Tibbi maskada olan kişi, arxiv şəkli

Bir şəxs koronavirus tutsa, onun əsas vəzifəsi özünü təcrid etməkdir

35
(Yenilənib 16:31 27.03.2020)
Karantin tədbirləri, gigiyena və özünü təcrid qaydalarına riayət etmək, özünüzü qorumağın və koronavirus infeksiyasının yayılması riskini azaltmağın əsas yollarıdır.

BAKI, 27 mart — Sputnik. Karantin tədbirləri, gigiyena və özünü təcrid qaydalarına riayət etmək, özünüzü qorumağın və koronavirus infeksiyasının yayılması riskini azaltmağın əsas yollarıdır. Bunu rusiyalı mikrobioloq, virusoloq Yevgeni Plisov SputnikPro təhsil layihəsi çərçivəsində keçirilən onlayn sessiya zamanı bildirib.

Vebinar martın 26-da sosial izolyasiya qaydalarına uyğun olaraq təşkil edilib və SputnikPro-nun ilk onlayn təcrübəsi olub.

Əgər əvvəllər SputnikPro modulları ölkələr üzrə yerli KİV nümayəndələri, radio və TV əməkdaşları, tələbələr və digər arzu edənlər üçün keçirilirdisə, onlayn sessiya müxtəlif ölkələrdən olan jurnalistləri birləşdirməyə imkan verib. Vebinarda iştirak etmək üçün Rusiya, Azərbaycan, Belarus, Qazaxıstan, Qırğızıstan, Tacikistan, Moldova da daxil olmaqla  10 ölkədən 140-dan çox jurnalist qeydiyyatdan keçib.

Online modulun mövzusu -  "Koronavirus haqqında necə savadlı və viruslu yazmaq olar"- iştirakçıların böyük marağına səbəb olub. Sessiyanın spikeri qismində həmçinin tanınmış jurnalist, “Rossiya seqodnya” BİA-ın baş direktorunun müavini, rus dilində informasiya idarəsinin rəisi Yelena Qluşakova çıxış edib.

© Photo : Courtesy of Yelena Glushakova
“Rossiya seqodnya” BİA-ın baş direktorunun müavini, rus dilində informasiya idarəsinin rəisi Yelena Qluşakova

Yevgeni Plisov jurnalistlərin karantin tədbirləri və təhsil müəssisələrinin bağlanmasının məqsədəuyğunluğu barədə sualına cavab verərək bildirib ki, uşaqları ən təhlükəsiz qrupa aid etmək olar. Mütəxəssisin sözlərinə görə, uşaqlarda koronavirus bir qayda olaraq simptomsuz və ya yüngül şəkildə baş verir. Buna baxmayaraq, virusoloq vurğulayıb ki, uşaqlar xəstəliyin daşıyıcısı ola bilərlər. Buna görə məktəblərin və uşaq bağçalarının bağlanması tamamilə haqlıdır. Yaş nə qədər yüksəkdirsə, yoluxma ehtimalı bir o qədər çoxdur.

© Photo : Courtesy of Yevgeny Plisov
Mikrobioloq Yevgeni Plisov

"Hesab edirəm ki, aprel və may aylarında virus güclü olacaq, amma iyun ayında azalma olacaq", - deyə Plisov bildirib.

O, həmçinin qeyd edib ki, koronavirusun müalicəsi üçün hələ də spesifik dərmanlar yoxdur, bu gün xəstələrin müalicəsinin əsas üsulu simptomları aradan qaldırmaqdır.

"Bu gün edə biləcəyiniz ən doğru şey evdə oturmaq, öz xəstələnmə riskinizi artırmamaq və ya xəstəliyin daşıyıcısı olmamağınızdır. Əgər hələ də evdən çıxmaq məcburiyyətindəsinizsə, əllərinizi mümkün qədər tez-tez yumalısınız, özü də ən azı 20 saniyə və əllərinizlə üzünüzə toxunmamağa çalışın. Maskalar yalnız xəstələr üçün tələb olunur ki, onlar virusu sağlamlara yoluxdurmasınlar. Digərlərinə maska lazım deyil. Amma əgər siz onu özünüzü sakitləşdirmək və yoluxmayacağınıza əmin olmaq üçün taxırsınızsa, nəzərə alın ki, bu maskalar hər iki saatdan bir dəyişdirilməlidir", - deyə ekspert bildirib.

Vebinarın ikinci spikeri Yelena Qluşakova isə deyib ki, bugünkü şəraitdə KİV–in əsas funksiyası informasiyanı yoxlamaqdır.

35
Brauzerdə Twitter saytının səhifəsi, arxiv şəkli

Emosiyalar sosial şəbəkələr üçün ən vacib şeydir

6
(Yenilənib 20:13 22.05.2020)
"Sosial şəbəkələr və xəbər saytları üçün videoları asan və düzgün hazırlamağın və auditoriyanı qazanmağın yolları" mövzusuna həsr olunan onlayn sessiyanın spikeri qismində Ruptly saytının rusdilli versiyasının baş redaktoru Mariya Dyakonova çıxış edib.

BAKI, 22 may — Sputnik. Emosiyalar sosial şəbəkələr üçün ən vacib şeydir. Video duyğulara səbəb olmalıdır. Bu barədə SputnikPro təlim layihəsi çərçivəsində təşkil edilən vebinarda bildirilib.

Mayın 22-də "Sosial şəbəkələr və xəbər saytları üçün videoları asan və düzgün hazırlamağın və auditoriyanı qazanmağın yolları" mövzusuna həsr olunan onlayn sessiya keçirilib. Bu, sosial təcrid prinsiplərinə riayət edilməsi şəraitində SputnikPro çərçivəsində keçirilən yeddinci vebinar olub.

Vebinarın spikeri qismində Ruptly saytının rusdilli versiyasının baş redaktoru Mariya Dyakonova çıxış edib.

© Photo : Courtesy of Mariya Dyakonova
Ruptly saytının rusdilli versiyasının baş redaktoru Mariya Dyakonova

Mariya 2012-ci ildən jurnalistikadadır. Moskva Dövlət Linqvistika Universitetini bitirdikdən sonra "RT" telekanalının İNOTV şöbəsində "alman və ingilisdilli KİV" istiqamətinə cavabdeh olub. Həm də "Rusiyanın səsləri" alman redaksiyası üçün reportajlar hazırlayıb. 2014-da Almaniyaya köçüb. Berlin Azad Universitetinin Kinoşünaslıq və teatrşünaslıq fakültəsini bitirib. RTVI telekanalında, eləcə də Stimme Russlands radiostansiyasının Berlin ofisində müxbir kimi çalışıb. 2015-da Ruptly komandasına qatılıb. Daha sonra nyuzorq, brodkast jurnalisti olub, Rusiyanın beynəlxalq Rupty sosial şəbəkəsində fəaliyyət göstərib. 2020-ci ildən videoagentliyin Moskva ofisində işləyir.

"Siyasət və ya sosial hekayələr yaxşı izlənilir. Video emosiya yaradarsa, tamaşaçı ona sonuna qədər baxacaq, çarxı paylaşacaq. Çox az adam videoya sonuna qədər baxır. Amma əgər ilk baxışda video tamaşaçıda emosiya yaradırsa, onun sona qədər izlənmək və paylaşılmaq şansı var", - deyə spiker onlayn-sessiyanın gedişində bildirib.

Sosial şəbəkələrdə yayılan videoçarxların hazırlanmasından danışan Mariya Dyakonova qeyd edib ki, ilk iş mütləq faktların yoxlanılması olmalıdır. Əmin olmaq lazımdır ki, hekayədə anlaşılmaz qalan məqamlar yoxdur, həmçinin orada balans və qərəzsizlik gözlənilib.

"Video mətn qarşısında prioritet olmalıdır, lakin hekayənin mənasına xələl gətirməməlidir", - deyə ekspert vurğulayıb.

Vebinarın gedişində Mariya Dyakonova fikirlərini Ruptly-nin "virus"a çevrilmiş müxtəlif video-çarxlarının nümunəsində izah edib və dinləyicilərin suallarını cavablandırıb.

Ruptly - abunəçilik əsasında xəbər videomaterialları təqdim edən Rusiya agentliyidir. RT şəbəkəsinin bir hissəsi kimi 4 aprel 2013-cü ildə yaradılıb. Ötən yeddi il ərzində dünyanın 1200 ölkəsində 106-dan çox media şirkəti onun müştərisi olub. Ruptly orta hesabla ayda 1200 video və 300 saat canlı yayım istehsal edir. Agentliyin müxbir şəbəkəsi Rusiyanın bütün regionlarında 3000 jurnalisti və Yaponiyadan Venesuelaya qədər 100-dən çox dövləti əhatə edir. Baş ofis Berlində yerləşir.

SputnikPro - Sputnik Beynəlxalq İnformasiya Agentliyi və Radiosunun jurnalistlər, mətbuat katibləri, PR mütəxəssisləri, ali məktəblərin bu ixtisaslar üzrə təhsil alan yuxarı kurs tələbələri, əcnəbi həmkarları ilə təcrübə mübadiləsi etməyə, öz biliklərini bölüşməyə hazır olan mediamenecerlərin və jurnalistlərin silsilə təqdimatları və master-klassları layihəsidir. Müxtəlif formatlarda mövcud olduğu dövr ərzində bu layihədə 80-dən çox ölkənin nümayəndəsi iştirak edib. SputnikPro-nun əyani master-klassları Azərbaycanda, Ermənistanda, Belarusda, Yunanıstanda, Gürcüstanda, Hindistanda, Qırğızıstanda, Türkiyədə və Estoniyada keçirilib.

Pandemiyanın başlaması ilə, layihənin Moskva komandası eyni zamanda bütün ölkələrdən olan iştirakçılar üçün açıq olan "SputnikPro online mövsümü"nə start verib. Mütəxəssislər vebinarlar rejimində jurnalistlərlə müxtəlif mövzularda ünsiyyət qurur, bu zaman ən aktual mövzuları seçməyə çalışırlar.

SputnikPro layihəsinin nə olduğunu və spikerlərin digər ölkələrdəki master-klasslarda nə barədə danışdığını daha ətraflı öyrənmək üçün aşağıdakı linkdən istifadə edə bilərsiniz: https://www.facebook.com/SputnikProject/.

6
Əlaqədar
Foto hüququ: materialları necə illüstrasiya etməli. 10 əsas problem
Çəkmək və yazmaq: sən meydanda tək multimedia müxbiri olanda
Jurnalist universal olmalıdır
"İnanmıram!"- SputnikPro-nun vebinarı feykləri doğrulardan necə ayırmaq barədə danışdı
Qələbə hekayələrini yaşamaq lazımdır: SputnikPro-nun daha bir vebinarı keçirildi
Çəkliş, arxiv şəkli

Sosial şəbəkə istifadəçilərində emosiya yaradacaq videoları necə hazırlamalı

8
(Yenilənib 18:39 19.05.2020)
Ruptly saytının baş redaktoru SputnikPro-nun növbəti vebinarında jurnalistlərə auditoriyanı cəlb etmək üçün parlaq, yaddaqalan videoları necə hazırlamaq barədə məlumat verəcək.

BAKI, 19 may — Sputnik. Karantin rejimi yeni nələrinsə öyrənilməsindən və ya əvvəllər əldə edilən biliklərin dərinləşdirilməsindən imtina etmək üçün bəhanə deyil. Bu ideyanı rəhbər tutan SputnikPro təlim layihəsi hətta pandemiya şəraitində öz işini davam etdirir.

Jurnalist layihəsi çərçivəsində növbəti vebinar "Sosial şəbəkələr və xəbər saytları üçün videoları asan və düzgün hazırlamağın və auditoriyanı qazanmağın yolları" mövzusuna həsr olunub.

Onlayn sessiyanın spikeri qismində Ruptly saytının rusdilli versiyasının baş redaktoru Mariya Dyakonova çıxış edəcək.

© Photo : Courtesy of Mariya Dyakonova
Mariya Dyakonova

Mariya 2012-ci ildən jurnalistikadadır. Moskva Dövlət Linqvistika Universitetini bitirdikdən sonra "RT" telekanalının İNOTV şöbəsində "alman və ingilisdilli KİV" istiqamətinə cavabdeh olub. Həm də "Rusiyanın səsləri" alman redaksiyası üçün reportajlar hazırlayıb. 2014-da Almaniyaya köçüb. Berlin Azad Universitetinin Kinoşünaslıq və teatrşünaslıq fakültəsini bitirib.

RTVI telekanalında, eləcə də Stimme Russlands radiostansiyasının Berlin ofisində müxbir kimi çalışıb. 2015-da Ruptly komandasına qatılıb. Daha sonra nyuzorq, brodkast jurnalisti olub, Rusiyanın beynəlxalq Rupty sosial şəbəkəsində fəaliyyət göstərib. 2020-ci ildən videoagentliyin Moskva ofisində işləyir.

Online sessiya zamanı spiker Ruptly videoagentliyinin jurnalistlərinin parlaq, yaddaqalan videoları necə yaratdığını izah edəcək. Sosial şəbəkələr üçün vizual storitellingin müzakirəsinə xüsusi diqqət ayrılacaq.

Mariya Dyakonova deyir: "Sosial şəbəkələr üçün hazırlanmış siyasi və sosial hekayələrdən ibarət videolar tamaşaçıda emosiya yaratmalıdır. Bir var emosional cazibə, bir də var videoçarx yaymaq arzusu".

SputnikPro-nun "Sosial şəbəkələr və xəbər saytları üçün videoları asan və düzgün hazırlamağın və auditoriyanı qazanmağın yolları" mövzusuna həsr olunmuş yeddinci onlayn sessiyası mayın 22-də saat 14.00-da olacaq.

Onlayn sessiyada iştirak etmək istəyən jurnalistlər və fotoqraflar Sputnik Azərbaycan Beynəlxalq İnformasiya Agentliyinin mətbuat katibinin e-poçt ünvanı (gulzar.mustafaeva@sputniknews.com) və yaxud https://anketolog.ru/s/345855/FLqfVEAx linki vasitəsilə qeydiyyatdan keçmək üçün müraciət edə bilərlər.

SputnikPro Rusiyanın ən yaxşı mediamenecerlərinin və kütləvi informasiya vasitələrində böyük təcrübəsi olan aparıcı mütəxəssislərinin Rusiyada bu miqyasda yeganə olan unikal silsilə ustad dərsləri layihəsidir.

SputnikPro layihəsi artıq dünyanın 13 ölkəsində həyata keçirilir. 2018-ci ilin mart ayından indiyədək bu layihədə 2000-dən çox jurnalist və mediamenecer, PR-mütəxəssisləri və mətbuat xidmətlərinin əməkdaşları, blogerlər və bu istiqamətlərdə təhsil alan tələbələr iştirak ediblər.

SputnikPro layihəsinin nə olduğunu və spikerlərin digər ölkələrdəki master-klasslarda nə barədə danışdığını daha ətraflı öyrənmək üçün aşağıdakı linkdən istifadə edə bilərsiniz: https://www.facebook.com/SputnikProject/.

8
 Mİ-8 helikopteri, arxiv şəkli

Rusiyada daha bir vertolyot qəzası Ölənlər var

0
(Yenilənib 09:47 26.05.2020)
Qəza helikopterin təmirindən sonra sınaq uçuşu zamanı baş verib. Həlak olanların hamısı hərbçidir. Hadisəyə texniki nasazlıq səbəb olub.

BAKI, 26 may – Sputnik. Rusiyanın Çukotka muxtar dairəsində Mi-8 helikopteri sərt eniş edib.

Trend-in məlumatına görə, hadisə nəticəsində 4 nəfər həlak olub.

Qeyd olunur ki, qəza helikopterin təmirindən sonra sınaq uçuşu zamanı baş verib. Həlak olanların hamısı hərbçidir.

Helikopter sərt eniş etdikdən sonra yanğın başlayıb. Hadisəyə texniki nasazlıq səbəb olub.

Qeyd edək ki, cəmi bir neçə gün öncə ölkədə daha bir vertolyot qəzası baş vermişdi.

0