Dağıdılmış Ağdam şəhərinə mənzərə, arxiv şəkli

Qarabağda "ağıllı şəhər" "ağıllı kənd" - bu necə olacaq?

78
(Yenilənib 12:25 05.02.2021)
Fevralın 4-ü saat 12:00-da Sputnik Azərbaycan-ın Multimedia Mətbuat Mərkəzində Milli tribuna portalının təsisçisi və baş redaktoru Elnur Fərzəliyev "ağıllı şəhər" və "ağıllı kənd" konsepsiyasının mahiyyəti ilə bağlı sualları cavablandıracaq.

BAKI, 1 fevral — Sputnik. Azərbaycan hökuməti Qarabağda yaşayış məntəqələrinin bərpası üçün "ağıllı şəhər" və "ağıllı kənd" konsepsiyalarından istifadə etmək niyyətindədir. Bu barədə Azərbaycan Prezidenti İlham Əliyev yeni təyin olunmuş nəqliyyat, rabitə və yüksək texnologiyalar naziri Rəşad Nəbiyevlə videokonfrans formatında keçirdiyi görüş əsnasında məlumat verib.

Azərbaycan Prezidentinin bu təşəbbüsü ictimaiyyət arasında və ekspertlər mühitində geniş müzakirə olunur. Sözügedən məsələ son vaxtlar KİV-in də diqqət mərkəzindədir. Xüsusən də, bu ideyanın məcburi köçkünlərin öz yurd-yuvalarına qayıtması ilə paralel şəkildə necə gerçəkləşdiriləcəyi haqda fərziyyələr irəli sürülür.

Fevral 4-ü saat 12:00-da Sputnik Azərbaycan-ın Multimedia Mətbuat Mərkəzində keçiriləcək mətbuat konfransında Milli tribuna portalının təsisçisi və baş redaktoru, əmlak məsələləri üzrə məşhur ekspert Elnur Fərzəliyev konsepsiyanın mahiyyəti və necə reallaşdırılacağı ilə bağlı sualları cavablandıracaq.

Spikerə suallarınızı öncədən ivelizade@gmail.com elektron ünvanına göndərə bilərsiniz. Tədbir Sputnik Azərbaycan-ın "Facebook" səhifəsində canlı yayımlanacaq.

Əlaqə:

Telefonlar: 404-13-84/85

Ünvan: Mətbuat prospekti, 529-cu məhəllə, 23 M, BMM-in binası, 4-cü mərtəbə, Sputnik Azərbaycan Multimedia Mətbuat Mərkəzi

78
Kompüter arxasında iş, arxiv şəkli

Xəbər başlığı qədər sadə olsa, bir o qədər yaxşıdır - SputnikPro layihəsi

5
(Yenilənib 19:42 26.02.2021)
SputnikPro maarifləndirmə layihəsi çərçivəsində keçirilən onlayn-sessiyada spiker həmkarlarına məqalələrə cəlbedici başlığın necə qoyulması barədə danışıb.

BAKI, 26 fevral — Sputnik. Xəbər başlığı həm cəlbedici, həm də sadə və anlaşılan olmalıdır. Nə qədər sadə olsa, bir o qədər yaxşıdır. SputnikPro maarifləndirmə layihəsi çərçivəsində keçirilən növbəti vebinarda bu barədə danışılıb.

Fevralın 26-da, cümə günü baş tutan onlayn sessiya "Başlıq – düşmən deyil, dostdur: tez və effektli cəlbedici başlıq necə qoyulmalı?" mövzusuna həsr olunub. Vebinarın spikeri "Rossiya Seqodnya" media qrupunun Sənədlərlə Təminat İdarəsinin məsləhətçisi, köşə yazarı Oleq Dmitriyevdir.

© Sputnik
"Rossiya Seqodnya" media qrupunun Sənədlərlə Təminat İdarəsinin məsləhətçis Oleq Dmitriyev

O, "Ali İqtisadiyyat Məktəbi" ETİ-nin kommunikasiya, media və dizayn fakültəsinin professoru, filologiya elmləri doktorudur. 2001-ci ildən 2007-ci ilədək Rusiya və MDB ölkələrinin regional telekanalları arasında videomübadilə sistemi - "Əyalət" layihəsinin rəhbəri və prodüseri olub. 2007-2013-cü illərdə "TV-Xəbərlər" (RT, "Rusiya-əl-Yəum", RT Espanol telekanalları) tədris proqramlarının rəhbəri olub. Xarici dil bilən və jurnalistikaya yeni başlayanlar üçün baza tədris kurslarının müəllifidir. O, RT telekanalının müxbir məntəqələrində məsləhətlər aparıb. "Voice of Russia" radiostansiyasının ingiliscə xəbərlər xidmətinin rəhbəri işləyib. 2014-cü ilin aprelindən dekabrınadək "Rossiya Seqodnya" media qrupunun Beynəlxalq İngiliscə Yayım Bölməsinin rəhbəri vəzifəsini icra edib.

Vebinarda Oleq Dmitriyev media mətnlərinə başlıqların qoyulması ilə bağlı müxtəlif yanaşmaları nəzərdən keçirib, onların mənfi və müsbət cəhətlərini göstərib. Məsələn, müxtəlif MDB ölkələrinin KİV-lərindən götürülmüş məqalə nümunələri əsasında jurnalistlərin öz yazılarına qoyduqları uğurlu başlıqlar barədə danışıb, eləcə də, bu sahədəki problemlərə toxunub.

"Başlıq fikirləşəndə assosiasiyalardan, sitatlardan, hətta memlərdən istifadə etmək olar", – deyən O.Dmitriyev onu da qeyd edib ki, bütün bunlar oxucu tərəfindən asanlıqla qavranılmalıdır.

Başlıqlar tamamilə müxtəlif ola bilər – məqalənin əsas ideyası ilə üst-üstə düşə, bir növ təlimat xarakteri daşıya, yaxud simvolik ifadələrin "top line"la birləşməsindən ibarət ola bilər. Əsas odur ki, oxucunu cəlb etsin və onda materialı oxumaq həvəsi yaratsın", – deyə spiker vurğulayıb.

Məqalələrin ikinci başlığına da toxunan Dmitriyev bildirib ki, yazının bu hissəsində yalnız material buna imkan verdiyi təqdirdə intriqa yaratmaq olar.

"Məqalənin girişini gəlincə, onun əsas məqsədi oxucunu mətni sona qədər oxumağa məcbur etməkdir. Ancaq bu hissənin uzunluğu üç-dörd cümlədən çox olmamalıdr", – deyə spiker vurğulayıb.

SputnikPro – Sputnik Beynəlxalq Xəbər Agentliyi və radiosunun jurnalistlər, universitetlərin müvafiq ixtisas üzrə təhsil alan tələbələri, mətbuat xidmətlərinin əməkdaşları və digər media mütəxəssisləri üçün xarici həmkarlarla təcrübə mübadiləsinə imkan verən, media kommunikasiyaları və peşəkar əlaqələrin inkişafına yönəlmiş layihəsidir.

Müxtəlif formatlarda fəaliyyət göstərən layihədə indiyə kimi 80-dən çox ölkənin nümayəndəsi iştirak edib. SputnikPro-nun Azərbaycan, Belarus, Yunanıstan, Gürcüstan, Hindistan, Qırğızıstan, Türkiyə və Estoniyada üz-üzə formatda ustad dərsləri keçirilib.

SputnikPro layihəsi ilə bağlı, spikerlərin vebinar və ustad dərslərində nə barədə danışdıqları haqda daha geniş məlumatı aşağıdakı linkə daxil olmaqla əldə etmək mümkündür:

https://www.facebook.com/SputnikProject/

5
Masa arxaslnda qadın

Xəbərə cəlbedici başlığı necə qoymalı: SputnikPro-nun vebinarında bu barədə danışılacaq

10
Növbəti onlayn-sessiyanın spikeri müxtəlif MDB ölkələrinin media materiallarından nümunələr əsasında qısa müddətdə maraqlı başlıq fikirləşmək bacarıqlarını təhlil edəcək.

Sputnik Beynəlxalq İnformasiya Agentliyi və radiosu SputnikPro maarifləndirmə layihəsi üzrə onlayn sessiyalarını davam etdirir. Fevralın 26-da, cümə günü, Bakı vaxtı ilə saat 14:00-da "Başlıq – düşmən deyil, dostdur: tez və effektli cəlbedici başlıq necə qoyulmalı?" mövzusuna həsr olunmuş vebinar baş tutacaq. Vebinarın spikeri "Rossiya Seqodnya" media qrupunun Sənədlərlə Təminat İdarəsinin məsləhətçisi, köşə yazarı Oleq Dmitriyevdir.

Oleq "Ali İqtisadiyyat Məktəbi" ETİ-nin kommunikasiya, media və dizayn fakültəsinin professoru, filologiya elmləri doktorudur. 2001-ci ildən 2007-ci ilədək Rusiya və MDB ölkələrinin regional telekanalları arasında videomübadilə sistemi - "Əyalət" layihəsinin rəhbəri və prodüseri olub. 2007-2013-cü illərdə "TV-Xəbərlər" (RT, "Rusiya-əl-Yəum", RT Espanol telekanalları) tədris proqramlarının rəhbəri olub. Xarici dil bilən və jurnalistikaya yeni başlayanlar üçün baza tədris kurslarının müəllifidir. O, RT telekanalının müxbir məntəqələrində məsləhətlər aparıb. "Voice of Russia" radiostansiyasının ingiliscə xəbərlər xidmətinin rəhbəri işləyib. 2014-cü ilin aprelindən dekabrınadək "Rossiya Seqodnya" media qrupunun Beynəlxalq İngiliscə Yayım Bölməsinin rəhbəri vəzifəsini icra edib.

© Sputnik
Oleq Dmitriyev

Vebinarda Oleq Dmitriyev media mətnlərinə başlıqların qoyulması ilə bağlı müxtəlif yanaşmaları nəzərdən keçirəcək, onların mənfi və müsbət cəhətlərini göstərəcək. Müxtəlif MDB ölkələrinin KİV-lərindən götürülmüş məqalə nümunələri əsasında jurnalistlərin öz yazılarına qoyduqları uğurlu başlıqlar barədə danışacaq, eləcə də, bu sahədəki problemlərə toxunacaq.

Onlayn sessiyada iştirak etmək istəyən KİV nümayəndələri aşağıdakı link vasitəsilə qeydiyyatdan keçə bilərlər:

https://docs.google.com/forms/d/e/1FAIpQLSeHLkaXWy9_CNethlScfykcMclfzRfjoMLjLg-dhRsl8Hxfrw/viewform

SputnikPro "onlayn-mövsüm"ünü 2020-ci il mart ayının ortalarında açıq elan edib. Sessiyalarda koronavirus pandemiyası, veb-analiz vasitələri və müəllif hüquqları kontekstində jurnalist işininin xüsusiyyətləri müzakirə olunur. İştirakçılar çat vasitəsilə bir-birinə mesaj göndərə və fikirlərini real vaxt rejimində paylaşa bilərlər.

SputnikPro – Sputnik Beynəlxalq Xəbər Agentliyi və radiosunun jurnalistlər, universitetlərin müvafiq ixtisas üzrə təhsil alan tələbələri, mətbuat xidmətlərinin əməkdaşları və digər media mütəxəssisləri üçün xarici həmkarlarla təcrübə mübadiləsinə imkan verən, media kommunikasiyaları və peşəkar əlaqələrin inkişafına yönəlmiş layihəsidir.

Müxtəlif formatlarda fəaliyyət göstərən layihədə indiyə kimi 80-dən çox ölkənin nümayəndəsi iştirak edib. SputnikPro-nun Azərbaycan, Belarus, Yunanıstan, Gürcüstan, Hindistan, Qırğızıstan, Türkiyə və Estoniyada üz-üzə formatda ustad dərsləri keçirilib.

SputnikPro layihəsi ilə bağlı, spikerlərin vebinar və ustad dərslərində nə barədə danışdıqları haqda daha geniş məlumatı aşağıdakı linkə daxil olmaqla əldə etmək mümkündür:

https://www.facebook.com/SputnikProject/

10
Sputnik V peyvənd, arxiv şəkli

Kiril Dmitriyev: "Rusiyanın rəqibləri "Sputnik V"-nin uğurundan qorxur"

0
(Yenilənib 22:53 26.02.2021)
"Rusiyanın düşmənləri bizə olan inamı sarsıtmağa çalışır, amma onlar Rusiya peyvəndini qaralamaq üçün çox səy göstərməli olacaqlar, çünki bu, dünyanın ən yaxşı peyvənd preparatlarından biridir".

BAKI, 26 fevral — Sputnik. "Rusiyanın "Sputnik V" koronavirus peyvəndinin əleyhdarları dünyada ona olan inamı sarsıtmağa çalışır, çünki bu ən yaxşı preparatlardan biridir və onlar bundan, sadəcə, qorxurlar" – bu fikri Rusiya Birbaşa İnvestisiyalar Fondunun (RBİF) rəhbəri Kiril Dmitriyev səsləndirib.

"Fikrimcə, söhbət yalnız "Sputnik V" peyvəndinin beynəlxalq səviyyədə tanınmasından deyil, dünyadakı liderliyimizdən gedir... Təvazökar, ancaq dürüst olmalıyıq. Dünyanın ən yaxşı peyvəndinə sahibik, bu, Rusiya alimlərinin böyük uğurudur, biz bununla fəxr etməliyik ", – deyə Dmitriyev Rusiya Tarix Cəmiyyətinin meydançasında bu ölkənin virusologiya tarixində liderliyinə həsr olunmuş sərginin açılışında bildirib.

"Rusiyanın düşmənləri bizə olan inamı sarsıtmağa çalışır, amma onlar Rusiya peyvəndini qaralamaq üçün çox səy göstərməli olacaqlar, çünki bu, dünyanın ən yaxşı peyvənd preparatlarından biridir. Onlar, sadəcə, bundan qorxurlar", – deyə RBİF rəhbəri vurğulayıb.

Qeyd edək ki, fevralın 2-də "The Lancet" elmi jurnalı "Sputnik V" koronavirusa qarşı peyvənd preparatının klinik sınaqlarının üçüncü mərhələsinin nəticələrini dərc edib. Klinik sınaqların üçüncü mərhələsində "Sputnik V" yüksək effektivlik, immunogenlik və təhlükəsizlik göstəriciləri nümayiş etdirib. Könüllülərin analiz təhlilləri göstərib ki, peyvəndin effektivliyi 91,6 faiz təşkil edir. Preparat vurulandan sonra yalnız 78 koronavirusa yoluxma hadisəsi öz təsdiqini tapıb.

Müqayisə üçün bildirək ki, "AstraZeneca"-nın effektivliyi - 62,1%, "Sinovac" peyvəndinin - 50,4%, "Sinopharm"-ın - 79,3% təşkil edir.

Xatırladaq ki, Rusiya Səhiyyə Nazirliyi "Sputnik V" peyvəndini 2020-ci ilin avqust ayında qeydə alıb. Vaksin Rusiyanın Qamaleya adına Epidemiologiya və Mikrobiologiya Elmi Tədqiqat Mərkəzi tərəfindən RBİF-nin dəstəyi ilə işlənib-hazırlanıb. Bu dünyada COVID-19-un profilaktikası üçün ilk qeydiyyata alınmış preparatdır.

 

0