Сергей Марков

Seçkilər düzgün ədalətli keçirildi

24
(Yenilənib 14:46 03.11.2015)
Serqey Markov: “Nəticələr tam olaraq Azərbaycan vətəndaşlarının iradəsini ifadə edir”

Seçkilər düzgün və ədalətli keçirildi
Noyabrın 2-si “Rossiya Sevodnya” Beynəlxalq İnformasiya Agentliyinin mətbuat mərkəzində Rusiya müşahidəçilərinin iştirakı ilə Azərbaycanda keçirilən parlament seçkilərinin nəticələri və Azərbaycan-Rusiya münasibətlərinin perspektivləri mövzusunda mətbuat konfransı keçirilib. Konfransda çıxış edən Beynəlxalq Əməkdaşlıq üzrə İctimai Palata Komissiyasının sədri Serqey Markov bildirib ki, keçirilən parlament seçkiləri Azərbaycan vətəndaşlarının iradəsini tam ifadə edib:

“Biz seçkiləri düzgün, ədalətli və Azərbaycan xalqının iradəsini ifadə edən kimi qiymətləndiririk. Bizim fikrimizcə bu seçkilər tam qaynunlara uyğun keçirildi: insanların öz seçimini ifadə etmək, partiyaların isə seçki kampaniyasını keçirmək imkanları vardı. Buna görə də, bizdə olan nəticələr tam olaraq Azərbaycan vətəndaşlarının iradəsini ifadə edir”.

Lakin buna baxmayaraq bəzi ölkələrdə, müxtəlif məqsədlərlə, keçirilən seçkilərin demokratiyadan kənar olduğu da səslənir. Rusiya Dövlət Dumasının deputatı Olqa Kazanova hesab edir ki, süni olan seçki prosesi deyil, onların öz ritorikalarıdır:

“Biz həqiqətən də gördüklərimizdən və seçkilərin gedişindən razı qaldıq. Hər şey demokratik idi – kameralar quraşdırılmışdı, siyahılar asılmışdı. Bütün bu olanlarla hər ölkə öyünə bilməz. Buna görə də, nəyinsə demokratiyadan kənar olduğunu deməyi yalnız bu situasiyanı pozmaq istəyən adamlar bacarar. Mənə elə gəlir ki, insanlar olanları və müsbət halları görəcəklər. Biz dəqiq bilirik ki, bütün prosedurlara əməl olunub. Biz bunu təstiqləyə bilərik, bu uydurma deyil. Onların ritorikası isə həqiqətən də uydurmadır, o, sünidir”.

Serqey Markov keçmiş parlament sisteminin bu il də təkrarlanacağını qeyd edərək əhalinin bir daha YAP-ı dəstəkləməsinin səbəblərini xatırladıb:

“Keçmiş parlament sistemi bu il də təkrarlanacaq. Azərbaycan xalqının Yeni Azərbaycan Partiyasını dəstəkləməsinin səbəbi ilk növbədə YAP-ın öz sisteminin də əlaqəli olduğu Prezident siyasətini dəstəkləməsidir. Bu mənada Azərbaycanın siyasi sistemi Türkiyədən çox Rusiya siyasi sisteminə bənzəyir. Bizdə partiyanın populyarlığı liderin populyarlığından asılıdır.

İlham Əliyevin bu siyasəti müxtəlif səbəblərdən dəstəklənir. Birincisi səbəb siyasətin 20 il əvvəl olanlarla müqayisəsidir. Biz xatırlayırıq, Heydər Əliyevin hakimiyyətə gəlməsindən əvvəl ölkədə vətəndaş müharibəsi vardı, institutlar məhv olmuşdu, bütün ərazidə müxtəlif qruplaşmalar gəzirdi. Sual yaranırdı: ümumiyyətlə Azərbaycan mövcud olacaqmı? İndi bu sual heç kimi narahat etmir, həyat səviyyəsi isə yetərincə yüksəkdir”.

Qeyd edək ki, Azərbaycanda keçirilən parlament seçkilərində ümumillikdə 40 təşkilatdan 503 beynəlxalq müşahidəçi iştirak edib.

24
Filologiya elmləri doktoru, professor Qulu Məhərrəmli

Professor: ““Media haqqında” qanunla bağlı ortada xeyli suallar var”

9
(Yenilənib 09:49 13.04.2021)
BDU-nun jurnalistika fakültəsinin professoru Qulu Məhərrəmli deyir ki, qanunu cilalamaq və işlək hala gətirmək bu gün çox vacibdir
Qulu Məhərrəmli: “Mediamızın əsas problemlərindən biri peşəkar fəaliyyətin qurulmasıdır”

“Media haqqında” yeni qanun layihəsi medianın inkişafına imkan verəcək”. Bunu Azərbaycan Prezidentinin köməkçisi Hikmət Hacıyev Bakıda keçirilən Türkdilli Dövlətlərin Əməkdaşlıq Şurasının (Türk Şurası) informasiya və media üzrə məsul nazirlərinin və yüksək vəzifəli rəsmilərinin 3-cü toplantısında çıxış edən zaman deyib.

BDU-nun jurnalistika fakültəsinin professoru Qulu Məhərrəmli Sputnik Azərbaycan-a deyir ki, “Media haqqında” qanunla bağlı ortada xeyli suallar var və onların ictimai müzakirəyə çıxarılacağı gözlənilir: “Əvvəlki qanunda o qədər dəyişikliklər edilmişdi ki, qanunun mahiyyəti təhrif edilərək tanınmaz hala düşmüşdü. Ona görə də qanunu cilalamaq və işlək hala gətirmək bu gün çox vacibdir. Azərbaycan mediasının əsas problemlərindən biri mövcud söz azadlığı çərçivəsində peşəkar fəaliyyətin qurulması məsələsidir. Medianın iqtisadi fəaliyyətinin qanunverici əsasının cilalanması da önəm kəsb edir”.

Qulu Məhərrəmlinin geniş şərhinə audiofaylda qulaq asa bilərsiniz

9

Bu işlərin görülməsi Azərbaycanda işsizliyi azaldacaq ekspert açıqlayır

21
(Yenilənib 18:38 11.04.2021)
İqtisadçı ekspert Fuad İbrahimov deyir ki, işğaldan azad edilmiş ərazilərdə qruculuq işlərinin aktiv şəkildə davam etdirilməsi çox sayda iş yerlərinin açılmasına səbəb olacaqdır
Fuad İbrahimov: “Vaksinasiyanın sürətlənməsi iqtisadi fəallığı artıracaq”

Beynəlxalq Valyuta Fondunun (BVF) yenilənmiş proqnozuna əsasən, bu il Azərbaycanda işsizlik səviyyəsi 5,8% təşkil edəcək. Gələn il isə bu göstəricinin cüzi azalaraq 5,7%-ə bərabər olacağı gözlənilir.

İqtisadçı ekspert Fuad İbrahimov Sputnik Azərbaycan-a deyir ki, pandemiyanın dünya iqtisadiyyatına ziyan vurması işsizlik ordusunun yaranmasına səbəb olub: “Dünya iqtisadiyyatında bu problemin aradan qaldırılması üçün böyük zaman lazımdır. Azərbaycan haqqında danışdıqda onu deyə bilərəm ki, vaksinasiya prosesinin getdikcə sürətlənməsini görürük. Bu da özlüyündə iqtisadi fəallığın artması ilə nəticələnəcək. Eyni zamanda mövsümi işlərlə bağlı sahələrin yenidən bərpa olunması da işsizlik statistikasının azalmasına təsir edəcək. Xüsusən də işğaldan azad edilmiş ərazilərdə quruculuq işlərinin aktiv şəkildə davam etdirilməsi çox sayda iş yerlərinin açılmasına səbəb olacaqdır”.

Fuad İbrahimovun geniş şərhinə audiofaylda qulaq asa bilərsiniz

21

İnfoqrafika: Azərbaycanda ipoteka: insanlar ev almaq üçün hansı üsula üstünlük verirlər

0
(Yenilənib 16:43 13.04.2021)
İpoteka artıq bütün dünyada olduğu kimi, Azərbaycanda da adi bank xidmətinə çevrilib. Bəs azərbaycanlılar bu üsulla ev almağa necə yanaşırlar? Bu sualın cavabı Sputnik Azərbaycan-ın növbəti infoqrafikasında.
İnfoqrafika: İpoteka kreditləri
© Sputnik / Elnur Salayev

Hazırda əmlak qiymətləri ilə insanların illik gəlirləri arasında fərq çox böyük olduğundan, əksəriyyət vəziyyətdən çıxış yolunu ipoteka kreditində görür. Bu metodun Azərbaycanda da məşhur olub-olmadığını müəyyənləşdirmək məqsədilə potensial ev alıcıları arasında sorğu keçirilib.

Kreditlə daşınmaz əmlak almaq normal hal sayılsa da, sən demə, Azərbaycanda hələ də əsla ipoteka krediti götürmək istəməyən insanlar var. Sorğunun nəticəsinə görə, belələrinin sayı 11 faiz təşkil edir.

O da maraqlıdır ki, rəyi soruşulanların yalnız 5,6%-i ipoteka ilə ev almağa ümid edir. Ailəli insanların neçə faizinin valideynləri ilə birgə yaşadığı, eləcə də ipoteka krediti götürməyin qəti əleyhinə olanların faiz göstəriciləri də Sputnik Azərbaycan-ın xüsusi infoqrafikasında öz əksini tapıb.

0