Azər Rəşidoğlu

Ekspert: “ABŞ Rusiya arasındakı gərginliyin azalacağını düşünmürəm”

37
(Yenilənib 11:46 18.04.2017)
ABŞ-ın Suriyada atdığı son addımlar münasibətləri daha da gərginləşdirdi, ekspert belə hesab edir

Azər Rəşidoğlu: “Türkiyənin bu məsələdə hansı mövqe sərgiləyəcəyi maraqlıdır”
ABŞ-ın dövlət katibi Reks Tillerson Rusiyaya səfər edib. Səfər zamanı Tillerson Rusiya prezidenti Vladimir Putin və bu ölkənin XİN rəhbəri Sergey Lavrovla müxtəlif mövzularda danışıqlar aparıb.

Siyasi şərhçi, “Tolerantlıq” Sosial Araşdırmalar Birliyinin sədri Azər Rəşidoğlu deyir ki, bu görüşün ABŞ və Rusiya arasındakı gərginliyi azaldacağını düşünmür: “Məsələ ondadır ki, Suriya məsələsində tərəflərin maraqları toqquşur. ABŞ-ın Suriyada atdığı son addımlar münasibətləri daha da gərginləşdirdi. Digər tərəfdən, Şimali Koreya məsələsində də ABŞ-ın ora hansısa formada hərbi müdaxiləsi gözlənilir”.

“Tərəflərin həll edə bilmədiyi münaqişələr mövcuddur. Bu baxımdan Moskva və Vaşinqton arasındakı buzların əriyəcəyini ehtimal etmək hələ tezdir” – deyə o bildirib.

37
Mübariz Əhmədoğlu, politoloq

Politoloq: “İran ABŞ-ın şərtlərinə əməl etsə, münasibətlər normallaşa bilər”

17
(Yenilənib 14:59 23.11.2020)
Politoloq Mübariz Əhmədoğlu deyir ki, bu iki ölkənin gələcək münasibətlərindən danışarkən İranın iqtisadi cəhətdən geriləməsini kənara qoymaq olmaz
Mübariz Əhmədoğlu: “Bayden prezident kürsüsündə oturan kimi İranı təhlil edəcək”

ABŞ rəhbərliyi ölkəsinin təktərəfli sanksiyalarına şamil olan İran fiziki və hüquqi şəxslərinin siyahısını növbəti dəfə genişləndirib. Bu barədə ABŞ Maliyyə Nazirliyi bildirib.

Politoloq Mübariz Əhmədoğlu Sputnik Azərbaycan-a deyir ki, ABŞ-ın İrana qarşı siyasətini  nəzərdən keçirərkən 4 il əvvəl Trampın hakimiyyətə gəldiyi dövrü xatırlamaq lazımdır:

“Tramp elə vəziyyət yaradır ki, Bayden hakimiyyətə gəlsə də, yeni administrasiya İranla münasibətləri normallaşdırmağa çətinlik çəksin. Bu iki ölkənin gələcək münasibətlərindən danışarkən İranın iqtisadi cəhətdən geriləməsini kənara qoymaq olmaz. Bayden prezident kürsüsündə oturan kimi İranı təhlil edəcək. O, İranın qarşısına şərt qoyacaq ki, bu ölkə qonşu dövlətlər üçün təhlükə yaratmasın. İran Baydenin şərtlərini qəbul etsə, ABŞ İranla əməkdaşlıq edə bilər”.

Mübariz Əhmədoğlunun geniş şərhinə audiofaylda qulaq asa bilərsiniz

17
Teqlər:
normallaşma, şərtlər, münasibətlər, İran, ABŞ
Adil Qeybulla

Professor yoluxma sayındakı artımların səbəblərini açıqlayır

39
(Yenilənib 11:00 23.11.2020)
Professor, həkim Adil Qeybulla deyir ki, virusa yoluxmuş bir şəxsin qapalı bir məkanda maskasız olması oradakı hər kəsin yoluxması üçün yetərlidir
Adil Qeybulla: “Pandemiya əleyhinə tədbirlərə ciddi riayət etmək lazımdır”

Edilən müraciətlərdən də görürük ki, yoluxma halları daha çox yas mərasimlərində olur. Bunu TƏBİB-in İnfeksiya xəstəlikləri üzrə işçi qrupunun rəhbəri Vasif Əliyev deyib.

Professor, həkim Adil Qeybulla Sputnik Azərbaycan-a deyir ki, yoluxma sayındakı artımların səbəbi ilə bağlı aparılan təhlillər pandemiya əleyhinə tədbirlərin pozulduğunu göstərir:

“Virusa yoluxmuş bir şəxsin qapalı bir məkanda maskasız olması oradakı hər kəsin yoluxması üçün yetərlidir. Pandemiya əleyhinə tədbirlərə ciddi riayət etmək lazımdır. Əgər tədbirlərə əməl edilsə, pandemiya ilə paralel yaşaya bilərik. Xüsusən də əhali arasında təbliğat işləri artırılmalıdır”.

39
Teqlər:
səbəb, artım, yoluxma, Koronavirus, epidemiya, COVID-19, Azərbaycan

Kafe restoranlarda karantin tələblərinin tətbiqi üzrə əlaqələndirici şəxs olacaq

0
(Yenilənib 23:47 23.11.2020)
İctimai iaşə müəssisələrində COVİD-19-la əlaqədar karantin tələblərinin tətbiqi üzrə əlaqələndirici şəxs olacaq.

BAKI, 24 noyabr - Sputnik. “Koronavirus (COVID-19) pandemiyası dövründə ictimai iaşə müəssisələrinə müştəri qəbulu ilə bağlı bəzi məsələlərin tənzimlənməsi barədə” Azərbaycan Respublikası Nazirlər Kabinetinin 2020-ci il 6 iyul tarixli 237 nömrəli Qərarına edilən dəyişikliyə əsasən hər bir ictimai iaşə müəssisəsi tərəfindən karantin tələblərinin tətbiqi üzrə əlaqələndirici şəxs müəyyənləşməlidir.

Sputnik Azərbaycan-ın məlumatına görə, bu barədə Nazirlər Kabinetinin qərarına dəyişiklik edilib. 

Dəyişikliyə əsasən, karantin tələbləri üzrə əlaqələndirici (məsul) şəxs funksiyaları ictimai iaşə müəssisəsinin işçilərindən birinə həvalə edilir. Bu təyinat müəssisədaxili rəsmiləşdirilməlidir.

Həmin məsul şəxs epidemiya əleyhinə mövcüd tələblərin müəssisədə tətbiqinin təşkili, bu tələblərin yerinə yetirilməsinə yerində nəzarəti həyata keçirməklə bərabər nəzarətedici dövlət qurumları ilə qarşılıqlı fəaliyyətdə əlaqələndirici olacaq, müəssisənin işçilərini təlimatlandıracaq, dezinfeksiya tədbirlərini təşkil edəcək, bu tədbirlərin müəssisədaxili qeydiyyat formaları və cədvəllərini tərtib edəcək, icrasına müəssisə daxilində nəzarət edəcək.

Məsul şəxs koronavirusla (COVID-19-la) mübarizə ilə bağlı xəbərdaredici məlumatların qonaqlara, işçi heyətə və digər əlaqəli tərəflərə çatdırılmasını təmin etməlidir. Eyni zamanda məsul şəxs bütün təmizlik və dezinfeksiya tədbirlərinin davamlı olaraq qeydiyyatının aparılması üçün gündəlik müntəzəm nəzarət formalarını, habelə keyfiyyətə nəzarət cədvəllərini tərtib etməli və onların icrasına nəzarəti həyata keçirməlidir.

0