Təhsil məsələləri üzrə ekspert Etibar Əliyev deyir ki, məktəblərdə psixoloqların fəaliyyəti çox da nəzərə çarpmır: “Onlar dərs prosesində və ya fakultətiv məşğələlərdə normal şəkildə psixoloji işlər apara bilmirlər. Bu əksər məktəblərdə belədir. Bizim ali məktəblərin tədris prosesi normal psixoloq yetişdirə bilmir. Çox təəssüflər olsun ki, bu məsələlər təkcə psixoloqlarla bağlı da deyil”.
“Yuxarı sinif şagirdləri istədikləri informasiyaları internetdən sərbəst şəkildə əldə edirlər. Bunun özünün də çox mənfi tərəfləri var. Burada valideynlərin rolunu kiçiltmək olmaz. Valideynlər övladlarının sosial şəbəkələrdən istifadə məsələlərinə diqqət yetirməlidirlər. Belə halların qarşısını almaq üçün geniş maarifçilik işləri görülməlidir. Nazirlik nümayəndələri, ekspertlər məktəblərə getməlidirlər. Rayon mərkəzlərində tədbirlər keçirilməlidir. Bu cəmiyyətin, təhsilin tabe olduğu digər qurumların ümumi problemidir” — deyə o bildirib.
