Sputnik Beynəlxalq İnformasiya Agentliyinin loqosu, arxiv şəkli

SputnikPro: Bakıda yenidən KİV təmsilçiləri üçün ustad dərsləri keçiriləcək

32
(Yenilənib 13:22 22.07.2021)
Rusiyalı mütəxəssislər azərbaycanlı həmkarlarına “feyk nyus” və onunla mübarizə yollarından danışacaqlar.

BAKI, 22 iyul — Sputnik. Sputnik beynəlxalq informasiya agentliyi və radiosu koronavirus pandemiyası ucbatından yaranan onlayn fasilədən sonra yenidən Bakıda SputnikPro maarifləndirmə proqramına start verir. İyulun 26-da, bazar ertəsi günü Sputnik Azərbaycan Multimedia Mərkəzində SputnikPro layihəsi çərçivəsində KİV təmsilçiləri üçün ustad dərsləri seriyası başlayır.

Pandemiya əhalinin "çipləşdirilməsi", koronavirusla mübarizədə sarımsağın və arağın faydaları barədə söz-söhbətlə yanaşı, bir sıra konspiroloji nəzəriyyələrin də ortaya çıxmasına səbəb oldu. Hazırda isə sosial şəbəkələrdə ən geniş yayılmış mif və feyk xəbərlər vaksinasiya ilə bağlıdır.

Sputnik Azərbaycan media mərkəzində jurnalistlərə “feyk nyus”ların hansı şablonlar əsasında yaradıldığı, bir sıra məşhur feyklərin necə ortaya çıxdığı barədə məlumat veriləcək, eləcə də, çoxsaylı nümunələr əsasında xəbəri "şübhə testindən" necə keçirməyin, identifikasiya və ifşa etməyin yolları göstəriləcək.

““Feyk-nyus” barədə gözəl və maraqlı” mövzusunda ustad dərsini isə RİA Novostinin məşhur "İnanmıram!" antifeyk podkastının aparıcıları Natalya Şaşina və Artyom Buftyak keçəcəklər.

Nataliya Şaşina "Rossiya Seqodnya" media qrupunun İnnovativ Jurnalistika Mərkəzinin sədr müavinidir. 2012-ci ildən 2019-cu ilə kimi “Business FM” radiostansiyasının şərhçisi və aparıcısı olub. Buna qədər isə “Finam FM” radiosunda və "Moskovski Komsomolets" qəzetində işləyib.

© Photo : Vladimir Trefilov
"Rossiya Seqodnya" media qrupunun İnnovativ Jurnalistika Mərkəzinin sədr müavini Nataliya Şaşina

Artyom Buftyak "İnanmıram!" və "Hamımız öləcəyik, ancaq bu dəqiq deyil" podkastlarının aparıcısıdır. O, həmçinin "Bu, rusca necə səslənir" və "İstoriya.DOC" podkastları üçün də ssenarilər yazır. "Rossiya Seqodnya" media qrupuna qədər isə energetika, IT və reklam sahəsində çalışıb.

© Photo : Vladimir Trefilov
"İnanmıram!" və "Hamımız öləcəyik, ancaq bu dəqiq deyil" podkastlarının aparıcısı Artyom Buftyak

"Müasir jurnalistika üçün fakt dəqiqləşdirmə texnologiyaları" mövzusunda keçiriləcək ustad dərsində spiker qismində Rusiya Jurnalistlər Birliyinin beynəlxalq şöbəsinin rəhbəri Timur Şafir çıxış edəcək. O, beynəlxalq mövzular üzrə ixtisaslaşmış jurnalist və politoloqdur. Bakıda anadan olub. 2019-cu ildə Beynəlxalq Jurnalistlər Federasiyasının vitse-prezidenti vəzifəsinə seçilib.

© Photo : Courtesy of Timur Shafir
Rusiya Jurnalistlər Birliyinin beynəlxalq şöbəsinin rəhbəri Timur Şafir

SputnikPro – Rusiyanın ən yaxşı media menecerləri, KİV sahəsində böyük təcrübəyə malik aparıcı mütəxəssisləri tərəfindən ustad dərslərinin verildiyi genişmiqyaslı yeganə proqramdır.

SputnikPro layihəsi artıq dünyanın 13 ölkəsində təşkil olunub. 2018-ci ilin mart ayından indiyə kimi layihədə iki mindən artıq jurnalist, media meneceri, PR mütəxəssisi, mətbuat xidməti əməkdaşı, bloger və müvafiq fakültələrdə təhsil alan tələbələr iştirak ediblər.

Bu maarifçilik layihəsi ilə bağlı yenilikləri aşağıdakı "Facebook" səhifəsindən izləmək olar:

https://www.facebook.com/SputnikProject/

32
Bağır Məlikovun medalları

Böyük Vətən II Dünya müharibələrində Azərbaycan hansı rolu oynayıb

19
22 iyun – Böyük Vətən müharibəsinin başladığı gündür. Hitler Almaniyasının Sovet İttifaqına hücumundan düz 80 il keçir. Bu tarixi gündə müharibəni bir daha yada salmaq, alman-faşist təcavüzkarlarının darmadağın edilməsində Azərbaycanın rolunu vurğulamaq yerinə düşər.

BAKI, 17 iyun — Sputnik. 22 iyun – Böyük Vətən müharibəsinin başladığı gündür. Hitler Almaniyasının Sovet İttifaqına hücumundan 80 il keçir. Bu tarixi gündə müharibəni bir daha yada salmaq, alman-faşist təcavüzkarlarının darmadağın edilməsində Azərbaycanın rolunu vurğulamaq yerinə düşər.

Həmin dövrdə SSRİ-nin tərkibində olan Azərbaycanın ümumi düşmənin darmadağın edilməsində əvəzsiz rolu olub. Almaniya rəhbərliyi Azərbaycanın neft ehtiyatlarına xüsusi maraq göstərmiş və Qafqaz uğrunda gedən döyüşlərdə Bakını və şəhərin ətrafındakı neft-qaz rayonların nəzarət altına almağı əmr etmişdi.

Ekspertlərin dəyərləndirməsinə görə, Böyük Vətən müharibəsi dövründə, 1941-ci ildən 1945-ci ilə kimi Fəhlə-Kəndli Qızıl Ordusuna Azərbaycandan 600 min insan çağırılıb ki, onların da 40 mini cəbhəyə könüllü yollananlar olub. Ümumilikdə müharibədə iştirak edən azərbaycanlıların təxminən yarısı həlak olub.

Respublikada 77-ci, 223-cü, 271-ci, 396-cı, 402-ci və 416-cı milli diviziyalar yaradılıb.

Müharibə illərində bütün ölkə üzrə yanacaq məhsullarının 90 faizini Azərbaycan neftçiləri istehsal edirdilər. Müharibənin birinci ilində Bakıdan cəbhəyə 23,5 milyon ton neft göndərilib. Ümumilikdə müharibəyə 75 milyon ton neft yola salınıb.

Azərbaycanın Böyük Vətən və II Dünya müharibələrindəki rolu barədə daha ətraflı iyunun 18-i saat 12:00-da Sputnik Azərbaycanın Multimedia Mətbuat Mərkəzində keçiriləcək onlayn mətbuat konfransında müharibə dövrünün tanınmış tədqiqatçısı, sosioloq, fəlsəfə elmlər doktoru İlham Abbasov danışacaq.

Spikerə suallarınızı öncədən ivelizade@gmail.com elektron ünvanına göndərə bilərsiniz. Tədbir Sputnik Azərbaycan-ın "Facebook" səhifəsində canlı yayımlanacaq.

Əlaqə:

Telefonlar: 404-13-84/85

Ünvan: Mətbuat prospekti, 529-cu məhəllə, 23 M, BMM-in binası, 4-cü mərtəbə, Sputnik Azərbaycan Multimedia Mətbuat Mərkəzi

19
YouTube loqosu, arxiv şəkli

SputnikPro "YouTube"un köməyi ilə öz ekspertlərini yetişdirməyi öyrədəcək

6
(Yenilənib 18:01 21.04.2021)
Cümə günü aprelin 23-də Bakı vaxtı ilə saat 14:00-da "YouTube – öz eksperlərinin və törəmə layihələrinin yaradılması üçün platforma kimi" mövzusunda ustad dərsi keçiriləcək.

BAKI, 21 aprel — Sputnik. SputnikPro maarifləndirmə layihəsi çərçivəsində növbəti ustad dərsində ekspertlərlə necə işləmək və törəmə layihələri necə yaratmaq barədə danışılacaq

Sputnik Beynəlxalq İnformasiya Agentliyi və radiosu SputnikPro maarifləndirmə layihəsinin onlayn-sessiyalar seriyasını davam etdirir.

Cümə günü aprelin 23-də Bakı vaxtı ilə saat 14:00-da "YouTube – öz eksperlərinin və törəmə layihələrinin yaradılması üçün platforma kimi" mövzusunda ustad dərsi keçiriləcək.

Ustad dərsində spiker "Украина.ру" internet məcmuəsinin sosial şəbəkələr şöbəsinin şef-redaktoru Aleksandr Fomin olacaq.

© Sputnik
Aleksandr Fomin

Fomin "Rossiya Seqodnya" media-qrupunda Ukraynada ştatdankənar müxbir kimi fəaliyyətə başlayıb (2017-ci il). Bundan əvvəl o, "Zvezda" televiziya kanalında çalışıb ("Ukrayna onlayn: Ukrayna KİV-lərində Şərq/Qərb layihəsi).

Rusiya Xalqlar Dostluğu Universitetini "beynəlxalq jurnalistika" ixtisası üzrə bitirib. RXDU-nun aspirantıdır.

Rusiya Federasiyası Federasiya Şurası yanında bloger və jurnalistlər şurasının üzvüdür. Rusiya Jurnalistlər İttifaqının üzvüdür.

Ustad dərsinin gedişində Aleksandr aşağıdakı tezisləri əhatə edəcək:

- adsız-sansız insanı niyə və necə ekspertə çevirməli?;

- siyasi ekspertlərin növləri və müsahibə zamanı onlarla necə işləməli;

- "TikTok" "YouTube"un davamı kimi: minimum qüvvə sərf edirik

Onlayn-sessiyada iştirak etmək istəyən KİV nümayəndələri aşağıdakı link vasitəsilə qeydiyyatdan keçə bilərlər.

https://docs.google.com/forms/d/e/1FAIpQLSeHLkaXWy9_CNethlScfykcMclfzRfjoMLjLg-dhRsl8Hxfrw/viewform

Sputnik Pro layihəsi 2020-ci ilin mart ayında "onlayn-mövsüm"ə start verib. Sessiyalar zamanı koronavirus pandemiyası şəraitində işin xüsusiyətləri, veb-təhlil alətləri və müəlliflik hüququ müzakirə olunur, dar ixtisaslaşmaya aid informasiyanı necə yoxlamağın, özünü və istifadəçini necə dolaşdırmamağın, xəbər resurslarının trafikinin artmasına necə nail olmağın və bu zaman "saralmamağın" yolları öyrədilir. Sessiya zamanı iştirakçılar bir-birinə çat vasitəsilə sms göndərə, real zaman rejimində fikir mübadiləsi apara bilərlər.

SputnikPro – Rusiyanın ən yaxşı media-menecerlərinin və KİV-də nəhəng iş təcrübəsinə malik aparıcı mütəxəssislərin iştirakı ilə keçirilən unikal ustad dərsləridir və Rusiyanın bu cür geniş miqyaslı ilk proqramıdır.

Sputnik Pro layihəsi artıq dünyanın 13 ölkəsində təşkil olunub. 2018-ci ilin martından etibarən layihədə 2000-dən çox jurnalist, media-menecer, PR mütəxəssisi, mətbuat xidməti əməkdaşı, bloger və bu istiqamətlərdə təhsil alan tələbə iştirak edib. Maarifləndirmə layihəsinin yenilikləri ilə aşağıdakı "Facebook" səhifəsindən tanış olmaq mümkündür:

https://www.facebook.com/SputnikProject/

6
Qərəvəli kənd sakini  27  yaşlı Teyyub Nağıyev

Buradan laqeyd keçməyin: Yol kənarında fındıq satan müharibə iştirakçısı var