Jurnalist, arxiv şəkli

İdman jurnalistikasını tamamilə ağlasığmaz 2021-ci il gözləyir

27
(Yenilənib 22:33 03.04.2020)
Məşhur rusiyalı media eksperti xarici həmkarlarına koronavirus şəraitində idman haqqında necə yazmağı və trafik yaratmağı izah edib.

BAKI, 3 aprel — Sputnik. Pandemiya şəraitində idman resurslarının trafiki heç də çökməyib, əksinə daha da yüklənib, çünki koronavirusla bağlı əlavə mövzular yaranıb. Bunu Rusiyalı jurnalist, bloger, televiziya aparıcısı, idman şərhçisi, "Rossiya seqodnya" BİA-nın icraçı direktoru Vasili Konov SputnikPro təhsil layihəsinin online mövsümü çərçivəsində təşkil edilən vebinar zamanı bildirib.

Vebinar aprelin 3-də "Koronavirus şəraitində idman haqqında necə yazmaq və trafiki necə artırmaq" mövzusunda keçirilib və SputnikPro-un ikinci onlayn təcrübəsi olub.

Əgər əvvəllər SputnikPro modulları ölkələr üzrə yerli KİV nümayəndələri, radio və TV əməkdaşları, tələbələr və digər arzu edənlər üçün keçirilirdisə, onlayn sessiya sosial təcrid qaydalarını pozmadan müxtəlif ölkələrdən olan jurnalistləri birləşdirməyə imkan verib. Vebinarda iştirak etmək üçün Rusiya, Azərbaycan, Belarus, Qazaxıstan, Qırğızıstan, Moldova da daxil olmaqla, 9 ölkədən yüzlərlə jurnalist qeydiyyatdan keçib.

Rusiyalı jurnalist qeyd edib ki, hazırkı karantin şəraitində müxbirlərə müsahibədə şəxsən iştirak o qədər də vacib deyil. "Əgər videobağlantı qursaz, sizdə belə bir hiss olmayacaq ki, həmsöhbət haradasa uzaqdadır. O, sizin qarşınızda olacaq, siz onu görəcəksiniz. Hər kəsin belə bir ünsiyyətə hazır olmadığı aydın məsələdir, baxmayaraq ki, indi hamının vaxtı kifayət qədər çoxdur. Bütün məşqlər və yarışlar ləğv edilib, evdə 24 saat görməli heç bir iş yoxdur. Əgər sizin bir idmançı ilə etibarlı əlaqələriniz varsa, ona tamamilə sakit bir şəkildə çıxa və ünsiyyət variantları təklif edə bilərsiniz. Əgər siz öz respublikanızda idmançını sosial şəbəkənizdə canlı yayıma dəvət edə bilsəniz, bu da çox yaxşı olar", - deyə Vasili Konov tövsiyə edib.

O, həmçinin qeyd edib ki, demək olar, bütün idmançılar indi öz məşqlərinin canlı yayımlarını keçirirlər və qeydlərini aparırlar: "Müxtəlif idmançıların məşqlərini nəzərdən keçirmək maraqlı olardı ki, kim formasını necə qoruyur".

Belçika fubolçuları
© Powered by UEFA.com. ©AFP/Getty Images

Pandemiyanın sonunda idman KİV-lərini nəyin gözlədiyinə gəlincə, Vasili Konov qeyd edib ki, onların işləri artırılacaq və bu, yetərincə hiss olunur.

"İdman jurnalistikasını tamamilə dəhşətli 2021-ci il gözləyir - Tokioda Olimpiada, futbol üzrə Avropa çempionatı, digər yarışlar, bunun ardınca 2022-ci ildə Pekində Qış Olimpiadası keçiriləcək. Mən idman jurnalistlərinə indi güc yığmağı məsləhət görərdim, sonra nəfəs almağa imkanları olmayacaq", - deyən Konov əlavə edib ki, bundan sonra tamaşaçılarla keçiriləcək ilk idman yarışları anşlaqla keçəcək, çünki əhali belə tədbirlər üçün darıxacaq.

SputnikPro - Sputnik Beynəlxalq İnformasiya Agentliyi və Radiosunun jurnalistlər, mətbuat katibləri, PR mütəxəssisləri, ali məktəblərin bu ixtisaslar üzrə təhsil alan yuxarı kurs tələbələri, əcnəbi həmkarları ilə təcrübə mübadiləsi etməyə, öz biliklərini bölüşməyə hazır olan mediamenecerlərin və jurnalistlərin silsilə təqdimatları və master-klassları layihəsidir.

Müxtəlif formatlarda mövcud olduğu dövr ərzində bu layihədə 80-dən çox ölkənin nümayəndəsi iştirak edib. SputnikPro-nun əyani master-klassları Azərbaycanda, Ermənistanda, Belarusda, Yunanıstanda, Gürcüstanda, Hindistanda, Qırğızıstanda, Türkiyədə və Estoniyada keçirilib.

27
Brauzerdə Twitter saytının səhifəsi, arxiv şəkli

Emosiyalar sosial şəbəkələr üçün ən vacib şeydir

6
(Yenilənib 20:13 22.05.2020)
"Sosial şəbəkələr və xəbər saytları üçün videoları asan və düzgün hazırlamağın və auditoriyanı qazanmağın yolları" mövzusuna həsr olunan onlayn sessiyanın spikeri qismində Ruptly saytının rusdilli versiyasının baş redaktoru Mariya Dyakonova çıxış edib.

BAKI, 22 may — Sputnik. Emosiyalar sosial şəbəkələr üçün ən vacib şeydir. Video duyğulara səbəb olmalıdır. Bu barədə SputnikPro təlim layihəsi çərçivəsində təşkil edilən vebinarda bildirilib.

Mayın 22-də "Sosial şəbəkələr və xəbər saytları üçün videoları asan və düzgün hazırlamağın və auditoriyanı qazanmağın yolları" mövzusuna həsr olunan onlayn sessiya keçirilib. Bu, sosial təcrid prinsiplərinə riayət edilməsi şəraitində SputnikPro çərçivəsində keçirilən yeddinci vebinar olub.

Vebinarın spikeri qismində Ruptly saytının rusdilli versiyasının baş redaktoru Mariya Dyakonova çıxış edib.

© Photo : Courtesy of Mariya Dyakonova
Ruptly saytının rusdilli versiyasının baş redaktoru Mariya Dyakonova

Mariya 2012-ci ildən jurnalistikadadır. Moskva Dövlət Linqvistika Universitetini bitirdikdən sonra "RT" telekanalının İNOTV şöbəsində "alman və ingilisdilli KİV" istiqamətinə cavabdeh olub. Həm də "Rusiyanın səsləri" alman redaksiyası üçün reportajlar hazırlayıb. 2014-da Almaniyaya köçüb. Berlin Azad Universitetinin Kinoşünaslıq və teatrşünaslıq fakültəsini bitirib. RTVI telekanalında, eləcə də Stimme Russlands radiostansiyasının Berlin ofisində müxbir kimi çalışıb. 2015-da Ruptly komandasına qatılıb. Daha sonra nyuzorq, brodkast jurnalisti olub, Rusiyanın beynəlxalq Rupty sosial şəbəkəsində fəaliyyət göstərib. 2020-ci ildən videoagentliyin Moskva ofisində işləyir.

"Siyasət və ya sosial hekayələr yaxşı izlənilir. Video emosiya yaradarsa, tamaşaçı ona sonuna qədər baxacaq, çarxı paylaşacaq. Çox az adam videoya sonuna qədər baxır. Amma əgər ilk baxışda video tamaşaçıda emosiya yaradırsa, onun sona qədər izlənmək və paylaşılmaq şansı var", - deyə spiker onlayn-sessiyanın gedişində bildirib.

Sosial şəbəkələrdə yayılan videoçarxların hazırlanmasından danışan Mariya Dyakonova qeyd edib ki, ilk iş mütləq faktların yoxlanılması olmalıdır. Əmin olmaq lazımdır ki, hekayədə anlaşılmaz qalan məqamlar yoxdur, həmçinin orada balans və qərəzsizlik gözlənilib.

"Video mətn qarşısında prioritet olmalıdır, lakin hekayənin mənasına xələl gətirməməlidir", - deyə ekspert vurğulayıb.

Vebinarın gedişində Mariya Dyakonova fikirlərini Ruptly-nin "virus"a çevrilmiş müxtəlif video-çarxlarının nümunəsində izah edib və dinləyicilərin suallarını cavablandırıb.

Ruptly - abunəçilik əsasında xəbər videomaterialları təqdim edən Rusiya agentliyidir. RT şəbəkəsinin bir hissəsi kimi 4 aprel 2013-cü ildə yaradılıb. Ötən yeddi il ərzində dünyanın 1200 ölkəsində 106-dan çox media şirkəti onun müştərisi olub. Ruptly orta hesabla ayda 1200 video və 300 saat canlı yayım istehsal edir. Agentliyin müxbir şəbəkəsi Rusiyanın bütün regionlarında 3000 jurnalisti və Yaponiyadan Venesuelaya qədər 100-dən çox dövləti əhatə edir. Baş ofis Berlində yerləşir.

SputnikPro - Sputnik Beynəlxalq İnformasiya Agentliyi və Radiosunun jurnalistlər, mətbuat katibləri, PR mütəxəssisləri, ali məktəblərin bu ixtisaslar üzrə təhsil alan yuxarı kurs tələbələri, əcnəbi həmkarları ilə təcrübə mübadiləsi etməyə, öz biliklərini bölüşməyə hazır olan mediamenecerlərin və jurnalistlərin silsilə təqdimatları və master-klassları layihəsidir. Müxtəlif formatlarda mövcud olduğu dövr ərzində bu layihədə 80-dən çox ölkənin nümayəndəsi iştirak edib. SputnikPro-nun əyani master-klassları Azərbaycanda, Ermənistanda, Belarusda, Yunanıstanda, Gürcüstanda, Hindistanda, Qırğızıstanda, Türkiyədə və Estoniyada keçirilib.

Pandemiyanın başlaması ilə, layihənin Moskva komandası eyni zamanda bütün ölkələrdən olan iştirakçılar üçün açıq olan "SputnikPro online mövsümü"nə start verib. Mütəxəssislər vebinarlar rejimində jurnalistlərlə müxtəlif mövzularda ünsiyyət qurur, bu zaman ən aktual mövzuları seçməyə çalışırlar.

SputnikPro layihəsinin nə olduğunu və spikerlərin digər ölkələrdəki master-klasslarda nə barədə danışdığını daha ətraflı öyrənmək üçün aşağıdakı linkdən istifadə edə bilərsiniz: https://www.facebook.com/SputnikProject/.

6
Əlaqədar
Foto hüququ: materialları necə illüstrasiya etməli. 10 əsas problem
Çəkmək və yazmaq: sən meydanda tək multimedia müxbiri olanda
Jurnalist universal olmalıdır
"İnanmıram!"- SputnikPro-nun vebinarı feykləri doğrulardan necə ayırmaq barədə danışdı
Qələbə hekayələrini yaşamaq lazımdır: SputnikPro-nun daha bir vebinarı keçirildi
Çəkliş, arxiv şəkli

Sosial şəbəkə istifadəçilərində emosiya yaradacaq videoları necə hazırlamalı

8
(Yenilənib 18:39 19.05.2020)
Ruptly saytının baş redaktoru SputnikPro-nun növbəti vebinarında jurnalistlərə auditoriyanı cəlb etmək üçün parlaq, yaddaqalan videoları necə hazırlamaq barədə məlumat verəcək.

BAKI, 19 may — Sputnik. Karantin rejimi yeni nələrinsə öyrənilməsindən və ya əvvəllər əldə edilən biliklərin dərinləşdirilməsindən imtina etmək üçün bəhanə deyil. Bu ideyanı rəhbər tutan SputnikPro təlim layihəsi hətta pandemiya şəraitində öz işini davam etdirir.

Jurnalist layihəsi çərçivəsində növbəti vebinar "Sosial şəbəkələr və xəbər saytları üçün videoları asan və düzgün hazırlamağın və auditoriyanı qazanmağın yolları" mövzusuna həsr olunub.

Onlayn sessiyanın spikeri qismində Ruptly saytının rusdilli versiyasının baş redaktoru Mariya Dyakonova çıxış edəcək.

© Photo : Courtesy of Mariya Dyakonova
Mariya Dyakonova

Mariya 2012-ci ildən jurnalistikadadır. Moskva Dövlət Linqvistika Universitetini bitirdikdən sonra "RT" telekanalının İNOTV şöbəsində "alman və ingilisdilli KİV" istiqamətinə cavabdeh olub. Həm də "Rusiyanın səsləri" alman redaksiyası üçün reportajlar hazırlayıb. 2014-da Almaniyaya köçüb. Berlin Azad Universitetinin Kinoşünaslıq və teatrşünaslıq fakültəsini bitirib.

RTVI telekanalında, eləcə də Stimme Russlands radiostansiyasının Berlin ofisində müxbir kimi çalışıb. 2015-da Ruptly komandasına qatılıb. Daha sonra nyuzorq, brodkast jurnalisti olub, Rusiyanın beynəlxalq Rupty sosial şəbəkəsində fəaliyyət göstərib. 2020-ci ildən videoagentliyin Moskva ofisində işləyir.

Online sessiya zamanı spiker Ruptly videoagentliyinin jurnalistlərinin parlaq, yaddaqalan videoları necə yaratdığını izah edəcək. Sosial şəbəkələr üçün vizual storitellingin müzakirəsinə xüsusi diqqət ayrılacaq.

Mariya Dyakonova deyir: "Sosial şəbəkələr üçün hazırlanmış siyasi və sosial hekayələrdən ibarət videolar tamaşaçıda emosiya yaratmalıdır. Bir var emosional cazibə, bir də var videoçarx yaymaq arzusu".

SputnikPro-nun "Sosial şəbəkələr və xəbər saytları üçün videoları asan və düzgün hazırlamağın və auditoriyanı qazanmağın yolları" mövzusuna həsr olunmuş yeddinci onlayn sessiyası mayın 22-də saat 14.00-da olacaq.

Onlayn sessiyada iştirak etmək istəyən jurnalistlər və fotoqraflar Sputnik Azərbaycan Beynəlxalq İnformasiya Agentliyinin mətbuat katibinin e-poçt ünvanı (gulzar.mustafaeva@sputniknews.com) və yaxud https://anketolog.ru/s/345855/FLqfVEAx linki vasitəsilə qeydiyyatdan keçmək üçün müraciət edə bilərlər.

SputnikPro Rusiyanın ən yaxşı mediamenecerlərinin və kütləvi informasiya vasitələrində böyük təcrübəsi olan aparıcı mütəxəssislərinin Rusiyada bu miqyasda yeganə olan unikal silsilə ustad dərsləri layihəsidir.

SputnikPro layihəsi artıq dünyanın 13 ölkəsində həyata keçirilir. 2018-ci ilin mart ayından indiyədək bu layihədə 2000-dən çox jurnalist və mediamenecer, PR-mütəxəssisləri və mətbuat xidmətlərinin əməkdaşları, blogerlər və bu istiqamətlərdə təhsil alan tələbələr iştirak ediblər.

SputnikPro layihəsinin nə olduğunu və spikerlərin digər ölkələrdəki master-klasslarda nə barədə danışdığını daha ətraflı öyrənmək üçün aşağıdakı linkdən istifadə edə bilərsiniz: https://www.facebook.com/SputnikProject/.

8
Şimşək. Arxiv şəkli

Yağış, şimşək, külək Faktiki hava açıqlandı

0
(Yenilənib 10:46 26.05.2020)
Havanın temperaturu iqlim normasından 1.5 dərəcə aşağı olub, maksimal temperatur Bakıda və Abşeron yarımadasında 19-22, aran rayonlarında 20-26, dağlıq rayonlarda 8-13, Naxçıvan MR-da 20-23 dərəcə isti təşkil edib.

BAKI, 26 may – Sputnik. Mayın 26-sı səhərədək olan məlumatına əsasən bəzi yerlərdə şimşək çaxıb, arabir yağış yağıb. 

Ekologiya və Təbii Sərvətlər Nazirliyinin (ETSN) Milli Hidrometeorologiya Xidmətindən Sputnik Azərbaycan-a verilən məlumata görə, düşən yağıntının miqdarı Ağstafada 10 mm, Şərurda 5 mm, Gədəbəydə 4 mm, Balakən, Ceyrançöl, Tovuzda 2 mm, Şahbuz, Ordubad, Ağdərə (Ordubad), Naxçıvan, Daşkəsən, Göygöl, Naftalan, Gəncə, Şəmkir, Zaqatala, Qusar, Mingəçevir, Yevlax, Kürdəmir, Kişçay (Şəki), Xınalıqda 1 mm olub.

Qərb küləyi Naftalanda 26 m/s, Gəncədə 24 m/s, Bərdə, Xınalıqda 20 m/s, Mingəçevirdə 18 m/s, Naxçıvanda 16 m/s, Şəmkirdə 15 m/s, Abşeron yarımadası və Abşeron Dəniz rayonunda 16 m/s-dək olub.

Havanın temperaturu iqlim normasından 1.5 dərəcə aşağı olub, maksimal temperatur Bakıda və Abşeron yarımadasında 19-22, aran rayonlarında 20-26, dağlıq rayonlarda 8-13, Naxçıvan MR-da 20-23 dərəcə isti təşkil edib.

Qeyd olunub ki, mayın 26-sı gündüz və mayın 27-də ölkə ərazisində hava şəraiti əsasən yağmursuz keçəcək.

0