Berlin sakinləri, arxiv şəkli

Dünyanın ən güclü liderinin adı məlum oldu

807
(Yenilənib 15:14 07.05.2018)
Reytinqə görə, hazırda dünyada ən güclü lider Rusiya prezidenti Vladimir Putindir

BAKI, 7 may — Sputnik. Almanların və fransızların üçdə birindən çoxu (34%), italyanların 38%-i, eləcə də britaniyalıların 26, amerikalılarınsa 23%-i hesab edir ki, hazırda dünyada ən güclü lider Rusiya prezidenti Vladimir Putindir.

Bu barədə sorğu Sputnik İnformasiya Agentliyi və Radiosu üçün Ifop şirkətinin Sputnik.Rəy layihəsi çərçivəsində keçirilib.

Fransa əhalisi arasında aparılan sorğunun nəticələri
© Sputnik
Fransa əhalisi arasında aparılan sorğunun nəticələri

Siyahıdakı sonrakı yeri Amerika lideri Donald Tramp tutur. Fransızların dörddə biri (25%), almanlar (27%), italyanlar (29%), britaniyalılar (33%) və amerikalılar (43%) onu dünyanın ən güclü liderləri sırasında ikinci yerdə görürlər.

Çin Xalq Respublikasının sədri Si Tszinpin Sputnik.Rəy-in sorğusunun nəticəsinə görə, dünyanın ən güclü üçüncü lideridir. Fransızların 17%-nin, almanların 19%-nin, italyan və britaniyalıların 13%-nin, amerikalıların isə 9%-nin fikrincə, o, dünyanın ən güclü lideridir.

Almaniya əhalisi arasında aparılan sorğunun nəticələri
© Sputnik
Almaniya əhalisi arasında aparılan sorğunun nəticələri

Dördüncü mövqedə Almaniyanın federal kansleri Angela Merkel yer alıb. Fransızların 9, almanların 12, italyanların 13, britaniyalıların 9, ABŞ vətəndaşlarının isə 4%-i Merkeli dünyanın ən güclüsü hesab edir.

Sözügedən siyahıda Fransa prezidenti Emmanuel Makron, Türkiyə lideri Rəcəb Tayyib Ərdoğan, İsrailin baş naziri Benyamin Netanyahu, Yaponiya lideri Sindzo Abe və Hindistan lideri Narendra Modinin də adı yer alıb. Avropalılar və amerikalılar İranın ali dini lideri Əli Xameneyini də güclü liderlərin sırasında görürlər.

Böyük Britaniya əhalisi arasında aparılan sorğunun nəticələri
© Sputnik
Böyük Britaniya əhalisi arasında aparılan sorğunun nəticələri

Fransızların 5%-i, almanların 4%-i, italyanların 2%-i, britaniyalıların 7%-i, amerikalıların 8%-i digər liderlərin adlarını çəkiblər ki, onlar da siyahıda aşağıdakı yerləri tutublar.

İtaliya əhalisi arasında aparılan sorğunun nəticələri
© Sputnik
İtaliya əhalisi arasında aparılan sorğunun nəticələri

Sorğu 22-27 mart 2018-ci il tarixlərində Ifop şirkəti tərəfindən keçirilib. Sorğuda yaşı 18-dən yuxarı olan 5 029 respondent iştirak edib. Respondentlər cinsinə, yaşına və yaşadığı coğrafi əraziyə görə seçilib. Rəy sorğusunda yanılma ehtimalı ümumilikdə maksimum 3,1% təşkil edir. Onun etibarlılıq dərəcəsi 95%-dir.

ABŞ əhalisi arasında aparılan sorğunun nəticələri
© Sputnik
ABŞ əhalisi arasında aparılan sorğunun nəticələri

Sputnik.Rəy layihəsi haqqında

İctimai rəyin öyrənilməsi üzrə bu beynəlxalq layihə 2015-ci ilin yanvarından start götürüb. Layihənin tərəfdaşları kimi məşhur tədqiqat şirkətləri "Populus", "Forsa" və ictimai sorğu keçirən qocaman şirkətlərdən biri "Ifop" çıxış edir. Layihə çərçivəsində ən aktual məsələlər üzrə mütəmadi olaraq Avropa və ABŞ-da sorğular aparılır.

Sputnik Azərbaycan 2015-ci ilin may ayından fəaliyyət göstərir. Agentliyə Azərbaycan və rus dillərində informasiya portalı, radioresurs və müasir multimedia mərkəzi daxildir. Agentliyin internet portalı ölkənin ən çox oxunan KİV-nin TOP-15-liyinə (LiveInternet-in 7 may 2018-ci il tarixinə olan məlumatına görə) daxildir.

Sputnik Azərbaycan onlarla ölkədə informasiya və multimediya bölmələri fəaliyyət göstərən xəbər agentliyi və radionun tərkibinə daxildir. Sputnik özündə 30 dildə sayt, analoq və rəqəmsal radioyayım, mobil tətbiqləri və sosial şəbəkələrdə səhifələri birləşdirir. Sputnik xəbər lentləri abunəçilər üçün gün boyu ingilis, ərəb, ispan və çin dillərində çıxır.

807
Teqlər:
ictimai rəy sorğusu, Sputnik.Rəy, lider, Vladimir Putin
Əlaqədar
Ekspert: “Seçki ərəfəsində sorğular həqiqəti əks etdirir”
ABŞ-da ikinci qaradərili prezident olacaq - Sorğu
Sorğu: Şəkililər Şaxta babadan nə gözləyir?
İctimai rəyin yeni ünvanı – Milli Sorğu Mərkəzi
Noutbuk arxasında əlində smartfon olan qız, arxiv şəkli

Layihəni smartfonla başlayıb şəxsi studiyada necə başa vurmalı

8
"SputnikPro" maarifləndirmə layihəsi çərçivəsində təşkil olunacaq növbəti vebinarda uğurlu "YouTube" layihəsinin necə hazırlana biləcəyindən danışılacaq.

BAKI, 24 mart — Sputnik. Sputnik beynəlxalq informasiya agentliyi və radiosu "SputnikPro" maarifləndirmə layihəsi üzrə onlayn sessiyalarını davam etdirir. Cümə günü, mart ayının 26-da, Bakı vaxtı ilə saat 14:00-da "YouTube": layihəni smartfonla başlayıb şəxsi studiyada necə başa vurmalı" mövzusuna həsr olunmuş növbəti vebinar baş tutacaq.

Vebinarın spikeri "Ukraina.ru" internet nəşrinin sosial şəbəkələr bölməsinin baş redaktoru Aleksandr Fomin olacaq.

© Sputnik
"Ukraina.ru" internet nəşrinin sosial şəbəkələr bölməsinin baş redaktoru Aleksandr Fomin

Fomin "Rossiya seqodnya" media qrupunda ştatdankənar müəllif kimi Ukraynada (2017-ci ildə) fəaliyyətə başlayıb. Əvvəllər "Zvezda" televiziya kanalında ("Ukrayna Online: Şərq / Qərb" layihəsi) və Ukrayna mediasında çalışıb. Rusiayanın Xalqlar Dostluğu Universitetinin Beynəlxalq jurnalsitika fakültəsini bitirib. Elə həmin universitetin aspirantıdır. Rusiya Federasiya Şurası yanında Blogerlər və Jurnalistlər Şurasının, həmçinin Rusiya Jurnalistlər Birliyinin üzvüdür.

Aleksandr spikeri olacağı vebinarı aşağıdaki tezislər üzərində qurmağı planlaşdırır:

- əlinin altında yalnız smartfon və qeyd dəftərçəndə bir neçə ekspertin telefon nömrəsi varsa, işə necə başlamalı;

- format axtarışı: küçə sorğularından tele-konfranslara;

- düşmən siyasi rejimə malik ölkələrin stringerləri ilə təhlükəsiz işi necə qurmalı;

- xüsusi studiya: işimizi yeni qayda ilə təşkil edirik.

Onlayn sessiyada iştirak etmək istəyən KİV nümayəndələri aşağıdakı link vasitəsilə qeydiyyatdan keçə bilərlər:

https://docs.google.com/forms/d/e/1FAIpQLSeHLkaXWy9_CNethlScfykcMclfzRfjoMLjLg-dhRsl8Hxfrw/viewform

"SputnikPro" onlayn mövsümünü 2020-ci ilin mart ayının ortalarında açıq elan edib. Sessiyalarda koronavirus pandemiyası şəriatində jurnalist işinin spesifikası, veb-analiz alətləri və müəllif hüquqları məsələləri müzakirə olunur, jurnalistlərə dar ixtisaslara aid mövzularda özlərini və oxucuları çaşdırmamaq üçün necə yazmalı olduqları öyrədilir, sarı mətbuata çevrilmədən xəbərlərin oxunmasına nail olmağın yolları barədə məlumat verilir.

"SputnikPro" – Sputnik beynəlxalq xəbər agentliyi və radiosunun jurnalistlər, universitetlərin müvafiq ixtisas üzrə təhsil alan tələbələri, mətbuat xidmətlərinin əməkdaşları və digər media mütəxəssisləri üçün xarici həmkarlarla təcrübə mübadiləsinə imkan verən, media kommunikasiyaları və peşəkar əlaqələrin inkişafına yönəlmiş layihəsidir.

Müxtəlif formatlarda fəaliyyət göstərən layihədə indiyə kimi 80-dən çox ölkənin nümayəndəsi iştirak edib. "SputnikPro"-nun Azərbaycan, Belarus, Yunanıstan, Gürcüstan, Hindistan, Qırğızıstan, Türkiyə və Estoniyada üz-üzə formatda ustad dərsləri keçirilib.

"SputnikPro" layihəsi ilə bağlı, spikerlərin vebinar və ustad dərslərində nə barədə danışdıqları haqda daha geniş məlumatı aşağıdakı linkə daxil olmaqla əldə etmək mümkündür:

https://www.facebook.com/SputnikProject/

8
Noutbuk arxasında bloger, arxiv şəkli

Xəbəri necə oxutmalı SputnikPro layihəsi bu suala cavab verib

30
(Yenilənib 14:38 08.02.2021)
SputnikPro – maarifləndirmə layihəsi onlayn sessiyalarını davam etdirir, bu ilin ilk vebinarı isə məqalələrin daha çox oxunması mövzusuna həsr olunub.

BAKI, 8 fevral — Sputnik. Sadə sorğular – hazırda müasir multimedia jurnalistikası bizi buna səsləyir. 2021-ci ildə SputnikPro maarifləndirmə layihəsi çərçivəsində keçirilmiş ilk vebinarda bu məsələ müzakirə edilib. Fevralın 5-i, cümə günü keçirilən onlayn sessiya "Məqaləni necə təqdim etmək lazımdır ki, daha çox oxunsun" mövzusuna həsr olunmuşdu.

Vebinarın spikeri "Rossiya Seqodnya" mediaqrupunun Sənədlərlə Təminat İdarəsinin məsləhətçisi, köşə yazarı Oleq Dmitriyev olub.

© Sputnik
Oleq Dmitriyev

Oleq "Ali İqtisadiyyat Məktəbi" ETİ-nin kommunikasiya, media və dizayn fakültəsinin professoru, filologiya elmləri doktorudur. 2001-ci ildən 2007-dək Rusiya və MDB ölkələrinin regional telekanalları arasında videomübadilə sistemi - "Əyalət" layihəsinin rəhbəri və prodüseri olub. 2007-2013-cü illərdə "TV-Xəbərlər" (RT, "Rusiya-əl-Yəum", RT Espanol telekanalları) tədris proqramlarının rəhbəri olub. Xarici dil bilən və jurnalistikaya yeni başlayanlar üçün baza tədris kurslarının müəllifidir. O, RT telekanalının müxbir məntəqələrində məsləhətlər aparıb. "Voice of Russia" radiostansiyasının ingiliscə xəbərlər xidmətinin rəhbəri işləyib. 2014-cü ilin aprelindən dekabrınadək "Rossiya Seqodnya" mediaqrupunun Beynəlxalq İngiliscə Yayım Bölməsinin rəhbərinin vəzifəsini icra edib.

Vebinarda spiker mövzunu necə rəngarəng etmək, oxucunun diqqətini cəlb etmək üçün xəbərə hansı rakursdan yanaşmaq lazım gəldiyini açıqlayıb.

"Xəbərə hansı rakursdan yanaşılacağını müəyyən etməzdən əvvəl öz auditoriyamızı yaxşı tanımalıyıq", – deyə o bildirib. Onun sözlərinə görə, jurnalist məhz kimin üçün yazdığını, oxucusunun hansı yaş qrupuna aid olduğunu, gəlir səviyyəsini, böyük, yoxsa kiçik şəhərdə yaşadığını aydın təsəvvür etməlidir. "Siz oxucunu məhz nəyin narahat etdiyini bilməlisiniz", – deyə Oleq Dmitriyev vurğulayıb.

"Yanaşma bucağı məsələsinə biz öz reportajlarımızla cavab veririk", – spiker belə deyib. Onun sözlərinə görə, bu, hər hansı bir az bilinən fakt, insanın həyat və ya yaradıcılıq yolu ilə bağlı məqam ola bilər. Bu faktlar hekayələri canlandırır, onu oxucuya daha yaxın edir. Spikerin sözlərinə görə, bütün mövzular üçün maraqlı yanaşma bucağı seçmək olar.

"Eyni zamanda, mütləq yadda saxlamaq lazımdır ki, əhvalat uzun deyilsə, onu dartıb uzatmağın mənası yoxdur", – deyə Dmitriyev qeyd edib. O, fərqli ölkələrdən olan həmkarlarına hekayəni oxucunun və ya izləyicinin diqqətini dağıdan lazımsız detallarla yükləməməyi tövsiyə edib.

"Özünüzü bir hekayə ustası kimi yetişdirin", - deyə spiker jurnalistlərə məsləhət görüb.

SputnikPro – beynəlxalq xəbər agentliyi və Sputnik radiosunun jurnalistlər, universitetlərin müvafiq ixtisas üzrə təhsil alan tələbələri, mətbuat xidmətlərinin əməkdaşları və digər media mütəxəssisləri üçün xarici həmkarlarla təcrübə mübadiləsinə imkan verən, media kommunikasiyaları və peşəkar əlaqələrin inkişafına yönəlmiş layihəsidir.

Müxtəlif formatlarda fəaliyyət göstərən layihədə indiyə kimi 80-dən çox ölkənin nümayəndəsi iştirak edib. SputnikPro-nun Azərbaycan, Belarus, Yunanıstan, Gürcüstan, Hindistan, Qırğızıstan, Türkiyə və Estoniyada üz-üzə formatda ustad dərsləri keçirilib. Pandemiyanın başlaması ilə əlaqədar layihənin Moskva komandası bütün ölkələrdən olan iştirakçılara eyni vaxtda açıq olan "SputnikPro onlayn mövsümü"nə start verib. Vebinar rejimində mütəxəssislər ən aktual mövzuları seçməyə çalışaraq jurnalistlərlə müxtəlif mövzularda ünsiyyət qurur.

SputnikPro layihəsi ilə bağlı, spikerlərin vebinar və ustad dərslərində nə barədə danışdıqları haqda daha geniş məlumatı aşağıdakı linkə daxil olmaqla əldə etmək mümkündür:https://www.facebook.com/SputnikProject/

 

30
Qırmızı Qəsəbədə

Qırmızı Qəsəbədə yeni turizm məlumat nişanları istifadəyə verilib

0
Kənan Qasımov qəsəbədə yaradılan infrastrukturun və məlumat nişanlarının yəhudi irsinin turizm marşrutu kimi tanınması və təbliğini daha da artıracağını deyib.

BAKI, 21 aprel — Sputnik. Aprelin 21-də Dövlət Turizm Agentliyinin və İsrailin Azərbaycandakı səfirliyinin təşəbbüsü ilə turizm marşrutlarının inkişafı və təkmilləşdirilməsi məqsədilə Quba rayonunun Qırmızı Qəsəbəsində yeni turizm məlumat nişanları hazırlanaraq istifadəyə verilib. Sputnik Azərbaycan-a Dövlət Turizm Agentliyindən verilən məlumata görə, turizm marşrutlarında yolların nişana alınması və işarələnməsi strategiyasına uyğun olaraq qəsəbənin müxtəlif yerlərində 18 ədəd yeni nişanlar quraşdırılıb.

Bu turizm nişanları vasitəsilə həm əcnəbi, həm də yerli turistlər qəsəbə boyu gəzməli və görməli yerlərin istiqamətlərini müəyyən edə, eləcə də ərazidə quraşdırılmış turizm informasiya lövhələrində həmin obyekt haqqında vacib məlumatları əldə edə biləcəklər.

Bununla yanaşı, Qırmızı Qəsəbə və Quba Destinasiya Menecmenti Təşkilatı bu piyada nişanları əsasında turistlərə yəhudi irsi üzrə turlar təşkil etməyi də nəzərdə tutur.

Tədbirdə çıxış edən Quba rayonu icra hakimiyyətinin başcısı Ziyəddin Əliyev Qubada yaşayan dağ yəhudiləri icmasının həyat tərzi və onların adət-ənənələrinin regiona səfər edən xarici qonaqlar tərəfindən böyük maraqla qarşılandığını qeyd edib. Ziyəddin Əliyev yəhudi icmasının bu regionda yüz illərlə sülh və əmin-amanlıq şəraitində yaşadığını və bunun xalqların və mədəniyyətlərin birgə inkişafının mümkünlüyünün bariz nümunəsi olduğunu bildirib.

  • Qırmızı Qəsəbədə
    © Photo : State Tourism Agency
  • Qırmızı Qəsəbədə
    © Photo : State Tourism Agency
  • Qırmızı Qəsəbədə
    © Photo : State Tourism Agency
1 / 3
© Photo : State Tourism Agency
Qırmızı Qəsəbədə

Quba rayonunda Qırmızı Qəsəbənin turizm baxımından xüsusi çəkisinin olduğunu deyən Dövlət Turizm Agentliyinin Aparat rəhbəri Kənan Qasımov bu məkanın həm yəhudi irsi ilə maraqlanan turistlərin, həm də yəhudi əsilli insanların ölkəmizə turist kimi cəlb edilməsi baxımından əhəmiyyətli olduğunu bildirib. Kənan Qasımov qəsəbədə yaradılan infarstrukturun və məlumat nişanlarının yəhudi irsinin turizm marşrutu kimi tanınması və təbliğini daha da artıracağını deyib.

Azərbaycanın mədəniyyətlərarası dialoqun ən yaxşı nümunəsi olduğunu qeyd edən İsrail səfirliyinin missiya rəhbərinin müavini Doron Pier Azərbaycanda dini müxtəlifliyə tolerant münasibətin və müxtəlif mədəniyyətlərin təbliğinə yaradılmış şəraiti yüksək qiymətləndirdiyini bildirib. Doron Pier Qırımızı Qəsəbənin inkişafı üçün bundan sonra da öz dəstəklərini göstərəcəyini deyib.

Tədbirdə çıxış edən Dağ Yəhudiləri Muzeyinin icraçı direktoru İqor Şaulov Qırmızı Qəsəbənin burada yaşayan yəhudilərin sayına görə dünyada az sayda yerlərdən biri olduğunu deyib. İqor Şaulov qəsəbənin tanıdılması və inkişafı üçün görüləcək işlərə öz dəstəklərini göstərəcəklərini bildirib.

Azərbaycanda yəhudi irsinin təbliği istiqamətində Dövlət Turizm Agentliyi, Azərbaycan Turizm Bürosu və İsrailin Azərbaycandakı səfirliyi gələcəkdə növbəti layihələri də birlikdə həyata keçirməyi planlaşdırır.

Qeyd edək ki, İsrailin hüdudlarından kənarda yerləşən yəhudilərin yaşadığı qəsəbədə iki sinaqoq, yəhudi dinini öyrədən dərnəklər, Dağ yəhudilərinin muzeyi, turist informasiya mərkəzi və bir çox digər görülməli yerlər mövcuddur.

0