ABŞ-ın Nyu-Meksiko ştatında B61-12 bombasının maketinin test sınaqları. Arxiv şəkli

Amerika yeni bomba hazırladı: Rusiya təhlükəni öyrənir

227
(Yenilənib 11:10 04.08.2016)
ABŞ-ın B-61-12 modernləşdirilmiş atom bombası yaratması dünyada nüvə balansını poza bilər.

Amerika yeni bomba hazırladı: Rusiya təhlükəni öyrənir
BAKI, 3 avq-Sputnik. ABŞ Nüvə Təhlükəsizliyi Milli İdarəsi (NNSA) B-61-12 modernləşdirilmiş atom bombasının istehsala hazırlıq mərhələsinə keçməsinə göstəriş verib. Proqramın mühəndis mərhələsi üzərində iş dörd il ərzində həyata keçirilib. Kütləvi istehsalın isə 2020-ci ildə başlayacağı planlaşdırılır.

Rusiyada Amerika nüvə silahının yenilənməsinin nüvə bərabərliyinə təsiri və zərurət yarandıqda onu minimuma endirmək üçün tədbirlər araşdırılır.

"B-61-12"in modernləşdirilməsi

ABŞ strateji nüvə qüvvələrinə aid B61 silahı 1960-cı ildən buraxılır. NNSA-da bildiriblər ki, ölkə arsenalında ən köhnə komponent bazası onlardadır və bu yenilənmə onun ömrünü daha 20 il uzatmağa imkan verəcək.

B61-in yeni versiyasının yaradılmasına dörd il vaxt sərf olunub. O, köhnə bombaları əvəz edəcək və strateji bombardmançılardan başqa, taktiki aviasiya təyyarələrində də istifadə olunacaq.

2020-ci ildən ABŞ B61-12 bombasını sursatın köhnə növləri yerləşən Avropa bazalarına yerləşdirməyi planlaşdırır.

Modernləşmənin mahiyyəti

Geosiyasi Problemlər Akademiyasının prezidenti, hərbi elmlər doktoru Konstantin Sivkov hesab edir ki, yeni B61-in çatdırılma prosesi bir il yarıma başlaya bilər, çünki onlar bombanın özünü dəyişmirlər, sadəcə onun müxtəlif bloklarını və korpusunu təkmilləşdirirlər.

Sivkovun sözlərinə görə, yeni modifikasiya inanılmaz dərəcədə dəqiqliyi ilə fərqlənir, onun hədəfdən yayınması bir neçə metr təşkil edir. Bu, ABŞ-a böyük dərinliklərdəki qorunan komanda punktlarına dəqiq zərbələr endirməyə imkan verəcək.

Ekspert hesab edir ki, Rusiyanın yalnız bir əks-tədbiri ola bilər — "İskəndər" raket kompleksi üçün nüvə başlığı yaratmaq, başqa effektiv cavab yoxdur.

Nüvə balansına təsir

Rusiya prezidentinin mətbuat katibi Dmitri Peskov bildirib ki, Amerika Birləşmiş Ştatlarının B61-12 bombasının istehsalına başlaması ilə bağlı təhlükəni mütəxəssislər qiymətləndirməlidirlər. Rusiya Federasiyasının müdafiə və təhlükəsizlik komitəsinin başçısı Viktor Ozerovun sözlərinə görə isə, rus mütəxəssislər təhlükənin dərəcəsini təhlil edərək onu minimuma endirmək üçün zəruri addımlar atacaqlar.

Ozerov qeyd edib ki, silahın modernləşdirilməsi beynəlxalq öhdəliklərə zidd deyil, lakin ABŞ-ın yeni silah başlıqları ilə təchizatı nüvə balansını poza bilər.

Rusiya Elmlər Akademiyasının Hərbi-Siyasi Araşdırmalar Mərkəzinin rəhbəri Vladimir Batyuk isə bildirib ki, ABŞ öz hərbi arsenalını yeniləyən yeganə ölkə deyil, Rusiya da belə davranır. Onun sözlərinə görə, Vaşinqton bundan sonra da Rusiya ilə strateji nüvə bərabərliyinə çalışacaq, çünki bu, dünyadakı strateji sabitliyin əsasını təşkil edir.

227
Teqlər:
İskəndər, Konstantin Sivkov, ABŞ Nüvə Təhlükəsizliyi Milli İdarəsi, Dmitri Peskov, nüvə, Rusiya, ABŞ
Əlaqədar
"Bir güllə belə, atmadan İranın nüvə proqramını həll etdik"
Putin: İran tərəfdən nüvə təhdidi yoxdur
Nüvə Təhlükəsizliyi Sammiti başlayıb
Amerika hərbçiləri nüvə raketini əllərindən salıblar
Kerri: İrandakı “Ərak” nüvə reaktorunun işi dayandırılıb
“Atlas” Araşdırmalar Mərkəzinin rəhbəri Elxan Şahinoğlu

Politoloq: “İrandan silah alacaq ölkələr ABŞ sanksiyaları ilə üzləşə bilər”

35
(Yenilənib 10:24 21.10.2020)
“Atlas” Araşdırmalar Mərkəzinin rəhbəri, politoloq Elxan Şahinoğlu deyir ki, silah embarqosunun ləğvinə baxmayaraq hansısa ölkənin İrandan silah alacağına inanmır
Elxan Şahinoğlu: “İran müasir silah texnologiyaları almağa çalışacaq”

“Silah embarqosunun ləğvindən sonra rəsmi Tehran silah almağı yox, əksinə, külli miqdarda silah satmağı planlaşdırır”. Bunu İranın Müdafiə naziri, briqada generalı Əmir Hatəmi bildirib.

“Atlas” Araşdırmalar Mərkəzinin rəhbəri, politoloq Elxan Şahinoğlu Sputnik Azərbaycan-a deyir ki, İranın hər zaman müasir silah texnologiyalarına ehtiyacı olub və indi də var:

“Silah embarqosunun ləğvinə baxmayaraq hansısa ölkənin İrandan silah alacağına inanmıram. Bunun nəticəsi olaraq həmin ölkələr ABŞ sanksiyaları ilə üzləşə bilər. Bununla belə İran özünə tərəfdar qrupları silahlandırmağa davam edəcək. İran çalışacaq ki, Rusiyadan və ya hansısa Avropa ölkəsindən müasir silah texnologiyaları alsın. Problem burasındadır ki, hazırda İran iqtisadiyyatı ağır günlərini yaşayır və hansı pulla bu texnologiyaların idxal ediləcəyi sual altındadır”.

Elxan Şahinoğlunun geniş şərhinə audiofaylda qulaq asa bilərsiniz

35
Təhsil eksperti Kamran Əsədov

Ekspert: "Azərbaycan təhsili 28 ildir müharibənin ağrısını hiss edirdi"

38
(Yenilənib 10:20 20.10.2020)
Təhsil eksperti Kamran Əsədov deyir ki, ordumuzun keçirdiyi əks-hücum əməliyyatları düşmən tərəfini daha da azğınlaşdırıb
Kamran Əsədov: “Torpaqlarımızın azad edilməsi təhsilimizə müsbət təsir göstərəcək”

Sentyabrın 27-dən başlayan düşmən hücumları nəticəsində 40-a yaxın məktəb dağıntılara məruz qalıb. Bunu Təhsil naziri Emin Əmrullayev Operativ Qərargahın brifinqində deyib.

Təhsil eksperti Kamran Əsədov Sputnik Azərbaycan-a deyir ki, Azərbaycan təhsili 28 ildir müharibənin təsirini, ağrısını hiss edirdi:

“Cəbhəyanı ərazilərimizdəki təhsil müəssisələri mütəmadi olaraq düşmənin hədəfinə çevrilirdi. Hazırda ordumuzun keçirdiyi əks-hücum əməliyyatları düşmən tərəfini daha da azğınlaşdırıb. Onlar yenə də məktəbləri, sivil yaşayış məntəqlərini mütəmadi atəşə tuturlar. Ordumuzun torpaqları işğaldan azad etməsi Azərbaycan təhsilinə psixoloji olaraq müsbət təsir göstərəcək”.

Kamran Əsədovun geniş şərhinə audiofaylda qulaq asa bilərsiniz

38
Mövzu:
Azərbaycan və Ermənistan arasında müharibə
Əlaqədar
Ekspert: “Yeni təhsil ili kirayə mənzil bazarında aktivlik yaratmayıb”
Nazirdən sabah ad günü olacaq Nigarla bağlı paylaşım
Gəncədə orta məktəb ciddi dağıntılara məruz qalıb - Nazirlik
Nazir icazə verdi: Repetitorlar fəaliyyətlərini davam etdirə bilərlər
Müharibəyə gedən tələbələrin aqibəti necə olacaq? Nazir açıqladı
Kompüter arxasında qız, arxiv şəkli

Azərbaycanda Kommunal Xidmətlər üzrə Vahid İnformasiya Sisteminin sınaqlarına başlanacaq

0
(Yenilənib 23:08 21.10.2020)
Bu, istehlakçıların bütün kommunal xidmətlər üzrə onlara aid məlumatları vahid şəxsi kabinet üzərindən idarə etmələrinə imkan yaradır

BAKI, 21 oktyabr — Sputnik. Kommunal Xidmətlər üzrə Vahid İnformasiya Sistemi və Vahid Çağrı Mərkəzinin yaradılması nəzərdə tutulur.

Sputnik Azərbaycan xəbər verir ki, bunu Energetika naziri Pərviz Şahbazov deyib.

O qeyd edib ki, "Açıq hökumətin təşviqinə dair 2020-2022-ci illər üçün Milli Fəaliyyət Planı"na əsasən, Kommunal Xidmətlər üzrə Vahid İnformasiya Sistemi və Vahid Çağrı Mərkəzinin yaradılması nəzərdə tutulur: “"Dövlət informasiya ehtiyatları və sistemlərinin formalaşdırılması, aparılması, inteqrasiyası və arxivləşdirilməsi Qaydaları"nın təsdiq edilməsi və elektron hökumətlə bağlı bəzi tədbirlər haqqında Azərbaycan Respublikası Prezidentinin Fərmanı ilə Kommunal Xidmətlər Vahid İnformasiya Sisteminin operatoru funksiyaları Energetika Nazirliyinə həvalə edilib.

Cari ilin sonuna kimi "ASAN xidmət" tərəfindən sistemin test fazasına başlanması planlaşdırılır. Bu, istehlakçıların bütün kommunal xidmətlər üzrə onlara aid məlumatları vahid şəxsi kabinet üzərindən idarə etmələrinə imkan yaradır. Kommunal xidmətlər üzrə vahid informasiya bazasının yaradılması bu sahədə həyata keçirilən siyasətin mərkəzləşdirilməsi və sistemləşdirilməsi, müvafiq xidmətlər üzrə müraciətlərin vahid platformadan ünvanlanması, bu xidmətlərin hər kəs üçün daha əlçatanlığı və fasiləsizliyi, yaranan çətinliklərin operativ həlli baxımından faydalıdır”.

“Vətəndaş müraciətlərinin obyektiv araşdırılaraq cavablandırılması, xidmətlərin icrası zamanı sui-istifadə hallarının qarşısının alınması, xidmətlərin icra vəziyyətinə dair mərkəzləşdirilmiş təhlil və hesabatların aparılması, istifadəçilər tərəfindən xidmətin keyfiyyətinə dair təklif və iradların toplanması, həmçinin vətəndaş məmnunluğunun artırılması məqsədilə yaradılacaq Vahid Çağrı Mərkəzinin formalaşdırılması ilə bağlı Konsepsiya layihəsi də Nazirlər Kabinetinə təqdim edilib. Bütün bu tədbirlər açıqlıq, şəffaflıq və hesabatlılıq prinsiplərini əsas tutaraq dövlət xidmətlərinin təkmilləşdirilməsinə, ictimai nəzarətin gücləndirilməsinə xidmət edəcək”, - deyə nazir bildirib.

0