Tehran

İran sanksiyalardan sonra: nələr olacaq?

81
(Yenilənib 12:46 22.01.2016)
Politoloq İlqar Vəlizadə hesab edir ki, bu sanksiyaların aradan qaldırılması Azərbaycan üçün də xeyrlidir

İran sanksiyalardan sonra: nələr olacaq?
Yanvarın 16-da BMT-nin nüvə agentliyi elan edib ki, Tehran iyulda imzalanmış razılaşmanın öhdəliklərinə əməl edib və sanksiyalara son verilib. Bununla da Avropa Birliyi İrana bütün iqtisadi və maliyyə sanksiyalarının qaldırıldığını elan edib. Vaşinqton da öz növbəsində İrana qarşı bank, poladtökmə, gəmiçilik və digər sahələrdə sanksiyaları rəsmən ləğv edib. İran həmçinin beş amerikalını azad edib. Onların içində “Washington Post”un müxbiri Jason Rezaian da var.

Qərbin İran üzərindən bir sıra sanksiyaları götürməsi dünyanın iqtisadi və siyasi həyatında çox ciddi gəlişmələrə səbəb olub. İllərdən bəri davam edən İran-Qərb qarşıdurmasının geridə qalması, qlobal böhran şəraitində Tehrana qarşı beynəlxalq sanksiyaların qaldırılması əksər ölkələr tərəfindən, o cümlədən İrandan alqışlarla qarşılanıb.

İran üzərindən sanksiyaların qaldırılması ilə bağlı suallarımızı politoloq İlqar Vəlizadə  cavablandırıb.

-İlqar müəllim, Qərb Tehrana qarşı sanksiyaları götürdü, bəzi ekspertlərin fikirncə, müttəfiqlər rəqibə, rəqiblər isə müttəfiqə çevrilirir. Bu haqda siz necə düşünürsüz? Doğurdanmı belə ehtimallar var?

— Yox, belə deyil. Rəqiblər müttəfiqə çevrilmir və yaxud da əksinə oyun qaydaları dəyişdirilir. İran bəzi məsələlərdə Qərb üçün tərəfdaş ölkəyə çevrilir. Əlbəttə, müttəfiq olmur rəqib olaraq qalır. Çünki, onların fikirləri yaxud regional siyasətdə dəsti-xətti seçilir və fərqlənir. Onların müxtəlif mövqeləri və müxtəlif hədəfləri var. Bu hədəflər qaldıqca mövqelərdə kifayət qədər prinsipial dəyişiklik olmayacaq. Qərbdə, İran da biri-birinə tərəfdaş gözü ilə baxacaq. Bu tərəfdaşlıq onlara bəzi sahələrdə öz maraqlarını daha dolğun həyata keçirməyə və prossesləri minumuma endirməyə imkan verəcək.

-Sanksiyaların aradan qaldırılmasından sonra İranın regionun digər gücləri ilə gələcək münasibətləri necə inkişaf edəcək?

— Sanksiyaların aradan qaldırılması İrana ilk növbədə regionda Amerika ilə sıx münasibətlərdə olan ölkələr ilə daha səmərəli əməkdaşlıq etməyə imkan verir. Bu ölkələr arasında Pakistan, Türkiyə və hətta Hindistanı da qeyd etmək olar ki, onlar həm ABŞ və Qərblə kifayət qədər sıx əməkdaşlıq edirlər, onların regionda partniyorları sayılırlar, həm də ki, İran qonşu ölkə kimi onlar üçün böyük maraq kəsb edir. Xüsusi olaraq enerji sahəsində əməkdaşlıqda maraqlıdırlar. Sanksiyaların götürülməsi İran iqtisadiyyatının regional iqtisadi sistemlərə daha sürətli inteqrasiya olunmasına imkan yaradacaq.

-İranın neft bazarına yenidən daxil olmasının Rusiya-İran münasibətlərinə nə kimi təsirləri ola bilər?

— Rusiya iri neft ixracatçısıdır. İri neft ixracatçısı olaraq İrana rəqib gözüylə baxır. Belə bir vəziyyət əlbəttə ki, Rusiyanın enerji şirkətləri üçün yaxşı şeylər vəd etmir. Amma, eyni zamanda Rusiya ilə İran arasında müəyyən dərəcədə əməkdaşlıq da var. Çox güman ki, həm Rusiya tərəfi, həm də İran tərəfi müəyyən addımları koordinasiya edəcəklər ki, buda fövqəl vəziyyətin yaranmasının qarşısını ala bilərlər.

-İranla-Qərb arasında münasibətlərin normallaşdırılmasının Azərbaycan-İran münasibətlərinə təsiri haqqında nə deyə bilərsiz?

— Azərbaycan İranla həmsərhəd ölkədir. Eyni zamanda İranla kifayət qədər çoxşaxəli münasibətlərimiz olduğundan bu sanksiyaların aradan qaldırılması Azərbaycan üçün də xeyrlidir. İranın tək enerji sahəsində yox, nəqliyyat və başqa sahələrdə digər ölkələrlə əməkdaşlığının inkişafı imkan verəcək ki, Azərbaycan İran vasitəsi ilə bu ölkələr ilə nəqliyyat  proyektlərini intensiv olaraq həyata keçirsin. Azərbaycan-Rusiya-İran arasında nəqliyyat sahəsində iri miqyaslı lahiyə həyata keçirilir. İranın üzərindən sanksiyaların götürülməsi bu lahiyənin həyata keçirilməsinə kifayət qədər böyük imkanlar yaradır. Azərbaycan bu lahiyəni həyata keçirməklə regional iqtisadi inteqral sxemlərinə daha sürətlə qoşulma imkanı əldə edəcək. Bu isə bizim tranzit potensialımız əsaslı dərəcədə arta bilər.

81

Politoloq: “Bir çox hallarda müsəlmanları radikal dindarlarla səhv salırlar”

31
(Yenilənib 16:10 17.05.2021)
Politoloq Fikrət Sadıxov deyir ki, əgər bir dinin nümayəndələri radikallığa yol verirsə, bunun da müəyyən səbəbləri var
Fikrət Sadıxov: “Müsəlmanların Avropada məskunlaşması avropalıların özlərindən asılıdır”

“Avropada islamofobiyanın sürətlə yayılması qitədə yaşayan milyonlarla müsəlmanın təhlükəsizliyinə ciddi təhdidlər yaradır”. Bu barədə Türkiyə Prezidenti Rəcəb Tayyib Ərdoğan Quran-i Kərim oxumağa həsr olunmuş müsabiqə iştirakçıları qarşısında çıxış edərkən bildirib.

Politoloq Fikrət Sadıxov Sputnik Azərbaycan-a deyir ki, islamafobiya son illər Avropada geniş yayılmış bir tendensiyadır: “Bunun arxasında müəyyən iqtisadi, siyasi və dini motivlər dayanır. Bir çox hallarda müsəlmanları radikal dindarlarla səhv salırlar. Amma eyni zamanda qeyd etməliyik ki, əgər bir dinin nümayəndələri radikallığa yol verirsə, bunun müəyyən səbəbləri var. Bir mənalı şəkildə demək olmaz ki, başqa dinlərdə radikallar yoxdur. Avropada ya bunu dərk etmirlər, ya da belə bir münasibət nümayiş etdirirlər ki, müsəlmanların sayı azalsın. Müsəlmanların Avropada məskunlaşması avropalıların özlərindən də asılıdır. Ona görə bu səbəbləri araşdırıb aradan qaldırmaq lazımdır”.

Fikrət Sadıxovun geniş şərhinə audiofaylda qulaq asa bilərsiniz

31
Mərkəzi Gömrük Hospitalının terapevti Dr. Nazilə Xəlilbəyova

Yüksək təzyiqi olan bu beş tövsiyəyə riayət etməlidir həkim açıqlayır

29
(Yenilənib 10:35 17.05.2021)
Mərkəzi Gömrük Hospitalının terapevti Nazilə Xəlilbəyova deyir ki, yüksək təzyiqin müxtəlif səbəbləri olduğu üçün ilk növbədə həkimə müraciət edilməlidir
Nazilə Xəlilbəyova: “Yüksək təzyiqi olan insanlar özlərinə diqqət göstərməlidirlər”

2005-ci ildən hər il mayın 17-si Ümumdünya Hipertoniya ilə Mübarizə Liqası və Beynəlxalq Hipertoniya Cəmiyyətinin təşəbbüsü ilə Ümumdünya Arterial Hipertoniya ilə Mübarizə Günü qeyd edilir.

Sputnik Azərbaycan Hipertoniya ilə Mübarizə Günündə Mərkəzi Gömrük Hospitalının terapevti Nazilə Xəlilbəyovadan yüksək təzyiqi olan insanların yerinə yetirməli olduqları beş tövsiyəni soruşub.

Nazilə Xəlilbəyova deyib ki, yüksək təzyiq olan insanlar özlərinə xüsusi diqqət göstərməlidir: “İlk tövsiyəm budur ki, yüksək təzyiqi olan insanlar mütləq həkimə müraciət etməlidir. Çünki yüksək təzyiqin müxtəlif səbəbləri var. Aydınlaşdırılmalıdır bu təzyiq osteoxondroz, ürək, ya böyrək problemi ilə əlaqəlidir. İkinci məsləhətim odur ki, insanlar qida rasiyonuna fikir versinlər və gecə vaxtı çox yeməsinlər. Həmçinin təmiz havada gəzinti, idman hərəkətləri edilməsi tövsiyə edilir. Yüksək daşıyıcısı olan insanlar stresdən uzaq olmalıdır. Digər ən vacib məqam isə yuxu rejiminə diqqət edilməsidir”.

Nazilə Xəlilbəyovanın fikirlərinə audiofaylda qulaq asa bilərsiniz

29
Bakı dəmir yolu vağzalında qatarlar, arxiv şəkli

Bakı-Qəbələ qatarında bilet qiyməti hələ müəyyən olunmayıb

0
(Yenilənib 12:42 18.05.2021)
"Pandemiya ilə əlaqədar regionlararası və beynəlxalq sərnişin daşıması dayandırılıb. Buna görə də, Bakı-Qəbələ qatarı hələ sərnişinlərin istifadəsinə verilməyib".

BAKI, 18 may — Sputnik, Zülfiyyə Quluyeva. Bakı-Qəbələ qatarı pandemiya ilə əlaqədar hələlik sərnişinlərin istifadəsinə verilməyib. Sputnik Azərbaycan xəbər verir ki, bunu "Azərbaycan Dəmir Yolları" QSC-nin mətbuat xidmətinin rəhbəri Nətavan Bayramova deyib.

O qeyd edib ki, qatar istifadəyə tam hazırdır: "Pandemiya ilə əlaqədar regionlararası və beynəlxalq sərnişin daşıması dayandırılıb. Buna görə də, Bakı-Qəbələ qatarı hələ sərnişinlərin istifadəsinə verilməyib".

N.Bayramova Bakı-Qəbələ qatarlarında sərnişin biletlərinin qiymətləri barədə yaxın vaxtlarda məlumat verəcəyini bildirib.

"Biletlərin qiymətləri hələ dəqiqləşdirilməyib. Pandemiya bitəndən sonra bu barədə həm rəsmi saytımızda, həm də sosial şəbəkələr vasitəsilə ictimaiyyətə məlumat veriləcək".

 

 

0