SputnikPro layihəsi çərçivəsində master-klass

"SputnikPro" KİV-də informasiyaların verilməsinin sintetik formatları haqqında danışır

40
(Yenilənib 14:37 17.09.2019)
Rusiyalı media meneceri jurnalistikanın gələcəyi ilə bağlı öz baxışlarını azərbaycanlı jurnalistlərlə bölüşür

Sputnik Beynəlxalq İnformasiya Agentliyi və Radiosu Bakıda Azərbaycan KİV-lərinin nümayəndələri üçün növbəti "SputnikPro" modul layihəsini həyata keçirməyə başlayıb. 

Onlayn və çap KİV-lərinin jurnalistləri ilə görüşdə rusiyalı mediamenecer, internet-texnoloq, "Russia Today" BİA-nın Dövlət İnternet Layihələri Direktorluğunun direktor müavini İrina Kedrovskaya iştirak edir.

17 sentyabr saat 10:00-da Sputnik Azərbaycan Multimedia Mətbuat Mərkəzində başlayan "SputnikPro" layihəsinin növbəti görüşü "KİV-də informasiyaların verilməsinin sintetik formatları: imkanlar və vasitələr" mövzusuna həsr olunub. Dinləyicilər bir çox coğrafi və müvəqqəti maneələri dəf etməyə, mövcudluq effektini yaratmağa imkan verən rəqəmsallaşdırma və multimedia imkanları ilə tanış olurlar.

İrina Kedrovskaya jurnalistlərlə iri miqyaslı internet layihələrinin konkret nümunələrini bölüşür.

"SputnikPro" - Sputnik Beynəlxalq İnformasiya Agentliyi və Radiosunun jurnalistlər, mətbuat katibləri, PR mütəxəssisləri, ali məktəblərin bu ixtisaslar üzrə təhsil alan yuxarı kurs tələbələri, əcnəbi həmkarları ilə təcrübə mübadiləsi etməyə, öz biliklərini bölüşməyə hazır olan mediamenecerlərin və jurnalistlərin silsilə təqdimatları və master-klassları layihəsidir.

"SputnikPro" layihəsi 2018-ci ilin yazında Minskdə start götürüb və media ictimaiyyəti tərəfindən yüksək qiymətləndirilib. Müxtəlif formatlarda mövcud olduğu dövr ərzində bu layihədə 80-dən çox ölkənin nümayəndəsi iştirak edib. "SputnikPro"-nun əyani master-klassları Azərbaycanda, Ermənistanda, Belarusda, Yunanıstanda, Gürcüstanda, Hindistanda, Çində, Qırğızıstanda, Türkiyədə və Estoniyada keçirilib.

"SputnikPro" Azərbaycanda 7-cı dəfədir həyata keçirilir.

40
Çəkiliş, arxiv şəkli

Viruslu videonu necə düzəltməli?

16
(Yenilənib 12:50 30.07.2020)
SputnikPro-nun yeni vebinarı xəbər saytlarının müxbirlərinə baxılma sayını artırmaq məqsədi ilə kontenti düzgün və maraqlı etməyi öyrədəcək

BAKI, 30 iyul — Sputnik. Videoda tamaşaçıya nə daha maraqlıdır – görüntü, yoxsa məzmun? Bu sualın cavabını SputnikPro maarifçi layihəsi çərçivəsində keçiriləcək növbəti verbinar verəcək.

“Xəbər saytları üçün viruslu videonu necə daha düzgün etməli” onlayn-sessiyasının spikerləri “Rossiya seqodnya” BİA-nın operativ video və qrafika şöbələrinin rəhbərləri Arseni Mindlin və Aleksey Drozdov olacaqlar.

Arseni Moskva Rabitə və İnformatika Universitetinin (Rəqəmsal televiziya kafedrası) məzunudur, “Rossiya seqodnya”da 2010-cu ildən işləyir.

Aleksey Xarici dillər institutunda təhsil alıb, lakin 2000-ci ildən qrafik dizaynla məşğul olmaq qərarına gəlib. “Rossiya seqodnya” BİA-da 2013-cü ildən işləyir.

Vebinarın gedişində spikerlər bir neçə suala cavab verməyə çalışacaqlar:

- Videoda nə vacibdir – görüntü, yoxsa mətn?

- Titrlər ayrıca məna kimi.

- Baxılma, yoxsa drayv? Necə xronometraja yerləşməli.

- Mənaları necə yaxınlaşdırmalı – tutrlərin və videonun dizaynı.

- Nə daha vacibdir – videonun dizaynı, yoxsa kontent.

- Nəql metodları – qrafik əlavə kömək edirmi?

“Xəbər saytları üçün viruslu videonu necə daha düzgün etməli” vebinarı cümə günü, iyulun 31-də, Bakı vaxtı ilə 14.00-da başlayacaq.

Onlayn sessiyada iştirak etmək istəyən media işçiləri Sputnik Azərbaycan Beynəlxalq İnformasiya Agentliyinin mətbuat katibinin elektron ünvanına (gulzar.mustafaeva@sputniknews.com) müraciət göndərə və ya https://anketolog.ru/s/345855/FLqfVEAx ünvanında qeydiyyatdan keçə bilərlər.

Unikal ustad dərslərindən ibarət SputnikPro Rusiyanın ən yaxşı mediamenecerlərinin və kütləvi informasiya vasitələrində böyük təcrübəsi olan aparıcı mütəxəssislərin təqdim etdiyi böyükmiqyaslı yeganə Rusiya layihəsidir.

Bu layihə artıq dünyanın 13 ölkəsində həyata keçirilib. 2018-ci ilin martından etibarən layihədə iki mindən çox jurnalist və mediamenecer, PR mütəxəssislər və mətbuat xidmətlərinin əməkdaşları, blogerlər və bu istiqamətdə təhsil alan tələbələr iştirak ediblər. Layihə ilə bağlı son yenilikləri "Facebook" səhifəsində izləyə bilərsiniz (https://www.facebook.com/SputnikProject/).

16
Əlaqədar
"Radioda ola biləcək ən canlı şey" – SputnikPro-nun növbəti vebinarı keçirildi
"Sarı" xəbər həmişə olmur: Sözünü çatdırmağın ağıllı yolları
Veb-texnologiyalar KİV-də necə işləyir?
Data jurnalistika: Yazınız dillər əzbəri olsun deyə...
Məqalənin qəhrəmanını necə tapmalı? SputnikPro vebinarının spikeri bu suala cavab verib
Noutbuk arxasında iş, arxiv şəkli

Kommersiya kontentini auditoriya üçün necə maraqlı etmək olar

15
SputnikPro layihəsi çərçivəsində növbəti vebinarın mövzusu KİV-də brend kontent olacaq. Sessiyanın spikeri dinləyicilərə uğurlu xüsusi layihələrin xüsusiyyətləri barədə danışacaq.

BAKI, 21 iyul — Sputnik. Müasir KİV-lərin işində mühüm istiqamətlərdən biri də reklamdır. SputnikPro maarifləndirmə layihəsi çərçivəsində növbəti vebinar bu mövzuya həsr olunub.

"Kommersiya kontentini auditoriya üçün necə maraqlı etmək olar" mövzusunda onlayn-sessiyasının spikeri "Rossiya seqodnya" BİA-nın kompleks media məhsulları şöbəsinin aparıcı redaktoru Yelena Kostomarovadır.

© Sputnik /
"Rossiya seqodnya" BİA-nın kompleks media məhsulları şöbəsinin aparıcı redaktoru Yelena Kostomarova

Vebinar zamanı Yelena Kostomarova KİV-də brend kontentin xüsusiyyətləri və perspektivləri haqqında danışacaq, həmçinin xüsusi uğurlu nativ layihələrin yaradılması formulunu təqdim edəcək.

"Kommersiya kontentini auditoriya üçün necə maraqlı etmək olar" mövzusunda vebinar 24 iyul tarixində, Bakı vaxtı ilə saat 14:00-da keçiriləcək.

Onlayn sessiyada iştirak etmək istəyən jurnalistlər və fotoqraflar Sputnik Azərbaycan Beynəlxalq İnformasiya Agentliyinin mətbuat katibinin e-poçt ünvanı (gulzar.mustafaeva@sputniknews.com) və yaxud https://docs.google.com/forms/d/e/1FAIpQLSeHLkaXWy9_CNethlScfykcMclfzRfjoMLjLg-dhRsl8Hxfrw/viewform linki vasitəsilə qeydiyyatdan keçmək üçün müraciət edə bilərlər.

SputnikPro Rusiyanın ən yaxşı mediamenecerlərinin və kütləvi informasiya vasitələrində böyük təcrübəsi olan aparıcı mütəxəssislərinin Rusiyada bu miqyasda yeganə olan unikal silsilə ustad dərsləri layihəsidir.

SputnikPro layihəsi artıq dünyanın 13 ölkəsində həyata keçirilir. 2018-ci ilin mart ayından indiyədək bu layihədə 2000-dən çox jurnalist və mediamenecer, PR-mütəxəssisləri və mətbuat xidmətlərinin əməkdaşları, blogerlər və bu istiqamətlərdə təhsil alan tələbələr iştirak ediblər.

SputnikPro layihəsinin nə olduğunu və spikerlərin digər ölkələrdəki master-klasslarda nə barədə danışdığını daha ətraflı öyrənmək üçün aşağıdakı linkdən istifadə edə bilərsiniz: https://www.facebook.com/SputnikProject/.

15
Milli Məclis

Milli Məclis təcili toplaşır –  Deputatları məzuniyyətdən geri çağırıblar

0
(Yenilənib 11:34 04.08.2020)
Milli Məclisin Daxili Nizamnaməsinə uyğun olaraq parlamentin üzvləri iyulun 15-dən avqust ayının 30-dək istirahətə buraxılmışdı.

BAKI, 4 iyul – Sputnik. Bu gündən Azərbaycan Milli Məclisinin növbədənkənar sessiyası öz işinə başlayır.

Sputnik Azərbaycan xəbər verir ki, parlamentin 59 deputatı Konstitusiyanın 88-ci maddəsinin II hissəsinə əsasən, növbədənkənar sessiyanın çağırılmasını tələb edib.

Bu tələbi nəzərə alan Milli Məclisin Sədri S.Qafarova avqustun 4-dən etibarən parlamentin növbədənkənar sessiyasının çağırılması haqqında sərəncam imzalayıb.

Növbədənkənar sessiyanın çağırılması ilə əlaqədar olaraq bu gün – avqustun 4-də Milli Məclisin Əmək və sosial siyasət, İqtisadi siyasət, sənaye və sahibkarlıq komitələrinin iclası keçiriləcək. Komitə iclaslarında 2020-ci ilin dövlət büdcəsinin zərfinə daxil olan məsələlər müzakirə olunacaq. Avqustun 5-i, 6-ı və 7-də isə Milli Məclisin plenar iclasları keçiriləcək.

Bundan əlavə, qanunvericiliyə uyğun olaraq, deputatlar avqustun 4-dən sessiyanın bitəcəyi tarixə qədər məzuniyyətdən geri çağırılıblar.

Qeyd edək ki, Milli Məclisin Daxili Nizamnaməsinə uyğun olaraq parlamentin üzvləri iyulun 15-dən avqust ayının 30-dək istirahətə buraxılmışdı.

0