Media eksperti Müşfiq Ələsgərli deyir ki, Mətbuat Şurasının müraciətində cəbhə ilə bağlı məlumatların verilməməsi ilə bağlı şərt yoxdur: “Cəbhə ilə bağlı məlumatların verilməsi lazımdır ki, insanlar nə baş verdiyinin fərqinə varsınlar. Mətbuat Şurası gündəlik monitorinqlər apararaq hansı tipli informasiyaların verilməsinə aydınlıq gətirib”.
“Ermənilər təxribatçı informasiyaları dövriyyəyə buraxırlar. Bizim bəzi KİV-lər də dəqiqləşdirilməmiş informasiyaları yayırlar. Belə informasiyaların araşdırılmasına və müvafiq orqanlarla dəqiqləşdirilməsinə ehtiyac var. Eyni yanaşma xarici KİV-lərdə gedən məlumatlara da aiddir. Transmilli KİV-lər müharibələri informasiya baxımından idarə edirlər. Gözümüzün qarşısında baş verən İraq, Əfqanıstan müharibələri, Ərəb ölkələrində baş verən hadisələr buna bariz nümunədir” – deyə o bildirib.
