Xəzər dənizi

Yeni təhdidlər fonunda Xəzər təhlükəsizliyi

29
Xəzər beşliyi dövlətlərinin iqtisadi qarşılıqlı əlaqəsi ilə bağlı layihələrin reallaşdırılmasının vacib şərti siyasət və təhlükəsizlik sahəsində davamlı dialoqun təmin edilməsidir.

BAKI, 1 iyul — Sputnik. Avqustun 10-dan 12-nə kimi Moskvada II Xəzər İqtisadi Forumu (XİF) keçiriləcək. Forumun keçirilməsi Xəzəryanı dövlətlərin hökumətləri arasında 12 avqust 2018-ci il tarixində Beşinci Xəzər Sammiti zamanı imzalanmış ticarət və iqtisadi əməkdaşlıq haqqında razılaşmada nəzərdə tutulmuşdu. Sənədin 5-ci maddəsinə uyğun olaraq, XİF bölgə dövlətləri arasında ticarət-iqtisadi əməkdaşlığı inkişaf etdirmək və gücləndirmək məqsədi ilə həyata keçirilir. Xəzər beşliyi dövlətlərinin iqtisadi qarşılıqlı əlaqəsi ilə bağlı layihələrin reallaşdırılmasının vacib şərti siyasət və təhlükəsizlik sahəsində davamlı dialoqun təmin edilməsidir. Təsadüfi deyil ki, siyasətçilərin və mütəxəssislərin ümumi rəyinə görə, Xəzər dənizi artıq çoxdan əməkdaşlıq və inkişaf dənizi kimi tanınıb. Bu gün Xəzərin siyasi gündəmi bölgədə yeni geosiyasi landşaftın yaradılmasına töhfə verərək fəal şəkildə inkişaf etdirilir.

Bunun iqtisadi əməkdaşlığa və bölgədə yeni geosiyasi landşaftın yaradılmasına necə təsir göstərəcəyi barədə iyulun 2-si, saat 12:00-da Şimal-Cənub Politologiya Mərkəzi tərəfindən Sputnik Azərbaycan Multimedia Mətbuat Mərkəzi ilə birgə təşkil olunmuş dəyirmi masada Azərbaycanın Gürcüstandakı keçmiş fövqəladə və səlahiyyətli səfiri, Azərbaycan Respublikası Prezidenti yanında Dövlət İdarəetmə Akademiyasının beynəlxalq münasibətlər kafedrasının rəhbəri Namiq Əliyev, Rusiya Elmlər Akademiyasının Milli İqtisadiyyat və Beynəlxalq Münasibətlər İnstitutunun Postsovet Araşdırmaları Mərkəzinin Baş elmi işçisi Stanislav Pritçin, politoloq, beynəlxalq jurnalist, "Avrasiya Dünyası" ictimai fondunun prezidenti Eduard Poletayev, Trend Xəbər Agentliyinin baş direktorunun müavini, "BakuNetwork" Analitik Mərkəzinin rəhbəri Gülnara Məmmədzadə (aparıcı) danışacaqlar.

Spikerə suallarınızı öncədən ivelizade@gmail.com elektron ünvanına göndərə bilərsiniz. Tədbir Sputnik Azərbaycan-ın "Facebook" səhifəsində canlı yayımlanacaq.

Əlaqə:

Telefonlar: 404-13-84/85

Ünvan: Mətbuat prospekti, 529-cu məhəllə, 23 M, BMM-in binası, 4-cü mərtəbə, Sputnik Azərbaycan Multimedia Mətbuat Mərkəzi.

29
Teqlər:
təhlükəsizlik, Xəzər
Sputnik Beynəlxalq İnformasiya Agentliyinin loqosu, arxiv şəkli

SputnikPro: Bakıda yenidən KİV təmsilçiləri üçün ustad dərsləri keçiriləcək

30
(Yenilənib 13:22 22.07.2021)
Rusiyalı mütəxəssislər azərbaycanlı həmkarlarına “feyk nyus” və onunla mübarizə yollarından danışacaqlar.

BAKI, 22 iyul — Sputnik. Sputnik beynəlxalq informasiya agentliyi və radiosu koronavirus pandemiyası ucbatından yaranan onlayn fasilədən sonra yenidən Bakıda SputnikPro maarifləndirmə proqramına start verir. İyulun 26-da, bazar ertəsi günü Sputnik Azərbaycan Multimedia Mərkəzində SputnikPro layihəsi çərçivəsində KİV təmsilçiləri üçün ustad dərsləri seriyası başlayır.

Pandemiya əhalinin "çipləşdirilməsi", koronavirusla mübarizədə sarımsağın və arağın faydaları barədə söz-söhbətlə yanaşı, bir sıra konspiroloji nəzəriyyələrin də ortaya çıxmasına səbəb oldu. Hazırda isə sosial şəbəkələrdə ən geniş yayılmış mif və feyk xəbərlər vaksinasiya ilə bağlıdır.

Sputnik Azərbaycan media mərkəzində jurnalistlərə “feyk nyus”ların hansı şablonlar əsasında yaradıldığı, bir sıra məşhur feyklərin necə ortaya çıxdığı barədə məlumat veriləcək, eləcə də, çoxsaylı nümunələr əsasında xəbəri "şübhə testindən" necə keçirməyin, identifikasiya və ifşa etməyin yolları göstəriləcək.

““Feyk-nyus” barədə gözəl və maraqlı” mövzusunda ustad dərsini isə RİA Novostinin məşhur "İnanmıram!" antifeyk podkastının aparıcıları Natalya Şaşina və Artyom Buftyak keçəcəklər.

Nataliya Şaşina "Rossiya Seqodnya" media qrupunun İnnovativ Jurnalistika Mərkəzinin sədr müavinidir. 2012-ci ildən 2019-cu ilə kimi “Business FM” radiostansiyasının şərhçisi və aparıcısı olub. Buna qədər isə “Finam FM” radiosunda və "Moskovski Komsomolets" qəzetində işləyib.

© Photo : Vladimir Trefilov
"Rossiya Seqodnya" media qrupunun İnnovativ Jurnalistika Mərkəzinin sədr müavini Nataliya Şaşina

Artyom Buftyak "İnanmıram!" və "Hamımız öləcəyik, ancaq bu dəqiq deyil" podkastlarının aparıcısıdır. O, həmçinin "Bu, rusca necə səslənir" və "İstoriya.DOC" podkastları üçün də ssenarilər yazır. "Rossiya Seqodnya" media qrupuna qədər isə energetika, IT və reklam sahəsində çalışıb.

© Photo : Vladimir Trefilov
"İnanmıram!" və "Hamımız öləcəyik, ancaq bu dəqiq deyil" podkastlarının aparıcısı Artyom Buftyak

"Müasir jurnalistika üçün fakt dəqiqləşdirmə texnologiyaları" mövzusunda keçiriləcək ustad dərsində spiker qismində Rusiya Jurnalistlər Birliyinin beynəlxalq şöbəsinin rəhbəri Timur Şafir çıxış edəcək. O, beynəlxalq mövzular üzrə ixtisaslaşmış jurnalist və politoloqdur. Bakıda anadan olub. 2019-cu ildə Beynəlxalq Jurnalistlər Federasiyasının vitse-prezidenti vəzifəsinə seçilib.

© Photo : Courtesy of Timur Shafir
Rusiya Jurnalistlər Birliyinin beynəlxalq şöbəsinin rəhbəri Timur Şafir

SputnikPro – Rusiyanın ən yaxşı media menecerləri, KİV sahəsində böyük təcrübəyə malik aparıcı mütəxəssisləri tərəfindən ustad dərslərinin verildiyi genişmiqyaslı yeganə proqramdır.

SputnikPro layihəsi artıq dünyanın 13 ölkəsində təşkil olunub. 2018-ci ilin mart ayından indiyə kimi layihədə iki mindən artıq jurnalist, media meneceri, PR mütəxəssisi, mətbuat xidməti əməkdaşı, bloger və müvafiq fakültələrdə təhsil alan tələbələr iştirak ediblər.

Bu maarifçilik layihəsi ilə bağlı yenilikləri aşağıdakı "Facebook" səhifəsindən izləmək olar:

https://www.facebook.com/SputnikProject/

30

Ekspertlər: Azərbaycan turizm infrastrukturuna görə Xəzər regionunda birinci yerdədir

28
(Yenilənib 22:55 16.07.2021)
Aparıcı beynəlxalq ekspertlər Xəzər regionunun turizm potensialını qiymətləndirərək beş dövlətin əməkdaşlığının regionda bu sahəni necə inkişaf etdirə biləcəyi barədə danışıblar.

Pandemiya vaxtı, sərhədlərin hələ də bağlı olduğu dövrdə daxili turizm getdikcə daha çox inkişaf edir və Xəzər dənizi regionunun potensial turizm istiqaməti kimi imkanları açılıb. Xəzər regionunun turizm potensialı necədir və ölkələrin turizmin inkişaf etdirilməsi yolu ilə xarici investisiyaları necə cəlb edə biləcəyi barədə ekspertlər Sputnik Azərbaycan multimedia mətbuat mərkəzində danışıblar.

"Şimal-Cənub" politoloji mərkəzi, Trend informasiya agentliyi və BakuNetwork-ün təşkil etdiyi tədbirdə onlayn formatda Xəzərdə daha çox prioritet olan turizm sahələri və turizm infrastrukturunun inkişaf etdirilməsi yolları müzakirə olunub.

Qapalı sərhədlər yeni istiqamətlərin inkişaf etdirilməsi imkanı kimi

Həştərxandakı Sky Travel turizm agentliyinin direktoru Alyona Panasenko hesab edir ki, Xəzər regionunun yaxşı turizm meydanına çevrilməsi üçün bütün imkanlar var.

"Pandemiya turizm və onun inkişafına müəyyən düzəlişlər edib. Sərhədlər bağlıdır və bu, yeni istiqamətlərin inkişaf etdirilməsi üçün imkandır. Qazaxıstan və Azərbaycan kimi istiqamətlər getdikcə daha çox maraq doğurur. Bu ölkələrdə turizm infrastrukturu yaxşı inkişaf edib. Turistləri cəlb etmək üçün də, sahəni inkişaf etdirmək üçün də xeyli imkanlar var", - deyə Panasenko bildirib.

Onun fikrincə, hazırda Xəzər regionuna turistlərin cəlb olunması üçün çoxsaylı proqramlar həyata keçirilir və bu region xarici qonaqlar üçün cəlbedicidir. Region ölkələrini bir səyahətdə birləşdirmək olar, bu halda turist mümkün qədər daha çox təəssürat əldə edəcək. Həm də Xəzər regionu müxtəlif mədəniyyətlərlə çox zəngindir.

Dayvinq, balıqçılıq və Xəzərdə turizmin digər istiqamətləri

Azərbaycan Otellər və Restoranlar Assosiasiyasının sədri Samir Dübəndi deyib ki, Xəzərdə prioritet turizm istiqamətlərindən biri dayvinqdir. Dənizin dibində batmış gəmilər var və bu cür dayvinq xarici turistlər üçün çox cəlbedicidir.

"Digər tərəfdən balıqçılığın bəzi növlərini inkişaf etdirmək olar. Bundan əlavə, yaxt-klublar vasitəsilə yelkənli qayıq turizmi də inkişaf edir. Bir vaxtlar Azərbaycanın yaxt-klubları məşhur olub, hazırda bu istiqamət bərpa olunur. Bunlardan əlavə, "Daş yolu" da qeyd etmək lazımdır. Bu, təbiətin möcüzəsidir, alimlər hələ də onun necə əmələ gəldiyi üzərində baş sındırırlar. Həmin silsilə Abşeron yarımadasından keçir və bəzi yerlərdə dənizə batır. Bakıya gələn turistlər bununla maraqlanırlar", - deyə Dübəndi bildirib.

Ekspert bildirib ki, son illər bir səyahət daxilində bir neçə ölkəyə getmək mümkün olan turlar geniş yayılıb. Konkret olaraq bu cür təcrübə Azərbaycan və Gürcüstan arasında mövcuddur.

"Bu mənada əvvəllər Həştərxana da marşrutların olduğunu qeyd etmək lazımdır – dənizlə Həştərxandan Bakıya gələ bilən gəmilər işləyirdi. Onlar burada sərnişinləri götürə, Həştərxana yola sala, sonra isə Volqa ilə Moskvayadək üzə bilirdilər.

Hazırda bu marşrut tam həcmi ilə işləmir. Son bir neçə il ərzində biz bu marşrut barədə danışmışıq. Həştərxanda infrastruktur məsələlərinin müzakirə olunduğu forum keçirilib və orada həmin bu köhnə marşrutdan da söhbət açılıb", - deyə Dübəndi bildirib.

Azərbaycan Xəzərdə turizmin inkişafı üzrə liderdir

Qazaxıstanın Vətəndaş Alyansının direktoru, "Avrasiya monitorinqi" analitik tədqiqatlar mərkəzinin rəhbəri Alibek Tacibayevin sözlərinə görə, Azərbaycan Xəzər regionunda turizm sənayesinin formalaşmasında inteqrasiya proseslərinin lideridir.

"Turizm infrastrukturunun inkişafı məsələsində Qazaxıstan Azərbaycandan nümunə götürməlidir. Azərbaycan elə bir nümunədir ki, ona diqqət yetirilməlidir", - deyə Tacibayev dəyirmi masa zamanı bildirib.

Ekspertin sözlərinə görə, Aktau şəhərinin nümunəsində ümumi inkişafda, o cümlədən turizm sənayesinin inkişafında infrastrukturun inkişafının katalizator rolu oynadığını görmək mümkündür.

"Əgər hələ on il əvvəl Aktauya gələrkən biz yerləşməklə, infrastrukturla bağlı problemlərlə rastlaşırdıqsa, hazırda biz şəhərin inkişafı və genişləndirilməsi ilə bağlı hədəfləri görürük. Sahilyanı zona güclü inkişaf edir", - deyə Tacibəyev bildirib.

Onun sözlərinə görə, yaddan çıxarmaq olmaz ki, turizm potensialının olması regiona xarici investisiyaların cəlb edilməsi üçün maqnitdir.

Turizmin inkişafına ümumi yanaşma vacibdir

Belarus Turizm Sənayesi İttifaqının idarə heyətinin sədri Filip Qulı bildirib ki, regionun inkişafı institutunun başa düşülməsinə, investisiya siyasətinin vahid dialoq mexanizminə ümumi yanaşma lazımdır. İnkişafa və investisiya cəlb olunmasına ümumi yanaşmadan beş dövlətin hamısı udacaq.

"Xəzər regionunda mövcud olan əsas problem – yerli biznesin inkişafı üçün şəraitin yaradılmasına dair vahid sistem şəkildə yanaşmanın olmamasıdır. Bu, infrastruktura güzəştli sərmayə qoyuluşuna da aiddir", - deyə Qulı bildirib.

Onun sözlərinə görə, beş, bir-birindən fərqli və özünəməxsus xüsusiyyətlərə malik Xəzəryanı dövlət birlikdə güclü potensiala malikdir.

"Yaxın iyirmi illik perspektiv üçün bu, dünya səviyyəli, ciddi ziyarət yerlərindən biridir. Xəzər dənizində istirahət edərkən turistin beş fərqli mədəniyyətlə və landşaftla tanış olmaq, beş fərqli dövlətin ab-havasına baş vurmaq imkanı olur. İnfrastruktur ciddi şəkildə çatışmır, lakin onun yaradılması üçün zaman var. Xəzər dünya səviyyəsində hələ qiymətini almayıb, lakin onun perspektivləri çox yüksəkdir, - deyə ekspert bildirib.

Onun sözlərinə görə, kreativ təcrübəsi sayəsində Bakı regionda turizmdə flaqman və dominantdır. Lakin 15-20 il sonra meydana gəlməli olan əsas turizm məhsulu - haradasa istirahət etməklə beş fərqli ölkəni görmək imkanı, sonra isə Xəzərlə kruiz gəmilərində gəzmək imkanıdır.

Qulı həmçinin daxili turizmin inkişafında pandemiyanın rolunu da qeyd edib. Ekspertin fikrincə, əgər pandemiya olmasaydı, Xəzər regionunun, eləcə də istənilən digər daxili turizm növünün də inkişaf sürəti daha aşağı olardı.

Eləcə də oxuyun:

28
Teqlər:
Xəzər, Azərbaycan, turizm
Bakı şəhərinə mənzərə, arxiv şəkli

Ümidverici proqnozlar, RF şirkətlərinin nümayəndələri Bakıda - İqtisadi yekunlar

0
(Yenilənib 20:36 25.07.2021)
Karantin rejiminin uzadılması, dövlət başçısının AzTV-yə müsahibəsi, SOCAR-ın 4 vitse-prezidentinin vəzifəsindən azad edilməsi, Şuşaya dəmiryol xəttinin çəkilməsi, RF şirkətlərinin ölkəmizə işgüzar missiyası həftənin əsas iqtisadi mövzularıdır.

BAKI, 25 iyul — Sputnik. Bu həftə Azərbaycanda maraqlı iqtisadi hadisələrlə yadda qalıb.

Xüsusi karantin rejiminin müddəti uzadılıb

Koronavirus (COVID-19) infeksiyasının ölkə ərazisində yayılmasının, onun törədə biləcəyi fəsadların qarşısının alınması məqsədilə Azərbaycan ərazisində xüsusi karantin rejiminin müddəti 1 sentyabr saat 06:00-dək uzadılıb. Bu barədə Baş nazir Əli Əsədov qərar imzalayıb.

Qərara əsasən, 2021-ci il 31 iyul saat 00:00-dan 2 avqust saat 06:00-dək, 7 avqust saat 00:00-dan 9 avqust saat 06:00-dək, 14 avqust saat 00:00-dan 16 avqust saat 06:00-dək, 21 avqust saat 00:00-dan 23 avqust saat 06:00-dək, 28 avqust saat 00:00-dan 30 avqust saat 06:00-dək ictimai nəqliyyatda, həmçinin Bakı Metropolitenində sərnişindaşıma fəaliyyəti dayandırılacaq.

Baş nazirin COVID-19-la bağlı müşavirəsi

İyulun 21-də Azərbaycan Respublikasının Baş naziri, Operativ Qərargahın rəhbəri Əli Əsədovun sədrliyi ilə Qərargahın geniş tərkibdə respublika müşavirəsi keçirilib. Müşavirədə Operativ Qərargahın üzvləri ilə bərabər şəhər və rayonların icra hakimiyyəti başçıları, polis şöbələrinin rəisləri, baş həkimlər iştirak ediblər.

Müşavirənin gündəliyindəki iki məsələ - ölkə üzrə peyvəndlənmə prosesinin gedişi və xüsusi karantin rejimində şənlik mərasimlərinin – toy, nişan və s. tədbirlərin keçirilməsi zamanı xüsusi karantin rejimi qaydalarına nəzarət məsələləri müzakirə olunub.

Baş nazir Əli Əsədov bildirib ki, Prezident İlham Əliyevin Sərəncamı ilə Operativ Qərargahın yaradıldığı dövr ərzində əhalinin sağlamlığının qorunması üçün bütün imkanlar səfərbər edilərək xəstəliklə mübarizəyə cəlb olunub, o cümlədən səhiyyə orqanlarının bütün maddi təminatı ödənilib, habelə yoluxmanın və sağalmanın dinamikasına uyğun olaraq xüsusi karantin rejiminin gücləndirilməsi və yumşaldılması üzrə inzibati tədbirlər görülüb.

Xüsusi karantin rejimi çərçivəsində məhdudiyyətlərin iqtisadiyyata göstərdiyi təzyiqə baxmayaraq, dövlət başçısının elan etdiyi prinsip - vətəndaşların sağlamlığı əsas prinsip kimi tətbiq olunub.

Pandemiya ilə mübarizənin aparıldığı dövrün təcrübəsi göstərir ki, xəstəliyə qarşı ən effektli mübarizə vasitəsi peyvəndlənmədir.

Prezident İlham Əliyevin zamanında qəbul etdiyi qərara əsasən ölkəmizə 15 milyon doz peyvəndin gətirilməsinə dair anlaşmalar əldə olunub, sifarişlər edilib və hissə-hissə gətirilməkdədir. Məqsəd, ölkə əhalisinin təqribən 70%-ə qədərini peyvəndləməkdir.

Qəbul olunmuş qərarlar nəticəsində yoluxmanın səviyyəsinin aşağı salınmasına nail olundu, yayın əvvəlinədək yoluxmanın statistikası ikirəqəmli həddə endi, sağalanların sayı və çarpayı ehtiyatı artırıldı.

Prezident: Altı ayın yekunları göstərir ki, artıq Azərbaycan iqtisadiyyatı tənəzzüldən çıxıb

Azərbaycan Prezidenti İlham Əliyev Azərbaycan Televiziyasına müsahibəsində deyib ki, altı ayın yekunları göstərir ki, artıq Azərbaycan iqtisadiyyatı tənəzzüldən çıxıb. Əgər bu altı ayın hər bir ayının iqtisadi göstəricilərinə nəzər salsaq görərik ki, ilin əvvəlində iqtisadi tənəzzül daha böyük rəqəmlərlə ölçülürdü. Hər ay tənəzzül azalırdı və biz may ayının yekunlarına görə bir balaca iqtisadi inkişafa nail ola bildik. Altı ayın yekunları isə bunu göstərir ki, bizim iqtisadiyyatımız 2 faiz artıb. Bu, yaxşı göstəricidir.

Dövlətimizin başçısı bildirib ki, xüsusilə dünyada gedən proseslərə nəzər saldıqda görürük ki, dünya ölkələrinin böyük əksəriyyəti hələ ki, iqtisadi tənəzzüldədir. Bizim iqtisadiyyatımız isə artır və əminəm ki, ilin sonuna qədər daha da artacaq. Daha sevindirici məsələ odur ki, qeyri-neft sektorumuz 5 faizdən çox artıb. Bu, doğrudan da böyük rəqəmdir, böyük göstəricidir, görülmüş işlərin təzahürüdür.

Sənaye istehsalının 0,3 faiz azaldığını qeyd edən Prezident İlham Əliyev vurğulayıb ki, bunun əsas səbəbi neft hasilatı ilə bağlıdır, OPEC+ razılaşmasının yerinə yetirilməsidir. Bilirsiniz ki, biz hasilatı azaltmışıq və necə deyərlər, bu versiyanı təsdiqləyən digər göstəriciyə diqqətinizi cəlb etmək istərdim. Qeyri-neft sənayemiz 16,6 faiz artıb və daha da artacaq. Bugünkü bu açılış və görüləcək digər işlər qeyri-neft sektorunun sənaye potensialını daha da artıracaq. Çünki 16,6 faiz artım olub, mən bilmirəm hansı başqa ölkədə buna rast gəlmək olar.

İlham Əliyev: İlin sonunadək həm Qarabağda, həm də Şərqi Zəngəzurda elektrik təsərrüfatını quracağıq

Prezident İlham Əliyev bildirib ki, biz bu ilin sonuna qədər azad edilmiş torpaqlarda - həm Qarabağda, həm də Şərqi Zəngəzurda bütün elektrik təsərrüfatını quracağıq: yeni xətlər, ötürücü xətlər, transformatorlar, yarımstansiyalar, elektrik stansiyaları. Ermənilər tərəfindən dağıdılmış 12 su elektrik stansiyasını ki, Kəlbəcər və Laçın rayonlarında onlara iki həftə möhlət verəndən sonra onları yandırıb dağıtmışdılar. Beləliklə, bu, əsas məsələdir. Çünki bu olmasa, heç bir inkişafdan söhbət gedə bilməz.

Bundan sonra yaşıl enerji layihəsinin icra ediləcəyini diqqətə çatdıran dövlətimizin başçısı deyib ki, artıq bir xarici şirkət tərəfindən maraq göstərilib. "200 meqavatlıq günəş elektrik stansiyasının xarici şirkətin vəsaiti hesabına tikintisi ilə bağlı razılığa gəldik. Bu, çox gözəl, önəmli hadisədir. Eyni zamanda, başqa şirkətlər üçün də bu, bir siqnaldır", - deyə Prezident vurğulayıb.

İndi dünyanın müxtəlif enerji şirkətlərinin öz prioriteti üçün bərpaolunan enerjini təsbit etdiklərini deyən Prezident İlham Əliyev bildirib: "Biz onları da dəvət edirik, gəlsinlər, investisiya qoysunlar. Bizim şaxələndirilmiş enerji şəbəkəmiz var, bizim bütün qonşu ölkələrlə Türkiyə, Rusiya, İran, Gürcüstanla yüksək gərginlikli enerji xətlərimiz var. Biz istənilən yerə enerjini ötürə bilərik. Məsələn, biz İrana indi ixrac edirik, Rusiyaya həm ixrac edirik, həm idxal edirik, amma daha çox ixrac edirik. Eyni zamanda, Gürcüstana, Türkiyəyə ixrac edirik".

Azərbaycan Prezidenti: İnflyasiya məqbul hesab edilən rəqəmlər ətrafındadır

Prezident İlham Əliyev Azərbaycan Televiziyasına müsahibəsində bildirib ki, inflyasiya məqbul hesab edilən rəqəmlər ətrafındadır – 4,3 faiz. Hesab edirəm ki, bu da yaxşı nəticədir. Valyuta ehtiyatlarımız artıb. Altı ayda valyuta ehtiyatlarımız 1 milyard dollar həcmində artıb. Amma bu artım daha da böyük olacaqdı. Çünki bizim ehtiyatlarımızın bir hissəsi müxtəlif valyutalardadır, o cümlədən avro və dollar əksəriyyət təşkil edir. Bu məzənnədə olan dəyişiklik bizim mütləq rəqəmlərə təsir göstərdi.

Dövlətimizin başçısı qeyd edib ki, baxmayaraq ki, biz genişmiqyaslı quruculuq işləri aparırıq, baxmayaraq ki, biz Qarabağı və Şərqi Zəngəzuru sürətlə bərpa edirik, nəinki valyuta ehtiyatlarımızı azaltmamışıq, artırmışıq və heç bir kreditə də müraciət etməmişik. Bu, nəyi göstərir? Resursumuzu göstərir, resurs bazasını göstərir. Eyni zamanda, onu göstərir ki, biz vəsaitdən çox ehtiyatla istifadə edirik, israfçılığa, lazım olmayan xərclərə yol vermirik. Vaxtilə nəzarətsiz olan xərclər artıq keçmişdə qalıbdır, bütün dövlət məmurları mənim təlimatlarımı icra etməlidirlər və edirlər ki, hər manata qənaət etməliyik.

Azərbaycan Prezidenti deyib ki, lazım olmayan layihələrə, xeyir gətirməyən layihələrə, sadəcə, görüntü naminə, yaxud da hansısa başqa maraqlar naminə dövlət investisiya xərcləri verilməyəcək. Bunu hər kəs bilir. Ona görə valyuta ehtiyatlarımızın artımı da çox vacib məsələdir. Nə qədər çox valyutamız olsa, biz özümüzü o qədər də əmin hiss edirik.

Prezident İlham Əliyev Dövlət Neft Şirkətinin dörd vitse-prezidentinin vəzifələrindən azad edilməsi barədə sərəncamlar imzalayıb

Azərbaycan Respublikasının Prezidenti İlham Əliyev iyulun 19-da Azərbaycan Respublikası Dövlət Neft Şirkətinin dörd vitse-prezidentinin vəzifələrindən azad edilməsi barədə sərəncamlar imzalayıb.

Sərəncamlara əsasən, Azərbaycan Respublikası Dövlət Neft Şirkətinin vitse-prezidentləri Mikayıl İsmayılov, Bəhram Hüseynov, Tofiq Qəhrəmanov və David Məmmədov vəzifələrindən azad ediliblər.

Bakıda Rusiya şirkətlərinin Azərbaycana işgüzar missiyası çərçivəsində tədbir keçirilib

Azərbaycan və Rusiya münasibətləri tarixi köklərə əsaslanır. Rusiya Azərbaycanın strateji tərəfdaşıdır və ölkələrimiz arasında iqtisadi, siyasi, nəqliyyat və digər sahələrdə əlaqələrimiz yüksələn xətlə inkişaf edir. Bunu Azərbaycanın iqtisadiyyat naziri Mikayıl Cabbarov iyulun 23-də Rusiya şirkətlərinin Azərbaycana işgüzar missiyası çərçivəsində keçirilən tədbirdə deyib.

Nazir bildirib ki, ölkələrimiz arasında hökumətlərarası komissiya fəaliyyət göstərir. Pandemiya ilə əlaqədar olaraq iki ölkə arasında əlaqələrdə müəyyən problemlər oldu: "Biz tədricən ticari, iqtisadi və digər sahələrdə əməkdaşlığımızı genişləndirmək istəyirik. Əlaqələrin dinamikası qənaətbəxşdir. Bu ilin iyulundan Ələt İqtisadi Zonasının təməli qoyulub. Rusiya istehsalçıları, şirkətləri ilə əməkdaşlıq bizim maraqlarımız çərçivəsindədir".

M.Cabbarov qeyd edib ki, Azərbaycan 44 günlük Vətən müharibəsində Zəfər qazanaraq öz ərazi bütövlüyünü bərpa edib. Rusiya Azərbaycanın ərazi bütövlüyünü tanıyır və bu məsələdə ölkəmizə öz dəstəyini göstərib. Təbii ki, ölkələrimiz arasında əlaqələrin inkişafı və daha da genişləndirilməsi üçün regionda təhlükəsizliyin təminatı mühüm şərtdir.

Nəqliyyat, rabitə və yüksək texnologiyalar naziri Rəşad Nəbiyev çıxış edərək bildirib ki, Azərbaycan və Rusiya arasındakı münasibətlərin inkişafı çox əhəmiyyətlidir. Dövlət başçılarının mütəmadi görüşləri ikitərəfli münasibətlərin müzakirəsi və əməkdaşlığın dərinləşdirilməsi baxımından müstəsna önəm kəsb edir. Bugünkü tədbir sabaha ümid verir.

Nazir bildirib ki, ölkələrimiz nəqliyyat, yükdaşımada müştərək əməkdaşlıq edir. Azərbaycan, Rusiya prezidentlərinin və Ermənistan baş nazirinin imzaladığı 10 noyabr tarixli üçtərəfli Bəyanatın tələblərinə uyğun olaraq kommunikasiyanın açılması region ölkələrinin iqtisadi cəhətdən daha sürətlə inkişafında mühüm rol oynayacaq.

Onun sözlərinə görə, Rusiya şirkətlərinin təcrübəsindən yararlanmaq Azərbaycanın da xeyrinədir və çox səmərə verəcək.

Rusiyalı nazir müavini: Artım bizi sevindirir

Rusiya Federasiyasının iqtisadi inkişaf nazirinin müavini Dmitri Volvaç çıxış edərək bildirib ki, Azərbaycan-Rusiya əlaqələri çoxşaxəli səciyyə daşıyır. Ölkələrimiz həyatın müxtəlif sahələrində sıx əməkdaşlıq edirlər. Son 5 ayda Rusiya və Azərbaycan arasında ticarət əlaqələri demək olar ki, 4 faiz artıb. Bu, bizi çox sevindirir.

Nazir müavini qeyd edib ki, pandemiya hər bir ölkənin iqtisadiyyatına mənfi təsir göstərib. Postpandemiya şəraitində əlaqələrin inkişaf etdirilməsinin vacibliyini qeyd edən D.Volvaç vurğulayıb ki, 10 noyabr tarixli üçtərəfli Bəyanatın şərtlərinə əsasən, kommunikasiyanın açılması region ölkələri arasında əlaqələrin inkişafı üçün əlverişli imkanlar yaradır.

O bildirib ki, Azərbaycan və Rusiya Prezidentlərinin iyulun 20-də keçirilən görüşündə ölkələrimiz arasında əməkdaşlıq əlaqələrinin genişləndirilməsi bir daha nəzərdən keçirilib. Mövcud reallıq yeni yanaşmalar tələb edir.

"Azəriqaz" İB MTK-larda qaz sayğaclarının əvəzsiz quraşdırılmasına dair açıqlama yayıb

İstehlakçı məmnuniyyətinin qazanılması "Azəriqaz" İstehsalat Birliyinin qarşısında duran ən ümdə vəzifədir. Qaz təchizatı sahəsində kommunal xidmətlər göstərən müəssisə kimi fəaliyyətimizin əsas qiymətləndirici meyarlarından biri də abonentlərin razı qalmasıdır. Qarşıya qoyulan vəzifəyə nail olmaq, əlçatanlığı və operativliyi təmin etmək üçün istər təqdim olunan xidmətlərin çeşidinin və keyfiyyətinin artırılması, istərsə də mümkün sui-istifadəyə şərait yaradan neqativ halların aradan qaldırılması üzrə tədbirlər həyata keçirilir. Bu istiqamətdə atılan növbəti addımdan biri də Mənzil Tikinti kooperativləri (MTK) tərəfindən inşa edilən çoxmərtəbəli yaşayış binalarında qaz sayğaclarının "Azəriqaz" İB tərəfindən heç bir ödəniş edilmədən quraşdırılmasıdır. Bu barədə İB-nin baş direktoru Ruslan Əliyevin MTK-larda qaz sayğaclarının əvəzsiz quraşdırılmasına dair açıqlamasında qeyd olunub.

Bildirilib ki, Azərbaycan Respublikası Nazirlər Kabinetinin 2011-ci il 12 may tarixli 80 nömrəli qərarı ilə təsdiq edilmiş "Qazdan istifadə qaydaları"nın (Qaydalar) 4.2-ci bəndinə görə, məişət qaz qurğularının istifadəsi üçün qaz sayğacı qaz paylayıcısının, sənaye qaz qurğularının istifadəsi üçün isə qaz sayğacı istehlakçının vəsaiti hesabına təchiz edilir, quraşdırılır və dəyişdirilir. "Azəriqaz" İB qanunvericiliyin həmin tələbinin bu günədək də icrasını tam təmin edir. Ümumi qaz sərfiyyatı saatda 10 kubmetrədək olan, əhalinin məişət ehtiyacları üçün istifadə edilən məişət qaz qurğusu istifadəçilərinə münasibətdə "Azəriqaz" İB tərəfindən qaz sayğacları əvəzsiz olaraq təchiz edilir. Belə ki, heç bir ödəniş edilmədən istifadə olunan və istismar müddəti başa çatan qaz sayğacları yenisi ilə əvəzlənir, qüsurla çalışan sayğaclar təmir edilir, yeni fərdi yaşayış evləri qaz sayğacları ilə təchiz olunur. Bunun üçün tikinti obyektinə (mənzil, fərdi yaşayış evi) mülkiyyət hüququ olan vətəndaşın və ya sonuncu ilə icarə müqaviləsi bağlayan şəxsin müraciəti yetərlidir. Həmin müraciət əsasında qaz sayğacının quraşdırılma yeri, markası, nömrəsi, quraşdırılma tarixi, üzərindəki plombun nömrəsi, dövlət yoxlamasından keçirilməsinin son tarixi barədə məlumatları göstərilməklə "Azəriqaz" İB vətəndaşla qazın alğı-satqı müqaviləsini (4.4 bənd) bağlayır. Başqa sözlə desək, mövcud qanunvericiliyə əsasən müvafiq xidmətlərin təqdim, o cümlədən əvəzsiz olaraq qaz sayğaclarının təchiz edilməsi üçün məişət qaz qurğularından istifadə edən şəxslərlə qazın alqı-satqısı müqaviləsi bağlanılmalıdır.

MTK-lara gəlincə isə onların inşa etdikləri tikinti obyektləri müvafiq dövlət komissiyası tərəfindən istismara qəbul edildikdən sonra yaşayış üçün istifadəyə verilə bilər. Qaydaların 2.2-ci bəndinə əsasən, tikinti obyektlərinin (o cümlədən, yaşayış binalarının mənzillərinin) qaz qurğuları yalnız qaz xətlərinə tam həcmdə qoşulduqdan, sayğaclar və detektorlarla təchiz edildikdən sonra istismara qəbul üçün təqdim edilə bilərlər. O da məlumdur ki, əksər MTK-lar tərəfindən inşa edilən bir çox tikinti obyektləri məişət qaz qurğuları ilə birlikdə istismara verilmir. Bu qurğular daha sonra həmin mənzillərdə yaşayan fiziki şəxslər tərəfindən əldə edilir. Nəticə etibarı ilə MTK-lar istehlakçı deyil, sifarişçi qismində çıxış edərək öz biznes layihələri üçün inşa etdikləri tikinti obyektlərində quraşdırılmalı olan qaz sayğaclarının alınması barədə müraciət edirlər. Məlumdur ki, MTK-lar fiziki deyil, kommersiya marağı güdən və məişət qurğularının istifadəçisi olmayan hüquqi şəxslərdir. Hesab edirik ki, məhz bu səbəbdən də qanunvericilik tikinti obyektlərinin istismara qəbul edilməsi üçün digər tələblərlə yanaşı, öncə sayğaclar və detektorlarla təchiz olunması tələbini müəyyənləşdirib.

Bir ədədi üçün komplekt dəyəri 70-90 manat təşkil edən qaz sayğaclarının əvəzini sonradan dəfələrlə baha qiymətə MTK-lar tərəfindən (bu hal da MTK-nın kommersiya marağı güdməsindən xəbər verir) vətəndaşlardan tələb edilməsi sonuncularda narazılığa səbəb olur. Yuxarıda da qeyd etdiyimiz kimi "Azəriqaz" İB bilavasitə və ya dolayısı ilə öz fəaliyyəti ilə əlaqədar olan və ictimai rezonans doğura biləcək bütün məsələləri diqqət mərkəzində saxlayır, onlara həssaslıqla yanaşır və müştəri məmnunluğunun təmin edilməsi üçün məsələnin həllinə çalışır. Bu məsələ münasibətlərimizdə müsbət əməkdaşlıq təcrübəsi formalaşmış Azərbaycan Respublikası İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti ilə də müzakirə edilib. Konstruktiv yanaşma nəticəsində problemin həllinə nail olundu. Bundan sonra 2021-ci il iyulun 1-dən etibarən tikinti obyektlərinin qazlaşdırılması ilə əlaqədar müraciət edən MTK-lara veriləcək texniki şərtlərdə qaz sayğaclarının əvəzsiz olaraq quraşdırılması öhdəliyi qaz paylayıcısının üzərinə qoyulur.

Beləliklə, kommersiya marağını güdən qarşı tərəfin (MTK) məişət qaz qurğularını istifadə edən fiziki şəxs (istehlakçı) qismində çıxış etməməsinə baxmayaraq, qiymətlərlə əlaqədar mümkün sui-istifadə, vətəndaşlardan əsassız olaraq əlavə pulların tələb edilməsi hallarının qarşısının alınması, eləcə də qaz təchizatı sahəsində kommunal xidmətlər təqdim edən dövlət müəssisəsinin fəaliyyətinin daha şəffaf və səmərəli təşkil olunması, əhali tərəfindən qaz paylayıcısına olan etibarın artması məqsədilə tərəfimizdən müvafiq qərar qəbul edildi.

800-dən çox obyektdə şənlik mərasimlərinə nəzarət həyata keçirilib

Şənlik mərasimlərinin müəyyən edilmiş qayda və tələblərə uyğun təşkilinə nəzarət məqsədilə aidiyyəti qurumların nümayəndələrinin iştirakı ilə şadlıq saraylarında gündəlik monitorinqlər davam etdirilir. Monitorinq qrupları tərəfindən iyulun 22-dək 800-dən çox obyektdə şənlik mərasimləri keçirilərkən qayda və şərtlərə əməl olunması vəziyyəti araşdırılıb.

Növbəti monitorinqlər zamanı şənlik mərasimlərinin təşkil olunduğu bəzi obyektlərdə müəyyənləşdirilən qaydaların pozulması hallarına rast gəlinib. Bu, əsasən toy keçirilən məkanlarda qonaqların sayının icazə verilən normadan artıq olması, tədbirə qatılanların COVID-19 pasportunun olmaması və s. ilə bağlıdır. Belə ki, monitorinq aparılan mərasimlərdə iştirak edən 108 minə yaxın qonağın müvafiq sənədləri araşdırılıb, onların bir hissəsində (12 min nəfərə yaxın) nöqsanlar aşkar edilib. Həmçinin, şənlik təşkil edilən məkanların işçi heyətinin 500 nəfərdən çoxunun tələblərə əməl etmədiyi müəyyən olunub. Bununla yanaşı, monitorinqlər zamanı 21 şənlik mərasiminin icazə.e-gov.az portalına daxil edilmədən təşkil olunduğu da aşkarlanıb.

Monitorinq qrupları toy və məkan sahibləri ilə profilaktik söhbət aparıb və nöqsanlar yerindəcə aradan qaldırılıb. Toy mərasimlərinin qaydalara uyğun davam etdirilməsi təmin olunub və monitorinq qrupları yeni ailə quranlara hədiyyələr təqdim ediblər.

Monitorinqlər zamanı şənlik mərasimləri keçirilən təsərrüfat subyektləri (şadlıq evləri, restoran, istirahət mərkəzləri) üzrə vergi ödəyicilərinin muzdlu işçilərinin vaksin və immun sertifikatı ilə əhatə olunması vəziyyəti də araşdırılıb. Araşdırmalar göstərir ki, bu sahədə əhəmiyyətli irəliləyişlər müşahidə olunur. Belə ki, maarifləndirmə tədbirlərinə başlandığı vaxtdan ötən dövr ərzində xidmət persolanının vaksinləşmə göstəricisi 42,5%-dən 72,1%-ə yüksəlib. Bu həmçinin, vergi ödəyicilərinin muzdlu işçilərinin qeydiyyatının şəffaflaşması deməkdir.

Şənlik mərasimləri təşkil edən vergi ödəyicilərinin və vətəndaşların nəzərinə bir daha çatdırılır ki, müəyyən edilmiş qaydalara və şərtlərə tam əməl olunmalı, işçi heyəti zəruri vasitələrlə (tibbi maska, əlcək və digər fərdi qoruyucu vasitələr) təmin etməlidir. Məkan sahibləri şənlik məclisləri barədə icaze.gov.az portalında müvafiq qeydiyyat aparlmalı, zalların ölçüsünə, qonaq tutumuna, iştirakçıların müvafiq sənədlərə malik olmasına diqqət yetirməlidirlər.

Şuşaya dəmiryol xətti çəkiləcək

"Azərbaycan Dəmir Yolları" QSC Şuşa istiqamətində dəmiryol xəttinin çəkilməsi ilə bağlı layihələndirmə işləri aparır. Bunu jurnalistlərə açıqlamasında QSC-nin sədri Cavid Qurbanov bildirib.

O qeyd edib ki, dəmiryolunun layihələndirmə işləri Türkiyə şirkəti tərəfindən həyata keçirilib.

Cavid Qurbanov qeyd edib ki, ərazidə tunellər çoxdur, ərazi dağlıq ərazidir. Azərbaycan Prezidenti Şuşanı mədəniyyət paytaxtı elan edib, ona görə də ora elektrik qatarının tikintisi vacib olacaq.

Azərbaycanda dəmir yolları

Azərbaycanda dəmir yolunun təməli hələ 1878-ci ildə qoyulub və inşası 20 yanvar 1880-ci ildə başa çatıb. O, uzunluğu cəmi 20 km olan Bakı-Sabunçu-Suraxanı dəmir yolundan ibarət olub. Həmin tarixi dövrdən başlayaraq, Azərbaycan dəmir yolu yük daşınmasına olan tələbatın artdığını nəzərə alaraq inkişaf etmiş və təkmilləşmişdir.

Hazırda ölkə üzrə baş yolların açılmış uzunluğu 2954,74 km, istismar uzunluğu 2133,07 km-dir ki, onlardan da 803,3 kilometri ikiyollu, 1329,72 km-i isə bir yolludur. Yolun ümumi istismar uzunluğunun 1169,17 kilometri və ya 54,82%-i elektrikləşdirilib, 964,9 kilometri, yəni 45,18%-i teplovoz dartısı ilə işləyir. 1527,7 kilometri avtomatlaşdırılmış işarəvermə sistemi ilə təchiz edilib.

Erməni təcavüzü nəticəsində Azərbaycan Dəmir Yolunun 240, 4 km. sahəsi işğal altına düşmüş və təsərrüfatlara təxminən 45 mln. 60 min ABŞ dolları məbləğində ziyan dəymişdir.

Mədəniyyət paytaxtı Şuşa

Qeyd edək ki, Azərbaycanın dilbər guşələrindən olan, öz qədimliyi və zəngin mədəniyyəti ilə seçilən Şuşa 1992-ci ilin 8 mayında Ermənistan silahlı birləşmələri tərəfindən işğal edilib. 2020-ci ilin 8 noyabr tarixində Azərbaycan Ordusunun əks-hücumu nəticəsində işğaldan azad edilib. Erməni işğalında qaldığı 28 il müddətində şəhərdə çoxsaylı dağıntılar, talanlar törədilib. Şəhərin infrastrukturu, yolları məhv edilib.

Prezident İlham Əliyev 2021-ci ildə Şuşanı Azərbaycanın mədəniyyət paytaxtı elan edib. Bundan sonra Şuşada bərpa və quruculuq işlərinə başlanılıb.

0