Fəzail Ağamalı

Bu, ABŞ ilə münasibətlərimizin sonu deməkdir

145
(Yenilənib 15:14 28.12.2015)
Fəzail Ağamalı: “ABŞ ilə Azərbaycan arasında münasibətlər ABŞ-ın günahı ucbatından artıq sona çatır”

Bu, ABŞ ilə münasibətlərimizin sonu deməkdir
Azərbaycan ayrı-ayrı ermənipərəst siyasətçilərin deyil, tərəfdaş olduğu dövlətlərin rəsmi mövqeyini əsas götürür və siyasətini də bu mövqeyə uyğun olaraq qurur. Kris Smitin bu qərəzli addımı isə hələ ABŞ rəsmilərinin və Ağ Evin mövqeyi demək deyil. Bunu Azərbaycan Prezidentinin ictimai-siyasi məsələlər üzrə köməkçisi Əli Həsənov AZƏRTAC-a müsahibəsində deyib. 

“Əslində, Smit xarakterli siyasətçilər hər bir ölkədə var. Azərbaycanda da ABŞ-ın Dağlıq Qarabağ münaqişəsinə ermənipərəst mövqedən yanaşdığını, ölkəmizə qarşı bəzən qərəzli mövqedən çıxış etdiyini, erməni diasporu və lobbisinin təsiri altına düşdüyünü düşünən insanlar var. Onlar da Azərbaycan haklmiyyətindən ABŞ-la strateji tərəfdaşlığa son qoyulmasını, ölkəmizə qarşı qərəzli yanaşmalara adekvat cavab verilməsini tələb edirlər. Lakin qeyd etdiyim kimi, biz bütün digər ölkələrlə əlaqələrlə olduğu kimi, ABŞ-la da münasibətlərin inkişafında maraqlıyıq, ayrı-ayrı çağırışların ikitərəfli münasibətlərə xələl gətirməsinə imkan vermirik. 

Amma təbii ki, ABŞ rəsmi şəkildə bu qərəzli layihəyə dəstək verərsə, ermənipərəst qüvvələrin “oyunu”na gedərsə, o zaman Azərbaycan hakimiyyəti buna lazımi reaksiya verəcək – buna heç kəsin şübhəsi olmasın”, — deyə Əli Həsənov bildirib. 

Artıq ABŞ-ın Helsinki Komissiyasının sədri, konqresmen Kris Smitin Konqresə təqdim etdiyi "Azərbaycan Demokratiya aktı" adlı layihəyə alternativ olaraq Azərbaycan Milli Məclisinə "ABŞ-da insan hüquqlarının vəziyyəti haqqında" qanun layihəsi təqdim olunub.

 “Sputnik”in məlumatına görə, qanun layihəsinin müəllifi Azərbaycan Respublikası Milli Məclisinin Hüquq siyasəti və dövlət quruculuğu komitəsinin sədr müavini, “Azərbaycan Respublikasının Dağlıq Qarabağ Bölgəsinin Azərbaycanlı İcması” İctimai Birliyinin İdarə Heyətinin üzvü Rövşən Rzayevdir. Layihədə bildirilir ki, müstəqillik illərində Azərbaycan bir sıra ölkələrin, xüsusən də ABŞ-ın müxtəlif qurumlarının ayrı-ayrı vaxtlarda nümayiş etdirdiyi ikili standartlarla üz-üzə qalıb: “Bu qurumlar müstəqil siyasət yürüdən digər dövlətlər kimi, Azərbaycanı da öz təsiri altında saxlamağa, müxtəlif üsullarla onun daxili və xarici siyasətinə müdaxilə etməyə cəhd göstərir. Belə üsullardan biri də insan hüquqları və demokratiya kimi məsələlərdə qərəzli və birtərəfli mövqe tutaraq, ölkəni daim təzyiq altında saxlamaqdır”.  

Bununla bağlı “Sputnik” in suallarını Ana Vətən Partiyasının sədri, millət vəkili Fəzail Ağamalı cavablandırıb.

- Fəzail müəllim, ABŞ-ı belə bir anti —Azərbaycan addım atmağa nə sövq edir? 

—  ABŞ-da bu gün Azərbaycana qarşı müəyyən olunan siyasətdə erməni amili ciddi rol oynayır. Dövlət katibi kimi bir yüksək bir postda ermənipərəst insanlar kifayət qədərdir.  Onlar Amerikada yaşayan ermənilərin maliyyəsi ilə öz siyasi karyeralarını yaradıblar və bu maliyyə hesabına siyasi ambisiyalarını reallaşdırırlar. Beləliklə onlar erməni diasporundan mütləq şəkildə asılıdırlar və lobbiçilik edirlər. Bundan əvvəl də bir çox faktlar var. Demokratiyaya dəstək aktının 907-ci düzəlişi yenə də Con Kerri və onun kimi ermənilərin yanında olan insanlar həmin düzəlişin müəllifləri idi və onlar onun həyata  keçirilməsinə nail oldular. Bu günə qədərdə 907-ci düzəliş öz qüvvəsində qalır. Bir müddət bundan öncə Azərbaycanının kütləvi informasiya vasitələri anti-Azərbaycan qüvvələrin fəaliyyəti üzərində dayanılarkən bütün bunların ABŞ-in dövlət katibi Con Kerrinin ofisindən idarə olunması konkret faktlarla sübüt edildi. Smitin bu lahiyəsi birinci deyil, düşünürəm ki, heç axırıncı da olmayacaq. Azərbaycana qarşı xarici siyasətdə ABŞ kimi oturuşmuş bir dövlət qərəzli mövqe tutur. Mən deyərdim ki, bir sıra hallarda bu qərəzli mövqe Türkiyəyə də münasibətdə hiss olunur. Məncə bu qərəzli mövqeyin də arxasında erməni parası və bu para hesabına kifayət qədər şəbəkələşmiş erməni lobbisi dayanır.

- Sizcə, bu sanksiyalar həyata keçirilərsə, bunun ölkəmizə nə kimi təsirləri ola bilər?

—  Əlbəttə, bu sanksiyaların həyata keçirilməsi arzu olunan deyil. Əgər bu Konqresdə qəbul olunarsa və ABŞ qanunvericilik prinsiplərinə uyğun olaraq digər prosedur qaydalarından da keçərsə o zaman bu Azərbaycana qarşı çox ciddi xarakter daşıyan sanksiya olacaqdır. Özünüz də görürsüz ki, orada çox çətin müddəalar qoyulub. Qeyd edim ki, indiyə kimi dünyanın heç bir ölkəsinə ABŞ tərəfindən belə ağır sanksiyalar qoyulmayıb. Azərbaycana qarşı bu cür sərt sanksiyaların tətbiq olunması faktiki olaraq ABŞ ilə Azərbaycan arasında bütün münasibətlərin sonu deməkdir. Hörmətli həmkarım Rövşən Rzayev tərəfindən də bir lahiyə hazırlanıb artıq o lahiyə ortalıqdadır. Məhz, belə olarsa, Azərbaycanda bir dövlət olaraq ona uyğun addımlar atacaq. Şəxsən mən bu baxımdan Rövşən Rzayevi birmənalı şəkildə müdafiə edirəm. Ona görədə əgər ABŞ Smitin bu lahiyəsini qanuniləşdirərsə, Azərbaycan da öz tərəfindən Rövşən Rzayevin təqdim etmiş olduğu qanun lahiyəsini müzakirəyə çıxarıb onu da qəbul etməlidir. Beləliklə, ABŞ ilə Azərbaycan arasında münasibətlər ABŞ-ın günahı ucbatından artıq sona çatır əldə olunan uğurların üstündən xətt çəkilir. Bu da çox təəssüfləndirici haldır. Mən ümidvaram ki, Amerikada kifayət qədər ABŞ-ın maraqlarına xidmət edən, onun milli maraqlarını hər şeydən üstün tutan Azərbaycanın Qərb və ABŞ üçün önəmli bir ölkə olduğunu nəzərə alaraq eyni zamanda Azərbaycanda islahatların ardıcıl xarekter daşıdığını önə çəkərək belə bir qatnamənin qəbul olunmasına imkan verməyəcəklər. Hər halda mən buna ümid edirəm. Çünki, Amerika başdan-başa ermənipərəst qüvvələrdən ibarət deyil. Orada Azərbaycanı sevən kifayət qədər siyasətçilər var. Onların gücüylə haqqa ədalətə söykənərək bu qətnamə rədd ediləcək. 

145
Mövzu:
Amerikaya Azərbaycanın cavabı (8)
1 saylı şəhər poliklinikasının baş həkimi Kubra Cabbarova

Baş həkim vaksinasiyadan sonra arxayınlaşmamağa çağırır

21
(Yenilənib 10:39 24.01.2021)
1 saylı şəhər poliklinikasının baş həkimi Kubra Cabbarova deyir ki, hər yeni yoluxma halı bir neçə nəfərin yoluxması və virusun zəncirvari yayılması deməkdir
Kubra Cabbarova: “Pandemiya bitənə qədər maska istifadə edilməlidir”

“Peyvəndləmə koronavirusla mübarizənin əsas halqalarındandır”. Sputnik Azərbaycan xəbər verir ki, bu sözləri AZƏRTAC-a müsahibəsində 1 saylı şəhər poliklinikasının baş həkimi Kubra Cabbarova deyib.

“Vaksinasiya pandemiyanın yox olmasına kömək edəcək. Lakin peyvənd vurdurandan sonra arxayınlaşmaq olmaz. Pandemiya bitənə qədər maska istifadə edilməli, gigiyena qaydalarına, sosial məsafə prinsiplərinə əməl olunmalıdır. Bu virus sürətlə yayılma qabiliyyətinə malikdir. Hər yeni yoluxma halı bir neçə nəfərin yoluxması və virusun zəncirvari yayılması deməkdir. Ona görə də təkcə vaksinasiyaya arxayın olaraq digər qaydaları diqqətdən kənarda saxlamaq olmaz” – deyə baş həkim bildirib.

Qeyd edək ki, yanvarın 18-dən Azərbaycanda COVID-19 infeksiyasına qarşı vaksinasiya başlayıb. Peyvəndləmə könüllü və dövlət hesabına aparılır.

Kubra Cabbarovanın fikirlərinə audiofaylda qulaq asa bilərsiniz

21
Rus İqtisad Məktəbinin direktor müavini Elşad Məmmədov

Professor: “Yeni reallıqlar regional əlaqələrin dərinləşməsini zəruri edir”

30
(Yenilənib 10:16 23.01.2021)
Azərbaycan Dövlət İqtisad Universitetinin professoru Elşad Məmmədov deyir ki, yeni reallıqlar həm iqtisadi, həm də geosiyasi müstəvidə öz əksini tapmaqdadır
Elşad Məmmədov: “İranla iqtisadi əlaqələrimizdə qeyri-neft sektorunun böyük payı olacaq”

Tehranda İran-Azərbaycan Birgə İqtisadi Komissiyasının 14-cü iclası keçirilib. İclas çərçivəsində iki ölkə arasında müxtəlif sahələrdə, o cümlədən texniki, mühəndislik, su, enerji, dəmir yolu və s. sazişlər imzalanıb.

Azərbaycan-İran iqtisadi əlaqələrinin perspektivlərini Sputnik Azərbaycan-a şərh edən Azərbaycan Dövlət İqtisad Universitetinin (UNEC) professoru Elşad Məmmədov bildirib ki, Dağlıq Qarabağ münaqişəsinin həllindən sonra bölgədə yeni reallığın yaranmasının şahidi oluruq:

“Bu həm iqtisadi, həm də geosiyasi müstəvidə öz əksini tapmaqdadır. Yeni iqtisadi və siyasi reallıqların formalaşması regional əlaqələrin dərinləşməsini zəruri edir. Hesab edirəm ki, bu istiqamətdə çox böyük dəyişikliklərin şahidi olacağıq. İranla iqtisadi əlaqələrimizin dərinləşməsində xüsusən qeyri-neft sektorunun böyük payı olacaq”.  

Elşad Məmmədovun geniş şərhinə audiofaylda qulaq asa bilərsiniz

30
Dəniz quldurlarının bayrağı, arxiv şəkli

Dəniz quldurlarının öldürdüyü talesiz azərbaycanlı - VİDEO

0
(Yenilənib 00:09 25.01.2021)
Fərman İsmayılov yaxın günlərdə Azərbaycana gələcəkmiş. Ancaq sonradan növbəti əməkdaşların pandemiya səbəbindən gəmiyə gələ bilməməsi onun gəmidə qalmasına səbəb olub.

BAKI, 24 yanvar - Sputnik. Ötən gün axşam saatlarında nigeriyalı dəniz quldurları Qvineya körfəzində Türkiyə gəmisinə basqın ediblər. Nəticədə də 15 nəfər girov götürülüb, bir azərbaycanlı öldürülüb. Öldürülən şəxsin Siyəzən rayon sakini 45 yaşlı Fərman İsmayılov olduğu məlum olub. Onun nəşi yanvarın 26-də Azərbaycana gətiriləcək. Hadisə ilə bağlı Fərman İsmayılovun qardaşı Ayaz İsmayılov ''XəzərXəbər''ə açıqlama verib.

Hadisə Qvineya körfəzində Türkiyəyə məxsus "Mozart" adlı gəmidə baş verib. Gəmi qəfildən nigeriyalı dəniz quldurlarının basqınına məruz qalıb. Məlumata görə, Liveriya bayrağı altında üzən gəmi Laqosdan Keyptauna doğru hərəkət edirmiş. Gəmidə ümumilikdə 19 nəfər olub.Silhalılar gəmidə olan yeganə azərbaycanlı Fərman İsmayılovu öldürüblər.Digər 15 Türkiyə vətəndaşı isə girov götürülüb. Gəmi heyətindən 3 nəfər xilas ola bilib və gəmini təhlükəsiz limana çatdırıblar.

Dəniz quldurlarının qətlə yetirdiyi Fərman İsmayılovun qardaşı Ayaz İsmayılovun sözlərinə görə, Fərman 18 ildən çox müddətdə həmin gəmidə ikinci mexanik vəzifəsində çalışırmış. Qardaşının vəfat etməsi xəbərini isə ona şirkətdən məlumat veriblər.

Ayaz İsmayılov deyir ki, qardaşı yaxın günlərdə Azərbaycana gələcəkmiş. Ancaq sonradan növbəti əməkdaşların pandemiya səbəbindən gəmiyə gələ bilməməsi onun gəmidə qalmasına səbəb olub.

Bu arada Türkiyə rəsmiləri Nigeriya sahillərində "Mozart" adlı yük gəmisinin dəniz quldurları tərəfindən qaçırılan heyət üzvlərinin tapılması istiqamətində fəaliyyətlərə başlayıb. Türkiyə Prezidenti Rəcəb Tayyib Ərdoğan və ölkənin xarici işlər naziri Mövlud Çavuşoğlu ilə gəminin dördüncü kapitanı Furkan Yaren arasında telefon danışığı olub, son vəziyyətlə bağlı məlumat verilib. Mövlud Çavuşoğlu gəminin məxsus olduğu şirkətin icraçı direktoru Osman Levent Karsanla da telefonla danışaraq qaçırılan gəmiçilərin ən qısa zamanda evlərinə qaytarılması istiqamətində bütün imkanların səfərbər ediləcəyini bildirib.

Türkiyənin başda Abuca olmaqla Nigeriya və qonşu ölkələrdəki bütün səfirliklərin qaçırılan heyət üzvlərini xilas etmək üçün səfərbər olduğu qeyd edilir.

Türkiyənin nəqliyyat və infrastruktur naziri Adil Karaismailoğlu yerli mətbuata bildirib ki, qaçırılan "Mozart" gəmisi bu gün saat 11.00-da Qabonun Gentil limanında lövbər salıb. Fərman İsmayılovun nəşi və 3 heyət üzvü hazırda gəmidədir.

Hadisəyə Azərbaycanın Xarici İşlar Nazirliyindən də münasibət bildirilib. Nazirliyin Mətbuat xidməti idarəsinin rəisi Leyla Abdullayeva açıqlamasında bildirib ki, Türkiyə tərəfi ilə qarşılıqlı əlaqələndirmə əsasında nəşin vətənə gətirilməsi üçün müvafiq tədbirlər həyata keçiriləcək.

Türkiyənin Qabondakı səfirliyinin vasitəçiliyi ilə cəsəd paytaxt şəhər Librevilə göndəriləcək. Daha sonra nəşin Türkiyə Hava Yollarının ilk uçuş reysi ilə, yəni 26 yanvar tarixində Türkiyə üzərindən Azərbaycana yola salınması planlaşdırılır.

0
Teqlər:
Türkiyə prezidenti Rəcəb Tayyib Ərdoğan, Türkiyə Prezidenti Rəcəb Tayyib Ərdoğan, Rəcəb Tayyib Ərdoğan, Türkiyə, dəniz quldurları