Бакинский авторынок

Avtomobil bazarında vəziyyət necədir

143
(Yenilənib 11:08 16.01.2018)
Avtomobil bazarında real vəziyyətin necə dəyişdiyi barədə "Sputnik Azərbaycan" Multimedia Mətbuat Mərkəzində ekspert Ramil Osmanlı danışacaq

BAKI, 15 yanvar — Sputnik. AR Nazirlər Kabinetinin "Xarici iqtisadi fəaliyyətin əmtəə nomenklaturası" haqqında qərarına əsasən, 2018-ci ilin 1 yanvarından etibarən idxal və ixrac üzrə gömrük rüsumlarının dərəcələri dəyişib.

2018-ci ilin 1 yanvarından mühərrikin həcmi 1500 kubmetr olan yeni avtomobillərə hər kubmetrinə görə 0, 7 ABŞ dolları gömrük rüsumu tətbiq olunmağa başlayıb. İstifadə edilmiş avtomobillər üçünsə, 1,2 dollar rüsum tutulur.

2018-ci ilin 1 yanvarına qədər mühərrikin həcmi 1500 kubmetr olan yeni avtomobillərə hər kubmetrinə görə 0, 4 ABŞ dolları, istifadə edilmiş avtomobillər üçünsə 0,7 dollar gömrük rüsumu tutulurdu.

Mühərrikin həcmi 1500 kubmetrdən yuxarı olan yeni və işlənmiş avtomobillərin gömrük rüsumu isə əvvəlki səviyyədə saxlanılıb — 0,4 və 0,7 dollar.

Bu yeniliklərin tətbiqindən sonra avtomobil bazarında real vəziyyətin necə dəyişdiyi barədə 18 yanvar saat 12.00-da "Sputnik Azərbaycan" Multimedia Mətbuat Mərkəzində Daşınmaz Əmlak Ekspert Mərkəzinin direktoru Ramil Osmanlı danışacaq.

Əlaqələr:

Telefonlar: 404-13-84/85

E-mail: i.velizade@rian.ru

Tədbir "Sputnik Azərbaycan" Multimedia Mətbuat Mərkəzində, Mətbuat prospekti, 529-cu məhəllə, 23 M (4-cü mərtəbə) ünvanında keçiriləcək.

143
Jurnalist, arxiv şəkli

Məqalənin qəhrəmanını necə tapmalı? SputnikPro vebinarının spikeri bu suala cavab verib

6
(Yenilənib 23:25 05.06.2020)
Rusiyanın federal kanallarından birinin prodüseri vebinarda maraqlı materiallar üçün mövzular və qəhrəmanlar axtarmaq, müsahibəyə razılıq almaq və qapalı obyektlərə necə daxil olmaq barədə danışıb.

BAKI, 5 iyun – Sputnik. Hələ bir neçə il əvvəl KİV-də prodüser vəzifəsi yox idi. Jurnalistlər özləri mövzu və qəhrəman tapırdılar, kontaktları əldə edir və görüş barədə razılığa gəlirdilər. İşin daha məhsuldar olması üçün prodüserlər ortaya çıxdı. Müasir KİV–də prodüser materialın meydana çıxmasına məsul olan şəxsdir. Bu barədə maarifləndirici SputnikPro layihəsi çərçivəsində təşkil edilən növbəti onlayn vebinarda bildirilib.

SputnikPro-nun sayca doqquzuncu olan onlayn sessiyası "İnfoprodüserlik təcrübəsi: qəhrəmanların axtarışı, qapalı əraziyə daxil olma və peşənin digər sirləri" mövzusuna həsr edilib. Vebinarın spikeri Rusiya Federal telekanalının prodüseri Yelena Vorontsova olub.

© Photo : Courtesy of Elena Vorontsova
Rusiya Federal telekanalının prodüseri Yelena Vorontsova

Yelena 15 ildən çoxdur ki, infoprodüserliklə məşğul olur. Bu müddət ərzində o, müxtəlif tok-şouların yaradılmasında, sənədli filmlərin çəkilişində iştirak edib, Federal telekanalın xəbər xidmətində çalışıb. Yelena Vorontsova həmçinin 1-ci kanalın "Pust qovoryat” (Qoy danışsınlar),  Rossiya 1 telekanalının “Vesti” proqramları, NTV kanalı ilə əməkdaşlıq edib. O, həmçinin “Qlavnıy qeroy” ("Baş qəhrəman") proqramı, Viktor Çernomırdin haqqında "Stepanıç" sənədli filmi, "Sən supersən!" Beynəlxalq uşaq vokal müsabiqəsi kimi proqramların yaradılmasında iştirak edib.

Vebinarın gedişində spiker öz işinin sirlərini bölüşüb.

“Operativliyi mütləq izləyirik. Bu gün baş verənləri. Bizim materialı hazırlamaq üçün bir günümüz və ya yalnız bir neçə saatımız var. Məsələn, bu gün ölkə prezidenti uşaqlı ailələrə dəstək tədbirləri barədə bəyan edib – dərhal ailə axtarırıq. Soruşuruq ki, belə bir dəstək tədbiri onlar üçün vacibdirmi? Müvafiq nazirliyin, ombudsmanın və s., yəni bu mövzuya aid olan hər kəsin şərhini götürürük", - deyə o, bildirib.

Ekspert həmçinin istifadəyə yararlılıq müddəti olmayan materialların tədarükünü də tövsiyə edib.

"Hərdən olur ki, sadəcə mövzu olmur. Belə hallar üçün hər bir redaksiyada, belə deyək ki,  "konservləşdirilmiş məhsul" olmalıdır.Onlar həftələrlə yatıb qala bilərlər. Əsas odur ki, əgər bu videomaterialdırsa və o, küçədə çəkilibsə, hava ilə, mövsümlə uyğunluq təşkil etməlidir”, - deyə spiker əlavə edib.

Öz materialları üçün qəhrəmanları axtararkən, Yelena Vorontsova sosial şəbəkələrdən daha aktiv istifadə etməyi məsləhət görüb.

"Nümunə verəcəyəm. Krasnoyarsk diyarı, Yeruda qəsəbəsi. Əsas müəssisədən uzaqda yerləşən istehsal obyektində işləyənlər koronavirus xəstəliyinə tutulublar. Qəsəbə bağlıdır. Ora tez çata bilməyəcəksən və səni ora buraxmayacaqlar. Bu işçilərlə bağlı sinxron lazımdır. Onları necə tapmalı? Çatda adamların bu mövzuda nə yazdıqlarına baxırıq. Onların sözlərinə diqqət yetiririk: "Mənim ərim oradadır", "orada bir dostum var", "atam orada işləyir". Bu insanlara yazırıq və onların qohumları ilə əlaqə saxlamağa kömək göstərmələrini xahiş edirik”, - deyə ekspert bildirib.

Spiker vurğulayıb ki, qəhrəmanla onun dilində danışmaq lazımdır. "Əgər nənənizlə danışırsınızsa, onunla necə danışırsınız - sadə şəkildə. Əgər söhbətiniz zamanı o kotletləri qızardırsa, hətta kotletin reseptini soruşa bilərsiniz. Əgər siz rəsmi şəxslə danışırsınızsa, onda təbii ki, söhbətin tonu işgüzar səviyyədə olacaq", - Vorontsova əlavə edib.

Ekspertin sözlərinə görə, çəkiliş zamanı onun həyata keçiriləcəyi yer mütləq nəzərə alınmalıdır. Əgər bu, hərbi və ya xüsusi rejimli, yaxud sosial sahələri (məktəblər, muzey, restoranlar, ticarət mərkəzləri, parklar) əhatə edən obyektdirsə, əvvəlcədən çəkiliş üçün icazə almaq lazımdır.

SputnikPro - Sputnik Beynəlxalq İnformasiya Agentliyi və Radiosunun jurnalistlər, mətbuat katibləri, PR mütəxəssisləri, ali məktəblərin bu ixtisaslar üzrə təhsil alan yuxarı kurs tələbələri, əcnəbi həmkarları ilə təcrübə mübadiləsi etməyə, öz biliklərini bölüşməyə hazır olan mediamenecerlərin və jurnalistlərin silsilə təqdimatları və master-klassları layihəsidir. Müxtəlif formatlarda mövcud olduğu dövr ərzində bu layihədə 80-dən çox ölkənin nümayəndəsi iştirak edib. SputnikPro-nun əyani master-klassları Azərbaycanda, Ermənistanda, Belarusda, Yunanıstanda, Gürcüstanda, Hindistanda, Qırğızıstanda, Türkiyədə və Estoniyada keçirilib.

Pandemiyanın başlaması ilə, layihənin Moskva komandası eyni zamanda bütün ölkələrdən olan iştirakçılar üçün açıq olan "SputnikPro online mövsümü"nə start verib. Mütəxəssislər vebinarlar rejimində jurnalistlərlə müxtəlif mövzularda ünsiyyət qurur, bu zaman ən aktual mövzuları seçməyə çalışırlar.

SputnikPro layihəsinin nə olduğunu və spikerlərin digər ölkələrdəki master-klasslarda nə barədə danışdığını daha ətraflı öyrənmək üçün aşağıdakı linkdən istifadə edə bilərsiniz: https://www.facebook.com/SputnikProject/.

6
Çəkiliş, arxiv şəkli

Yaxşı materiallar üçün qəhrəmanları necə axtarmaq olar?

18
(Yenilənib 17:27 02.06.2020)
SputnikPro vebinarının spikeri jurnalistlərə qəhrəmanları necə axtarmaq, qapalı ərazilərə necə daxil olmaq və işlə bağlı digər sirləri necə aşkar etməyin yollarını öyrədəcək.

BAKI, 2 iyun — Sputnik. Materiallar üçün həqiqətən maraqlı qəhrəmanı necə tapmalı? Qapalı ərazinin çəkilişini necə aparmaq olar? SputnikPro maarifləndirmə layihəsi çərçivəsində növbəti vebinarın spikeri bu və bir çox digər məsələlər barədə danışacaq.

Sayca doqquzuncu olacaq onlayn sessiyanın mövzusu "İnfoprodüserlik təcrübəsi: qəhrəmanların axtarışı, qapalı əraziyə daxil olma və peşənin digər sirləri" adlanır. Vebinarın spikeri Rusiya Federal telekanalının prodüseri Yelena Vorontsova olacaq.

© Photo : Courtesy of Elena Vorontsova
Rusiya Federal telekanalının prodüseri Yelena Vorontsova

Yelena 15 ildən çoxdur ki, infoprodüserliklə məşğul olur. Bu müddət ərzində o, müxtəlif tok-şouların yaradılmasında, sənədli filmlərin çəkilişində iştirak edib, Federal telekanalın xəbər xidmətində çalışıb. Yelena Vorontsova həmçinin 1-ci kanalın "Pust qovoryat” (Qoy danışsınlar),  Rossiya 1 telekanalının “Vesti” proqramları, NTV kanalı ilə əməkdaşlıq edib. O, həmçinin “Qlavnıy qeroy” ("Baş qəhrəman") proqramı, Viktor Çernomırdin haqqında "Stepanıç" sənədli filmi, "Sən supersən!" Beynəlxalq uşaq vokal müsabiqəsi kimi proqramların yaradılmasında iştirak edib. 

"İnfoprodüserlik təcrübəsi: qəhrəmanların axtarışı, qapalı əraziyə daxil olma və peşənin digər sirləri" mövzusunda vebinar iyunun 5-də saat 14:00-da olacaq.

Onlayn sessiyada iştirak etmək istəyən telekanalların, internet televiziyalarının əməkdaşları Sputnik Azərbaycan Beynəlxalq İnformasiya Agentliyinin mətbuat katibinin e-poçt ünvanı (gulzar.mustafaeva@sputniknews.com) və yaxud https://anketolog.ru/s/345855/FLqfVEAx linki vasitəsilə qeydiyyatdan keçmək üçün müraciət edə bilərlər.

SputnikPro Rusiyanın ən yaxşı mediamenecerlərinin və kütləvi informasiya vasitələrində böyük təcrübəsi olan aparıcı mütəxəssislərinin Rusiyada bu miqyasda yeganə olan unikal silsilə ustad dərsləri layihəsidir.

SputnikPro layihəsi artıq dünyanın 13 ölkəsində həyata keçirilir. 2018-ci ilin mart ayından indiyədək bu layihədə 2000-dən çox jurnalist və mediamenecer, PR-mütəxəssisləri və mətbuat xidmətlərinin əməkdaşları, blogerlər və bu istiqamətlərdə təhsil alan tələbələr iştirak ediblər.

SputnikPro layihəsinin nə olduğunu və spikerlərin digər ölkələrdəki master-klasslarda nə barədə danışdığını daha ətraflı öyrənmək üçün aşağıdakı linkdən istifadə edə bilərsiniz: https://www.facebook.com/SputnikProject/.

18
Əlaqədar
Jurnalist universal olmalıdır
"İnanmıram!"- SputnikPro-nun vebinarı feykləri doğrulardan necə ayırmaq barədə danışdı
Foto hüququ: materialları necə illüstrasiya etməli. 10 əsas problem
Qələbə hekayələrini yaşamaq lazımdır: SputnikPro-nun daha bir vebinarı keçirildi
Emosiyalar sosial şəbəkələr üçün ən vacib şeydir
Zaqatalaya mənzərə, arxiv şəkli

Cənubi Qafqazda ilk olaraq Azərbaycanda...

0
Səmədova onu da bildirib ki, layihə Almaniyanın İqtisadi Əməkdaşlıq və İnkişaf Nazirliyi tərəfindən maliyyələşdirilir və icra müddəti 4 ildir.

BAKI, 6 iyun — Sputnik. Azərbaycanda "Zaqatala–Balakən biosfer rezervatının yaradılması" layihəsinə start verilir. Bu barədə Sputnik Azərbaycan-a Ekologiya və Təbii Sərvətlər Nazirliyinin Bioloji Müxtəlifliyin Qorunması Xidmətinin rəis müavini Arzu Səmədova bildirib.

O, qeyd edib ki, layihə çərçivəsində Zaqatala Dövlət Təbiət Qoruğunun bazasında yaradılacaq Zaqatala-Balakən biosfer rezervatı həmin bölgədə ekoturizmin inkişafına və yerli əhalinin məşğulluğunun artırılmasına şərait yaradacaq, insanların flora və faunaya zərər vermədən təbiət gözəlliklərini görməsi üçün hərəkət çığırları, seyr nöqtələri müəyyənləşdiriləcək. Qoruqdan fərqli olaraq biosfer rezervatın ərazisinə ekoturistlərin girişi açıq olacaq.

ETSN rəsmisi biosfer qoruğunun yaxın qonşularımız Türkiyə, Rusiya, Belarusiyada da mövcud olduğunu, lakin Cənubi Qafqaz regionunda ilk dəfə Azərbaycanda yaradılacağını vurğulayıb.

O qeyd edib ki, bununla da bölgədə ekoloji və kənd turizminin stimullaşdırılmasına, əhalinin sosial-iqtisadi rifahının yüksəldilməsinə şərait yaranacaq. Biosfer rezervatda müasir tələblərə cavab verən infrastruktur qurulacaq, alternativ və bərpa olunan enerji mənbələri ilə təmin olunacaq. Eyni zamanda, burada ekoloji təmiz məhsulların istehsalı üçün təsərrüfat yaradılacaq.

"Biosfer rezervatın özəlliklərindən biri də odur ki, burada istehsal olunan orqanik məhsullar qoruğun loqosu ilə qablaşdırılacaq və bir sıra ölkələrə ixrac olunan zaman gömrük rüsumundan azad olunacaq. Həmçinin, layihə çərçivəsində ətraf ərazilərdə təsərrüfat fəaliyyəti ilə məşğul olan şəxslərə kiçik həcmli qrantların verilməsi də planlaşdırılır".

A.Səmədova onu da bildirib ki, layihə Almaniyanın İqtisadi Əməkdaşlıq və İnkişaf Nazirliyi tərəfindən maliyyələşdirilir və icra müddəti 4 ildir.

0