Radio Sputnik

Dünyanı dəyişməyin yolları var - qorxutmaq olmaz

13
(Yenilənib 19:58 11.09.2020)
"Dünyanı dəyişmək üsulu: uğurlu sosial media layihələri niyə və necə yaradılır" mövzusunda vebinarda "Rossiya seqodnya" BİA-nın dövlət layihələri direksiyasının direktor müavini İrina Kedrovskaya uğurlu media layihələri yaratmağın sirlərini öyrədib

BAKI, 11 sentyabr — Sputnik. Sosial jurnalistikanın əsas məqsədi problemi göstərmək və onun haqqında danışmaqdır. Bu barədə SputnikPro təlim layihəsi çərçivəsində növbəti vebinarda bildirilib.

Sentyabrın 11-də "Dünyanı dəyişmək üsulu: uğurlu sosial media layihələri niyə və necə yaradılır" mövzusunda vebinar keçirilib. Vebinarın spikeri "Rossiya seqodnya" BİA-nın dövlət layihələri direksiyasının direktor müavini İrina Kedrovskaya olub.

Заместитель директора Дирекции государственных интернет-проектов МИА Россия сегодня Ирина Кедровская
© Sputnik / Murad Orujov
"Rossiya seqodnya" BİA-nın dövlət layihələri direksiyasının direktor müavini İrina Kedrovskaya

İrina Kedrovskaya - mediamenecer, internet-texnoloqdur. O, V.İ.Lenin adına Moskva Dövlət Pedaqoji Universitetinin Filologiya fakültəsini bitirib. Əmək fəaliyyətinə "Nezavisimaya qazeta"da başlayıb, "İzvestiya" qəzetində, Rodionov Nəşriyyat Evində və RİA Novosti-də işləyib.

2008-ci ildən İrina müəllimlik fəaliyyəti göstərir, xeyriyyəçiliklə fəal məşğul olur. Agentliyin sosial layihələrini idarə edir. Onun "Məni tap, ana" övladlığa götürmə üzrə xeyriyyə layihəsi 2017-ci ildə ilin ən sosial məsuliyyətli KİV layihəsi kimi qəbul edilib.

İrina Kedrovskaya dövlət mükafatlarına da malikdir. Onun rəhbərliyi altında yaradılmış layihələr dəfələrlə Runet, İnnovasiyalar vaxtı, Jurnalistlər İttifaqının versiyasına görə ilin KİV-ləri və s. mükafatlara layiq görülüb.

Onlayn sessiya zamanı İrina Kedrovskaya müxtəlif ölkələrdən olan dinləyicilərlə rezonansa səbəb ola biləcək layihələr yaratmaq üçün reseptini bölüşüb.

Növbəti onlayn sessiyanın iştirakçılarına bildirilib ki, uğurlu sosial layihə öz ətrafındakı dünyanı dəyişmək yollarından biri ola bilər.

İrina Kedrovskaya qeyd edib ki, sosial jurnalistikanın əsas məqsədi problemi göstərmək və onun haqqında danışmaqdır.

Onun sözlərinə görə, mövzu sosial jurnalistikanın bütün sahələrini əhatə etməlidir. Bu, palliativ yardım, xeyriyyəçilik, valideynsiz uşaqlar, qəyyumluq, qocalar evi, nadir xəstəliklər də ola bilər. Bura məişət zorakılığını, sahibsiz heyvanlar problemini və s. əlavə etmək olar.

"Bununla yanaşı, əsas məsələ danışmaq, lakin qorxutmamaq, problemdən uzaq qaçmaq deyil, qəhrəmanın üzərinə getmək, ona kimin və necə kömək edə biləcəyini açıq şəkildə izah etməkdir", - spiker bildirib.

İrina öz fikrini rusiyalı həkimlərin və könüllülərin dəstəyi ilə təşkil edilmiş və həmvətənlərinin sağlamlığı və həyatı üçün fədakarcasına çalışan "nəfəs alın" layihəsinin timsalında izah edib.

Vebinar zamanı İrina öz fikirlərini fədakarlıqla vətəndaşların sağlamlığı və həyatı üçün çalışan Rusiya həkimlərinə və könüllülərinə dəstək xarakterli "Xahiş edirik, nəfəs alın!" onlayn aksiyanın nümunəsi əsasında izah edib.

Çəkiliş, arxiv şəkli
© AFP 2020 / JOSEP LAGO

"Biz hekayələrə yüklənmək üçün sadə və sürətli bir forma yaratdıq. Bu, çox vacibdir ki, ümumiyyətlə layihənin texnoloji tərəfi orada iştirak etmək istəyən insanlar üçün problem yaratmasın. Biz layihəmizlə bağlı sosial şəbəkələrdə və televiziya proqramlarında bəhs etmişdik, insanlardan öz hekayələrini bizə göndərməyi xahiş etdik. Hər həftə biz çoxsaylı hekayələr içərisindən öz qəhrəmanımızı seçərək ondan bəhs edirik. Çox çətin olmasına baxmayaraq, onların hər biri bu müharibənin qəhrəmanıdır. Əks halda bunu koronavirus pandemiyası adlandırmaq olmaz. Biz paralel olaraq, xəstəxanalarda fotoşəkil çəkir, göndərilmiş fotoşəkillərdən foto qalereyasını və mozaik portretləri yaradırdıq. "Xahiş edirik, nəfəs alın" aksiyası hələ də davam edir və biz hələ ona yekun vurmuruq", - deyə İrina Kedrovskaya bildirib.

SputnikPro Rusiyanın ən yaxşı mediamenecerlərinin və kütləvi informasiya vasitələrində böyük təcrübəsi olan aparıcı mütəxəssislərinin Rusiyada bu miqyasda yeganə olan unikal silsilə ustad dərsləri layihəsidir.

SputnikPro layihəsi artıq dünyanın 13 ölkəsində həyata keçirilir. 2018-ci ilin mart ayından indiyədək bu layihədə 2000-dən çox jurnalist və mediamenecer, PR-mütəxəssisləri və mətbuat xidmətlərinin əməkdaşları, blogerlər və bu istiqamətlərdə təhsil alan tələbələr iştirak ediblər.

SputnikPro layihəsinin nə olduğunu və spikerlərin digər ölkələrdəki master-klasslarda nə barədə danışdığını daha ətraflı öyrənmək üçün aşağıdakı linkdən istifadə edə bilərsiniz: https://www.facebook.com/SputnikProject/.

13
Teqlər:
sosial, jurnalistika, SputnikPro təlim proqramı
Əlaqədar
Əlahəzrət reklam və ya brend kontenti necə yaratmalı
"Radioda ola biləcək ən canlı şey" – SputnikPro-nun növbəti vebinarı keçirildi
Səhv etmək hüququ olmadan, canlı efirdə müsahibəni necə götürmək olar - Vebinar
"Sarı" xəbər həmişə olmur: Sözünü çatdırmağın ağıllı yolları
Mətni necə yazmaq və dizayn etmək olar ki, görənlər “oho” desinlər
Notebook, arxiv şəkli

"SputnikPro" media resursun təşviqi haqqında: "Çərçivədən kənara çıxmaqdan qorxma!"

4
(Yenilənib 19:58 25.09.2020)
Maarifləndirmə layihəsinin növbəti vebinarında jurnalistlərlə yanaşı, mətbuat katibləri, PR şöbələrin əməkdaşları və rəhbərləri iştirak ediblər

BAKI, 25 sentyabr — Sputnik. Biz hər kəsin internetdən və sosial şəbəkələrdən istifadə etdiyi bir dünyada yaşayırıq. Ona görə də bu gün hər hansı bir media resursu irəli aparmaq istəyirsinizsə, press-relizlərin xeyri olmayacaq. Onlayn təşviqata xüsusi diqqət yetirilməlidir. Bu barədə "SputnikPro" maarifləndirmə layihəsi çərçivəsində növbəti vebinarda bildirilib.

Sentyabrın 25-də "Medianı necə irəli aparmaq olar" mövzusunda baş tutmuş vebinarda "Rossiya Seqodnya" media qrupunun mətbuat xidmətinin rəhbəri Anna Starkova çıxış edib.

© Sputnik /
"Rossiya Seqodnya" media qrupunun mətbuat xidmətinin rəhbəri Anna Starkova

Digər işlərlə yanaşı, Anna agentliyin korporativ kommunikasiyalarını, həmçinin "Telegram"da "Zubovski, 4" kanalını idarə edir. 

Anna bundan əvvəl "Valday Klubu"nun direktorunun müşaviri və "Strateji Təşəbbüslər Agentliyi" şirkətində beynəlxalq layihələrin rəhbəri olub.

Vebinar zamanı Anna Starkova press-relizlər yazmağın niyə lazım olmadığı və sosial şəbəkələrdə irəliləməyin niyə vacib olduğuna dair suallara cavab verib.

"Relizlər işə yaramır. Onları sadəcə oxumaq maraqlı deyil. Bu gün heç kəs üç misradan artıq material oxumur. İndiki şəraitdə medianın irəliləməsi üçün sosial şəbəkələrdə daha fəal olmaq lazımdır. Məsələn, əvvəlcə "Telegram" kanalımızın müvəffəqiyyətinə heç kim inanmırdı. Bizim ilk abunəçilərimiz elə öz əməkdaşlarımız idi. Buna baxmayaraq, biz yazmağa davam edirdik, nailiyyətlərimiz, uğurlarımız və ətrafda baş verənlər haqqında yazırdıq. Tədricən abunəçilərin sayı artmağa başladı və bu gün bu, bizim əsas inkişaf alətimizdir", – o vurğulayıb.

Mütəxəssisin sözlərinə görə, press-relizlər yazmağı və loqotipləri yapışdırmağı dayandırmaq lazımdır: "Çərçivədən kənara çıxmaq, dinamik və maraqlı yazmaq, maraqlı aksiyalar yaratmaq lazımdır. Məsələn, koronavirus pandemiyasının başlanğıcında hər yerdə karantin tətbiq olunmağa başlayanda, biz köynəklərin üzərində "Evdə Qalın" yazısını çap etdik və onları sadəcə redaksiyamızın dostlarına göndərdik. Biz onların heç birindən heç nə istəmədik, lakin onlar köynəklərlə şəkil çəkdirməyə və sosial şəbəkədə bu şəkilləri yerləşdirməyə başladılar".

Ekspert həmçinin insanlara yönəlməyi məsləhət görür.

"Əgər brendin bağlı olduğu şəxs varsa, o, həmin brendi təşviq edə bilər. Tədbirlərə gedə, haradasa çıxış edə bilər", – o qeyd edib.

Bununla yanaşı, Anna digər KİV-lərlə münasibətlərin qurulmasının zəruriliyini vurğulayıb.

"Dostlaşmaq çox vacibdir", – Starkova yekunda deyib.

"SputnikPro" jurnalistlər, ali təhsil müəssisələrinin tələbələri, mətbuat xidmətlərinin əməkdaşları və digər media qurumlarının mütəxəssisləri üçün Sputnik Beynəlxalq İnformasiya Agentliyi və Radiosu tərəfindən hazırlanmış layihədir və xarici həmkarlarla təcrübə mübadiləsi, media kommunikasiyalarının və peşəkar əlaqələrin inkişafı məqsədini daşıyır. Layihədə 80-dən çox ölkənin nümayəndələri müxtəlif formatlarda iştirak edib.

"SputnikPro"un əyani dərsləri Azərbaycan, Belarus, Yunanıstan, Gürcüstan, Hindistan, Qırğızıstan, Türkiyə, Estoniya kimi ölkələrdə keçirilib. Pandemiyanın başlaması ilə layihənin Moskva komandası bütün ölkələrdən iştirakçılar üçün eyni zamanda açıq olan "SputnikPro"nun online mövsümünü başlayıb. Mütəxəssislər vebinar rejimində jurnalistlərlə müxtəlif mövzularda ünsiyyət qurur və bu zaman ən aktual mövzuları seçməyə çalışırlar.

Layihə ilə bağlı ətraflı "Facebook" səhifəsində öyrənə bilərsiniz. 

4
Teqlər:
təşviqat, sosial media, multimedia, media, məqalə, SputnikPro təlim proqramı
Əlaqədar
Xəbər saytlarının axtarış trafikini necə artırmaq olar
"Rossiya seqodnya"nın mətbəxində nə baş verir?
Viruslu videonu necə düzəltməli?
Kommersiya kontentini auditoriya üçün necə maraqlı etmək olar
"Radioda ola biləcək ən canlı şey" – SputnikPro-nun növbəti vebinarı keçirildi

“Şəhər hotellərinin vəziyyəti daha ağırdır” mehmanxanalar karantindən sonra

29
(Yenilənib 16:30 24.09.2020)
Ölkə sərhədlərinin yarım ildən çox bağlı qalması ilə ən çox zərər çəkən sahələrdən biri mehmanxana sferasıdır. Onların karantinin bir az yumşalması ilə hansı vəziyyətdə olduqlarını videomuzda izləyin.

Bu gün Sputnik Azərbaycan Multimedia Mətbuat Mərkəzində Azərbaycan Hotellər və Restoranlar Assosiasiyası idarə heyətinin sədri Samir Dübəndi pandemiyadan sonra hotellərin necə özlərinə gəldiklərini şərh edib. Mütəxəssisin fikrinə görə, şəhər hotellərinin vəziyyəti hal-hazırda daha ağırdır.

“İnzibati sərhədlərin açılması ilə şəhər əhalisi rayonlarda istirahət etməyə müvəffəq olub. Şəhər mehmanxanaları isə beynəlxalq sərhədlər bağlı qaldığına görə əziyyət çəkir”, - deyə o bizimlə bölüşüb.

Mütəxəssis hesab edir ki, hal-hazırda uçuşların nə vaxt yenidən başlayacağını gözləmək lazım deyil. Biz var gücümüzlə yerli turizmi həm şəhərdə, həm rayonlarda yeni növ məhsullar tətbiq etməklə gücləndirməliyik.

29
Teqlər:
gediş-gəliş, şəhər, regionlar, Samir Dübəndi, mehmanxana, hotel, otel
Koronavirusa yoluxanan xəstələrin müalicə aldığı hospital, arxiv şəkli

COVID-19-la bağlı dəhşətli proqnoz: iki milyon insan ölə bilər

0
(Yenilənib 23:42 25.09.2020)
Eyni zamanda Rayan qeyd edib ki, xəstəxanaya yatırılan xəstələr arasında ölüm göstəriciləri azalır. Onun sözlərinə görə, insanların bundan belə də ölməməsi üçün bəşəriyyətin əvvəlki 9 aydan özünə dərs götürməsi gərəkdir.

BAKI, 25 sentyabr — Sputnik. Ümumdünya Səhiyyə Təşkilatı (ÜST) effektiv vaksin əldə edilib bəşəriyyət üçün əlçatan olana qədər COVID-19-dan 2 milyondan çox insanın öləcəyini istisna etməyib.

Sputnik Azərbaycan RİA Novosti-yə istinadən bildirir ki, bu barədə ÜST-ün səhiyyə sahəsində fövqəladə hallar üzrə proqramının direktoru Maykl Rayan mətbuat konfransında deyib.  

“Sözsüz ki, bunu təsəvvür etmək çətindir, ancaq bu, mümkün ola bilər. Çünki biz 9 ay ərzində bir milyon insan itirmişik. Yaxın 9 ay ərzində vaksinin peyda olacağına da ayıq başla yanaşırıq”, - Rayan effektiv vaksin əldə edilib bəşəriyyət üçün əlçatan olana qədər COVID-19-dan 2 milyondan çox insanın öləcəyi ehtimalı ilə bağlı suala cavab verərkən söyləyib.

Onun sözlərinə görə, hazırda problemlər var, xüsusən bunlar peyvəndin maliyyələşdirilməsi, istehsalı və qiymətləndirilməsi ilə bağlıdır.

Eyni zamanda Rayan qeyd edib ki, xəstəxanaya yatırılan xəstələr arasında ölüm göstəriciləri azalır. Onun sözlərinə görə, insanların bundan belə də ölməməsi üçün bəşəriyyətin əvvəlki 9 aydan özünə dərs götürməsi gərəkdir.

0
Teqlər:
vaksin, peyvənd, ölüm, ÜST, dünya, Koronavirus, epidemiya, COVID-19
Mövzu:
Dünyanı cənginə almış bəla
Əlaqədar
Şagirdlər koronavirusa harada yoluxublar? Nazirlikdən cavab
Türkiyədə dəhşət saçan ağcaqanadlar Azərbaycana gələ bilər, amma virus gətirməyəcək
Moskva meri distant iş rejiminə keçməyə çağırıb: Soyuqlar yaxınlaşır, xəstəlik artacaq
Rus virusoloq amerikalı həmkarını təkzib etdi: Denge ilə SARS-CoV-2 qohum deyillər
Təəccüblü kəşf: bu xəstəliyə yoluxmaq koronavirusa qarşı immunitet yaradır