Students from the Moscow State Pedagogical University

Təhsil haqları qalxa bilərmi?

66
(Yenilənib 14:44 26.01.2016)
Ekspert: Bizdə istər özəl orta məktəblərdə, istər bağçalarda, istər universitetlərdə təhsil haqqı çox yüksəkdir. Başqa ölkələrlə müqayisədə bu fərq iki qat, bəzi hallarda isə üç qat olur

Təhsil haqları qalxa bilərmi?
Neft gəlirlərinin azalması və manatın dəyərdən düşməsi ölkədə bahalaşmaya səbəb olub. Belə olan şəraitdə təhsil ocaqları da özlərini saxlamaq üçün qiymətlərdə dəyişiklik edə bilərlər. Hətta bir müddət əvvəl təhsil haqqlarının dollarla ödəniləcəyi haqda şaiyələr də yayılmışdı, lakin məlumdur ki, ölkə qanunvericiliyi buna imkan vermir. Təhsil Nazirliyindən bildirdilər ki, Azərbaycanın milli valyutası var, ödəniş də milli valyuta ilə aparılmalıdır.

Bəs təhsil haqqlarının qalxması nə dərəcədə realdır? 

Azad Müəllimlər Birliyinin sədri Məlahət Mürşüdlü “Sputnik”ə açıqlamasında bildirib ki, təhsil haqqlarının qalxması haqda gedən söhbətlər sadəcə olaraq növbəti şaiyələrdir:

“Bir şaiyə vardı ki, ümumiyyətlə universitetlərdə təhsil haqqı ləğv ediləcək və təhsil ödənişsiz olacaq. Təhsil haqqlarının artacağı isə ikinci şaiyədir. Mən düşünürəm ki, təhsil haqqlarının artması gözləniləndir, amma ilin ortasında bu real deyil. Manatın dəyərdən düşməsi və digər problemlərlə bağlı təhsil haqqı arta bilər, ancaq düşünmürəm ki, bunu ilin ortasında tətbiq edələr. Olsa da, gələn tədris ilindən, 2016-cı ilin sentyabrından tətbiq edə bilərlər”.

Lakin məsələ tək ali məktəblərlə bitmir. Ölkədə elə özəl orta məktəb və bağçalar var ki, onların haqqları bir çox ali məktəbləri də geridə qoyur. Təhsil üzrə ekspert Əjdər Ağayevin sözlərinə görə, onların qiymətlərinin nə dərəcədə ədalətli olduğuna valideynlər özləri qərar verirlər:

“Mənim fikrimcə, özəl baxça və məktəblərdə təhsil haqqının çoxluğu valideynlərin razılığı ilə olur. Çünki valideyn istəsə öz uşağını ora deyil, başqa baxçaya verə bilər. Valideyn razıdır ki, uşağını aparıb ora aparır”.

Amma Məlahət Mürşüdlü hesab edir ki, buna baxmayaraq ölkədəki təhsil müəssisələrinin qiymətlərinə nəzarət olunmalıdır:

“Ümumiyyətlə götürəndə, bizdə istər özəl orta məktəblərdə, istər bağçalarda, istər universitetlərdə təhsil haqqı çox yüksəkdir. Başqa ölkələr ilə o rəqəmləri müqaisə edəndə biz görürük ki, bizim təhsil müəssisələrində bu, iki qat, bəzi hallarda isə üç qat olur. Əlbəttə ki, bu qədər baha olması vətəndaşın cibinə, aldığı vəsaitə uyğun deyil. Buna nəzarət olmalıdır, Tarif Şurası özü qiymətləndirmə aparmalıdır”.

Qeyd edək ki, ilin əvvəlində Təhsil Nazirliyinin Aparat rəhbərinin müavini Yaqub Piriyev də təhsil haqqları barədə açıqlama vermişdi. Nazirlik rəsmisinin sözlərinə görə, yeni tədris ili üzrə təhsil haqlarının artması ya azalması məsələsinə mart ayında qəbul planı hazırlanarkən ali məktəblərin təklifləri nəzərə alınmaqla baxılacaq. O, eləcə də, təhsil haqlarının müəyyənləşdirilməsinin ali məktəblərin səlahiyyətinə daxil olduğunu bildirmişdi.

66
Qurban Qurbanov, arxiv şəkli

Qurban Qurbanov: “Fikrimiz Azərbaycan əsgərlərinin yanındadır”

20
(Yenilənib 16:01 22.10.2020)
“Qarabağ” komandasının baş məşqçisi Qurban Qurbanov deyir ki, futbolçuları oyuna motivasiya etməyə çalışırıq
Qurban Qurbanov: ““Makkabi”nin yaxşı oyun fəlsəfəsi var”

“Rəqibimizin Çempionlar Liqasında həm Belarusun “Dinamo” (Brest), həm də Avstriyanın “Zaltsburq” komandaları ilə keçirdiyi matçları izləmişəm. Özünəməxsus oyun taktikası olan komandadır”.

Sputnik Azərbaycan xəbər verir ki, bu sözləri “Qarabağ”ın baş məşqçisi Qurban Qurbanov İsrailin paytaxtı Təl-Əvivdə “Makkabi”yə qarşı keçirəcəkləri UEFA Avropa Liqasının I qrupunun ilk tur matçı barədə danışarkən deyib.

O bildirib ki, rəqibin hansısa futbolçusunu fərqləndirmək istəmir: ““Makkabi”nin yaxşı oyun fəlsəfəsi var. Hazırda Qarabağda müharibə getdiyi üçün fikrimiz Azərbaycan əsgərlərinin yanındadır. Ordumuz torpaqlarımızın işğaldan azad olunması üçün mübarizə aparır. Hər gün cəbhədən xoş xəbərlər gəlir. Biz də futbolçularımızı oyuna motivasiya etməyə və sərfəli nəticə qazanmaq üçün əlimizdən gələni etməyə çalışırıq”.

Qeyd edək ki, bu gün “Blumfild” stadionunda keçiriləcək “Makkabi” – “Qarabağ” matçı Bakı vaxtı ilə saat 23:00-da başlayacaq.

Qurban Qurbanovun fikirlərinə audiofaylda qulaq asa bilərsiniz

20
Politoloq İlqar Vəlizadə

Politoloq: “Vaşinqton görüşü Minsk qrupunun sonrakı fəaliyyətinə təsir edə bilər”

44
(Yenilənib 10:22 22.10.2020)
Politoloq İlqar Vəlizadə deyir ki, ABŞ Minsk qrupunun həmsədr ölkəsi kimi münaqişənin həlli üçün təsirli rola malikdir
İlqar Vəlizadə: “ABŞ öz rolunda düzəlişlər etmək niyyətindədir”

Oktyabrın 23-də Azərbaycan Respublikasının Xarici İşlər naziri Ceyhun Bayramovun Vaşinqtonda Amerika Birləşmiş Ştatlarının Dövlət katibi Mayk Pompeo, eləcə də ATƏT-in Minsk qrupunun həmsədrləri ilə görüşünün keçirilməsi nəzərdə tutulur.

Politoloq İlqar Vəlizadə Sputnik Azərbaycan-a deyir ki, ABŞ münaqişənin gərgin mərhələsində öz rolunu dəqiqləşdirmək və düzəlişlər etmək niyyətindədir:

“Mayk Pompeo Ceyhun Bayramovla cari vəziyyəti və birgə addımların atılması haqqında müzakirələr aparacaq. ABŞ Minsk qrupunun həmsədr ölkəsi kimi münaqişənin həlli üçün təsirli rola malikdir. Bu görüş Minsk qrupunun sonrakı fəaliyyətinə də müsbət təsir edə bilər”.

Qeyd edək ki, sentyabrın 27-də Ermənistan silahlı qüvvələrinin cəbhə xətti zonasında yerləşən Azərbaycan Ordusunun mövqelərini və yaşayış məntəqələrimizi növbəti dəfə intensiv atəşə tutmasına və təcavüzkar əməllərini davam etdirməsinə cavab olaraq Silahlı Qüvvələrimiz Ali Baş Komandanın əmri ilə düşmənə qarşı indiyədək misli görünməmiş əks-hücum əməliyyatına başlayıb.

Politoloqun  geniş şərhinə audiofaylda qulaq asa bilərsiniz

44
Mövzu:
Azərbaycan və Ermənistan arasında müharibə
Əlaqədar
Hikmət Hacıyevdən Paşinyana cavab: Münaqişənin danışıqlar yolu ilə həllini dəstəkləyirik
Paşinyan indi də İranı Qarabağ münaqişəsinin həllinə çəkmək istəyir
Makron Putinə zəng etdi: Mövzu Qarabağdır
XİN: Ceyhun Bayramovun Vaşinqtonda Pompeo və həmsədrlərlə görüşü gözlənilir
İlham Əliyev: İndi baş verənlərin bütün təqsiri şəxsən Paşinyanın üzərindədir
Армянская военная форма

Ermənistan son günlərdə hərbi əməliyyatlarda ölən hərbçilərinin siyahısını açıqlayıb

0
(Yenilənib 00:18 23.10.2020)
Ermənistan hökuməti oktyabrın 22-də Dağlıq Qarabağ münaqişəsində həlak olan hərbi qulluqçularının növbəti siyahısını açıqlayıb.

BAKI, 22 oktyabr - Sputnik. Ermənistan hökuməti oktyabrın 22-də Dağlıq Qarabağ münaqişəsində həlak olan hərbi qulluqçularının yeni siyahısını açıqlayıb.

Sputnik Azərbaycan Ermənistan KİV-lərinə istinadən xəbər verir ki, bugünkü siyahıda 26 nəfərin adı yer alıb.

Bu günədək Ermənistan tərəfinin açıqladığı itkilərin sayı 900 nəfərə çatıb.

Qeyd edək ki, qarşı tərəf itkilərinin sayını məqsədyönlü şəkildə gizlədir.

0
Əlaqədar
MN: Ermənistan rəhbərliyi cəbhədə verdiyi ağır itkiləri yaddan çıxarıb
Madagiz-Ağdərə istiqamətində ermənilərin itkiləri açıqlandı
Ermənistan ordusu ağır itkilər verməyə davam edir - VİDEO
İtkilər üzə çıxır? Ermənistan ordusunun əsgəri ölüb
"Ermənistanın verdiyi itkilər arasında xaricdən gətirilən muzdlular çoxluq təşkil edir"