BAKI, 2 noyabr — Sputnik. Oktyabrın 30-da beş ölkənin — Azərbaycan, Türkiyə, Gürcüstan, Qazaxıstan və Özbəkistan prezident və hökumət başçılarının iştirakı ilə Bakı-Tbilisi-Qars dəmiryol magistralının təntənəli açılış mərasimi olub.
İlkin mərhələdə Bakı-Tbilisi-Qars dəmiryolunun vasitəsilə 6,5 milyon ton yükün və 1 milyona yaxın sərnişinin daşınması nəzərdə tutulur. Gələcəkdə isə bu dəhlizin yükdaşıma qabiliyyəti 17 milyon tona, sərnişindaşıma gücü isə 3 milyon nəfərdək artacaq.
Bununla belə, KİV-də sözügedən layihə ilə bağlı müxtəlif fikirlər yer almaqdadır. Məsələni optimist və pessimist nöqteyi-nəzərdən təhlil edənlər var. Bəs bu dəmiryolunun reallaşdırılması Azərbaycan və onun qonşularına nə verəcək? Bu barədə 3 noyabr saat 11:00-da Sputnik Azərbaycan Multimedia Mətbuat Mərkəzində İqtisadi Resursların Öyrənilməsi Mərkəzinin sədri Ruslan Atakişiyev və "Atlas" Araşdırmalar Mərkəzinin rəhbəri Elxan Şahinoğlu danışacaqlar.
Əlaqələr:
Teefonlar: 404-13-84/85
E-mail: i.velizade@rian.ru
Tədbir Sputnik Azərbaycan Multimedia Mətbuat Mərkəzində — Mətbuat prospekti, 529-cu məhəllə, 23 M (4-cü mərtəbə) ünvanında keçiriləcək.
