Сотрудники миссии ОБСЕ и эксперты работают на месте крушения малайзийского Boeing 777

Malayziya “Boeing”inin müəmması

34
(Yenilənib 15:01 10.11.2015)
Hansı ekspertlərin gəldikləri nəticələrə inanasan: rusların yoxsa hollandların?

Malayziya “Boeing”inin müəmması
“Almaz-Antey” konserni Malayziya “Boeing”-nin faciəsinin səbəblərini təhlil edərək ətraflı təqdimat hazırlayıb. Onun əsas məqsədi təyyarəninin hansı növ raketlə vurulmasını müəyyən etmək olub. 

Rusiya ekspertlərinin nəticələri qısa səslənir: Malayziya “Boeing”ini “Buk-M1” zenit-raket sistemi tərəfindən buraxılan 9M38 (M1) tipli raket vurub. Belə nəticəyə gəlmək üçün ekspertlər təyyarə parçalarının üzərindəki zədələrin xarakterini təhlil etməli idilər. Zədələrin ümumi xarakteri adı çəkilən raketi göstərir. Buna baxmayaraq, “Almaz-Antey” konsernində deyirlər ki, fəlakətin digər versiyaları da ola bilər. Məsələn, Müdafiə nazirliyinin bəyanatını xatırlamaq olar ki, təyyarə Ukraynanın “Su-25” hücum təyyarəsi tərəfindən vurulub. Lakin söhbət məhz raket kompleksindən gedirsə, onda bu yalnız “Buk-M1” və 9M38 (M1) raketidir.

Regional problemlər İnstitutunun baş direktoru Dmitri Juravlyov hesab edir ki, dünya ekspertləri bu texniki aspektlərə diqqət etmirlər:

“Holding məhz texniki xüsusiyyətlərdən danışırdı, lakin bütün bunlar istintaq zamanı unudulmuşdu. Bu ilk hadisə deyil. Holding bir müddət əvvəl öz mövqeyini mətbuat konfransında müdafiə etdi, “Buk”un məlumatları verildi. Buna heç kim fikir vermədi”.

Unutmaq olmaz ki, Rusiyalı ekspertlərinə işləmək asan deyildi. Lakin bu onlara öz təqdiqatlarını yüksək səviyyədə həyata keçirməyə mane olmadı. Lakin bunu Hollandiya tərəfindən verilən hesabatın müəllifləri haqda demək olmur. Geosiyasi problemlər Akademiyasının vitse-prezidenti Vladimir Anoxinin fikrincə, Hollandiya mütəxəssisləri belə vəziyyətlərdə görülməli olan işlərin heç bir qismini də yerinə yetirməyiblər:

“Təyyarə qəzaya uğrayandan sonra komissiya yerə düşən təyyarə hissələrinin, eləcə də ölü sərnişinlərin mövqelərinin topoqrafiyasını çıxartmadı. Sonra isə onlar zədələrin xüsusiyyətini müəyyənləşdimək üçün tapılan hissələri bir yerə toplamadılar. Qəribədir, lakin nə hadisə yerində, nə də ki Hollandiyada patalogiya və anatomiya ilə bağlı tədqiqatlar aparılmadı. Bir il sonra isə ölülərdə yüksək enerjili elementlərin olduğunu deyirlər. Mən bilmirəm, onlar nəyi necə yazıblar, lakin, mənim fikrimcə — hamısı cəfəngiyatdır”.

Bundan əlavə, Rusiya nəticələri Hollandiya ekspertlərinin işinin bir çox nəticələrini şübhə altına saldı. Dmitri Juravlyov hesab edir ki, onlar təqsirin məhz Rusiyada olduğunu sübut etmək üçün hər şey etdilər:

““Almaz-Antey” bunun tək Donesk və Luqansk “xalq respublikaları” tərəfindən nəzarət olunan ərazilərdən edildiyinin mümkünsüzlüyü haqda demirdi, eləcə də o, “Buk” kompleksinin parametrlərinin Holland tədqiqatçıların bildirdikləri parametrlərə uyğun olmadığını dedi. Bu insanların hesabatında fundamental məntiqi səhv var. Oradakı zərbə ya fərqli olmalı idi, ya da ki bu “Buk” olmalı deyildi. Onlara görə, “Buk” özünə məxsus tərzdə, öz imkanlarına uyğun olmadan atəş açır. Göründüyü kimi, onlarda Rusiyanı ittiham etmək istəyi vardı, lakin qalan məsələləri unutdular”.

Lakin “Almaz-Antey” bir az da qabağa gedərək iki eksperiment nəticələrini təqdim etdi. Birinci sınağın nəticələri Holland komissiyası tərəfindən inkar edildi, ona görə də, ikinci sınaq konstruksiyası “Boeing 777” təyyarəsinə uyğun olan model üzərində aparıldı. Artıq bu sınağın nəticələri Holland Komissiyasının nəticələrini təmamilə təkzib etdi. “Ali İqtisadiyyat Məktəbi” universitetinin dosenti Dmitri Ofiserov-Belskinin sözlərinə görə, gələcəkdə bu cür uyğunsuzluqlar daha çox olacaq:

““Almaz-Antey” və Holland mövqeyi arasındakı həmin ziddiyyətlər artıq olduqca ciddidir. Düşünürəm ki, oxşar ziddiyyətlər bundan sonra da toplanacaq, lakin sonunda hər hansı bir beynəlxalq məhkəməyə gətirib çıxarmayacaq. Bu tədbirlərin həyata keçirilməsi onsuz da lazım idi. Bütün bu ekspertizaları “Almaz-Antey” çox tez etdi, Hollandlar isə gec edirdilər. Bir çox ekspertlər elə hiss edirlər ki, onlar bu prosesi uzadırdılar. Kim deyir ki, onlar bunu bundan sonra da etməyəcək?”

Lakin Rusiyanın hətta bu dəlil və nəticələri heç kim tərəfindən eşidilmədi. Dünyaya Hollandiya Təhlükəsizlik Şurasının təqdim etdiyi qərəzli versiyalara inanmaq daha asandır.

“Sputnik” (Rusiya)

34

Anar Kərimov: “Azad edilmiş ərazilərə səfərlər üçün təhlükəsizlik təmin olunmalıdır”

15
(Yenilənib 23:48 14.01.2021)
Azərbaycanın mədəniyyət naziri Anar Kərimov deyir ki, Ermənistan hüquqi məsuliyyətə cəlb olunmalı, təzminat ödəməlidir
Anar Kərimov: “Beynəlxalq təşkilatları azad olunmuş torpaqlarımıza dəvət edirik”

“ICESCO-nun nümayəndə heyəti işğaldan azad edilmiş Füzuli rayonunda və Ağdam şəhərində ermənilərin törətdiyi cinayətləri öz hesabatlarında əks etdirəcək”. Sputnik Azərbaycan xəbər verir ki, bu barədə AZƏRTAC-ın müxbirinə müsahibəsində Azərbaycanın mədəniyyət naziri Anar Kərimov bildirib.

“Beynəlxalq təşkilatları azad olunmuş torpaqlarımıza dəvət edirik. İstəyirik ki, bütün dünya erməni vəhşiliyinin şahidi olsun. Hazırda bununla bağlı UNESCO və digər təşkilatlarla müzakirələr aparılır. Azad edilmiş ərazilərə səfərlərin təşkili üçün təhlükəsizlik tədbirləri də təmin olunmalıdır. Bugünkü səfər də minalardan təmizlənmiş ərazilərə təşkil edilib. Ermənilərin törətdiyi bütün cinayətləri sənədləşdirmək üçün ekspertlər hər yeri gəzib qeydiyyat aparmalıdırlar ki, gələcəkdə bu faktları beynəlxalq məhkəmələrə təqdim edək. Ermənistan hüquqi məsuliyyətə cəlb olunmalı, təzminat ödəməlidir”, - deyə Anar Kərimov qeyd edib.

Anar Kərimovun geniş şərhinə audiofaylda qulaq asa bilərsiniz

15
Председатель Совета печати Афлатун Амашов

Amaşov: “Qanuna dəyişikliklər genişmiqyaslı islahatlar kontekstində baş verməlidir”

53
(Yenilənib 08:14 14.01.2021)
Azərbaycan Mətbuat Şurasının sədri Əflatun Amaşov deyir ki, media sahəsində səliqə-səhmanın yaranmasını istəyiriksə, KİV-in qeydiyyatı məsələsinə diqqət yetirməliyik
Əflatun Amaşov: “Qanunvericilikdə dəyişikliyin olması son dərəcədə vacibdir”

Prezident İlham Əliyev “Azərbaycan Respublikasında media sahəsində islahatların dərinləşdirilməsi haqqında” fərman imzalayıb. Fərmana əsasən,  Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun əsasında “Azərbaycan Respublikasının Medianın İnkişafı Agentliyi” publik hüquqi şəxs yaradılıb, “Azərbaycan Respublikasının Medianın İnkişafı Agentliyinin Nizamnaməsi” təsdiq edilib.

Azərbaycan Mətbuat Şurasının sədri Əflatun Amaşov Sputnik Azərbaycan-a deyir ki, ötən illər ərzində bir neçə dəfə “Kütləvi İnformasiya Vasitələri haqqında” qanuna dəyişikliklər edilsə də, onlar fundamental xarakterli olmayıb:

“Ona görə ediləcək dəyişikliyə kompleks yanaşmanın tərəfdarıyam. Yəni dəyişiklik genişmiqyaslı islahatlar kontekstində baş verməlidir. Konkret olaraq Mətbuat Şurasının da dəyişikliklərlə bağlı təklifləri olub. İndiki şəraitdə aidiyyəti olmayan adamlar bu sahədə fəaliyyət göstərirlər. Bununla bağlı konkret mexanizmlər hazırlanmalıdır. Media sahəsində səliqə-səhmanın yaranmasını istəyiriksə, KİV-in qeydiyyatı məsələsinə diqqət yetirməliyik. Qanunvericilikdə mövcud istiqamətdə dəyişikliyin olması son dərəcədə vacibdir”.

Əflatun Amaşovun geniş şərhinə audiofaylda qulaq asa bilərsiniz

53

ANAMA ləğv edildi, əvəzində yeni agentlik yaradıldı

0
(Yenilənib 18:28 15.01.2021)
Yeni yaradılmış Azərbaycan Respublikasının Minatəmizləmə Agentliyi ANAMA-nın hüquqi varisidir, onun hüquq və öhdəlikləri, habelə əmlakı Agentliyə keçir.

BAKI, 15 yanvar - Sputnik. Prezident İlham Əliyev Azərbaycan Respublikasının Minatəmizləmə Agentliyinin yaradılması haqqında fərman imzalayıb.

Sputnik Azərbaycan-ın məlumatına görə, fərmana əsasən, Azərbaycan Respublikası Ərazilərinin Minalardan Təmizlənməsi üzrə Milli Agentliyin əsasında publik hüquqi şəxs statuslu Azərbaycan Respublikasının Minatəmizləmə Agentliyi yaradılır.

Azərbaycan Respublikasının Minatəmizləmə Agentliyi (bundan sonra – Agentlik) Azərbaycan Respublikası Ərazilərinin Minalardan Təmizlənməsi üzrə Milli Agentliyin hüquqi varisidir, onun hüquq və öhdəlikləri, habelə əmlakı Agentliyə keçir.

3. Müəyyən edilsin ki:

3.1. Agentlik Azərbaycan Respublikasının işğaldan azad olunmuş ərazilərinin, habelə müharibə və hərbi əməliyyatların təsirinə məruz qalmış digər ərazilərin minalardan, partlamamış hərbi sursatdan, tərkibində partlayıcı olan qurğulardan və digər partlayıcı qalıqlardan təmizlənməsi, həmçinin onların müvəqqəti saxlanılması, daşınması, zərərsizləşdirilməsi sahəsində fəaliyyət göstərən, habelə bu sahədə digər zəruri işlərin təşkilini, fəaliyyətin planlaşdırılmasını, əlaqələndirilməsini və idarə edilməsini həyata keçirən publik hüquqi şəxsdir;

3.2. Agentliyin fəaliyyətinə rəhbərliyi həyata keçirmək üçün 3 (üç) üzvdən – sədr və onun 2 (iki) müavinindən ibarət İdarə Heyəti yaradılır.

4. Agentliyin təsisçisinin səlahiyyətlərinin həyata keçirilməsi aşağıdakılara həvalə edilsin:

4.1. Azərbaycan Respublikasının Prezidentinə:

4.1.1. Agentliyin nizamnaməsinin təsdiq olunması və nizamnamə fondunun miqdarının müəyyən edilməsi, onların dəyişdirilməsi;

4.1.2. Agentliyin idarəetmə orqanlarının yaradılması;

4.1.3. Agentliyin İdarə Heyəti sədrinin və onun müavinlərinin vəzifəyə təyin və vəzifədən azad edilməsi;

4.1.4. Agentliyin yenidən təşkili və ləğvi;

4.2. Agentliyə:

4.2.1. “Publik hüquqi şəxslər haqqında” Azərbaycan Respublikası Qanununun 8.2-ci maddəsində publik hüquqi şəxsin təsisçisinin səlahiyyətlərinə aid edilmiş digər məsələlərin həlli.

5. Agentliyin fəaliyyətinin təşkili və təmin edilməsi xərcləri dövlət büdcəsinin vəsaiti və qanunla qadağan olunmayan digər mənbələr hesabına maliyyələşdirilir.

6. Azərbaycan Respublikası Prezidentinin Administrasiyası Agentliyin nizamnaməsinin layihəsini 15 gün müddətində hazırlayıb Azərbaycan Respublikasının Prezidentinə təqdim etsin.

7. Azərbaycan Respublikasının Nazirlər Kabineti:

7.1. Azərbaycan Respublikası Prezidentinin aktlarının bu Fərmana uyğunlaşdırılması ilə bağlı təkliflərini üç ay müddətində hazırlayıb Azərbaycan Respublikasının Prezidentinə təqdim etsin;

7.2. Azərbaycan Respublikası Nazirlər Kabinetinin normativ hüquqi aktlarının bu Fərmana uyğunlaşdırılmasını üç ay müddətində təmin edib Azərbaycan Respublikasının Prezidentinə məlumat versin;

7.3. mərkəzi icra hakimiyyəti orqanlarının normativ hüquqi aktlarının bu Fərmana uyğunlaşdırılmasını nəzarətdə saxlasın və bunun icrası barədə beş ay müddətində Azərbaycan Respublikasının Prezidentinə məlumat versin;

7.4. Agentliyin dövlət qeydiyyatına alınması üçün onun nizamnaməsi təsdiq edildikdən sonra 3 (üç) gün müddətində “Hüquqi şəxslərin dövlət qeydiyyatı və dövlət reyestri haqqında” Azərbaycan Respublikasının Qanununa uyğun olaraq tədbirlər görsün;

7.5. dövlət qeydiyyatına alındığı gündən Agentliyin inzibati bina ilə təmin olunması və maddi-texniki təminatı məsələlərinin həlli üçün bir ay müddətində tədbirlər görüb Azərbaycan Respublikasının Prezidentinə məlumat versin;

7.6. Azərbaycan Respublikası Ərazilərinin Bərpası və Yenidən Qurulması üzrə Agentliyin ləğv edilməsi ilə bağlı müvafiq tədbirlər görsün;

7.7. Agentlik dövlət qeydiyyatına alındığı gündən bir ay müddətində Azərbaycan Respublikası Ərazilərinin Bərpası və Yenidən Qurulması üzrə Agentliyin və Azərbaycan Respublikası Ərazilərinin Minalardan Təmizlənməsi üzrə Milli Agentliyin balansındakı əmlakın Agentliyin balansına verilməsini təmin etsin;

7.8. bu Fərmandan irəli gələn digər məsələləri həll etsin.

8. Agentlik “Hüquqi şəxslərin dövlət qeydiyyatı və dövlət reyestri haqqında” Azərbaycan Respublikasının Qanunu ilə müəyyən edilmiş qaydada dövlət qeydiyyatına alındığı günədək Azərbaycan Respublikası Ərazilərinin Minalardan Təmizlənməsi üzrə Milli Agentlik və Azərbaycan Respublikası Ərazilərinin Bərpası və Yenidən Qurulması üzrə Agentlik öz fəaliyyətini davam etdirsin.

9. Agentlik:

9.1. Azərbaycan Respublikası Ərazilərinin Minalardan Təmizlənməsi üzrə Milli Agentliyin işçilərinin Agentlikdə müvafiq vəzifəyə təyin olunması üçün tədbirlər görsün və nəticəsi barədə Azərbaycan Respublikasının Nazirlər Kabinetinə məlumat versin;

9.2. bu Fərmandan irəli gələn digər məsələləri həll etsin.

10. Azərbaycan Respublikasının Maliyyə Nazirliyi:

10.1. bu Fərmanın 5-ci hissəsinə uyğun olaraq maliyyələşməni təmin etsin;

10.2. Agentliyin saxlanılması və fəaliyyəti üçün tələb olunan vəsaiti hər il üçün dövlət büdcəsinin layihəsində nəzərdə tutsun.

11. Azərbaycan Respublikasının Ədliyyə Nazirliyi mərkəzi icra hakimiyyəti orqanlarının normativ hüquqi aktlarının və normativ xarakterli aktların bu Fərmana uyğunlaşdırılmasını təmin edib Azərbaycan Respublikasının Nazirlər Kabinetinə məlumat versin".

Prezident İlham Əliyev həmçinin “Azərbaycan Respublikasının Hərbi Əməliyyatlar Nəticəsində İşğal Olunmuş və Bununla Əlaqədar Zərər Çəkmiş Ərazilərinin Bərpası və Yenidən Qurulması üzrə Dövlət Komissiyasının nəzdində Azərbaycan Respublikası Ərazilərinin Minalardan Təmizlənməsi üzrə Agentliyin (ANAMA) yaradılması barədə” Azərbaycan Respublikası Prezidentinin 1998-ci il 18 iyul tarixli 854 nömrəli Sərəncamının ləğv edilməsi haqqında sərəncam imzalayıb.

Sərəncamla “Azərbaycan Respublikasının Hərbi Əməliyyatlar Nəticəsində İşğal Olunmuş və Bununla Əlaqədar Zərər Çəkmiş Ərazilərinin Bərpası və Yenidən Qurulması üzrə Dövlət Komissiyasının nəzdində Azərbaycan Respublikası Ərazilərinin Minalardan Təmizlənməsi üzrə Agentliyin yaradılması barədə” Azərbaycan Respublikası Prezidentinin 1998-ci il 18 iyul tarixli 854 nömrəli Sərəncamı ləğv olunub.

Sənədə əsasən, Nazirlər Kabineti bu Sərəncamdan irəli gələn məsələləri həll etmək tapşırılıb.

Beləliklə, yeni yaradılmış Azərbaycan Respublikasının Minatəmizləmə Agentliyi Azərbaycan Respublikası Ərazilərinin Minalardan Təmizlənməsi üzrə Milli Agentliyin hüquqi varisidir, onun hüquq və öhdəlikləri, habelə əmlakı Agentliyə keçir.

0