Rusiya və Avropa İttifaqının bayraqları. Arxiv şəkli

Avropadan Rusiyaya növbəti zərbə

66
(Yenilənib 15:15 16.06.2016)
Avropa İttifaqının Rusiyaya qarşı sanksiyaların müddətini uzatması istisna edilmir, sadə avropalılar isə bunun tərfdarı deyil.

Avropadan Rusiyaya növbəti zərbə
BAKI, 14 iyun-Sputnik. İyunun 21-də Avropa İttifaqı Rusiyaya qarşı tətbiq etdiyi sanksiyaların müddətini artırmaq barədə qərar qəbul etməlidir. Bu barədə Frans Press agentliyi diplomatik mənbələrə istinadən xəbər verib. Diplomatik mənbə bildirib ki, bu qərar iyunun 24-də Aİ ölkələri xarici işlər nazirlərinin görüşündə təsdiqlənəcək.

Sanksiyalarla bağlı vəziyyət 2016-cı ilin ikinci yarısında müzakirəyə çıxarılacaq. "Belə bir hiss var ki, bu ilin ikinci yarısında sanksiyalarla bağlı nə isə ediləcək", — deyə diplomat əlavə edib.
Bir qədər əvvəl Avropadakı mənbə Sputnik-ə bildirmişdi ki, bəzi ölkələrin sanksiyaların yumşaldılması təklifi ilə çıxış etmələrinə baxmayaraq, Aİ Rusiyaya qarşı sanksiyaları uzadacaq.
Daha öncə də bildirilirdi ki, iyulun 31-də başa çatacaq antirusiya sanksiyalarının uzadılması məsələsinə 28-29 iyun tarixlərində keçiriləcək Aİ ölkələrinin sammitində baxılacaq.

Politoloq Tofiq Abbasov "Sputnik"ə müsahibəsində deyib ki, sanksiyaların yumşalma ehtimalları minimal səviyyədədir. "Bunun iki səbəbi var. Birincisi, iki tərəf arasında "soyuq müharibə" gedir və səngimək bilmir. Qərbin, xüsusilə də Amerikanın Rusiya qarşısında qoyduğu tələb ondan ibarətdir ki, Rusiya Ukraynanın işlərinə müdaxilə etməsin və tədricən Krımı Ukraynaya qaytarsın", — deyə o bildirib.

Politoloqun sözlərinə görə, Rusiya Krımı Ukraynaya qaytarmayacaq, çünki o, oraya sonradan qaytarmaq üçün gəlməyib: "Orada referendum keçirilib və qanunda tətbiq olunan bütün bəndlər Krım reallıqlarında həllini tapdı, səsvermə oldu və Krım əhalisi Ukraynanı tərk etmək haqqında yerli parlament səviyyəsində qərar çıxardı. Rusiya Krımı və Sevastopolu qəbul etdi".

Politoloq qeyd edib ki, bu səbəbdən Amerika və onun Qərb müttəfiqləri məsələni sərt təzdə qoymaqla Rusiyanı sıxışdırırlar ki, onun manevr imkanları tükənsin və o, beynəlxalq aləmdə öz fəallığını məhdudlaşdırsın. "Digər təfərdən sanksiyalar həm də iqtisadi zəmində Rusiyanın sisteminə ağırlıq gətirməkdir. Çünki Rusiyanın Qərbdən texnologiya asılılığı hələ də yüksəkdir. Ona görə də, bunlardan qurtulmaq üçün Rusiya gərək siyasətini yumşaldıb münasibətlərdə yüngüllük yaratsın. Çünki neft bazarında gedən proseslər də Rusiyanın maraqlarına kifayət qədər təsirli zərbələr endirir", — deyə o qeyd edib.

"Sputnik"in rəy sorğusunun nəticələrinə görə, Avropada sorğulanan əhalinin az qala yarısı — 47%-i Rusiyaya qarşı sanksiyaların bu ilin iyununda dayandırılmasına tərəfdar çıxıb. İtaliyada 51%, Almaniyada — 48%, Fransada isə 43% əhali bu mövqeyi dəstəkləyib. ABŞ-da sanksiyaların ləğv edilməsinə cəmi 29% insan tərəfdar çıxıb.
Məlumatlar Fransanın məşhur "Ifop" və Böyük Britaniyanın "Populus" sorğu şirkətləri tərəfindən "Sputnik" informasiya agentliyi və radiosunun sifarişi ilə keçirilmiş sorğunun nəticəsində əldə edilib.

Sanksiyaların uzadılmasını ən çox ABŞ əhalisi istəyir. Belə ki, "2016-cı ilin iyununda Rusiyaya qarşı sanksiyaları uzatmaq, yoxsa ləğv etmək lazımdır?" sualına cavab olaraq 42% amerikalı "uzadılmalıdır" variantını seçib. Almaniya və Fransada bu cavabı seçənlərin sayı müvafiq olaraq 31% və 29% olub, İtaliyada isə buna tərəfdar çıxanlar 27% təşkil edib. Məsələ ilə bağlı mövqelərini müəyyən edə bilməyənlər Almaniyada 21%, İtaliyada 22%, Fransada 28% və ABŞ-da 29% olub. Cəmi rəy sorğusunda 4010 nəfər iştirak edib.

Qeyd edək ki, Rusiya ilə Qərbin münasibətləri Ukraynadakı situasiya ilə əlaqədar olaraq pisləşib. Aİ ölkələri əvvəlcə 2016-cı ilin 15 sentyabrına qədər fərdi qaydada fiziki şəxslərə qarşı sanksiyaların tətbiqinə qərar veriblər. Daha sonra iyulun 31-dək qüvvədə olacaq, iqtisadiyyatın bütün sektorlarına təsir edəcək sanksiyaların tətbiqinə başlanılıb. Bu sanksiyalar xüsusilə Rusiyaya və Krıma tətbiq edilməyə başlayıb. Buna cavab olaraq, Rusiya ona qarşı sanksiyalar tətbiq edən ölkələrdən ərzaq idxalına qadağa qoyub. 2015-ci ilin iyunundan etibarən 2016-cı ilin 5 avqustuna qədər Rusiya Aİ-dən ərzaq idxalına embarqo qoyub.

66
Teqlər:
Ifop, Tofiq Abbasov, sanksiya, Sputnik, Populus, Krım, Avropa İttifaqı, İtaliya, Fransa, Ukrayna, Rusiya, Böyük Britaniya
Əlaqədar
Rusiyaya qarşı sanksiyalar barədə ABŞ və Avropanın mövqeləri ayrıdır
Rusiyaya qarşı sanksiyalar davam edəcək
Avropa Parlamenti Vladimir Putinə qarşı yeni sanksiyalar tələb edir
Rusiyaya qarşı sanksiyalar daha 6 ay uzadılacaq
Rusiya Türkiyəyə qarşı sərt sanksiyalar tətbiq edir
Naqif Həmzəyev- Milli Məclisin Gəncədən seçilmiş üzvü

Millət vəkili: “Qarabağ zəfəri ilə regionda daimi sülhü bərqərar etmək istəyirik”

12
(Yenilənib 09:38 16.01.2021)
Milli Məclisin deputatı Naqif Həmzəyev deyir ki, kommunikasiyaların açılması daşıma xərclərinin azalmasına imkan verəcək, eyni zamanda Azərbaycanın iştirakçısı olduğu tranzit layihələrin daha uğurla həyata keçirilməsinə şərait yaradacaq
Naqif Həmzəyev: “Baş verənlər Azərbaycanən xeyrinədir”

“Qarabağ zəfəri qədər, Naxçıvanla quru yolla əlaqələrin qurulması da çox önəmli məsələdir”. Bunu Sputnik Azərbaycan-a açıqlamasında Milli Məclisin deputatı Naqif Həmzəyev deyib.

Millət vəkili bildirib ki, son görüşdən sonra açıqlanan bəyanatda da regionun inkişafı üçün çox faydalı razılığa gəlindi:

“Naxçıvanla quru əlaqələrinin qurulması Azərbaycan-Türkiyə iqtisadi münasibətlərinə müsbət təsir göstərəcək. Kommunikasiyaların açılması daşıma xərclərinin azalmasına imkan verəcək, eyni zamanda Azərbaycanın iştirakçısı olduğu tranzit layihələrin daha uğurla həyata keçirilməsinə şərait yaradacaq. Biz Qarabağ zəfəri ilə regionda daimi sülhü bərqərar etmək istəyirik. Düşünürəm ki, iqtisadi əməkdaşlıqlar regiona daimi sülhü gətirə biləcəkdir. Baş verənlər Azərbaycanın xeyrinədir və Azərbaycan öz mövqeyini diktə edir”.

Qeyd edək ki, Prezident İlham Əliyev Moskva görüşündə nəqliyyat kommunikasiyalarının blokadadan çıxarılmasının Yerevanın və Bakının maraqlarına cavab verdiyini bildirib.

Naqif Həmzəyevin geniş şərhinə audiofaylda qulaq asa bilərsiniz

12
Teqlər:
Türkiyə, sülh, qələbə, region, Naxçıvan, Azərbaycan, Qarabağ
Mövzu:
Kremldə Putin, Əliyev, Paşinyan görüşü

Anar Kərimov: “Azad edilmiş ərazilərə səfərlər üçün təhlükəsizlik təmin olunmalıdır”

17
(Yenilənib 23:48 14.01.2021)
Azərbaycanın mədəniyyət naziri Anar Kərimov deyir ki, Ermənistan hüquqi məsuliyyətə cəlb olunmalı, təzminat ödəməlidir
Anar Kərimov: “Beynəlxalq təşkilatları azad olunmuş torpaqlarımıza dəvət edirik”

“ICESCO-nun nümayəndə heyəti işğaldan azad edilmiş Füzuli rayonunda və Ağdam şəhərində ermənilərin törətdiyi cinayətləri öz hesabatlarında əks etdirəcək”. Sputnik Azərbaycan xəbər verir ki, bu barədə AZƏRTAC-ın müxbirinə müsahibəsində Azərbaycanın mədəniyyət naziri Anar Kərimov bildirib.

“Beynəlxalq təşkilatları azad olunmuş torpaqlarımıza dəvət edirik. İstəyirik ki, bütün dünya erməni vəhşiliyinin şahidi olsun. Hazırda bununla bağlı UNESCO və digər təşkilatlarla müzakirələr aparılır. Azad edilmiş ərazilərə səfərlərin təşkili üçün təhlükəsizlik tədbirləri də təmin olunmalıdır. Bugünkü səfər də minalardan təmizlənmiş ərazilərə təşkil edilib. Ermənilərin törətdiyi bütün cinayətləri sənədləşdirmək üçün ekspertlər hər yeri gəzib qeydiyyat aparmalıdırlar ki, gələcəkdə bu faktları beynəlxalq məhkəmələrə təqdim edək. Ermənistan hüquqi məsuliyyətə cəlb olunmalı, təzminat ödəməlidir”, - deyə Anar Kərimov qeyd edib.

Anar Kərimovun geniş şərhinə audiofaylda qulaq asa bilərsiniz

17
Rəssamın rəngləri və fırçaları, arxiv şəkli

Adi karandaşla canlı kimi görünən qəhrəmanlarımız: bunlar 14 yaşlı uşağın əl işidir - FOTO

17
(Yenilənib 23:32 16.01.2021)
Yardımlıdan olan yeniyetmə Vətən müharibəsi şəhidlərinin portretlərini sadə karandaşla yaradır. O inanır ki, gələcəkdə məşhur fırça ustası olacaq

BAKI, 16 yanvar - Sputnik, Kəmalə Əliyeva. Akademik təhsilinin olmamasına rəğmən, on dörd yaşlı Səməd İskəndərli karandaşla unikal əsərlər yaradır. O, daha çox Qarabağ müharibəsinin qəhrəmanlarının portretlərini çəkir. Sputnik Azərbaycan bildirir ki, gənc rəssam üçün hazırda ən böyük çətinlik işləmək üçün şəraitin olmaması və rassam ləvazimatlarının yoxluğudur. 

Посмотреть эту публикацию в Instagram

Публикация от İskəndərli Səməd 🇦🇿 (@drawing.smd)

Səməd Yardımlı rayonunun Sırıq kəndində yaşayır. O, rəsmlə uşaqlıqdan maraqlanır. Maliyyə problemlərinə görə ailəsi ona inkişaf etməkdə yardım edə bilmir. Müəllimlə çalışmaq imkanı olmayan Səməd internetdə müxtəlif videoçarxlara baxaraq öyrənir. 

Посмотреть эту публикацию в Instagram

Публикация от İskəndərli Səməd 🇦🇿 (@drawing.smd)

"Təəssüf ki, valideynlərim mənə rəssamlıq üçün lazım olanları ala bilmirlər, çünki bu ləvazimatlar çox bahadır. Əvvəl ancaq sadə karandaşla çəkməyə başladım. Sonra mənim xaricdə yaşayan dostum tanışları vasitəsilə mənə rəngli karandaşlar göndərdi, indi də onlardan istifadə edirəm. Onun sayəsində öz üzərimdə daha çox işləmək arzusu yarandı", - Səməd deyir.

© Photo : Courtesy of Samed Iskenderli
Səməd İskəndərli

Gənc istedad qohumlarını, tanışlarını, müxtəlif filmlərin qəhrəmanlarını çəkir. Son işləri isə Vətən müharibəsinin qəhrəmanlarına həsr olunub. Onun sözlərinə görə, hər dəfə şəhidlərin portretlərini yaradanda böyük məsuliyyət hiss edir və çalışır ki, hər yeni işi öncəkindən daha yaxşı alınsın. 

Səməd əmindir ki, gələcəkdə məşhur rəssam olacaq və onun əsərlərini hər kəs tanıyacaq. 

17
Teqlər:
Yardımlı, yeniyetmə, rəssam, Qarabağ
Mövzu:
Sözlə deyə bilmədiklərimizin izharı - sənət