Amsterdam

Niderland da Avropa Birliyindən çıxmağa hazırlaşır

77
(Yenilənib 11:31 29.08.2016)
Sağ təmayüllü "Azadlıq uğrunda" partiya Brexit kimi Avropa Birliyindən çıxmaq haqqında qanun layihəsi hazırlayıb.

Niderland da Avropa Birliyindən çıxmağa hazırlaşır
BAKI, 29 avq-Sputnik. Artıq Niderland da Britaniyanın yolu ilə gedərək Avropa Birliyindən çıxmaq üçün eyniylə Brexit kimi referendum keçirməyə hazırlaşır. Ekspert Konstantin Voronov Sputnik radiosunun efirində deyib ki, artıq Avropada inteqrasiya layihəsinə yenidən baxmağın vaxtı çatıb.

Niderlanda sağ təmayüllü "Azadlıq uğrunda" partiya Brexit kimi AB-dən çıxmaq haqqında qanun layihəsi hazırlayıb. Partiyanın lideri Gert Vildersin sözlərinə görə, bunun ardınca ölkəsi Moskvayla əlaqələri bərpa edə və sanksiyaları götürə bilər.

"Brüssel bizə kiminlə siyasi və iqtisadi əlaqələr qurmağı diqtə edə bilməz. Rusiya ilə əlaqələrin bərpası bu ölkə ilə ənənəvi ticarət əlaqələri olan Niderland üçün prioritet məsələdir", — Vilders bu fikirləri "İzvestiya" qəzetinə açıqlamasında deyib.

Siyəsətçi hesab edir ki, Britaniyadakı kimi birlikdə çıxmağı qarşıya məqsəd qoymuş Brexit yaxın vaxtlarda, yəni gələn ilin mart ayında baş tutacaq parlament seçkilərinə qədər reallaşmalıdır. Vildersin qənaəti belədir ki. Brüssel həmişə yalnız öz maraqlarından çıxış edir və başqalarının fikirlərini eşitməzdən gəlir. O, Avropa Birliyini başqalarının ərazilərini işğal edən "monstr" adlandıraraq deyib ki, birlik demokratiya və identikliyi, sosial sistemi darmadağın edib.

Avropada regional problemlər və konfliktlər üzrə ekspert Konstantin Voronov Sputnik-in efirində bildirib ki, "Azadlıq uğrunda" partiya reytinqinə görə ölkənin üçüncü siyasi gücü hesab olunur və artan seçici dəstəyindən istifadə edir.

"Referendum keçirilməsinə nail olmaq bu partiyanın onu cəlbedici edən ideyasını həyata keçirməsindən asılıdır. Brexit-dən sonra belə bir sual gündəmə gəlib: bu ayrıca götürülmüş ölkədə baş verən hadisədir, yoxsa, domino effekti verərək bütün Avropa Birliyini əhatə edə biləcək yeni tendensiyadır. Niderlandlılar bir qayda olaraq Avropada mərkəzdənqaçma ideyasının əsas hərəkətverici qüvvəsi olublar", — deyə Konstantin Voronov bildirib.

Onun sözlərinə görə, niderlandlılar artıq belə bir qənaətə gəliblər ki, AB yerində sayır.

"Görünən odur ki, holland elektoratı belə formalı inteqrasiya qane etmir, daha doğrusu bu proses onlar üçün əlavə yükə çevrilib. Britaniyadakı referendumdan sonra Avropada inteqrasiya layihələrinə yenidən baxılmağa başlayıb. Baxmayaraq ki, Niderland Avropa Birliyinin yaradılmasında iştirak etmiş mühüm tərəflərdən biridir, amma onlar bu prosesin özünü doğrultmadığı qənaətinə gəliblər, — deyə ekspert bildirib.

Ekspertin fikrincə, Brüsselin proseslərə münasibəti mərkəzdənqaçma prosesinin daha da sürətlənməsi ilə nəticələnə bilər.

"Bu, digər tərəfdən müəllifi Angela Merkel olan miqrantlar üçün açıq qapı siyasətinin böhranından da irəli gələ bilər. Eyni zamanda AB-nin inteqrasiya institutlarının işinin özünü doğrultmaması da əsas amillərdən biri kimi nəzərdən keçirilə bilər. Bu amillər sırasına avrozonanı sarmış böhranı da əlavə edə bilərik. Belə olan halda beynəlxalq əmək bölgüsündə konkret çəkisi olan ölkələr hiss edirlər ki, onlar hər hansı inteqrasiya dəstəyi olmadan da ötüşə bilərlər. Məhsul, xidmət, kapital və insanların sərbəst hərəkətini nəzərdə tutan "dörd qat azadlıq" problemini isə elə Avropa iqtisadi məkanı çərçivəsində həll etmək mümkündür. Amma xarici siyasət məsələsində ortaq məxrəcdən çıxış etmək artıq öz effektini vermir", — deyə Konstantin Voronov bildirib.

77
Teqlər:
Gert Vilders, Konstantin Voronov, Azadlıq uğrunda, Brexit, Avropa Birliyi, Gert Vilders, Niderland, Brüssel
Enerji məsələləri üzrə ekspert, fəlsəfə doktoru Emin Axundzadə

Ekspert Azərbaycan qaz ixracatındakı artımın səbəblərini açıqlayır

2
(Yenilənib 16:51 16.06.2021)
Energetika üzrə ekspert, beynəlxalq əlaqələr üzrə fəlsəfə doktoru Emin Axundzadə deyir ki, bütün bunlar hasilatın artımı ilə yanaşı ixracın artmasına da səbəb ola bilər
Emin Axundzadə: “Hasilatın ildən-ilə artdığını müşahidə edirik”

Bu ilin yanvar-may aylarında Azərbaycan 1 335 749,12 min ABŞ dolları dəyərində 9 174 562,13 min kubmetr təbii qaz ixrac edib. Bu ilin ilk beş ayı ərzində Azərbaycanın ixrac etdiyi təbii qazın dəyəri 2020-ci ilin müvafiq dövrünün göstəricisi ilə müqayisədə 28,6%, həcmi isə 68% artıb.

Energetika üzrə ekspert, beynəlxalq əlaqələr üzrə fəlsəfə doktoru Emin Axundzadə Sputnik Azərbaycan-a deyir ki, qaz ixracında artımın səbəbi 2020-ci ilin sonunda TAP boru kəmərinin istismara verilməsi və bu çərçivədə Azərbaycan qazının Avropa bazarına nəqlinə başlanmasıdır: “Digər tərəfdən Şahdəniz-2 layihəsi vasitəsilə 2018-ci ilin iyunundan kommersiya məqsədli təbii qazın nəqlinə başlandı. Hazırda bu layihə çərçivəsində hasilatın ildən-ilə artdığını müşahidə edirik. Digər tərəfdən 2020-ci ilin mayından Ümid yatağında iki quyunun qazılmasına başlandı. Bununla həmin yataqda hasilatın 50 faiz artacağı gözlənilir. Bütün bunlar hasilatın artması ilə yanaşı ixracın artması ilə də nəticələnə bilər”.

Emin Axundzadənin geniş şərhinə audiofaylda qulaq asa bilərsiniz

2
Millət vəkili, politoloq Arzu Nağıyev

Millət vəkili: “Şuşa Bəyannaməsinin imzalanması əhəmiyyətlidir”

6
(Yenilənib 14:46 16.06.2021)
Millət vəkili Arzu Nağıyev deyir ki, iki dövlətin də təhlükəsizliyinə hər hansı təhdid olacaqsa, onlar bir-birinin yanında olacaq
Arzu Nağıyev: “Ortaq mövqeyin ifadə edilməsi təhlükəsizlik üçün vacibdir”

İyunun 15-də Türkiyə Respublikasının Prezidenti Rəcəb Tayyib Ərdoğan Ermənistanın işğalından azad olunan Şuşa şəhərinə tarixi səfər edib və Qarabağın ürəyi olan Şuşada tarixi bəyannaməyə imza atılıb. Azərbaycan üçün çox önəmli bir tarixdə - Milli Qurtuluş Günündə, Qars müqaviləsindən yüz il sonra iki dost və qardaş ölkə arasında imzalanan müttəfiqlik münasibətlərinə dair Şuşa Bəyannaməsini prezidentlər İlham Əliyev və Rəcəb Tayyib Ərdoğan imzalayıblar.

Millət vəkili Arzu Nağıyev Sputnik Azərbaycan-a deyir ki, bu Bəyannamənin imzalanması çox əhəmiyyətlidir: “Burada bir çox önəmli sahələrlə bağlı məqamlar yer alıb. Əsas məsələ odur ki, iki dövlətin də təhlükəsizliyinə hər hansı təhdid olacaqsa, onlar bir-birinin yanında olacaq. Bu, bəyannamənin ən mühim məqamlarından biridir. Zəngəzur dəhlizi və ordu quruculuğu ilə bağlı ortaq mövqeyin ifadə edilməsi həm regional, həm də beynəlxalq təhlükəsizliyin təmin edilməsi baxımından vacibdir”.

Millət vəkilinin geniş şərhinə audiofaylda qulaq asa bilərsiniz

6
Mövzu:
Ərdoğanın Azərbaycana, Şuşaya səfəri