fəaliyyətində maraqlı olduğunu, vətəndaş cəmiyyətinin inkişafında siyasi iradəsinin olduğunu ortaya qoydu” – deyə o bildirib.
