Bakı şəhəri

Bakıda Avrasiya Xalqları Assambleyası Günlərinin açılışına həsr olunan tədbir olacaq

40
(Yenilənib 16:43 25.09.2019)
"Avrasiya Xalqları Assambleyası" Beynəlxalq Qeyri-Hökumət Təşkilatları İttifaqı 30 sentyabrdan 5 oktyabradək Azərbaycanda Avrasiya Xalqları Assambleyası Günləri keçirəcək

Bakıda Avrasiya Xalqları Assambleyası Günlərinin açılışına həsr olunan mətbuat konfransı keçiriləcək. 

Tədbir 30 sentyabr 2019-cu il, saat 10:00-11:00 aralığında Sputnik Azərbaycan Multimedia Mətbuat Mərkəzində olacaq.

Avrasiya Xalqları Assambleyasının iştirakçıları:

Belyaninov Andrey Yuryeviç, Avrasiya Xalqları Assambleyasının baş katibi, Avrasiya İnkişaf Bankının İdarə Heyətinin sədri, "Rusiyanın sərvəti" Fondunun Himayədarlar Şurasının sədri, iqtisad elmləri doktoru, siyasi elmlər doktoru;

Bernar LOZE, Avrasiya Xalqları Assambleyası Ali Şurasının həmsədri, Franko-Rusiya dialoqu Assosiasiyasının (Fransa) vitse-prezidenti;

Dalbir SİNQX, Avrasiya Xalqları Assambleyası Ali Şurasının həmsədri, Hindistan Milli Konqresinin Milli Katibi, Siyasət və İdarəetmə Fondunun (Hindistan) Prezidenti;

Əliyev Üzeyir Rasim oğlu, Rusiya ali məktəbləri məzunlarının Azərbaycan Assosiasiyasının sədri.

Mətbuat konfransının mövzusu 30 sentyabrdan 5 oktyabradək Azərbaycanda "Avrasiya Xalqları Assambleyası" Beynəlxalq Qeyri-Hökumət Təşkilatları İttifaqı tərəfindən keçiriləcək Avrasiya Xalqları Assambleyası Günləridir.

Avrasiya Xalqları Assambleyası

Avrasiya Xalqları Assambleyası Böyük Avrasiyanın müxtəlif ölkələrindən olan tərəfdaşlarla əməkdaşlığın genişləndirilməsi, inteqrasiya proseslərinin gücləndirilməsi və xalq diplomatiyasının alətləri vasitəsilə sülhməramlılıq, mədəni- humanitar və iqtisadi əməkdaşlığın, millətlərarası və dinlərarası dialoqun genişləndirilməsi, biznes tərəfdaşlığın inkişafı, yeni işgüzar əlaqələrin qurulması, təcrübə mübadiləsi sahəsində aktiv fəaliyyət göstərir.

Avrasiya Xalqları Assambleyası ən geniş dialoqa və qarşılıqlı fəaliyyətə açıqdır. Avrasiya Xalqları Assambleyasının fəaliyyət planına Böyük Avrasiya ölkələrindəki müxtəlif layihə və tədbirlər daxildir. Fransa, Hindistan, Birləşmiş Ərəb Əmirlikləri, Serbiya, Bolqarıstan, Monqolustanda uğurla keçirilən Avrasiya Xalqları Assambleyası Günlərinin keçirilməsi təcrübəsi özünü müsbət tərəfdən göstərib.

Azərbaycanda Avrasiya Xalqları Assambleyası Günləri çərçivəsində Avrasiya Xalqları Assambleyası Ali Şurası Rəyasət Heyətinin genişləndirilmiş iclası, "İkinci Dünya Müharibəsi və Böyük Vətən Müharibəsinin tarixi yaddaşını qorumaq" Beynəlxalq İctimai Forumu, "Birlikdə qələbə qazanmışıq" Festivalının filmlərinin nümayişi, "İdman millətləri birləşdirir" dəyirmi masası, Avrasiya Dostluq Axşamı, "Avrasiya məkanında işgüzar əməkdaşlığın perspektivləri" beynəlxalq biznes forumu, "Avrasiya məkanında mədəniyyətlərarası əməkdaşlıq" dəyirmi masası , LİFT-2019 festivallarının IV Avrasiya ədəbi festivalı, Avrasiya təhsil forumu, "Avrasiyanın yeni nəsli" Gənclər forumu və digər tədbirlər keçiriləcək.

Beynəlxalq hökumətlərarası və qeyri-hökumət təşkilatlarının, qeyri-kommersiya təşkilatlarının, biznes icmaların nümayəndələri, elm və mədəniyyət xadimləri, jurnalistlər Azərbaycanda keçiriləcək Avrasiya Xalqları Assambleyası Günlərində iştiraka dəvət olunur.

Azərbaycanda Avrasiya Xalqları Assambleyası Günlərinin tərəfdaşları üçün kontaktlar: info@eurasia-assembly.org.

KİV üçün kontaktlar: media@eurasia-assembly.org.

Əsas informasiya tərəfdaşı – Sputnik Azərbaycan

Keçirilmə yeri: Sputnik Azərbaycan Multimedia Mətbuat Mərkəzi, Beynəlxalq Mətbuat Mərkəzinin binası. Mətbuat prospekti, 529 məhəllə, bina 23 M, 4-cü mərtəbə

Telefonlar: 404-13-84/85 

e-mail: i.velizade@rian.ru

40
Çəkiliş, arxiv şəkli

Viruslu videonu necə düzəltməli?

16
(Yenilənib 12:50 30.07.2020)
SputnikPro-nun yeni vebinarı xəbər saytlarının müxbirlərinə baxılma sayını artırmaq məqsədi ilə kontenti düzgün və maraqlı etməyi öyrədəcək

BAKI, 30 iyul — Sputnik. Videoda tamaşaçıya nə daha maraqlıdır – görüntü, yoxsa məzmun? Bu sualın cavabını SputnikPro maarifçi layihəsi çərçivəsində keçiriləcək növbəti verbinar verəcək.

“Xəbər saytları üçün viruslu videonu necə daha düzgün etməli” onlayn-sessiyasının spikerləri “Rossiya seqodnya” BİA-nın operativ video və qrafika şöbələrinin rəhbərləri Arseni Mindlin və Aleksey Drozdov olacaqlar.

Arseni Moskva Rabitə və İnformatika Universitetinin (Rəqəmsal televiziya kafedrası) məzunudur, “Rossiya seqodnya”da 2010-cu ildən işləyir.

Aleksey Xarici dillər institutunda təhsil alıb, lakin 2000-ci ildən qrafik dizaynla məşğul olmaq qərarına gəlib. “Rossiya seqodnya” BİA-da 2013-cü ildən işləyir.

Vebinarın gedişində spikerlər bir neçə suala cavab verməyə çalışacaqlar:

- Videoda nə vacibdir – görüntü, yoxsa mətn?

- Titrlər ayrıca məna kimi.

- Baxılma, yoxsa drayv? Necə xronometraja yerləşməli.

- Mənaları necə yaxınlaşdırmalı – tutrlərin və videonun dizaynı.

- Nə daha vacibdir – videonun dizaynı, yoxsa kontent.

- Nəql metodları – qrafik əlavə kömək edirmi?

“Xəbər saytları üçün viruslu videonu necə daha düzgün etməli” vebinarı cümə günü, iyulun 31-də, Bakı vaxtı ilə 14.00-da başlayacaq.

Onlayn sessiyada iştirak etmək istəyən media işçiləri Sputnik Azərbaycan Beynəlxalq İnformasiya Agentliyinin mətbuat katibinin elektron ünvanına (gulzar.mustafaeva@sputniknews.com) müraciət göndərə və ya https://anketolog.ru/s/345855/FLqfVEAx ünvanında qeydiyyatdan keçə bilərlər.

Unikal ustad dərslərindən ibarət SputnikPro Rusiyanın ən yaxşı mediamenecerlərinin və kütləvi informasiya vasitələrində böyük təcrübəsi olan aparıcı mütəxəssislərin təqdim etdiyi böyükmiqyaslı yeganə Rusiya layihəsidir.

Bu layihə artıq dünyanın 13 ölkəsində həyata keçirilib. 2018-ci ilin martından etibarən layihədə iki mindən çox jurnalist və mediamenecer, PR mütəxəssislər və mətbuat xidmətlərinin əməkdaşları, blogerlər və bu istiqamətdə təhsil alan tələbələr iştirak ediblər. Layihə ilə bağlı son yenilikləri "Facebook" səhifəsində izləyə bilərsiniz (https://www.facebook.com/SputnikProject/).

16
Əlaqədar
"Radioda ola biləcək ən canlı şey" – SputnikPro-nun növbəti vebinarı keçirildi
"Sarı" xəbər həmişə olmur: Sözünü çatdırmağın ağıllı yolları
Veb-texnologiyalar KİV-də necə işləyir?
Data jurnalistika: Yazınız dillər əzbəri olsun deyə...
Məqalənin qəhrəmanını necə tapmalı? SputnikPro vebinarının spikeri bu suala cavab verib
Noutbuk arxasında iş, arxiv şəkli

Kommersiya kontentini auditoriya üçün necə maraqlı etmək olar

15
SputnikPro layihəsi çərçivəsində növbəti vebinarın mövzusu KİV-də brend kontent olacaq. Sessiyanın spikeri dinləyicilərə uğurlu xüsusi layihələrin xüsusiyyətləri barədə danışacaq.

BAKI, 21 iyul — Sputnik. Müasir KİV-lərin işində mühüm istiqamətlərdən biri də reklamdır. SputnikPro maarifləndirmə layihəsi çərçivəsində növbəti vebinar bu mövzuya həsr olunub.

"Kommersiya kontentini auditoriya üçün necə maraqlı etmək olar" mövzusunda onlayn-sessiyasının spikeri "Rossiya seqodnya" BİA-nın kompleks media məhsulları şöbəsinin aparıcı redaktoru Yelena Kostomarovadır.

© Sputnik /
"Rossiya seqodnya" BİA-nın kompleks media məhsulları şöbəsinin aparıcı redaktoru Yelena Kostomarova

Vebinar zamanı Yelena Kostomarova KİV-də brend kontentin xüsusiyyətləri və perspektivləri haqqında danışacaq, həmçinin xüsusi uğurlu nativ layihələrin yaradılması formulunu təqdim edəcək.

"Kommersiya kontentini auditoriya üçün necə maraqlı etmək olar" mövzusunda vebinar 24 iyul tarixində, Bakı vaxtı ilə saat 14:00-da keçiriləcək.

Onlayn sessiyada iştirak etmək istəyən jurnalistlər və fotoqraflar Sputnik Azərbaycan Beynəlxalq İnformasiya Agentliyinin mətbuat katibinin e-poçt ünvanı (gulzar.mustafaeva@sputniknews.com) və yaxud https://docs.google.com/forms/d/e/1FAIpQLSeHLkaXWy9_CNethlScfykcMclfzRfjoMLjLg-dhRsl8Hxfrw/viewform linki vasitəsilə qeydiyyatdan keçmək üçün müraciət edə bilərlər.

SputnikPro Rusiyanın ən yaxşı mediamenecerlərinin və kütləvi informasiya vasitələrində böyük təcrübəsi olan aparıcı mütəxəssislərinin Rusiyada bu miqyasda yeganə olan unikal silsilə ustad dərsləri layihəsidir.

SputnikPro layihəsi artıq dünyanın 13 ölkəsində həyata keçirilir. 2018-ci ilin mart ayından indiyədək bu layihədə 2000-dən çox jurnalist və mediamenecer, PR-mütəxəssisləri və mətbuat xidmətlərinin əməkdaşları, blogerlər və bu istiqamətlərdə təhsil alan tələbələr iştirak ediblər.

SputnikPro layihəsinin nə olduğunu və spikerlərin digər ölkələrdəki master-klasslarda nə barədə danışdığını daha ətraflı öyrənmək üçün aşağıdakı linkdən istifadə edə bilərsiniz: https://www.facebook.com/SputnikProject/.

15
ABŞ Prezidenti Donald Tramp, arxiv şəkli

Trampdan tarixi etiraf: ABŞ-ın ən böyük səhvini açıqladı

3
(Yenilənib 11:46 04.08.2020)
Yaxın Şərqə qoşun göndərmək qərarı və regionun işlərinə qarışmaq ABŞ tarixində ən böyük yeganə səhvdir

Eldar Tanrıverdiyev, Sputnik Azərbaycan

BAKI, 4 avqust — Sputnik. Yaxın Şərqə qoşunların göndərilməsi Birləşmiş Ştatlar tarixində ən böyük səhvdir. Sputnik Azərbaycan RİA Novosti-yə istinadla xəbər verir ki, bunu "Axios"-a müsahibəsində Birləşmiş Ştatların Prezidenti Donald Tramp bildirib.

"Biz İŞİD-i zərərsizləşdirdik... Bu xilafətin 100%-ni... Biz Süleymanini (İran generalı-red.), əl-Bağdadini (İŞİD lideri-red.) "aradan qaldırdıq". Mən digər prezidentlərin etmədiyi çox şeyi etmişəm. Onlar gərək heç vaxt Yaxın Şərqə girməzdilər" - deyə Tramp qeyd edib.

O, vurğulayıb ki, Yaxın Şərqə qoşun göndərmək qərarı və regionun işlərinə qarışmaq ABŞ tarixində yeganə ən böyük səhvdir.

Xatırladaq ki, ilin əvvəlindən bəri ABŞ-İran münasibətləri yenidən gərginləşib. Belə ki, yanvarın 3-də gecə Bağdad aeroportu yaxınlığında ABŞ pilotsuz uçuş aparatından endirilən zərbə nəticəsində İran İslam İnqilabı Keşikçiləri Korpusunun xüsusi təyinatlı "Qüds" Qüvvələrinin komandanı general Qasım Süleymani, Hüseyn Pur Cəfəri, Şəhruz Müzəffərinia, Hadi Taremi, Vəhid Zamaninia və İraqın könüllü "Həşdi-Şaabi" qruplaşmasının komandir müavini Əbu Mehdi Əl-Mühəndis daxil olmaqla 10 nəfər öldürülüb. İranın Ali dini lideri Əli Xamneyi və İran Prezidenti Q.Süleymaninin ölümünə görə ABŞ-dan qisas alınacağını bəyan ediblər.

Yanvarın 8-i isə İran Silahlı Qüvvələrinin elit bölməsi olan İslam İnqilabı Keşikçiləri Korpusu ABŞ-ın İraqdakı aviabazalarına raket zərbəsi endirib.

3