manat

Azərbaycanın böhran büdcəsində nələr olacaq?

3303
(Yenilənib 16:23 11.01.2016)
Ekspertlər çıxış yolunu dövlət xərclərinin azaldılmasında, ixrac yönümlü malların, eləcə də daxili istehsalın stimullaşdırılmasında və sahibkarlığın inkişafında görürlər

Azərbaycanın böhran budcəsində nələr olacaq?
BAKI, 8 yan — Sputnik. 2016-cı ilin büdcə gəlirləri 2015-ci illə müqayisədə təxminən 25% (5 milyard manat) ixtisar edilirsə belə, bu büdcənin tam icra edilib-edilməyəcəyi sual altında qalıb. Ölkə Prezidentinin büdcəyə dəyişiklik edilməsi haqda səsləndirdiyi fikirlərdən sonra isə bu mövzu daha da aktuallaşıb.

İqtisadçı ekspert Pərviz Heydərov Sputnik-ə açıqlamasında bildirdi ki, may ayında büdcəyə yenidən baxmağa ehtiyac yaranacaq: "Burada bir təhlükə mövcuddur ki, cari ilin büdcəsində neftin qiyməti 50 dollardan götürülüb. Ancaq real olaraq neftin qiyməti 40 dollardan xeyli aşağıdır. Hətta verilən proqnozlara əsasən, onun 30 dollara qədər və ondan da aşağı düşmək ehtimalı var".

Pərviz Heydərov - iqtisadçı-ekspert
Pərviz Heydərov - iqtisadçı-ekspert

O hesab edir ki, belə şəraitdə, yəqin ki, büdcənin proqnoz göstəricilərinə may ayında yenidən baxmağa ehtiyac yaranacaq: "Eyni zamanda, orada korrektələr etməyə zərurət olacaq".

İqtisadçı ekspert Nazim Məmmədov da büdcəyə yenidən baxılacağını istisna etmir. "Neftin qiyməti ilə bağlı hökümət də bunu dəfələrlə qeyd edib və cənab Prezidentin ilin sonuna verdiyi açıqlamalar da onu göstərir ki, 2016-cı ildə may ayına qədər büdcəyə yenidən baxıla bilər", —deyə o, Sputnik-ə açıqlamasında bildirdi.

Nazim Məmmədov - iqtisadçı-ekspert
Nazim Məmmədov - iqtisadçı-ekspert

N.Məmmədov ehtimal edir ki, büdcənin hansısa maddələri dəyişdirilə bilər: "Yəni investisiya layihələrinə ayrılan vəsaitlər azaldıla, sosial yönümlü xərclər isə artırıla bilər".

Buna baxmayaraq ekspertlər də bu mövzuda tam dəqiq fikir bildirə bilmirlər. Pərviz Heydərov hesab edir ki, ilin ortalarında dünya neft bazarında qiymətlər sabitləşə bilər: "Neftin qiymətinin cari ilin birinci rübü ərzində kritik səviyyədə olacağı güman edilsə də, ilin ortalarına doğru dünya neft bazarında qiymətlərin sabitləşəcəyi gözlənilir. Mən belə hesab edirəm ki, hələlik bu haqda danışmaq, ümumiyyətlə cari ilin dövlət büdcəsinin icrası barədə konkret fikir söyləmək hələ tezdir".

Ekspert onu da əlavə edib ki, dövlət büdcəsində sosial ödənişlər nöqteyi nəzərdən 2016-cı ildə heç bir təhlükə gözlənilmir: "2016-cı ilin dövlət büdcəsi qəbul edilən zaman manatın ikinci devalvasiyası baş verməmişdi. Bu da o deməkdir ki, Dövlət Neft Fondundan dövlət büdcəsinə 6 milyard manat vəsait transfer etmək nəzərdə tutulmuşdu. Bu, devalvasiyadan əvvəlki kursla götürəndə DNF üçün dollar ifadəsində başqa məbləği ifadə edirdi. Amma devalvasiya nəticəsində bir növ DNF-un transfer edəcək məbləğ onun üçün əvvəlki səviyyədə yük xarakteri daşımır. Dövlət büdcəsindən sosial ödənişlər bilavasitə dövlət büdcəsindən transfer hesabına həyata keçirilir. Yəni, dövlət büdcəsində sosial ödənişlər nöqteyi nəzərdən 2016-cı ildə heç bir ciddi təhlükə gözlənilmir".

Oxşar vəziyyətdən çıxış yolunu isə ekspertlər dövlət xərclərinin azaldılmasında, ixrac yönümlü malların, eləcə də daxili istehsalın stimullaşdırılmasında və sahibkarlığın inkişafında görürlər.

3303
Teqlər:
pərviz, nazim, maliyyə, böhran, büdcə, manat
Əlaqədar
Azərbaycanın 2016-cı il dövlət büdcəsi təsdiqlənib
Yeni müdafiə büdcəsi təsdiqlənib
Azərbaycanın dövlət büdcəsi 9 ay ərzində kəsirlə icra olunub
Milli Məclisdə büdcə zərfinin müzakirəsi davam edir

Ekspert: “Ölkə iqtisadiyyatını qorumaq üçün ciddi addımlar atılacaq”

2
(Yenilənib 09:46 08.08.2020)
İqtisadçı ekspert Fuad İbrahimov deyir ki, dövlət büdcəsinə ediləcək dəyişikliklər pensiyalara, müavinətlərə və bu qəbildən olan digər sosial ödəmələrə mənfi təsir göstərməyəcək
Fuad İbrahimov: “Azərbaycan pandemiyasının iqtisadi təsirlərinə məruz qalıb”

Dövlət büdcəsində nəzərdə tutulan azalmalar optimallaşdırma nəticəsində götürülüb. Bunu İqtisadiyyat nazirinin müavini Sevinc Həsənova Milli Məclisin İqtisadi siyasət, sənaye və sahibkarlıq komitəsinin iclasında “Azərbaycan Respublikasının 2020-ci il dövlət büdcəsi haqqında” qanuna dəyişikliklər edilməsi barədə qanun layihəsinin müzakirəsi zamanı deyib.

İqtisadçı ekspert Fuad İbrahimov Sputnik Azərbaycan-a deyir ki, bütün dünyada olduğu kimi Azərbaycan da koronavirus pandemiyasının iqtisadi təsirlərinə məruz qalıb:

“Ölkələr iqtisadiyyatı qorumaq üçün monetar və fiskal addımlar atırlar. Azərbaycanda da bununla bağlı olaraq dövlət büdcəsində müəyyən düzəlişlərin aparılacağı gözlənilir. Amma ölkə başçısının da qeyd etdiyi kimi, bu dəyişikliklər pensiyalara, müavinətlərə və bu qəbildən olan digər sosial ödəmələrə mənfi təsir göstərməyəcək”.

Fuad İbrahimovun geniş şərhinə audiofaylda qulaq asa bilərsiniz

2
Müslüm İbrahimov

Professor: “ABŞ-Çin razılaşması bütün dünya üçün önəmlidir”

85
(Yenilənib 10:31 07.08.2020)
Almaniyanın Zigen Universitetinin qonaq professoru Müslüm İbrahimov deyir ki, qlobal-siyasi və daxili siyasi proseslər iki ölkənin münasibətlərinə təsir edir
Müslüm İbrahimov: “Pandemiyanın davam etməsi situasiyanı daha da çətinləşdirib”

ABŞ və Çinin iki ölkə arasındakı artan gərginlik səbəbiylə birinci mərhələ ticarət razılaşmasına yenidən baxılacağı bildirilib. ABŞ Ticarət Nümayəndəsi Robert Laythayzer və Çin Baş nazirinin müavini Liu He tərəfindən həyata keçirilən birinci mərhələ sövdələşməsinə dair danışıqların razılaşma canlı yayımlandıqdan altı ay sonra, 15 avqust və ya ətrafında reallaşacağı bildirilib.

Almaniyanın Zigen Universitetinin qonaq professoru Müslüm İbrahimov Sputnik Azərbaycan-a deyir ki, sanksiyalar ABŞ-Çin ticarətində disbalansın yaranması ilə nəticələnəcək:

“Pandemiyanın davam etməsi situasiyanı daha da çətinləşdirib. Bu faktor iki ölkə arasında münasibətlərin gərginləşməsinə səbəb olub. Qeyd etməliyik ki, hazırda bu iki ölkənin münasibətləri yaxşı deyil. Münasibətlərə qlobal-siyasi və daxili siyasi proseslər təsir edir. Ticarət razılaşması çərçivəsində keçiriləcək görüşlər tək Çin və ABŞ üçün deyil, eyni zamanda bütün dünya üçün önəmlidir”.

Müslüm İbrahimovun geniş şərhinə audiofaylda qulaq asa bilərsiniz

85
Avtostop

"Piyada" istirahət - sabahın havasından xəbərdar olun

0
(Yenilənib 13:15 08.08.2020)
Abşeron çimərliklərində mülayim cənub küləyi əsəcək. Dəniz suyunun temperaturu Sumqayıt, Novxanı, Pirşağı, Nardaran, Bilgəh, Zaqulbada 24-25, Türkan, Hövsan, Sahil, Şıxda isə 25-26 dərəcə isti olacaq

BAKI, 8 avqust — Sputnik. Azərbaycanda avqustun 9-da gözlənilən hava proqnozu açıqlanıb.

Ekologiya və Təbii Sərvətlər Nazirliyinin (ETSN) Milli Hidrometeorologiya Xidmətindən Sputnik Azərbaycan-a verilən məlumata görə,  Bakıda və Abşeron yarımadasında havanın yağmursuz keçəcəyi gözlənilir, ümlayim cənub küləyi əsəcək.

Havanın temperaturu Abşeron yarımadasında gecə 22-25, gündüz 29-34, Bakıda gecə 23-25, gündüz 31-33 dərəcə isti olacaq. Atmosfer təzyiqi normadan aşağı 754 mm civə sütunu, nisbi rütubət gecə 60-70, gündüz 40-45 faiz təşkil edəcək.

Abşeron çimərliklərində mülayim cənub küləyi əsəcək. Dəniz suyunun temperaturu Sumqayıt, Novxanı, Pirşağı, Nardaran, Bilgəh, Zaqulbada 24-25, Türkan, Hövsan, Sahil, Şıxda isə 25-26 dərəcə isti olacaq.

Azərbaycanın rayonlarında havanın əsasən yağmursuz keçəcəyi, lakin axşam bəzi dağlıq ərazilərdə şimşək çaxacağı, qısamüddətli yağış yağacağı, dolu düşəcəyi gözlənilir. Səhər dağlarda duman olacaq. Qərb küləyi əsəcək, ayrı-ayrı yerlərdə arabir güclənəcək. Havanın temperaturu gecə 19-24, gündüz 33-38, dağlarda gecə 11-16, gündüz  20-25 dərəcə isti olacaq.

Xatırladaq ki, Nazirlər Kabineti yanında Operativ Qərargahın qərarı ilə şənbə və bazar günləri karantin rejimi tətbiq olunan ərazilərdə ictimai nəqliyyat işləməyəcək.

0
Teqlər:
hava proqnozu