Мультимедийный пресс-центр Sputnik Азербайджан

Dağlıq Qarabağda sülhü necə yaxınlaşdırmalı?

52
(Yenilənib 14:02 26.07.2018)
"Təklif var idi ki, BMT Baş Assambleyasının sentyabrda keçiriləcək iclası çərçivəsində, ya da ondan əvvəl görüş olsun"

Dağlıq Qarabağda sülhü necə yaxınlaşdırmalı? Hər dəfə Dağlıq Qarabağla bağlı münaqişə tərəflərinin yüksək vəzifəli şəxsləri arasında görüşün keçiriləcəyi və qarşıdurmanın kəskinləşdiyi barədə növbəti məlumatlar yayılanda, bu sualı daha çox insan verməyə başlayır. Bu günlərdə yaxın zamanlarda Azərbaycan və Ermənistan xarici işlər nazirlərinin növbəti görüşünün keçiriləcəyi barədə məlumatlar yayılıb.

Bu barədə Azərbaycanın xarici işlər naziri Elmar Məmmədyarov türkiyəli həmkarı Mövlud Çavuşoğlu ilə birgə keçirdiyi mətbuat konfransı zamanı açıqlama verib.

Onun sözlərinə görə, görüş sentyabr ayında baş tuta bilər.

"Təklif var idi ki, BMT Baş Assambleyasının sentyabrda keçiriləcək iclası çərçivəsində, ya da ondan əvvəl görüş olsun. Azərbaycan adından hazır olduğumuzu bildirdim və dedim ki, nəticəli danışıqlar olsun. O ki qaldı yüksək səviyyəli — baş nazir və prezidentin görüşünə, Ermənistan tərəfi danışıqlar prosesi ilə tanış olmaq üçün vaxt istəyib" — deyə Məmmədyarov bildirib.

Bu görüşdən nə gözləmək mümkündür? Bu suala 27 iyun saat 14:00 tarixində "Sputnik Azərbaycan" Multimedia Mətbuat Mərkəzində keçiriləcək "Dağlıq Qarabağda sülhü necə yaxınlaşdırmalı?" mövzusunda dəyirmi masada cavab veriləcək. İştirak edəcəklər:

— "Geostrategiya" jurnalının baş redaktoru İbrahim Əliyev,

— Azərbaycan Mətbuat Şurasının üzvü Azər Həsrət,

— "Trend" İnformasiya Agentliyinin baş redaktor müavini, politoloq Arzu Nağıyev,

— Milli QHT Forumunun prezidenti Rauf Zeyni.

Əlaqələr:

Telefonlar: 404-13-84/85

E-mail: i.velizade@rian.ru.

Tədbir Sputnik Azərbaycan Multimedia Mətbuat Mərkəzində keçiriləcək. Ünvan: Mətbuat prospekti, 529 məhəllə, bina 23 M, 4-cü mərtəbə, Beynəlxalq Mətbuat Mərkəzinin binası.

52
Çəkiliş, arxiv şəkli

Viruslu videonu necə düzəltməli?

16
(Yenilənib 12:50 30.07.2020)
SputnikPro-nun yeni vebinarı xəbər saytlarının müxbirlərinə baxılma sayını artırmaq məqsədi ilə kontenti düzgün və maraqlı etməyi öyrədəcək

BAKI, 30 iyul — Sputnik. Videoda tamaşaçıya nə daha maraqlıdır – görüntü, yoxsa məzmun? Bu sualın cavabını SputnikPro maarifçi layihəsi çərçivəsində keçiriləcək növbəti verbinar verəcək.

“Xəbər saytları üçün viruslu videonu necə daha düzgün etməli” onlayn-sessiyasının spikerləri “Rossiya seqodnya” BİA-nın operativ video və qrafika şöbələrinin rəhbərləri Arseni Mindlin və Aleksey Drozdov olacaqlar.

Arseni Moskva Rabitə və İnformatika Universitetinin (Rəqəmsal televiziya kafedrası) məzunudur, “Rossiya seqodnya”da 2010-cu ildən işləyir.

Aleksey Xarici dillər institutunda təhsil alıb, lakin 2000-ci ildən qrafik dizaynla məşğul olmaq qərarına gəlib. “Rossiya seqodnya” BİA-da 2013-cü ildən işləyir.

Vebinarın gedişində spikerlər bir neçə suala cavab verməyə çalışacaqlar:

- Videoda nə vacibdir – görüntü, yoxsa mətn?

- Titrlər ayrıca məna kimi.

- Baxılma, yoxsa drayv? Necə xronometraja yerləşməli.

- Mənaları necə yaxınlaşdırmalı – tutrlərin və videonun dizaynı.

- Nə daha vacibdir – videonun dizaynı, yoxsa kontent.

- Nəql metodları – qrafik əlavə kömək edirmi?

“Xəbər saytları üçün viruslu videonu necə daha düzgün etməli” vebinarı cümə günü, iyulun 31-də, Bakı vaxtı ilə 14.00-da başlayacaq.

Onlayn sessiyada iştirak etmək istəyən media işçiləri Sputnik Azərbaycan Beynəlxalq İnformasiya Agentliyinin mətbuat katibinin elektron ünvanına (gulzar.mustafaeva@sputniknews.com) müraciət göndərə və ya https://anketolog.ru/s/345855/FLqfVEAx ünvanında qeydiyyatdan keçə bilərlər.

Unikal ustad dərslərindən ibarət SputnikPro Rusiyanın ən yaxşı mediamenecerlərinin və kütləvi informasiya vasitələrində böyük təcrübəsi olan aparıcı mütəxəssislərin təqdim etdiyi böyükmiqyaslı yeganə Rusiya layihəsidir.

Bu layihə artıq dünyanın 13 ölkəsində həyata keçirilib. 2018-ci ilin martından etibarən layihədə iki mindən çox jurnalist və mediamenecer, PR mütəxəssislər və mətbuat xidmətlərinin əməkdaşları, blogerlər və bu istiqamətdə təhsil alan tələbələr iştirak ediblər. Layihə ilə bağlı son yenilikləri "Facebook" səhifəsində izləyə bilərsiniz (https://www.facebook.com/SputnikProject/).

16
Əlaqədar
"Radioda ola biləcək ən canlı şey" – SputnikPro-nun növbəti vebinarı keçirildi
"Sarı" xəbər həmişə olmur: Sözünü çatdırmağın ağıllı yolları
Veb-texnologiyalar KİV-də necə işləyir?
Data jurnalistika: Yazınız dillər əzbəri olsun deyə...
Məqalənin qəhrəmanını necə tapmalı? SputnikPro vebinarının spikeri bu suala cavab verib
Noutbuk arxasında iş, arxiv şəkli

Kommersiya kontentini auditoriya üçün necə maraqlı etmək olar

15
SputnikPro layihəsi çərçivəsində növbəti vebinarın mövzusu KİV-də brend kontent olacaq. Sessiyanın spikeri dinləyicilərə uğurlu xüsusi layihələrin xüsusiyyətləri barədə danışacaq.

BAKI, 21 iyul — Sputnik. Müasir KİV-lərin işində mühüm istiqamətlərdən biri də reklamdır. SputnikPro maarifləndirmə layihəsi çərçivəsində növbəti vebinar bu mövzuya həsr olunub.

"Kommersiya kontentini auditoriya üçün necə maraqlı etmək olar" mövzusunda onlayn-sessiyasının spikeri "Rossiya seqodnya" BİA-nın kompleks media məhsulları şöbəsinin aparıcı redaktoru Yelena Kostomarovadır.

© Sputnik /
"Rossiya seqodnya" BİA-nın kompleks media məhsulları şöbəsinin aparıcı redaktoru Yelena Kostomarova

Vebinar zamanı Yelena Kostomarova KİV-də brend kontentin xüsusiyyətləri və perspektivləri haqqında danışacaq, həmçinin xüsusi uğurlu nativ layihələrin yaradılması formulunu təqdim edəcək.

"Kommersiya kontentini auditoriya üçün necə maraqlı etmək olar" mövzusunda vebinar 24 iyul tarixində, Bakı vaxtı ilə saat 14:00-da keçiriləcək.

Onlayn sessiyada iştirak etmək istəyən jurnalistlər və fotoqraflar Sputnik Azərbaycan Beynəlxalq İnformasiya Agentliyinin mətbuat katibinin e-poçt ünvanı (gulzar.mustafaeva@sputniknews.com) və yaxud https://docs.google.com/forms/d/e/1FAIpQLSeHLkaXWy9_CNethlScfykcMclfzRfjoMLjLg-dhRsl8Hxfrw/viewform linki vasitəsilə qeydiyyatdan keçmək üçün müraciət edə bilərlər.

SputnikPro Rusiyanın ən yaxşı mediamenecerlərinin və kütləvi informasiya vasitələrində böyük təcrübəsi olan aparıcı mütəxəssislərinin Rusiyada bu miqyasda yeganə olan unikal silsilə ustad dərsləri layihəsidir.

SputnikPro layihəsi artıq dünyanın 13 ölkəsində həyata keçirilir. 2018-ci ilin mart ayından indiyədək bu layihədə 2000-dən çox jurnalist və mediamenecer, PR-mütəxəssisləri və mətbuat xidmətlərinin əməkdaşları, blogerlər və bu istiqamətlərdə təhsil alan tələbələr iştirak ediblər.

SputnikPro layihəsinin nə olduğunu və spikerlərin digər ölkələrdəki master-klasslarda nə barədə danışdığını daha ətraflı öyrənmək üçün aşağıdakı linkdən istifadə edə bilərsiniz: https://www.facebook.com/SputnikProject/.

15

Salyanda zəncirvari qəza: yaralılardan biri baş həkimdir

0
Yaralılardan kəllə-beyin travması alan “Toyota Prado” markalı avtomobilin sürücüsü  Vidadi Əliyevin vəziyyəti ağır olduğundan Bakı şəhərinə - Mərkəzi Klinik Xəstəxanasına yola salınıb

BAKI, 4 avqust — Sputnik. Salyanda baş verən zəncirvari qəzada 3 nəfər xəsarət alıb.

Sputnik Azərbaycan APA-ya istinadən bildirir ki, hadisə bu gün günorta saatlarında Salyan rayonunun Kərimbəyli kəndində qeydə alınıb. “Daewoo”, “Toyota Prado” və  “VAZ 2107” markalı avtomobillərinin toqquşması nəticəsində 3 nəfər - Bakı sakini, 1960-cı il təvəllüdlü Əliyev Vidadi Qamət oğlu, 1990-cı il təvəllüdlü Həsənova Lalə İslam qızı və 1982-ci il təvəllüdlü Talıbov Zöhür Nadir oğlu müxtəlif dərəcəli bədən xəsarətləri ilə Şirvan Şəhər Xəstəxanasına yerləşdiriliblər.

Yaralılardan kəllə-beyin travması alan “Toyota Prado” markalı avtomobilin sürücüsü  Vidadi Əliyevin vəziyyəti ağır olduğundan Bakı şəhərinə - Mərkəzi Klinik Xəstəxanasına yola salınıb.

Qeyd edək ki, Vidadi Əliyev Respublika Cüzam xəstəxanasının baş həkimidir.

Faktla bağlı araşdırma aparılır.

0