Rusiya prezidenti Vladimir Putin Kremldə türkiyəli həmkarı Rəcəb Tayyib Ərdoğanı qarşılayarkən. Arxiv şəkli

Türkiyədən gözlənilən Rusiya jesti gəldi

20911
(Yenilənib 12:32 05.04.2016)

Türkiyədən gözlənilən Rusiya jesti
BAKI, 1 aprel-Sputnik. Regional problemlərin həlli üçün Türkiyə-Rusiya əməkdaşlığının bərpası vacibdir.

Bu barədə Türkiyə prezidenti Rəcəb Tayyib Ərdoğan Vaşinqtona səfəri çərçivəsində Brukinq Universitetində çıxışı zamanı bildirib.

"Təəssüf ki, 24 noyabrdan sonra bizim Rusiya ilə münasibətlərimizdə çətin dövr yaşanır. Bu münasibətlər SSRİ-nin süqutundan sonra uğurla inkişaf edib, lakin Rusiya rəhbərliyinin son illər apardığı siyasət ucbatından təyyarə insidentindən xeyli əvvəl pisləşməyə başlayıb. Moskvanın anlamağa çətinlik çəkdiyimiz sərt reaksiyasına baxmayaraq, regional problemlər bizim əməkdaşlığımızın bərpa edilməsini zəruri edir, çünki Rusiya və Türkiyə coğrafiyamızın mühüm ölkələridir. Rusiyalı həmkarlarımızın bunu anlayacağını və bu zəruriliyi qiymətləndirəcəyini gözləyirik", — deyə Ərdoğan qeyd edib.

"Şərq-Qərb Araşdırmalar Mərkəzi"nin rəhbəri Ərəstun Oruclu "Sputnik"ə açıqlamasında bildirib ki, Türkiyə-Rusiya əməkdaşlığının bərpası üçün artıq müəyyən addımlar da atılır:
"Ortaq maraqlar yetərli olsa bu mümkündür. Bu istiqamətdə müəyyən addımların atılması da artıq görünür. Ayın 30-da İzmirdə Alparslan Çelik həbs olundu. O, Suriyada Türkiyə hava məkanını pozduğuna görə vurulan Rusiya təyyarəsinin pilotunu öldürməkdə günahkar bilinən şəxsdir. Yəni hər iki tərəfdən müəyyən addımların atılması görünür.

Turkish President Tayyip Erdogan speaks at the Brookings Institute in Washington March 31, 2016
© REUTERS / Joshua Roberts
 Amma hər şey ona bağlıdır ki, Türkiyə ilə Rusiyanın maraqları bölgədə hansı müstəvidə kəsişəcək, hansında toqquşacaq və hansında üst-üstə düşəcək. Məsələ bu qədər sadə deyil. Bölgədə marağı olan digər dövlətlər də bu münasibətlərdə maraqlıdırlar".

Politoloq Tofiq Abbasovun sözlərinə görə isə, əgər Ərdoğan belə mötəbər sammitdən bu fikri səsləndiribsə, demək Türkiyə artıq çökmüş münasibətlərin acısını yaşayır:
"Bu iki ölkənin normal münasibətlər formatına qayıdışına çox böyük zərurət var. Təyyarə insidentindən qaynaqlanan bu qarşıdurmanın gücləndirilməsi həmin o ehtimalı bir qədər zəiflədir. Bu məsələyə Rusiyanın siyasi rəhbərliyi də öz münasibətini bildirib. Rusiya tərəfi deyib ki, əgər dövlət və prezident səviyyəsində rəsmi üzr istəmə olmasa, onda bu münasibətlər Ərdoğan-Davudoğlu cütlüyü hakimiyyətdən getdikdən sonra normallaşa bilər. Yəni burada vəziyyət bir az ciddiləşdi. Vaxt da itirildi. Tərəflər xüsusən Türkiyə tərəfi manevrlərə vardı və çalışdı ki, narazılığı, Rusiyanın incikliyini, sərt reaksiyasını zərərsizləşdirsin. Ancaq, bu proses alınmadı. Təbii ki, son günlər Türkiyədə də bəzi proseslər baş verir. Gərək Türkiyə bu məsələdə bir az ehtiyatlı tərpənəydi. İndi isə gərək bu işdə diplomatiya öz sözünü desin. Diplomatlar vasitələr və variantlar axtarsınlar ki, arada olan narazılıq və soyuqluq aradan qaldırılsın".

Qeyd edək ki, Rusiya-Türkiyə münasibətləri 2015-ci ilin noyabrın 24-dən, Türkiyəyə məxsus təyyarənin bu ölkənin hava sərhədini pozan Rusiyanın SU-24 təyyarəsini vurmasından sonra pisləşib.

20911
Teqlər:
Tofiq Abbasov, Brukinq, Brookings, Alparslan Çelik, politoloq Ərəstun Oruclu, Şərq-Qərb araşdırmalar mərkəzi, Ərdoğan, Rusiya, Vaşinqton, Rəcəb Tayyib Ərdoğan, Türkiyə
Əlaqədar
Ərdoğandan Moskvaya isti mesajlar
Rusiya Türkiyədən bütün növ bitkiçilik məhsullarının idxalına qadağa qoya bilər
Rusiya təyyarələri üçün Türkiyə səması açıqdır
Moskva Rusiya-Türkiyə gərginliyinin yumşaldılmasında vasitəçilərə ehtiyac görmür
Rusiya Türkiyənin hava məkanını pozsa, cavabını alacaq

Ekspert: “Ölkə iqtisadiyyatını qorumaq üçün ciddi addımlar atılacaq”

1
(Yenilənib 09:46 08.08.2020)
İqtisadçı ekspert Fuad İbrahimov deyir ki, dövlət büdcəsinə ediləcək dəyişikliklər pensiyalara, müavinətlərə və bu qəbildən olan digər sosial ödəmələrə mənfi təsir göstərməyəcək
Fuad İbrahimov: “Azərbaycan pandemiyasının iqtisadi təsirlərinə məruz qalıb”

Dövlət büdcəsində nəzərdə tutulan azalmalar optimallaşdırma nəticəsində götürülüb. Bunu İqtisadiyyat nazirinin müavini Sevinc Həsənova Milli Məclisin İqtisadi siyasət, sənaye və sahibkarlıq komitəsinin iclasında “Azərbaycan Respublikasının 2020-ci il dövlət büdcəsi haqqında” qanuna dəyişikliklər edilməsi barədə qanun layihəsinin müzakirəsi zamanı deyib.

İqtisadçı ekspert Fuad İbrahimov Sputnik Azərbaycan-a deyir ki, bütün dünyada olduğu kimi Azərbaycan da koronavirus pandemiyasının iqtisadi təsirlərinə məruz qalıb:

“Ölkələr iqtisadiyyatı qorumaq üçün monetar və fiskal addımlar atırlar. Azərbaycanda da bununla bağlı olaraq dövlət büdcəsində müəyyən düzəlişlərin aparılacağı gözlənilir. Amma ölkə başçısının da qeyd etdiyi kimi, bu dəyişikliklər pensiyalara, müavinətlərə və bu qəbildən olan digər sosial ödəmələrə mənfi təsir göstərməyəcək”.

Fuad İbrahimovun geniş şərhinə audiofaylda qulaq asa bilərsiniz

1
Müslüm İbrahimov

Professor: “ABŞ-Çin razılaşması bütün dünya üçün önəmlidir”

84
(Yenilənib 10:31 07.08.2020)
Almaniyanın Zigen Universitetinin qonaq professoru Müslüm İbrahimov deyir ki, qlobal-siyasi və daxili siyasi proseslər iki ölkənin münasibətlərinə təsir edir
Müslüm İbrahimov: “Pandemiyanın davam etməsi situasiyanı daha da çətinləşdirib”

ABŞ və Çinin iki ölkə arasındakı artan gərginlik səbəbiylə birinci mərhələ ticarət razılaşmasına yenidən baxılacağı bildirilib. ABŞ Ticarət Nümayəndəsi Robert Laythayzer və Çin Baş nazirinin müavini Liu He tərəfindən həyata keçirilən birinci mərhələ sövdələşməsinə dair danışıqların razılaşma canlı yayımlandıqdan altı ay sonra, 15 avqust və ya ətrafında reallaşacağı bildirilib.

Almaniyanın Zigen Universitetinin qonaq professoru Müslüm İbrahimov Sputnik Azərbaycan-a deyir ki, sanksiyalar ABŞ-Çin ticarətində disbalansın yaranması ilə nəticələnəcək:

“Pandemiyanın davam etməsi situasiyanı daha da çətinləşdirib. Bu faktor iki ölkə arasında münasibətlərin gərginləşməsinə səbəb olub. Qeyd etməliyik ki, hazırda bu iki ölkənin münasibətləri yaxşı deyil. Münasibətlərə qlobal-siyasi və daxili siyasi proseslər təsir edir. Ticarət razılaşması çərçivəsində keçiriləcək görüşlər tək Çin və ABŞ üçün deyil, eyni zamanda bütün dünya üçün önəmlidir”.

Müslüm İbrahimovun geniş şərhinə audiofaylda qulaq asa bilərsiniz

84
COVİD-19-da ölən şəxs, arxiv şəkli

Bizimkilər qərar verərkən bu rəqəmlərə mütləq baxırlar

0
(Yenilənib 12:40 08.08.2020)
Avropada virusa yoluxanların sayına görə Rusiya ilk yerdədir. Belə ki, bu ölkədə 875 378 yoluxma qeydə alınıb

BAKI, 8 avqust — Sputnik. Dünyada koronavirusa yoluxanların sayı 19 379 517 milyonu keçib. Bu barədə Sputnik Azərbaycan Cons Hopkins Universitetinin saytına istinadən xəbər verir.

Məlumata əsasən, virusa yoluxmuş 721 375 nəfər vəfat edib, 11 740 071 xəstə isə sağalıb.

Koronavirusa yoluxmaların sayına görə ilk pillədə ABŞ qərarlaşıb ki, bu ölkədə xəstələrin sayı 4 milyon 941 min 796 nəfərə çatıb. Avropada virusa yoluxanların sayına görə Rusiya ilk yerdədir. Belə ki, bu ölkədə 875 378 yoluxma qeydə alınıb.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Ümumdünya Səhiyyə Təşkilatı (ÜST) fevralın 11-də virusun törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

0
Teqlər:
Koronavirus, COVID-19
Mövzu:
Dünyanı cənginə almış bəla
Əlaqədar
Yoluxmanın artmasından ən çox həkimlər yorulublar
Azərbaycanda koronavirusa yoluxma sayı 129-a düşüb
O gün yetişir! Rusiyada ilk koronavirus peyvəndi qeydiyyatdan keçəcək
Vəssalam! Koronavirusun dərmanına patent aldılar
COVID-19-dan ölüm riskini artıran gözlənilməz amil açıqlanıb