Dərmanlar

Qiymətlərin enməsi dərmanların keyfiyyətinə necə təsir edəcək?

45
(Yenilənib 12:09 27.08.2015)
Ekspert Eyyub Hüseynov: “Gözləyirik ki, müəyyən müddət qiymətlər aşağı düşəndə bazarda sonsuz miqdarda keyfiyyətsiz dərman olsun”

Qiymətlərin enməsi dərmanların keyfiyyətinə necə təsir edəcək?
Azərbaycanda dərman peraparatlarının qiymətinin ucuzlaşdığı bildirilir. Belə ki, Tarif Şurasının bu ilin  iyul 30-da keçirilmiş iclasında 256 dərman vasitəsi üzrə qiymətlər təsdiq edilib.

Şuranın  avqustun 25-də baş tutan növbəti iclasında isə daha 801 dərman vasitəsinin qiyməti müəyyənləşdirilib. Ümumilikdə,  elan olunmuş 25 təsiredici maddə üzrə 1057 dərman vasitəsinin qiymətləri tənzimlənmişdir ki, bunun nəticəsində hazırda satışda olan dərman vasitələrinin qiymətləri ilə müqayisədə 46% dərman vasitəsinin qiyməti 2 dəfədən çox, 24% dərman vasitəsinin qiyməti 3 dəfədən çox ucuzlaşdırılmış, bütövlükdə isə həmin tərkib üzrə satışda olan dərman vasitələrinin 94%-i üzrə qiymətlər aşağı salınıb.

Bununla da, dövlət qeydiyyatına alınmış dərman vasitələrinin təqribən 15%-nin hazırkı qiymətlərlə müqayisədə əhəmiyyətli dərəcədə aşağı olan satış qiymətləri təsdiqlənmişdir. Böyük sosial əhəmiyyət kəsb edən bu proses bütün dərman vasitələrinin qiymətləri tənzimlənənədək intensiv şəkildə davam etdiriləcək və bu ilin sonunadək əksər dərman vasitələri üzrə qiymətlərin tənzimlənməsi başa çatdırılacaq.

Bu proses dərman bazarındakı rəqabətə və dərmanların keyfiyyətinə necə təsir edəcək? Bu məsələni araşdırmağa çalışdıq. Azad İstehlakçılar Birliyinin sədri Eyyub Hüseynovun fikrincə məsələ müəyyən insiharçı qurumların əlinə keçə bilər:

“Gözləyirik ki, müəyyən müddət qiymətlər aşağı düşəndə bazarda sonsuz miqdarda keyfiyyətsiz dərman olsun. Çünkü dərmanların keyfiyyətinə nəzarət etmək çox mürəkkəb bir məsələdir. Mən Ümumdünya Gömrük Təşkilatının konfransında iştirak edərkən dərmanların keyfiyyətinə nəzarət etməyin çox mümkünsüz olduğunu görmüşəm.

Birinci mənfi gözləntimiz budur ki, qiymət normal olsun, lakin bazara küllü miqdarda keyfiyyətsiz dərman daxil olsun. İkinci pis gözləntimiz budur ki, dərmanın keyfiyyəti normal, qiymət aşağı olsun, lakin məsələ müəyyən insiharçı qurumların əlində birləşsin və bu işlə məşğul olan orta və kiçik biznes tamamilə sıradan çıxsın”.

Məsələnin apteklərə təsirinə gəldikdə isə, Eyyub Hüseynov bir çox apteklərin bağlanacağını iddia edir.

Bəs qiymətlərin enməsi dərmanların keyfiyyətinə təsir edəcəkmi? Ekspertin fikrincə, bazar tam liberallaşarsa qiymətlərin daha da aşağı düşmə ehtimalı ola bilər:

“Hökümət istəyirsə ki, qiymətlər aşağı düşsün və bazarda keyfiyyətli dərman olsun, bazarın prinsiplərinə riayət etməlidir. Bazarın prinsipi budur ki, bütün süni baryerlər aradan qaldırılsın, hər bir dərman biznesi ilə məşğul olan insanların ən yaxşı dərman istehsalçısına əlyetərliliyi üçün şərait yaradılsın. Yəni hər bir dərman biznesi ilə məşğul olan insanın böyük fabriklə əlaqələri üçün şəraiti olsun ki, bazarda bolluq olsun, ekspertiza gücləndirilsin. Bazarda bolluq qiyməti özü-özünə aşağı salacaq. Üstəlik, ciddi məsələlərdən biri həkimlərlə dərman distribütorlarının əlaqələrinin kəsilməsidir. Dərmanları təbliq etmək üçün həkimlərə verilən pul məsələsi yığışdırılmalıdır, eləcə də gömrükdə dərman biznesi ilə bağlı olan bütün süni baryerlər aradan qaldırılmalıdır. Bazar tam liberallaşsa vəziyyət tam yaxşı olar”.

Xatırladaq ki, bəzi dərman preparatlarının qiymətlərinın ucuzlaşması ilə bağlı Tarif Şurasının qərarı bu ilin sentyabrın 15-dən  qüvvəyə minəcək.

45
Teqlər:
dərman peraparatları, Tarif Şurası, Eyyub Hüseynov

Ekspert: “Çimərliklərə “ASAN könüllüləri”nin cəlb olunması yaxşı haldır”

61
(Yenilənib 09:47 05.08.2020)
Azad İstehlakçılar Birliyinin sədri Eyyub Hüseynov deyir ki, Operativ Qərargahın qərarı və prosesə “ASAN könüllülər”in cəlb olunması yeni istehlakçı mədəniyyəti formalaşdıracaq
Eyyub Hüseynov: “Operativ Qərargah çimərliklərə indi icazə verməklə doğru addım atıb”

Avqustun 5-dən etibarən Ekologiya və Təbii Sərvətlər Nazirliyi, Fövqəladə Hallar Nazirliyi və Bakı Şəhər İcra Hakimiyyəti tərəfindən karantin rejiminin tələblərinə uyğun müəyyən edilən qaydalar çərçivəsində ölkə üzrə çimərliklərin istifadəsinə icazə verilir.

Azad İstehlakçılar Birliyinin sədri Eyyub Hüseynov Sputnik Azərbaycan-a deyir ki, sərt karantin dövründə hər gün çimərliklərin açılması ilə bağlı müraciətlər daxil olub:

“Düşünürəm ki, Operativ Qərargah çimərliklərə getmək üçün həmin vaxt deyil, indi icazə verməklə doğru addım atıb. Bəzi insanlar var ki, bütün il boyu çimərliklərdən istifadə edirlər. Xüsusən də, yeni qərarla bu prosesə “ASAN könüllüləri”nin cəlb olunması yaxşı haldır. Qeyd etməliyik ki, vətəndaşlarımızın çimərlik mədəniyyəti aşağıdır. Çimərliklər vətəndaşlar tərəfindən müxtəlif yollarla çirkləndirilir. İnanıram ki, Operativ Qərargahın qərarı və prosesə “ASAN könüllülər”in cəlb olunması yeni istehlakçı mədəniyyəti formalaşdıracaq”.

Eyyub Hüseynovun geniş şərhinə audiofaylda qulaq asa bilərsiniz

61
Kinorejissor Elxan Cəfərov

Kinorejissor: “Filmimizin beynəlxalq festivalda iştirakı böyük qələbədir”

5542
(Yenilənib 10:06 04.08.2020)
Kinorejissor Elxan Cəfərov deyir ki, Azərbaycan kinosu haqqındakı lazımi qərarların həyata keçirilməsinə ehtiyac var
Elxan Cəfərov: “Biz belə filmlərin sayını artıra bilərik”

Azərbaycanlı rejissor Hilal Baydarovun “Səpələnmiş ölümlər arasında” filmi Venesiya beynəlxalq film festivalının “Qızıl şir” mükafatına iddialıdır.

Kinorejissor Elxan Cəfərov Sputnik Azərbaycan-a deyir ki, Azərbaycan filminin belə bir festivalda iştirakını alqışlayır və bu, böyük bir qələbədir: “Bu təkcə filmin yaradıcı heyətinin deyil, bütün xalqımızın qələbəsidir. Filmimizin belə bir festivalda iştirakı onun peşəkar səviyyədə hazırlanmasından xəbər verir. Biz belə filmlərin sayını artıra bilərik. Bunun üçün Azərbaycan kinosu haqqındakı lazımi qərarların həyata keçirilməsinə ehtiyac var”.

Qeyd edək ki, Venesiya beynəlxalq film festivalı hər il sentyabrın 2-dən 12-dək Lido adasında keçirilir.

Elxan Cəfərovun geniş şərhinə aduiofaylda qulaq asa bilərsiniz

5542
Leonardo Di Kaprio, arxiv şəkli

"Apple" Di Kaprio: Hollivudda birgə filmlər çəkiləcək

0
(Yenilənib 23:28 05.08.2020)
Di Kaprio və "Apple"-in ilk layihəsi Martin Skorsezenin rejissoru olduğu "Çiçəkli ayın qatilləri" (Killers of the Flower Moon) filmi olacaq.

BAKI, 5 avqust — Sputnik. Amerikalı aktyor Leonardo Di Kaprio və onun "Appian Way" kino şirkəti "Apple" şirkəti ilə film və serialların çəkilişinə dair müqavilə imzalayıb. Sputnik Azərbaycan xəbər verir ki, bu barədə məlumatı "Hollywood Reporter" yayıb.

Di Kaprio və "Apple"-in ilk layihəsi Martin Skorsezenin rejissoru olduğu "Çiçəkli ayın qatilləri" (Killers of the Flower Moon) filmi olacaq. Film Devid Qrannanın eyni adlı romanı əsasında çəkiləcək. Filmə 200 milyon dollar maliyyə ayrılıb. Baş rolları Di Kaprio və Robert De Niro oynayacaq. Korporasiya Elizabet Mossun baş rolu oynadığı və "Appian Way Productions"ın prodüserlik etdiyi "Parlayan qızlar" (The Shining Girls) serialını da birlikdə ərsəyə gətirəcək", - deyə məlumatda bildirilir.

Di Kaprio, "Appian Way" və "Apple"-in əməkdaşlığı bununla yekunlaşmayacaq.

"Appian Way Productions" üçün bu müqavilə serial çəkilişi sahəsində ilk addım olacaq. Şirkət daha əvvəl "Paramount Pictures" və "Warner Bros" kinostudiyaları ilə filmlərin istehsalına dair sazişlər imzalamışdı.

Xatırladaq ki, bundan əvvəl Di Kaprionun şirkəti Oldos Haqslinin "Ada" adlı sonuncu romanının serial ekranlaşdırılmasına prodüserlik etməyi nəzərdə tutub.

0