Qələbə hekayələrini yaşamaq lazımdır: SputnikPro-nun daha bir vebinarı keçirildi

34
(Yenilənib 10:27 26.04.2020)
Hərb tarixinin səhifələrini canlandıraraq Rusiya, Belarus, Qazaxıstan, Moldova və Litvadan olan spikerlər onlayn sessiyada 9 May üçün necə maraqlı layihələri həyata keçirmək barədə fikirlərini bölüşüblər.

BAKI, 25 aprel - Sputnik. Böyük Vətən müharibəsi, Qələbə haqqında hekayələri quru şəkildə danışmaq olmaz, onları yaşamaq lazımdır. SputnikPro təlim layihəsi çərçivəsində keçirilmiş növbəti vebinarın gedişində bu barədə danışılıb.

“Qələbə Gününə həsr olunmuş xüsusi layihəni və materiallar seriyasını necə maraqlı və hər il olduğundan fərqli etmək olar” mövzusunda onlayn sessiya cümə günü, aprelin 24-də keçirilib və SputnikPro-nun sosial təcrid prinsiplərinə tiayət olunaraq keçirdiyi beşinci görüş olub.

Vebinarın spikerləri – “Rossiya seqodnya” BİA-nın nümayəndələri, Sputnik agentliyinin Belarus, Latviya, Moldova və Qazaxıstandakı xablarının jurnalistləri və şef-redaktorları həmkarlarına Böyük Qələbə Gününə həsr olunmuş xüsusi layihələri barədə danışıblar, müharibə barədə maraqlı materiallar hazırlamaq təcrübələrini bölüşüblər. Dəvət edilmiş ekspertlər – hərbi tarixçilər, tədqiqatçılar və ləpirçilər arxivlərin toplanması və rəqəmsallaşdırılması işlərinin necə həyata keçirildiyini, az bilinən faktlar, unikal foto və sənədli kadrlar əsasında material yaratmağın yolları barədə danışıblar.

Qələbə barədə unikal, bütün yaşlar üçün maraqlı layihələrin yaradılmasında multimedia və əlavə edilmiş reallıq imkanları heç də sonuncu rolu oynamır. Misal üçün, “Rossiya seqodnya” BİA “Naməlum bayraqdar” layihəsini təqdim edib. Layihənin mərkəzində 1945-ci ilin mayında birbaşa Reyxstaqın damına bayraq sancan sovet əsgərinin hekayəsi dayanır. VR imkanlarından istfadə edərək həmin əsgərin adından çıxış edən layihə iştirakçısı bayraq qrupunun tərkibində Reyxstaqın damına bayraq sanca bilər. Həmçinin 360 dərəcə formatında möhtəşəm hadisənin baş verdiyi yerə baxa, neçə bayraq olduğunu, kimin öz bayrağını ora çatdıraraq sancdığını öyrənə bilər.

Belarusdan olan həmkarlar onlayn və offlayn istiqamətlərinə bölünmüş "Победа.Sputnik.by" (“Qələbə.Sputnik.by”) layihəsi barədə danışıblar. Layihəyə o cümlədən konsentrasiya düşərgələrindən keçmiş əsgərlər, dəhşətli cəza əməliyyatlrı barədə əhvalatlar daxildir. “Layihə ilə sosial şəbəkələrdə də tanış olmaq mümkündür. Biz “Sovinformbüro”nun varisləriyik, bizdə çoxlu sayda kontent var, onunla onlayn da çıxmaq olar, offlayn da", - Sputnik Belarus-un şef readktoru Olesya Luçaninova və mətbuat katibi Pavel Tuxto bildiriblər.

“Belarus seqodnya” Nəşriyyat Evinin direktor-baş reaktorunun müavini İvan Siniçkin partizanlar barədə nəhəng layihədən danışıb. Layihə Belarus ərazisində fəaliyyət göstərmiş partizanların və çekistlərin fərdi kartotekalarının, onların haqqında bioqrafik materialların, həmçinin ümumilikdə respublikada partizan hərəkatının tarixinin toplandığı informasiya portalından ibarətdir.

Ofisdə işləyən jurnalist, arsiv şəkli
© AFP 2020 / KENZO TRIBOUILLARD

Sputnik Latviya “Qələbə əsgərləri” layihəsini təqdim edib. Layihə çərçivəsində Latviya ərazisində yaşayan Böyük Vətən müharibəsi veteranlarından müsahibələr götürülür. Diyarşünas və ləpirçi Aleksandr Rjavin Latviya ərazisində axtarış dəstələrinin işindən danışıb. Bu iş ölkə rəsmilərinin Böyük Vətən müharibəsinə xüsusi münasibəti ilə çətinləşir.

Qazaxıstan “Qələbə simaları” layihəsi çərçivəsində müharibə qəhrəmanları barəsində saysız-hesabsız müxtəlif hekayələrdən əlavə, həmin dövrün başqa tərəfi barədə danışıb. Məlum olduğu kimi, müharibə illərində Orta Asiyaya müxtəlif müəssisələri, o cümlədən tədris və mədəni müəssisələri köçürmüşdülər. Digərləri ilə yanaşı, Sputnik Qazaxıstan həmin dövrdə respublikanın ərazisində fəaliyyət göstərmiş sovet kinostudiyalarının tarixiçəsini təqdim edib.

Moldovalı həmkarlar ləpirçilərin işi, çoxsaylı əsgər talelərini əhatə edən xatirə kitablarının yaradılması barədə danışıblar.

Onlayn sessiyanın gedişində iştirakçılar müharibə qəhrəmanlarının abidələrinin təhqir olunması, onların xatirəsinə hörmətsizlik, tarixi hadisələrin saxtalaşdırılması kimi neqativ aspektlərə də toxunublar.

SputnikPro - Sputnik Beynəlxalq İnformasiya Agentliyi və Radiosunun jurnalistlər, mətbuat katibləri, PR mütəxəssisləri, ali məktəblərin bu ixtisaslar üzrə təhsil alan yuxarı kurs tələbələri, əcnəbi həmkarları ilə təcrübə mübadiləsi etməyə, öz biliklərini bölüşməyə hazır olan mediamenecerlərin və jurnalistlərin silsilə təqdimatları və master-klassları layihəsidir.

SputnikPro layihəsi artıq dünyanın 13 ölkəsində həyata keçirilir. 2018-ci ilin mart ayından indiyədək bu layihədə 2000-dən çox jurnalist və mediamenecer, PR-mütəxəssisləri və mətbuat xidmətlərinin əməkdaşları, blogerlər və bu istiqamətlərdə təhsil alan tələbələr iştirak edib.

SputnikPro layihəsinin nə olduğunu və spikerlərin digər ölkələrdəki master-klasslarda nə barədə danışdığını daha ətraflı öyrənmək üçün bu linkdən istifadə edə bilərsiniz.

34
Noutbuk arxasında kişi, arxiv şəkli

"Titanik" kimi batmaq, yoxsa... Ən oxunaqlı sayta çevrilmənin yolları

16
(Yenilənib 22:37 29.05.2020)
Növbəti vebinarda veb-analitik saytın məqsədli auditoriyasının analizinin aparılması və baxış sayının artırılmasından danışıb

BAKI, 29 may — Sputnik. “Titanik” faciəsi niyə baş verdi? SputnikPro-nun növbəti, sayca səkkizinci, veb-analitikaya həsr olunmuş vebinarı bu gözlənilməz sualla başladı.

“Faciə niyə baş verdi? Əsas səbəb – kapitanla onun köməkçisinin məsuliyyətsizliyi idi, ikinci səbəb isə - pis naviqasiya cihazları idi. İndi onlar inkişafda bir neçə addım irəliləyib”, - deyə “A-dan Z-yə veb-analitika və ya yeni başlayanlar üçün saytların veb analizi alətləri” onlayn sessiyasının spikeri, “Rossiya Seqodnya” BİA-nın veb-analitiki İqor Tuquşev bildirib.

O, peşəkar fəaliyyətə proqramçı, sonradan “Adlabs” reklam agentliyində veb-analitik kimi başlayıb, ümumi marketinq strategiyasının hazırlanması, təşviqat strategiyasının effektiv dəyişikliyi sahəsində iri beynəlxalq şirkətlərlə işləyib. İ.Tuquşev həmçinin analitika sahəsində tədqiqatlar da aparıb. 

“Nahaq yerə bu misalı çəkmədim, çünki “Titanik”lə sizin internet okeanına buraxdığınız internet-servis arasında analogiya aparmaq çox asandır. Əgər müasir naviqasiya alətlərindən istifadə etməsəniz, o zaman okeanda kor-koranə üzəcəksiniz”, - deyən ekspert izah edib ki, naviqasiya alətləri dedikdə veb-analitikanı nəzərdə tutur. Bu isə veb-sayt haqda məlumatların toplanması, emalı, analizi, interpretasiyasına yönəlmiş tədbirlər kompleksini nəzərdə tutur. 

Vebinarın gedişatından ekspert real nümunələrlə saytın məqsədli auditoriyasının analizinin aparılması, trafikin cəlb olunmasının əsas kanallarının təyin olunması və hər bir kanalın konversiyaya töhfəsi, istifadəçilərin saytı tərk etmə addımlarının dərk olunması, istifadəçinin saytdakı davranışının auditinin aparılması, saytın göstəricilərinin dəyişilməsinə operativ reaksiya vermək imkanı yaradan hesabatın hazırlanması, saytın rəqiblərlə müqayisə olunaraq hansı texniki aspektlərdə diqqətin cəmlənməsi barədə məlumat verib.

© Sputnik
İqor Tuquşev, “Rossiya Seqodnya” BİA-nın veb-analitiki

İqor Tuquşev həmçinin iştirakçılara bir neçə faydalı tövsiyə də verib. Məsələn, o vurğulayıb ki, saytın məqsədli auditoriyasının məhz bizə gərək olan səviyyədə olduğunu dərk etmək daha vacibdir. “Məqsədli auditoriya – sizin saytın necə inkişaf etdiyini dərk etmək üçün bir açardır”, - o deyib. 

Ekspert həmçinin insanların sayt haqda məlumatı haradan əldə etdiyi mənbələri analiz etməyi (“Sizə gəlir gətirmədiyini hesab etdiyiniz kanalları dərhal bir kənara tullamayın. Bütün zənciri dəyərləndirmək lazımdır”), istifadəçilərin davranışını analiz etməyi - kim haraya baxıb, saytda nə qədər vaxt keçirib – və saytın texniki kontentini analiz etməyi məsləhət görüb (“Məsələn, sayt 4 saniyədən artıq yüklənməməlidir, əks halda sayta girişdən imtina göstəriciləri artacaq – veb-analitika bu məqamları analiz edir”).

SputnikPro - Sputnik Beynəlxalq İnformasiya Agentliyi və Radiosunun jurnalistlər, mətbuat katibləri, PR mütəxəssisləri, ali məktəblərin bu ixtisaslar üzrə təhsil alan yuxarı kurs tələbələri, əcnəbi həmkarları ilə təcrübə mübadiləsi etməyə, öz biliklərini bölüşməyə hazır olan mediamenecerlərin və jurnalistlərin silsilə təqdimatları və master-klassları layihəsidir. Müxtəlif formatlarda mövcud olduğu dövr ərzində bu layihədə 80-dən çox ölkənin nümayəndəsi iştirak edib. SputnikPro-nun əyani master-klassları Azərbaycanda, Ermənistanda, Belarusda, Yunanıstanda, Gürcüstanda, Hindistanda, Qırğızıstanda, Türkiyədə və Estoniyada keçirilib.

Pandemiyanın başlaması ilə, layihənin Moskva komandası eyni zamanda bütün ölkələrdən olan iştirakçılar üçün açıq olan "SputnikPro online mövsümü"nə start verib. Mütəxəssislər vebinarlar rejimində jurnalistlərlə müxtəlif mövzularda ünsiyyət qurur, bu zaman ən aktual mövzuları seçməyə çalışırlar.

SputnikPro layihəsinin nə olduğunu və spikerlərin digər ölkələrdəki master-klasslarda nə barədə danışdığını daha ətraflı öyrənmək üçün aşağıdakı linkdən istifadə edə bilərsiniz: https://www.facebook.com/SputnikProject/.

 

16
Əlaqədar
Jurnalist universal olmalıdır
"İnanmıram!"- SputnikPro-nun vebinarı feykləri doğrulardan necə ayırmaq barədə danışdı
Qələbə hekayələrini yaşamaq lazımdır: SputnikPro-nun daha bir vebinarı keçirildi
Foto hüququ: materialları necə illüstrasiya etməli. 10 əsas problem
Emosiyalar sosial şəbəkələr üçün ən vacib şeydir
Brauzerdə Twitter saytının səhifəsi, arxiv şəkli

Emosiyalar sosial şəbəkələr üçün ən vacib şeydir

11
(Yenilənib 20:13 22.05.2020)
"Sosial şəbəkələr və xəbər saytları üçün videoları asan və düzgün hazırlamağın və auditoriyanı qazanmağın yolları" mövzusuna həsr olunan onlayn sessiyanın spikeri qismində Ruptly saytının rusdilli versiyasının baş redaktoru Mariya Dyakonova çıxış edib.

BAKI, 22 may — Sputnik. Emosiyalar sosial şəbəkələr üçün ən vacib şeydir. Video duyğulara səbəb olmalıdır. Bu barədə SputnikPro təlim layihəsi çərçivəsində təşkil edilən vebinarda bildirilib.

Mayın 22-də "Sosial şəbəkələr və xəbər saytları üçün videoları asan və düzgün hazırlamağın və auditoriyanı qazanmağın yolları" mövzusuna həsr olunan onlayn sessiya keçirilib. Bu, sosial təcrid prinsiplərinə riayət edilməsi şəraitində SputnikPro çərçivəsində keçirilən yeddinci vebinar olub.

Vebinarın spikeri qismində Ruptly saytının rusdilli versiyasının baş redaktoru Mariya Dyakonova çıxış edib.

© Photo : Courtesy of Mariya Dyakonova
Ruptly saytının rusdilli versiyasının baş redaktoru Mariya Dyakonova

Mariya 2012-ci ildən jurnalistikadadır. Moskva Dövlət Linqvistika Universitetini bitirdikdən sonra "RT" telekanalının İNOTV şöbəsində "alman və ingilisdilli KİV" istiqamətinə cavabdeh olub. Həm də "Rusiyanın səsləri" alman redaksiyası üçün reportajlar hazırlayıb. 2014-da Almaniyaya köçüb. Berlin Azad Universitetinin Kinoşünaslıq və teatrşünaslıq fakültəsini bitirib. RTVI telekanalında, eləcə də Stimme Russlands radiostansiyasının Berlin ofisində müxbir kimi çalışıb. 2015-da Ruptly komandasına qatılıb. Daha sonra nyuzorq, brodkast jurnalisti olub, Rusiyanın beynəlxalq Rupty sosial şəbəkəsində fəaliyyət göstərib. 2020-ci ildən videoagentliyin Moskva ofisində işləyir.

"Siyasət və ya sosial hekayələr yaxşı izlənilir. Video emosiya yaradarsa, tamaşaçı ona sonuna qədər baxacaq, çarxı paylaşacaq. Çox az adam videoya sonuna qədər baxır. Amma əgər ilk baxışda video tamaşaçıda emosiya yaradırsa, onun sona qədər izlənmək və paylaşılmaq şansı var", - deyə spiker onlayn-sessiyanın gedişində bildirib.

Sosial şəbəkələrdə yayılan videoçarxların hazırlanmasından danışan Mariya Dyakonova qeyd edib ki, ilk iş mütləq faktların yoxlanılması olmalıdır. Əmin olmaq lazımdır ki, hekayədə anlaşılmaz qalan məqamlar yoxdur, həmçinin orada balans və qərəzsizlik gözlənilib.

"Video mətn qarşısında prioritet olmalıdır, lakin hekayənin mənasına xələl gətirməməlidir", - deyə ekspert vurğulayıb.

Vebinarın gedişində Mariya Dyakonova fikirlərini Ruptly-nin "virus"a çevrilmiş müxtəlif video-çarxlarının nümunəsində izah edib və dinləyicilərin suallarını cavablandırıb.

Ruptly - abunəçilik əsasında xəbər videomaterialları təqdim edən Rusiya agentliyidir. RT şəbəkəsinin bir hissəsi kimi 4 aprel 2013-cü ildə yaradılıb. Ötən yeddi il ərzində dünyanın 1200 ölkəsində 106-dan çox media şirkəti onun müştərisi olub. Ruptly orta hesabla ayda 1200 video və 300 saat canlı yayım istehsal edir. Agentliyin müxbir şəbəkəsi Rusiyanın bütün regionlarında 3000 jurnalisti və Yaponiyadan Venesuelaya qədər 100-dən çox dövləti əhatə edir. Baş ofis Berlində yerləşir.

SputnikPro - Sputnik Beynəlxalq İnformasiya Agentliyi və Radiosunun jurnalistlər, mətbuat katibləri, PR mütəxəssisləri, ali məktəblərin bu ixtisaslar üzrə təhsil alan yuxarı kurs tələbələri, əcnəbi həmkarları ilə təcrübə mübadiləsi etməyə, öz biliklərini bölüşməyə hazır olan mediamenecerlərin və jurnalistlərin silsilə təqdimatları və master-klassları layihəsidir. Müxtəlif formatlarda mövcud olduğu dövr ərzində bu layihədə 80-dən çox ölkənin nümayəndəsi iştirak edib. SputnikPro-nun əyani master-klassları Azərbaycanda, Ermənistanda, Belarusda, Yunanıstanda, Gürcüstanda, Hindistanda, Qırğızıstanda, Türkiyədə və Estoniyada keçirilib.

Pandemiyanın başlaması ilə, layihənin Moskva komandası eyni zamanda bütün ölkələrdən olan iştirakçılar üçün açıq olan "SputnikPro online mövsümü"nə start verib. Mütəxəssislər vebinarlar rejimində jurnalistlərlə müxtəlif mövzularda ünsiyyət qurur, bu zaman ən aktual mövzuları seçməyə çalışırlar.

SputnikPro layihəsinin nə olduğunu və spikerlərin digər ölkələrdəki master-klasslarda nə barədə danışdığını daha ətraflı öyrənmək üçün aşağıdakı linkdən istifadə edə bilərsiniz: https://www.facebook.com/SputnikProject/.

11
Əlaqədar
Foto hüququ: materialları necə illüstrasiya etməli. 10 əsas problem
Çəkmək və yazmaq: sən meydanda tək multimedia müxbiri olanda
Jurnalist universal olmalıdır
"İnanmıram!"- SputnikPro-nun vebinarı feykləri doğrulardan necə ayırmaq barədə danışdı
Qələbə hekayələrini yaşamaq lazımdır: SputnikPro-nun daha bir vebinarı keçirildi
Minneapolisdə etirazlar

"Yəqin ki, bu, ruslardır": Amerikanın "reallıq pultu" sındırılıb

4
Əsas zarafat ondan ibarətdir ki, reallıqda heç bir xoşbəxt sonluq yoxdur, reallıqda final titrləri olmur, reallıqda istənilən qələbə müvəqqəti olur və onun arxasınca həmişə yeni fəsil başlayır.

BAKI, 1 iyun — Sputnik, Viktor Maraxovski. CNN hazırda ABŞ-da baş verən iğtişaşlarda "çox güman ki" Rusiya agentlərinin də iştirak etdiyini iddia edib.

Bir qədər öncə həmin telekanalın ekspertlərdən biri iğtişaşlarda "rusiyalı agentlərin" iştirak ehtimalını irəli sürüb. Donald Tramp isə şəxsən xüsusi olaraq öz "Twitter" səhifəsində həmin eksperti ələ salıb.

Xatırladaq ki, son vaxtlara qədər Prezident Trampla Amerikanın ən nüfuzlu telekanallarından biri olan CNN arasında münasibətlər, ümumiyyətlə, İran və İsrail arasında olan münasibətlərdən də pis olub. 2016-cı ildə CNN Trampın prezident olmaması üçün hər şeyi edib və sonra "Russiagate" məsələsinin şişirdilməsi üçün əlindən gələni edib. Tramp isə öz növbəsində CNN-ni məhz "saxta xəbər CNN" adlandırır və kanalın reytinqlərinin düşməsinə sevinərək açıq şəkildə ona nifrətini ifadə edir.

Yeri gəlmişkən, Atlanta şəhərində iğtişaş iştirakçılarının yolüstü CNN-in mənzil-qərargahına hücum etmələri, binanın şüşələrini sındırmaları və əllərinə keçəni dağıtmaları xəbəri Amerika prezidentinə ayrıca məmnunluq verib. Tramp vəziyyətin "istehzalı" olduğunu qeyd edib: etirazçılar onların hərəkətlərini dəstəkləyən və haqlı çıxaran kanalın binasını talan ediblər.

İndi isə ən maraqlısı. İş burasındadır ki, bu gün CNN-in ad günüdür, yubileyidir – onun 40 yaşı tamam olur.

Minneapolisdə etirazlar
© REUTERS / Carlos Barria

Bu kanalın əvvəldən nə olduğu və indi nəyə çevrildiyi, ümumiyyətlə, Amerikanın dünya liderliyinin tarixini bizə açıq şəkildə izah edir.

40 il əvvəl gənc mediamaqnat Ted Törner tarixdə ilk dəfə olaraq xəbərləri fasiləsiz gecə-gündüz birbaşa kabel vasitəsilə abonentlərə çatdıran şəbəkəni yaradıb. Bu, informasiya biznesində irəliləyiş və inqilab olub.

1980-cı ildə bu sıçrayışa o qədər də çox əhəmiyyət vermirdilər — çünki Qərbin və xüsusilə Amerikanın elm və biznesdə, siyasət və sosial texnologiyalarda inqilabları bir-birinin ardınca gəlirdi. Törner fasiləsiz xəbər xidmətini yaradır, sonrakı il NASA səkkiz nəfər ekipajlı çoxistifadəli pilotlu kosmik gəmisini buraxır, həmin il IBM ilk şəxsi kompüterlərin satışına başlayır, növbədə isə mobil telefon dayanır, onun arxasınca isə gələcəyin kralı İnternet gəlir.

O vaxtlar Amerikanın özü XX əsrin ruhunu ifadə edirdi. CNN isə Amerikanın reallığa təsir alətinə çevrilmişdi. Kanal bütün gücünü planetin tilsimlənmiş kimi izlədiyi "Körfəz müharibəsi" adlı böyük şou zamanı tam göstərdi. Gözlərimiz qarşısında texnoloji baxımdan üstün olan Amerika təyyarələri Avrasiyanın ən güclü ordularından birinin müqavimətini qırdılar. O zaman dünyanın izlədiyi şou yer kürəsi əhalisinin qəlbində əminlik yaratdı ki, ABŞ yenilməzdir, bəşəriyyətin qalan hissəsindən müəyyən keyfiyyət fərqi olan bir gücdür. Dünyanın qalan hissəsi sadəcə ABŞ-ın quyruğunda gəzməyə, ABŞ-ı qıcıqlandırmamağa, ABŞ-a itaət etməyə və onun yumşaqlığına ümid etməyə məhkumdur.

ABŞ-da polis əməkdaşı, arxiv şəkli
© AFP 2020 / ANDREW CABALLERO-REYNOLDS

İraqın hərbi qüdrətinin ardınca Sovet İttifaqının da planetin xəritəsindən yoxa çıxması müəyyən mənada ABŞ üçün XX əsrin xoşbəxt sonluqla bitməsi demək idi. Bu qələbənin qeyd-şərtsiz qəhrəmanlarından biri olan Ted Törnerə yalnız Ceyn Fonda səviyyəsində olan Hollivud ulduzu ilə evlənmək və onunla günbatan tərəfə getmək qalırdı. Törner də elə bunu etdi.

... Amma əsas zarafat ondan ibarətdir ki, reallıqda heç bir xoşbəxt sonluq yoxdur, reallıqda final titrləri olmur, reallıqda istənilən qələbə müvəqqəti olur və onun arxasınca həmişə yeni fəsil başlayır.

XX əsrdə dünyanı fəth etmiş Amerika bəlkə də məhz xoşbəxt sonluq sindromuna tutulub. Yəni, o, həqiqətən də inanıb ki, insan tarixində final titrlər başlayıb və heç bir sikvel gözlənilmir.

Maraqlıdır ki, SSRİ-nin süqutundan dərhal sonra Amerika dövlət təşkilatları "Rusiya üzrə mütəxəssis" təlimini o saat dayandırdılar: "olmayan və heç vaxt olmayacaq bir şey üçün mütəxəssislər nəyimizə lazımdır?"

Amerikanın "reallıq pultu" olan CNN, Hollivud, "rəngli texnologiyalar" və artıq yeni əsrdə "Facebook" və "Twitter" də həmin bu sindromun qurbanı oldular.

Ancaq reallıq öz sözünü yenə dedi — ona nə qədər təzyiq etsən də, o, intiqam almaq üçün bir yol tapacaq.

"CNN-in dünyası" 2016-cı ildə dağıldı — Trampın seçkilərdə qazanması ilə. Bu, Amerikada "dərin dövlət" adlandırılan qrup üçün arzuolunmaz namizədin qələbəsindən də pis idi. Bu, "xoşbəxt sonluq dövrü" ideyasının əsaslarına, idarə olunan reallıq ideyasına, CNN və "The New York Times" ittifaqının yenilməzliyi haqqında təsəvvürlərə vurulmuş güclü zərbə idi.

Yeri gəlmişkən, bəlkə də, məhz buna görə də "dərin dövlət" prinsipcə, reallığın pultla tam idarə olunduğu inamından əl çəkməyərək, seçkilərdə rusların sehrli əlinin olduğuna dair iddianı ortaya atdı.

"Ruslar pultu sındırdılar — buna görə də biz uduzduq."

Bu versiyanın əsas media təbliğatçısı da elə CNN oldu.

...Yeri gəlmişkən. İndi, Amerikanın 30 böyük şəhərini iğtişaşların bürüdüyü bir vaxtda dünya eks-hegemonunun ərazisində "media" və real gerçəklik arasında münasibətlərin necə inkişaf edəcəyini təsəvvür edə bilərik.

Bir versiya var ki, təxminən elə bu cür də olacaq. Məsələ məhz ondan ibarətdir ki, əsl "dünyanın sonu" və əsl xoşbəxt sonluq olmur. Apokalipsis mütləq ölümcül olmalı deyil. Bəlkə də bu, sadəcə qlobal siyasi-iqtisadi və çox güman ki, güc liderliyinin itirilməsidir. Bu, yalnız ölkənin uğursuz hissələrinin bir növ "üçüncü dünya"ya çevrilməsidir (ABŞ-da 40000000 işsiz var və bu, son hədd deyil). Bu, cəmiyyətin parçalanması və ölkənin yoxsul ərazilərə və zəngin təcrid olunmuş adalara bölünməsidir. Hansısa şəhərlərin çətinliklə qarnını doydurmağa çalışdığı bir vaxtda, haradasa böyük büdcələrə başgicəlləndirici blokbasterlər çəkiləcək.

Sadəcə, CNN-in təsisçisi, 81 yaşlı Törnerin xatırladığı Amerika daha olmayacaq.

4