Ильхам Алиев и Серж Саргсян

Prezidentlər görüşərlərsə...

53
(Yenilənib 14:56 15.12.2015)
Ekspertlər Azərbaycan və Ermənistan prezidentlərinin ehtimal olunan görüşü barədə fikirlərini bildirirlər.

Prezidentlər görüşərlərsə...
Dekabrın 19-da Azərbaycan və Ermənistan prezidentlərinin arasında görüş keçirilə bilər. Bu haqda məlumatı Ermənistanın “Jamanak” qəzeti yayıb. Qəzetin iddiasına görə, görüş İsveçrədə realaşa bilər. Lakin bunun hansısa tədbir çərçivəsində olacağı, yoxsa ölkə başçılarının məxsusən belə bir təmas üçün İsveçrəyə gedəcəkləri haqda bir şey deyilmir. Üstəlik, Azərbaycan tərəfi də hələlik məsələ ilə bağlı təsdiq edici rəsmi məlumat yaymayıb.

Bu, o deməkdir ki, əslində görüşün baş tutma ehtimalı elə də böyük deyil. O halda 2015 —ci sülh danışıqları aparıldığı müddətdə prezidentlərin birbaşa təmasının reallaşmadığı il kimi tarixə düşəcək. Hətta görüş alınsa belə, əksər analitiklərə görə, onun nizamlama prosesinə ciddi təsirinin olacağı mümkün görünmür. Bu mənada görüş heç dekabrın sonunda da baş tutmaya bilər. Hər halda Azərbaycan tərəfi dəfələrlə bəyan edib ki, o, görüş xətrinə prezidentlərin görüşünün tərəfdarı deyil. 

Politoloq Fikrət Sadıxov yaxın perspektivdə konfliktin nizamlanması üçün güclü zəminin olmadığını düşünür:

“Minsk qrupunun həmsədrləri dəfələrlə bəyan ediblər ki, çalışırlar prezidentlər arasında görüş təşkil etsinlər. Bunu xüsusilə ilin sonuna kimi etmək istəyirlər. Çünki, il bitir həmsədrlər isə görülən işlər haqqında qərargahlarına mərüzə etməlidirlər. Lakin, biz bu görüşləri başqa cürə qəbul edirik. Azərbaycan tərəfi dəfələrlə bəyan edib və tamamilə düzgün hesab edir ki, görüş naminə görüş təşkil olunmamalıdır. Əgər Ermənistan yenidən özünü qeyir-konstruktiv şəkildə apararaq heç bir təklifə razılıq verməyəcəksə  bu danışıqlardan bir nəticə gözləmək mənasızdır. Minsk qrupunun həmsədrləri vaxtilə BMT Təhlükəsizlik Şurasında qətnamələr qəbul edən aparıcı dövlətlərin nümayəndələri kimi öz sözlərini deməlidirlər. Ermənistana müəyyən təzyiqlər göstərməlidirlər”.

Politoloq İlqar Vəlizadə isə prezidentlərin görüşünün irəli sürülən təkliflərdən asılı olduğunu deyir:

“Belə qısa müddətdə bu cür görüşün keçirilməsi real görsənmir. Görüşdən öncə dəqiq gündəliyi müzakirə etmək üçün həmsədrlər bölgəyə səfər etməliydilər. Belə bir halda baş verməyib. Həmsədrlər bir neçə həftə öncə regionda olub və bəzi müzakirələr aparıblar. Amma, son həftələr ərzində belə müzakirələr olmayıb. Cəbhə xəttində yaranmış gərginlik də görüşün real olduğundan xəbər vermir. Həmsədrlər belə bir görüş planlaşdırırdılar. Bununla bağlı müəyyən addımlarda atırdılar. Azərbaycan tərəfi isə ümumiyyətlə görüşün əlehinə deyildi və deyirdi ki, əgər real gündəlik olsa görüşü mümkün etmək olar. Amma, elə bir təklif hələ də ərsəyə gəlməyib. Belə bir vəziyyətdə isə yaqin ki, Xarici İşlər Nazirlərinin görüşü ola bilər. Amma, prezidentlərin görüşü üçün hələlik lazimi əsas yoxdur”.

Fikrət Sadıxov bildirir ki, artıq Ermənistanın nazi ilə oynamaq dövrü sona yetib, indi konkret addımlar atmaq lazımdır:

“Sadəcə olaraq söhbət beynəlxalq hüquq normalarından və prinsiplərindən gedir. Torpaqları qeyri-qanuni şəkildə işğal etmisən, ərazini öz nəzarətin altında saxlayırsan. Qarşında isə iki seçim var ya torpaqları azad et, ya Azərbaycanın hərbi gücü ilə qarşılaş. Seçim belədir. Bunun başqa heç bir yol yoxdur. Bunu Minsk qrupunun həmsədrləri də dərk etməlidirlər. Onlar elə hesab edirlər ki, onların missiyası yalnız dövlət başçılarını danışıqlar stolunun arxasına oturtmaqla kifayətlənir. Bu görüş protokol naminə bir görüş kimi hesablanır. Bizə isə konkret real nəticələr lazımdır”.

Xatırladaq ki, Ermənistanın "Qraparak” qəzeti də bir müddət əvvəl prezidentlərin bu il dekabrın 1-də Parisdə görüşəcəkləri barədə məlumat yaysa da, məlumat özünü doğrultmamışdı. 

53

Politoloq: “Avropa Amerikaya görə Çinlə münasibətlərini pozmaq istəmir”

8
(Yenilənib 00:43 03.08.2020)
Politoloq Fikrət Sadıxov deyir ki, Birləşmiş Ştatlar Çinin nə daxili, nə də xarici siyasətini qəbul etmək istəyir
Fikrət Sadıxov: “Çinlə münasibətləri pozmaq Avropa ölkələrinin marağında deyil”

“ABŞ Pekinə qarşı sərtləşdirmə siyasətini bütün müttəfiqləri üçün uyğun hesab edir”. Bunu ABŞ dövlət katibi Maykl Pompeo deyib.

Politoloq Fikrət Sadıxov Sputnik Azərbaycan-a deyir ki, ölkələrin bir-birinə olan münasibətləri sərtləşdirmək və yumşaltmaq istəyi prioritetlərdən asılı olan məqamdır:

“ABŞ-ın Çinə qarşı sərt münasibəti göstərir ki, bu ölkə rəsmi Pekinin nə daxili, nə də xarici siyasətini qəbul etmək istəyir. ABŞ Çinin beynəlxalq münasibətlər sistemində tutduğu kursdan narazıdır. Amma bu, o demək deyil ki, ABŞ-ın müttəfiqləri də bu yolla getməlidirlər. Çin kimi bir güclə münasibətləri pozmağın hansısa Avropa ölkəsinin maraqları çərçivəsində olduğunu düşünmürəm”.

Fikrət Sadıxovun geniş şərhinə audiofaylda qulaq asa bilərsiniz

8
Rus İqtisad Məktəbinin direktor müavini Elşad Məmmədov

Professor: “Biznes fəaliyyəti ilə məşğul olanlar tələbatın azalmasına hazır olmalıdırlar”

40
(Yenilənib 11:23 02.08.2020)
Azərbaycan Dövlət İqtisad Universitetinin (UNEC) professoru Elşad Məmmədov deyir ki, elektron ticarətin artımı bütövlükdə iqtisadi proseslərə və cəmiyyətdə baş verən işgüzar fəallığın azalması dinamikasına uyğundur
Elşad Məmmədov: “Elektron ticarətin artımı gözləniləndir”

Rusiyada kişilər onlayn ticarət zamanı qadınlardan 30% daha bədxərcdirlər. Bu, “Russkiy standart” bankının apardığı araşdırma nəticəsində məlum olub.

Azərbaycan Dövlət İqtisad Universitetinin (UNEC) professoru Elşad Məmmədov Sputnik Azərbaycan-a deyir ki, hazırkı şəraitdə elektron ticarətin artımı gözləniləndir:

“Elektron ticarətin artımı bütövlükdə iqtisadi proseslərə və cəmiyyətdə baş verən işgüzar fəallığın azalması dinamikasına uyğundur. Biznes fəaliyyəti ilə məşğul olan fiziki və hüquqi şəxslər bir sıra istiqamətlər üzrə xidmət və əmtəələrə tələbatın azalmasına hazır olmalıdırlar”.

Elşad Məmmədovun geniş şərhinə audiofaylda qulaq asa bilərsiniz

40
Ümumvətəndaş pasport və pul, arxiv şəkli

Əlvida, kağız, əlvida, növbə: Rusiya elektron vizaya keçir

0
(Yenilənib 21:36 03.08.2020)
2021-ci il yanvarın 1-dən Rusiyaya qısamüddətli elektron vizanın köməyilə getmək mümkün olacaq. Onun hazırlanmasına təxminən 4 gün lazımdır. Sputnik yeni qaydalardan necə istifadə etməyin yollarını araşdırıb

BAKI, 3 avqust — Sputnik, Aleksey Stefanov. Vladivostok, Uzaq Şərq Federal Dairəsi, Kalininqrad vilayəti, Sankt-Peterburq və Leninqrad vilayətlərinə səfərlər üçün 53 ölkənin vətəndaşlarına elektron vizaların verilməsi üzrə pilot layihənin ardından Rusiya ölkənin istənilən bölgəsinə səfər etmək hüququ verən qısamüddətli elektron vizaların alınması imkanını yaradıb. 

Ötən cümə günü Rusiya Prezidenti Vladimir Putin Rusiyaya qısamüddətli səfər üçün 60 günlük müddəti olan universal vahid elektron vizanın tətbiqi barədə federal qanunu imzalayıb. Diplomatik, xidməti, adi, tranzit və müvəqqəti yaşamaq hüququ olan şəxsin vizası ilə yanaşı, bu viza da müstəqil kateqoriyaya malik olacaq.

Bu zaman səfərin müddəti 16 gündən çox olmamalıdır. Ancaq Rusiya Turoperatorları Assosiasiyasından (ATOR) Sputnik agentliyinə bildirdilər ki, statistikaya görə, əcnəbilərin Rusiyaya səfəri orta hesabla bir həftə təşkil edir, ona görə də ölkəyə qısa müddət ərzində gəlmək üçün həmin vizanın vaxtı bəs edəcək.

Rusiyaya giriş maksimal dərəcədə sadələşdirilib: 113 ölkənin vətəndaşları yararlanacaqlar

Yeni viza üçün 2021-ci il yanvarın 1-dən müraciət etmək mümkün olacaq. Rusiya XİN-dən bildiriblər ki, Uzaq Şərq Federal Dairəsi, Kalininqrad vilayəti, Sankt-Peterburq və Leninqrad vilayətinə elektron vizalarla eksperiment zamanı onlar bir problemin şahidi olublar: ərizəni dolduranlar çox zaman səhvlər edirlər və bu da onlara viza almaqda imtina edilməsinə əsas yaradır. Yeni vizalarla bağlı eyni problem yaşanmasın deyə saytı təkmilləşdirərək sadələşdiriblər.

Hansı ölkənin vətəndaşlarının yenilikdən istifadə edəcəkləri hələlik dəqiq məlum deyil. “Xarici ölkələrin siyahısını Rusiya Federasiyası hökuməti ayrıca təsdiq edəcək”,  - Dövlət Dumasının Fiziki tərbiyə, idman, turizm və gənclərlə iş komətəsinin üzvü Natalya Kuvşinova Sputnik-ə deyib.

“Güman edirəm ki, qısamüddətli elektron viza üçün tələbat böyük olacaq. Yenilik Rusiyada gəlmə turizminin inkişafına yönəldilib, çünki hazırda məhz daxili və gəlmə turizmi prioritetdir. Hesab edirəm ki, bu, əcnəbi vətəndaşlara digər səyahət ölkələri ilə yanaşı, Rusiya Federasiyasını da seçməyə imkan verən bir mexanizmdir”, - Dövlət Dumasının üzvü deyib.

Ehtimal ki, elektron vizadan faydalanacaq ölkələrin siyahısında pilot layihədən yararlanan 53 dövlətin sakinləri də olacaqlar. Bunlar arasında Avropa İttifaqı ölkələri, Çin, Yaponiya, Türkiyə, Hindistan vardı. Ancaq ABŞ, Kanada və Böyük Britaniya həmin siyahıda deyildi. Və mümkündür ki, qısamüddətli elektron vizanı onlar bundan sonra da ala bilməyəcəklər. XİN-dən qeyd ediblər ki, ayrı-ayrı regionlar üçün elektron vizaların pulsuz olduğu eksperimental layihədən fərqli olaraq, yeni viza 2021-ci ilin yanvarından pullu olacaq. Qiyməti isə, güman ki, 50 ABŞ dollarından baha olmayacaq.

“Gələn il yeni elektron vizanın bu gün qüvvədə olanlara nisbətdə nə qədər populyar olduğuna baxacağıq”, - Dövlət Dumasının deputatı Natalya Kuvşinova qeyd edib. 

RF-ə elektron viza almaq hüququ olan 53 ölkənin vətəndaşları ilə yanaşı, daha 60 ölkənin sakinlərinin ikitərəfli beynəlxalq razılaşmalar əsasında Rusiyaya vizasız giriş imkanı var. Beləliklə, XİN-dən qeyd ediblər ki, 2021-ci ildən Rusiyaya kağız vizanın alınmasını tələb etməyən maksimum liberal giriş rejimi əhali sayı ümumilikdə bəşəriyyətin yarısını – təxminən dörd milyard insanı əhatə edən xarici ölkələrin vətəndaşlarına şamil ediləcək.

Turist axını minimum 30% artacaq

“Ölkəyə girişin bu cür əhəmiyyətli dərəcədə sadələşdirilməsini gəlmə turizmi illərdir xəyal edirdi. Əsas odur ki, doğrudan da elektron vizanı almaq asan olsun”, deyə ATOR-un icraçı direktoru Mayya Lomidze yeniliyi şərh edib.

Onun fikrincə, qısamüddətli elektron viza, hətta ən pessimist proqnozlar da nəzərə alınarsa, turist axınını minimum 30% artıracaq. Ona görə Lomidze əmindir ki, yeniliyin ancaq müsbət tərəfləri olacaq, “mənfi tərəfi isə ancaq bir ola bilər – o da əgər sadələşmə deyildiyi kimi gerçək sadələşmə olmasa”. 

Öz növbəsində ATOR-un vitse-prezidenti Aleksandr Kurnosov hesab edir ki, hökumətin bu qərarı turist axınını 40 və ya 50%, hətta bundan da çox artıra bilər, “çünki vizaları ləğv edən və ya alınmasını xeyli sadələşdirən ölkələrin təcrübəsi göstərir ki, effekt daha böyük ola bilər”.

“Bu qərarın qəbul edilməsi, özü də turizm bazarı üçün belə bir çətin dövrdə gündəmə gəlməsi özü çox pozitiv hadisədir”, - o qeyd edib. 

Aleksandr Kurnosov viza rejiminin bundan sonra da liberallaşdırılacağına – “vizanın etibarlı olduğu indiki iki aydan yarım il və ya bir il müddətinə uzadılacağına, yaxud da günlərin sayının 16-dan 30-a qaldırılacağına” ümid edir. 

ATOR-un vitse-prezidenti həmçinin  elektron vizanın şamil ediləcəyi ölkələrin sayının artırılacağına da ümidlidir, “çünki Rusiyaya xeyli sayda turist göndərən ölkələrin, məsələn, ABŞ və Böyük Britaniyanın, adlraı siyahıya daxil olmayıb”. 

“Bu, yaxşı olardı. Amma aydındır ki, bu məsələdə hər şey siyasi vəziyyətdən asılıdır”, - Aleksandr Kurnosov yekunlaşdırıb.

0
Əlaqədar
Qardaş ölkəyə səfərə hazırlaşanların nəzərinə: Yeni qaydalar var
Köhnə qitəyə vizasız gedə bilərik, amma öncə istixana qazları, rəqəmsal iqtisadiyyat və...
Get evinə: ABŞ onlayn təhsilə keçən tələbələri ölkədən çıxaracaq
Ukrayna altı ölkə ilə viza rejimini ləğv edir - dördü ərəb ölkəsidir
Səyahəti sevənlər üçün: əvvəl həkim, sonra viza, pul qalsa - bənövşəyi nişanı görmək