Personal data online

Kibercinayətkarlarla polis mübarizə aparacaq

70
(Yenilənib 13:02 16.12.2015)
Ekspertlərin fikrincə, bu sahədə önəmli məsələ səlahiyyətin kimdə olması yox kadr potensialıdır

Kibercinayətkarlarla polis mübarizə aparacaq
Prezident İlham Əliyev “Azərbaycan Respublikası Cinayət-Prosessual Məcəlləsinin təsdiq edilməsi, qüvvəyə minməsi və bununla bağlı hüquqi tənzimləmə məsələləri haqqında” qanuna dəyişikliklər edib. Dəyişikliklərə əsasən Daxili İşlər Nazirliyinə kibercinayət işləri üzrə ibtidai istintaq aparmaq səlahiyyəti verilib. 

İndiyə qədər kibercinayət işləri üzrə ibtidai istintaq aparmaq səlahiyyəti yalnız xüsusi xidmət orqanlarına məxsus olub. Bundan sonra isə kibercinayətlərlə bağlı işi başlamış daxili işlər (polis) orqanları da ibtidai istintaq apara biləcəklər.

Azərbaycan İnternet Forumunun prezidenti Osman Gündüz “Sputnik”ə açıqlamasında ölkəmizdə kibercinayətkalığa qarşı aparılan mübarizədən danışıb:

“Əvvəllər bununla daha çox Milli Təhlükəsizlik Nazirliyi (MTN), az bir hissəsi ilə isə DİN və Baş prokrorluq məşğul ola bilərdi. İnternet aləmində, komputer sahəsində baş verən cinayətlərlə bağlı işlər isə daha çox MTN-də cəmləşmişdir. Hesab edirəm ki, bu sahədə atılmış addımlar və yeni qanunvericilik düzgün yanaşmadır. Elə məsələlər var ki, orada milli təhlükəsizlik kompenenti yoxuydu, amma MTN-nin kompentasiyasına aid olurdu. Dünya təcrübəsində də kibercinayətkarlıqla DİN məşğuldur. Elə ölkələr var ki, DİN-nin bütün strukturlarında kibercinayətkarlıqla bağlı bölmələr var. Burada əsas ciddi məsələ kadrlarla bağlıdır. İndi əsas kibercinayətlərlə bağlı kadrlar və texniki texnoloji təminatla əlaqəli məsələlərə ciddi diqqət yetirmək lazımdır”.

 Hüquqşünas Ələsgər Məmmədlinin fikirncə isə kibercinayətkarlıqla mübarizədə əsas problem kadrlarla bağlıdır:

“Kibercinayətkarlığa qarşı mübarizə elə bir məqamdır ki, burada texnoloji bilgi çox önəmlidir. Mütəxəssilərin hansı nazirlikdə olması önəmli deyil. Önəmli olan bu mütəxəssilərin mövcudluğudur. Əgər DİN-nin nəzdində kibercinayətkarlıqla mübarizə üçün yüksək səviyyəli mütəxəssislər yoxdursa, ölkədə bu sahə üzrə olan yaxşı mütəxəssislər DİN-ə cəlb olunacaq. Yaxud da başqa nazirliklərdə olanlar yenidən bu tərəfə çevriləcək. Mahiyyət etibarı ilə yer dəyişmək nəticəni həll etmir. Yerdəyişmək sadəcə strukturlar arası bir iş bölgüsüdür. Nəticə odur ki, əgər ölkədə bununla mübarizə aparacaq səviyyədə kadr varsa nəticə olacaq. Çünki, müasir texnologiyalarda həm metodlar çox sürətlə inkişaf eləyir, həm də texnoloji imkanlar. Bu baxımdan bunları təqib etmək, son müdaxilənin yerini tapmaq o qədərdə asan olmur. Bunu ancaq yüksək səviyyəli texnologiya və mütəxəssis tapa bilər”.

Qeyd edək ki, kibercinayətlərə kompüter sisteminə qanunsuz daxil olma (271-ci maddə), kompüter məlumatlarını qanunsuz ələ keçirmə (272-ci maddə), kompüter sisteminə və ya kompüter məlumatlarına qanunsuz müdaxilə (273-cü maddə), Kibercinayətlərin törədilməsi üçün hazırlanmış vasitələrin dövriyyəsi (273-1.-ci maddə), kompüter məlumatlarının saxtalaşdırılması (273-2.-ci maddə) daxildir. Bu maddələr üzrə 2 ildən 6 ilə qədər azadlıqdan məhrumetmə, 2 min manatdan 4 min manatadək cərimə nəzərdə tutulur.

70
Teqlər:
kibercinayət, ümumdüya kompüter şəbəkəsi, kompüter, MTN

Ekspert: “AQTA şəffaflığın təmin edilməsi üçün bu amili nəzərə almalıdır”

19
Azad İstehlakçılar Birliyinin sədri Eyyub Hüseynov deyir ki, standartlara uyğun olmayan yerlər bağlanmamalı, dövlət dəstəyi ilə qanuna uyğun şəkildə fəaliyyət göstərə bilməlidir
Eyyub Hüseynov: “Biznes qurumlarının fəaliyyət göstərməsinin tərəfdarıyıq”

AQTA əməkdaşları tərəfindən 21 may-05 iyul 2020-ci il tarixlərində Bakıda, eləcə də regionlarda fəaliyyət göstərən 876 turizm və otelçilik, 7 099 ictimai iaşə obyekti, 9 023 ərzaq satışı mağazası olmaqla ümumilikdə 16 998 müəssisədə reydlər keçirilib.

Azad İstehlakçılar Birliyinin sədri Eyyub Hüseynov Sputnik Azərbaycan-a deyir ki, pandemiya şəraitində AQTA-nın apardığı reydlər çox vacibdir:

“Təəssüf ki, reydlərə jurnalistlər və QHT-lər cəlb edilmir. Şəffaflığın təmin olunması baxımından bu amil önəmlidir. AQTA işini elə qurmalıdır ki, standartlara uyğun olmayan yerlər bağlanmasın, dövlət dəstəyi ilə qanuna uyğun şəkildə fəaliyyət göstərə bilsinlər. Biz biznes qurumlarının fəaliyyət göstərməsinin tərəfdarıyıq”.

Eyyub Hüseynovun geniş şərhinə audiofaylda qulaq asa bilərsiniz

19
Milli Məclisin İqtisadi siyasət, sənaye və sahibkarlıq komitəsinin sədri Tahir Mirkişili

Millət vəkili: “Yeni dəstək mexanizmlərinin tətbiqinə zərurət yaranıb”

92
(Yenilənib 10:57 09.07.2020)
Milli Məclisin İqtisadi siyasət, sənaye və sahibkarlıq komitəsinin sədri Tahir Mirkişili deyir ki, ümumi yanaşma postpandemiya dövründə sürətli inkişaf mərhələsinə keçməkdir
Tahir Mirkişili: “Onlayn kreditlərin verilməsi yaranmış iqtisadi şəraitin reallığıdır”

“Pandemiyanın iqtisadiyyata vurduğu zərərin ölçülməsi ilə bağlı həm dünyada, həm də Azərbaycanda müxtəlif təhlillər aparılır. Bu ilin 5 ayı ərzində xəstəliyin yayılmasının qarşısını almaq məqsədilə görülən məhdudlaşdırıcı tədbirlər nəticəsində Azərbaycan iqtisadiyyatı itki ilə üzləşib, ümumi daxili məhsul 1,7 faiz azalıb”. Sputnik Azərbaycan xəbər verir ki, bunu AzərTAC-a müsahibəsində Milli Məclisin İqtisadi siyasət, sənaye və sahibkarlıq komitəsinin sədri Tahir Mirkişili deyib.

“Bu o deməkdir ki, iqtisadiyyatda zərərlə üzləşmiş bir çox sahələrdə yeni dəstək mexanizmlərinin tətbiqinə zərurət yaranıb. Ümumi yanaşma postpandemiya dövründə sürətli inkişaf mərhələsinə keçməkdir. İndiki halda sahibkara verilən kreditlərin elektron sistem üzərindən qurulması, onlayn kreditlərin verilməsi yaranmış iqtisadi şəraitin reallığıdır. Kredit resurslarının əlçatan olması Azərbaycan dövlətinin hər zaman ciddi əhəmiyyət verdiyi mühüm məsələlərdən olub. Dövlət bu istiqamətdə indiyədək 2 milyard manatdan çox vəsait xərcləyib”.

Tahir Mirkişilinin fikirlərinə audiofaylda qulaq asa bilərsiniz

92
Əlaqədar
Ciddi böhranın ayaq səsləri eşidilir – Amma bu dəfə heç nə bizdən asılı deyil
Azərbaycanda və dünyada elektrik enerjisi - iyirmi il sonra bizi nə gözləyir
Pərviz Şahbazov: "Neft bazarının sabitləşməsi üçün ən azı iki il vaxt lazımdır"
Mərkəzi Bankda valyuta ehtiyatları ilə nə baş verir?
Dövlətlə yarıbayarı "şərik": kredit sel kimi axacaq
Məmurlar, arxiv şəkli

Azərbaycanın xaricdəki bəzi diplomatları koronavirusa yoluxub

0
(Yenilənib 18:54 10.07.2020)
Azərbaycanın Əfqanıstanda olan sülhməramlılarından bir nəfərdə yoluxma halı müəyyən edilib və dərhal karantinə alınıb.

 

BAKI, 10 iyul — Sputnik. Azərbaycanın xaricdəki diplomatik nümayəndəliklərində də yolxuma halları müşahidə edilib.

Sputnik Azərbaycan xəbər verir ki, bunu Prezidentin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev deyib.

O qeyd edib ki, 12 saylı cəzaçəkmə müəssisəndə 11 məhkum, 14 saylı cəzaçəkmə müəssisəsində 5 məhkum, 4 saylı cəzaçəkmə müəssisəsində 2 məhkumda testin nəticələri müsbət çıxıb.

Hikmət Hacıyev eyni zamanda bildirib ki Azərbaycanın Əfqanıstanda olan sülhməramlılarından bir nəfərdə yoluxma halı müəyyən edilib və dərhal karantinə alınıb: "Onun Azərbaycana gətirilməsi təmin olunub".

Prezidentin köməkçisi bildirib ki, Azərbaycanın səfirliklərinin əməkdaşları arasında da yoluxma halları qeydə alınıb: "Bundan əlavə, onların ailə üzvlərindən də yoluxanlar var. Buna baxmayaraq Azərbaycanın xaricdəki diplomatik nümayəndəlikləri fəaliyyətini davam etdirir".

0
Mövzu:
Dünyanı cənginə almış bəla
Əlaqədar
Koronavirusa yoluxanların sayı 12 milyonu keçdi
Bölgələrimizdə koronavirusla bağlı vəziyyəti - Hansı zona daha təhlükəlidir?
Ölkəmizdə kimlər daha çox risk altındadır? - Koronavirusa yoluxanların yaş qrupları
Azərbaycanla qonşu ölkədə bir gündə 176 nəfər koronavirusdan öldü
Koronavirusa qarşı yeni dərmanlar tapıldı