Greek fruit and vegetables market

Qiymət artımının öhdəsindən necə gəlməli?

53
(Yenilənib 16:41 31.08.2015)
Ekspert çıxış yolunu bazarın bolluğu və istehlakçıların seçim hüququnun artırılmasında görür

Qiymət artımının öhdəsindən necə gəlməli?
Mərkəzi Bankın 21 fevral 2015-ci il tarixli qərarı ilə manatın məzənnəsinin 33,5% ucuzlaşması və dolların bahalaşması fonunda əhali xüsusilə ərzaq məhsullarının bahalaşacağından narahat idi. İndi isə bu narahatlıq özünü doğrultmağa başlayıb.

Azərbaycanın istehlak bazarındakı qiymətlərin hazırkı vəziyyəti heç də ürəkaçan deyil. Məsələn, kənd təsərrüfatı məhsulları bazarında keçən ilin müvafiq dövrü ilə müqaisədə qiymətlərdə 18-20% artım var. Arzuolunmaz oxşar artım özünü tikinti materialları və hətta məktəb ləvazimatlarında da göstərir.

Azad İstehlakçılar Birliyinin sədri Eyyub Hüseynov bildirib ki, qiymət artımına yerli tikinti materialları da məruz qalıb:

“Tikinti materialları bazarında da problem, artma var. Hətta yerli tikinti materillarının, hansı ki, burada istehsal olunur 25-30% qiyməti qalxıb. Bazarın bu siqmentinin xeyli passivləşməsi və tələbatın azalmasına baxmayaraq, bütün hallarda yenə də qiymət artımı mövcuddur. Xaricdən gətirilən tikinti materiallarında isə keçən il ilə müqaisədə 20%-dək qiymət yüksəlməsi var”.

Eyyub Hüseynov eləcə də əhalinin məktəbli formalarının qiymətindən narahatlığını şərh edib:

“Düşünürük ki, məktəbli formalarının qiyməti çox yuxarıdır. Burda da Bakı Tikiş Fabriki və daha bir fabrik özünün hökmüran mövqeyini bazarda bərqərar edib. Dövlət orqanları məktəbli formalarının standartını elan etməlidir və istənilən biznesmen, istənilən adam onu tikib gətirib satmalıdır. Düşünürük ki, belə bir siyasət gedərsə 50% məktəbli formalarının qiyməti aşağı düşər”.

Ekspert hesab edir ki, qiymət artımın öhdəsindən cərimələr deyil, bazarın bolluğu və istehlakçıların seçim hüququnun artırılması gələ bilər:

“Dövlət orqanları istəyirlərsə ki, bazarda qiymət aşağı düşsün, yalnız bolluqla, istehlakçının seçim hüququnun artırılması ilə bu işlər həll oluna bilər. Dövlət məmurunun gedib barmaq sirkələməsi, cərimə qoyması ilə müəyyənləşən cərimələr də son nəticədə yenə də biz istehlakçıdan alınır. Daha yaxşı yanaşma gömrük rüsumlarının aşağı salınması ola bilər. İzafi xərclərin, verilən rüşvətlərin yığışdırılması ola bilər”. 

53
Teqlər:
qiymət artımı, Eyyub Hüseynov
Tibbi Ərazi Bölmələrini İdarəetmə Birliyinin (TƏBİB) İdarə Heyəti yanında tibbi-elmi komitənin sədri, professor Akif Qurbanov

Professor: “Pandemiyanın vaxt bitəcəyini proqnozlaşdırmaq olar”

28
(Yenilənib 23:51 30.11.2020)
Tibbi Ərazi Bölmələrini İdarəetmə Birliyinin (TƏBİB) İdarə Heyəti yanında tibbi-elmi komitənin sədri, professor Akif Qurbanov deyir ki, təkrar xəstələnmə zamanı xəstəliyin özünü necə göstərməsinə dair sübut olunmuş məlumatlar yoxdur
Akif Qurbanov: “Təkrar yoluxmanı proqnozlaşdırmaq mümkün deyil”

“Bütün dünyada təkrar yoluxma halları var. Ona görə də yoluxmuş şəxs arxayınlaşmamalıdır ki, bu xəstəliyi keçirmişəm və qorunma tədbirlərinə ehtiyac yoxdur”. Sputnik Azərbaycan xəbər verir ki, bunu Tibbi Ərazi Bölmələrini İdarəetmə Birliyinin (TƏBİB) İdarə Heyəti yanında tibbi-elmi komitənin sədri, professor Akif Qurbanov deyib.

“Birinci dəfə xəstəliyi keçirənlər ikinci dəfə onu simptomsuz keçirə bilərlər. Bu da yoluxma saylarının artımına səbəb ola bilər. Çünki həmin şəxslər infeksiya mənbəyinə çevrilə bilərlər. Təkrar xəstələnmə zamanı xəstəliyin özünü necə göstərməsinə dair sübut olunmuş məlumatlar yoxdur. Lakin bu zaman ən yüngül xəstəlik halından ən ağırına qədər müşahidə oluna bilər. Hazırda təkrar yoluxmanı proqnozlaşdırmaq mümkün deyil. Çünki bu barədə kifayət qədər sübut və materiallar yoxdur. Pandemiyanın nə vaxt bitəcəyini elmi cəhətdən proqnozlaşdırmaq olar. İnsanların 70 faizinin, yəni üçdə ikisinin orqanizmində koronavirusa qarşı immunitet yaranacağı zaman virus aramızdan gedəcək”, – deyə professor bildirib.

Akif Qurbanovun fikirlərinə audiofaylda qulaq asa bilərsiniz

28
Teqlər:
pandemiya, simptom, yoluxma, dünya, Koronavirus, epidemiya, COVID-19
Mövzu:
Dünyanı cənginə almış bəla
Azərbaycan Rieltorlar Assosiasiyasının icraçı direktoru Elnur Azadov

Ekspert: “Əmlak bazarında ciddi dəyişikliklərin olacağı gözlənilmir”

24
(Yenilənib 14:24 27.11.2020)
Azərbaycan Rieltorlar Assosiasiyasının icraçı direktoru Elnur Azadov deyir ki, rəqabət müşahidə edilən ərazilərdə endirimləri görmək olar
Elnur Azadov: “Kirayə bazarında 20% endirim müşahidə edilir”

“Pandemiya ilə əlaqədar olaraq iqtisadi proseslərin dayanması daşınmaz əmlak bazarındakı qiymətlərə ciddi təsir etməyib”. Bunu Sputnik Azərbaycan-a açıqlamasında Azərbaycan Rieltorlar Assosiasiyasının icraçı direktoru Elnur Azadov deyib.

O bildirib ki, bəzi tikinti şirkətləri inşaat prosesini davam etdirə bilmək üçün endirim aksiyalarına başlamışdılar:

“Bu ümumi bazara təsir göstərməsə də, rəqabət müşahidə edilən ərazilərdə endirimləri görmək olar. Kirayə bazarında isə 20% endirim müşahidə edilir. Bu baxımdan ilin sonuna qədər əmlak bazarında ciddi dəyişikliklərin olacağı gözlənilmir. Məcburi köçkünlərin qayıdışından sonra əmlak bazarında hansı vəziyyətin yaranması isə dövlət proqramından asılı olacaq”.

Elnur Azadovun geniş şərhinə audiofaylda qulaq asa bilərsiniz

24

Azərbaycanda hansı yol hərəkəti qaydaları daha çox pozulur

0
(Yenilənib 19:23 01.12.2020)
Ölkə üzrə ən çox hansı yol hərəkəti qaydalarının daha çox pozulması ilə bağlı statistika açıqlanıb. Siyahıda birinci yeri icazə verilən sürət həddinin aşılması ilə əlaqədar qayda pozuntuları tutur.
İnfoqrafika: Azərbaycanda yol hərəkəti qaydalarının pozulması ilə bağlı statistika
© Sputnik / Elnur Salayev

Azərbaycanın yol polisi əməkdaşları bu ilin yanvar-sentyabr ayları ərzində ölkə yollarında sürücülərin yol hərəkəti qaydalarını pozması ilə bağlı təxminən üç milyon fakt qeydə alıblar. Dövlət Statistika Komitəsinin verdiyi məlumata görə, qayda pozuntularının üçdə biri icazə verilən sürət həddinin aşılması ilə əlaqədardır.

İkinci yeri nəqliyyat vasitəsini düzgün saxlamamaq və ya səhv yerə park etməklə bağlı cərimələr tutur - 20,7%. Üçüncü yerdə isə yol işarələri və ya nişanlarının tələblərinə əməl etməməklə bağlı qayda pozuntuları durur.

Qeyd etmək lazımdır ki, koronavirus pandemiyası 2020-ci il üzrə yol hərəkəti qayadalarının pozulması statistikasına da öz təsirini göstərib. Tutulan protokolların 4.1%-i nəqliyyatda sanitar-gigiyena və karantin rejimini pozanların payına düşür.

Ümumilikdə sürücülər qayda pozuntuları ilə bağlı dövlət xəzinəsini 93,2 milyon manat həcmində cərimə ödəməli olublar.

Yol hərəkəti qaydalarının pozulması halları ilə bağlı statistika Sputnik Azərbaycan-ın İnfoqrafikasında daha geniş şəkildə öz əksini tapıb.

0