Qarabağ atəşkəs əsgər ordu

Müharibə hər an başlaya bilər

498
(Yenilənib 12:19 23.12.2015)
Ekspertlərin fikrincə, Yeni il ərəfəsində Ermənistan tərəfi daha çox atəşkəsi pozmağa cəhd göstərəcək

Müharibə hər an başlaya bilər
Son günlər cəbhə bölgəsində vəziyyət yenidən gərginləşib. Ermənistan silahlı bölmələri Azərbaycan ordusunun mövqelərini atəşə tutmaqda davam edir.

Dekabrın 19-u gün ərzində və 20-ə keçən gecə Silahlı Qüvvələrimizin bölmələri müxtəlif istiqamətlərdə düşmənin təxribat törətmək cəhdlərinin qarşısını qətiyyətlə alaraq onun atəş nöqtələri və mövqelərinə müxtəlif çaplı silahlardan dəqiq zərbələr endiriblər. Nəticədə, qarşı tərəfin bir neçə texnikası sıradan çıxarılıb, şəxsi heyəti arasında ən azı 2 nəfər ölən və 4 yaralanan var. Ümumilikdə ermənilər həftə ərzində 18 ölü və 20-dən artıq yaralı olaraq itki verib. Düşmənlə döyüş toqquşmasında Silahlı Qüvvələrimizin hərbi qulluqçusu əsgər Nurməmmədzadə İbrahim Əvəz oğlu həlak olub.

Bəs görəsən Ermənistanın belə bir təxribata əl atmasında marağı nədir? Hərbi ekspert, ehtiyatda olan polkovnik-leytenant Üzeyir Cəfərovun sözlərinə görə, bu addımın səbəbləri gizli deyil:

“Heç bir gizli səbəb axtarmaq lazım deyil. Ermənistan özbaşına bir dövlət deyil, idarə olunan bir ölkədir. Ona görə də, mən qeyri-adi heç nə görmürəm. Bu cəbhədə olan son hadisələr də bir növ Ermənistanın özünü yaxşı göstərmək cəhdləridir, o cümlədən, regionda gərginliyi saxlamağa yönəlmiş addımlardır”.

Hərbi ekspert Emin Həsənli isə bildirib ki, Ermənistana qarşı müəyyən addımlar atılmayınca o, bu hərəkətlərinə davam edəcək:

“Çox təəssüf edirik ki, konkret olaraq Ermənistana nə qədər ki sanksiyalar tətbiq edilmir, Ermənistan bu cür hərəkətləri davam etdirəcək. O, beynəlxalq hüququ pozur. Təhlükəsizlik Şurasının beş daimi üzvündən üçü – Amerika, Rusiya və Fransa konkret ölçü götürmür, həmsədrlər bəyanat vermir. Azərbaycan atəşkəsi bir dəfə pozacaq, o da torpaqlarını işğaldan azad edəcək. Ermənistan heç bir hüquqa əməl etmir, diversiya qrupları göndərir Azərbaycan ərazisinə, pilotsuz təyyarələr göndərir, mülkü əhaliyə qarşı atəş açır. Və bu hadisələri davam etdirir. Konkret Ermənistana heç bir tədbirlər görülmür”.

Üzeir Cəfərov hesab edir ki, şəhidlərin verilməsində ATƏT-in Minsk qrupunun həmsədrlərinin də günahları az deyil:

Situation in Armenia
© Sputnik / Kirill Kallinikov
“Bu şəhidlərin verilməsi də, bunlar hamısı ATƏT-in Minsk qrupunun həmsədrlərinin vicdanına yazılmalı olan hadisələrdir. Çünkü indiyənədək onlar ortalığa heç bir konkret iş, nəticə qoymayıblar. Keçirilən görüş də Azərbaycan və Ermənistandan daha çox ATƏT-in Minsk qrupunun həmsədrlərinə lazım idi ki, onlar hesabatlarına yazsınlar ki, guya hansısa bir sülhyaratma missiyası ilə məşğuldurlar”.

Cəbhədəki vəziyyətlə əlaqədar hər iki tərəf itkilər verir. Gərgin vəziyyət isə hər an irimiqyaslı əməliyyatların başlanmasına gətirib çıxara bilər. Ekspert Emin Həsənli davam edir:

“Törədilən hadisə nəticəsində hər iki tərəf itki verir, Ermənistan daha çox itki verir. Bunlar, düzdür, bəzi hallarda itkilərini gizlədirlər, amma bütün hallarda, buna müvafiq ola bilmirlər. Cəbhədə gərgin vəziyyət davam edir. Bu gərgin vəziyyət hər an irimiqyaslı əməliyyatların başlanmasına səbəb ola bilər. Ona görə ki, Ermənistan heç vaxt hüquq normalarına əməl etmir. Ermənistan üçün qanunun aliliyi yoxdur. Ermənistan hakimiyyətinin öz əhalisinin qarşısında heç bir məsuliyyəti yoxdur. O, beynəlxalq hüquqa da əməl etmir. Orada cinayətkarlar hakimiyyətdədir və biz cinayətkar bir dəstə ilə mübarizə aparırıq”.

Bəs bu gərginlik və itkilər nə qədər davam edəcək? Üzeir Cəfərov bu haqda belə düşünür:

“Yəqin ki, bir-iki gün sakitçilik olacaq. Amma yeni il öncəsi və yeni ilin ilk günlərində cəbhədə yenə də aktiv atışmalar və hərəkətlər olacaq. Amma düşünmürəm ki, bunlar genişmiqyaslı əməliyyatlara gətirib çıxarsın. Bu, sadəcə olaraq, erməni xislətinə uyğun olaraq, vəziyyəti daim gərginlik altında saxlanmasına xidmət edən addımlardır”. 

Qeyd edək ki, son günlər cəbhədə erməni təxribatlarının qarşısı ordumuz tərəfindən uğurla alınır və düşmən itkilər verməkdə davam edir. 

498
“Atlas” Araşdırmalar Mərkəzinin rəhbəri Elxan Şahinoğlu

Politoloq: “İrandan silah alacaq ölkələr ABŞ sanksiyaları ilə üzləşə bilər”

25
(Yenilənib 10:24 21.10.2020)
“Atlas” Araşdırmalar Mərkəzinin rəhbəri, politoloq Elxan Şahinoğlu deyir ki, silah embarqosunun ləğvinə baxmayaraq hansısa ölkənin İrandan silah alacağına inanmır
Elxan Şahinoğlu: “İran müasir silah texnologiyaları almağa çalışacaq”

“Silah embarqosunun ləğvindən sonra rəsmi Tehran silah almağı yox, əksinə, külli miqdarda silah satmağı planlaşdırır”. Bunu İranın Müdafiə naziri, briqada generalı Əmir Hatəmi bildirib.

“Atlas” Araşdırmalar Mərkəzinin rəhbəri, politoloq Elxan Şahinoğlu Sputnik Azərbaycan-a deyir ki, İranın hər zaman müasir silah texnologiyalarına ehtiyacı olub və indi də var:

“Silah embarqosunun ləğvinə baxmayaraq hansısa ölkənin İrandan silah alacağına inanmıram. Bunun nəticəsi olaraq həmin ölkələr ABŞ sanksiyaları ilə üzləşə bilər. Bununla belə İran özünə tərəfdar qrupları silahlandırmağa davam edəcək. İran çalışacaq ki, Rusiyadan və ya hansısa Avropa ölkəsindən müasir silah texnologiyaları alsın. Problem burasındadır ki, hazırda İran iqtisadiyyatı ağır günlərini yaşayır və hansı pulla bu texnologiyaların idxal ediləcəyi sual altındadır”.

Elxan Şahinoğlunun geniş şərhinə audiofaylda qulaq asa bilərsiniz

25
Təhsil eksperti Kamran Əsədov

Ekspert: "Azərbaycan təhsili 28 ildir müharibənin ağrısını hiss edirdi"

33
(Yenilənib 10:20 20.10.2020)
Təhsil eksperti Kamran Əsədov deyir ki, ordumuzun keçirdiyi əks-hücum əməliyyatları düşmən tərəfini daha da azğınlaşdırıb
Kamran Əsədov: “Torpaqlarımızın azad edilməsi təhsilimizə müsbət təsir göstərəcək”

Sentyabrın 27-dən başlayan düşmən hücumları nəticəsində 40-a yaxın məktəb dağıntılara məruz qalıb. Bunu Təhsil naziri Emin Əmrullayev Operativ Qərargahın brifinqində deyib.

Təhsil eksperti Kamran Əsədov Sputnik Azərbaycan-a deyir ki, Azərbaycan təhsili 28 ildir müharibənin təsirini, ağrısını hiss edirdi:

“Cəbhəyanı ərazilərimizdəki təhsil müəssisələri mütəmadi olaraq düşmənin hədəfinə çevrilirdi. Hazırda ordumuzun keçirdiyi əks-hücum əməliyyatları düşmən tərəfini daha da azğınlaşdırıb. Onlar yenə də məktəbləri, sivil yaşayış məntəqlərini mütəmadi atəşə tuturlar. Ordumuzun torpaqları işğaldan azad etməsi Azərbaycan təhsilinə psixoloji olaraq müsbət təsir göstərəcək”.

Kamran Əsədovun geniş şərhinə audiofaylda qulaq asa bilərsiniz

33
Mövzu:
Azərbaycan və Ermənistan arasında müharibə
Əlaqədar
Ekspert: “Yeni təhsil ili kirayə mənzil bazarında aktivlik yaratmayıb”
Nazirdən sabah ad günü olacaq Nigarla bağlı paylaşım
Gəncədə orta məktəb ciddi dağıntılara məruz qalıb - Nazirlik
Nazir icazə verdi: Repetitorlar fəaliyyətlərini davam etdirə bilərlər
Müharibəyə gedən tələbələrin aqibəti necə olacaq? Nazir açıqladı
(1:13 / 9.91Mb / просмотров видео: 98)

İşğalçıların döyüş meydanında atıb-qaçdığı növbəti hərbi texnikalar - VİDEO

29
(Yenilənib 15:04 21.10.2020)
Azərbaycan ordusunun hərbçiləri yenə Ermənistan silahlı qüvvələrinin hərbi texnikasını qənimət olaraq götürüblər.

Müdafiə Nazirliyi Ermənistan silahlı qüvvələrinin döyüş meydanında atıb-qaçdığı, həmçinin bölmələrimiz tərəfindən məhv edilən növbəti hərbi texnikaları nümayış etdirib. 

Sputnik Azərbaycan həmin görüntüləri təqdim edir.

Qeyd edək ki, sentyabrın 27-də saat 06 radələrində Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlar, minaatanlar və müxtəlif çaplı artilleriya qurğularından intensiv atəşə tutub. Nəticədə cəbhə bölgəsində genişmiqyaslı hərbi əməliyyatlar başlayıb. Düşmən tərəfindən Tərtər rayonunun Qapanlı, Ağdam rayonunun Çıraqlı və Orta Qərvənd, Füzuli rayonunun Alxanlı və Şükürbəyli, Cəbrayıl rayonunun Cocuq Mərcanlı kəndlərinin intensiv atəşə tutulması nəticəsində mülki şəxslər həlak olublar. Mülki infrastruktur obyektlərinə ciddi ziyan dəyib. Azərbaycan Ordusunun ön xətt bölmələri düşmənin bu təxribatının qarşısını almaq və qoşunların qarşıdurma xəttinə yaxın zonalarda yaşayan mülki əhalinin təhlükəsizliyini təmin etmək məqsədilə cavab tədbirləri görür.

Müdafiə Nazirliyinin məlumatına görə, Azərbaycan Ordusunun uğurlu əks-hücum əməliyyatları nəticəsində Füzuli-Cəbrayıl istiqamətində Qaraxanbəyli, Qərvənd, Kənd Horadiz, Yuxarı Abdurrəhmanlı, Böyük Mərcanlı və Nüzgar kəndləri işğaldan azad edilib.

Oktyabrın 3-də isə Azərbaycan Silahlı Qüvvələri strateji cəhətdən əhəmiyyətli daha bir yaşayış məntəqəsini - dövlət başçısının həmin gün Sugovuşan tarixi adını qaytardığı Madagiz kəndini azad edib. Həmin gün Tərtər rayonunun Talış kəndinin, Cəbrayıl rayonunun Mehdili, Çaxırlı, Aşağı Maralyan, Şəybəy və Quycaq kəndlərinin və Füzuli rayonunun Aşağı Əbdürrəhmanlı kəndinin azad edildiyi məlum oldu.

Oktyabrın 4-də Azərbaycan ordusu Cəbrayıl şəhərini və Cəbrayıl rayonunun doqquz kəndini - Karxulu, Şükürbəyli, Yuxarı Maralyan, Çərəkən, Daşkəsən, Horovlu, Dəcəl, Mahmudlu, Cəfərabadı azad edib.

Oktyabrın 5-də Azərbaycan ordusu Cəbrayıl rayonunun Şıxalıağalı, Məzrə və Sarıcalı kəndlərini azad edib.

Oktyabrın 9-da Hadrut qəsəbəsi, Çaylı, Yuxarı Güzlək, Gorazıllı, Qışlaq, Qaracallı, Əfəndilər, Süleymanlı, Sur kəndləri işğaldan azad edilib.

Oktyabrın 14-də Füzuli rayonunun Qaradağlı, Xatunbulaq, Qarakollu, Xocavənd rayonunun Bulutan, Məlikcanlı, Kəmərtük, Təkə, Tağaser kəndləri işğaldan azad edilib.

Oktyabrın 15-də Azərbaycan Ordusu tərəfindən Füzuli rayonunun Arış, Cəbrayıl rayonunun Doşulu, Xocavənd rayonunun Edişə, Düdükçü, Edilli, Çiraquz kəndləri işğaldan azad olunub.

Oktyabrın 16-da Xocavənd rayonunun Xırmancıq, Ağbulaq, Axullu kəndləri işğaldan azad edilib.

Oktyabrın 17-də Füzuli rayonunun Qoçəhmədli, Çimən, Cuvarlı, Pirəhmədli, Musabəyli, İşıqlı, Dədəli kəndləri və Füzuli şəhəri işğaldan azad olunub.

Oktyabrın 18-də Azərbaycan Silahlı Qüvvələri Xudafərin körpüsünün üzərində Azərbaycan bayrağını qaldırıblar.

Oktyabrın 19-da Cəbrayıl rayonunun Soltanlı, Əmirvarlı, Maşanlı, Hasanlı, Alıkeyxalı, Qumlaq, Hacılı, Göyərçin Veysəlli, Niyazqulular, Keçəl Məmmədli, Şahvəlli, Hacı İsmayıllı, İsaqlı kəndləri azad edilib.

Oktyabrın 20-də Füzuli rayonunun Dördçinar, Kürdlər, Yuxarı Əbdülrəhmanlı, Qarğabazar, Aşağı Veysəlli, Yuxarı Aybasanlı, Cəbrayıl rayonunun Səfərşa, Həsənqaydı, Fuğanlı, İmambağı, Ağtəpə, Yarəhmədli, Daş Veysəlli, Xocavəndin Ağcakənd, Mülküdərə, Daşbaşı, Günəşli (Noraşen), Çinarlı (Vəng), Zəngilan rayonunda Havalı, Zərnəli, Məmmədbəyli, Həkəri, Şərifan, Muğanlı kəndləri və Zəngilan şəhəri azad edilib.

29
Mövzu:
Azərbaycan və Ermənistan arasında müharibə