Rusiya Prezidenti Vladimir Putin və Türkiyə Prezidenti Rəcəb Tayyib Ərdoğan

Putin Ərdoğan arasında telefon danışığı olub

36
(Yenilənib 19:19 21.08.2021)
Telefon danışığı zamanı həmçinin iki ölkə arasında ticari-iqtisadi əlaqələrin, ilk növbədə energetika sahəsində əməkdaşlığın genişləndirilməsi məsələsi də müzakirə olunub.

BAKI, 21 avgust — Sputnik. Rusiya və Türkiyə prezidentləri Vladimir Putinlə Rəcəb Tayyip Ərdoğan arasında telefon danışığı olub. Sputnik Azərbaycan Rusiya mediasına istinadən xəbər verir ki, danışıq zamanı dövlət başçıları əsas diqqəti Əfqanıstanda terrorçuluq və narktik ticarəti ilə bağlı məsələlərnprioritet oluuna yönldiblər.

“Əfqanıstan ətrafında vəziyyət geniş müzakirə olunub. Bu ölkədə sabitliyin və qayda-qanunlara dəqiq riayət olunmasının vcibliyi virğulanıb. Bundan əlavə prezidentlər terrorçuluq və narkotik ticarətinə qarşı mübarizə məsələlərinin prioritet olmasına da diqqət yetiriblər. Dövlət başçıları Əfqanıstan mövzusunda ikitərəfli əlaqələrin möhkəmləndirilməsi barədə razılığa gəliblər”, - deyə məlumatda deyilir.

O da qeyd olunur ki, telefon danışığı zamanı həmçinin iki ölkə arasında ticari-iqtisadi əlaqələrin, ilk növbədə energetika sahəsində əməkdaşlığın genişləndirilməsi məsələsi də müzakirə olunub.

Həmçinin oxuyun:

Putinlə Merkel nədən danışdılar - detallar

36
Rusiya Dövlət Dumasına seçkilər (2021)

Rusiyada qanunvericilik icra orqanlarına seçki keçirilir

8
Birbaşa Rusiyada keçirilən seçkidə iştirak edə bilməyən, Azərbaycan ərazisində olan rusiyalılar bazar günü, sentyabrın 19-da Bakıda səs verə biləcəklər.

BAKI, 18 sentyabr - Sputnik. Dövlət Dumasına onlayn səs verən seçicilərin sayı 70%-ə çatıb.

Sputnik Azərbaycan RİA Novosti-yə istinadən bildirir ki, bu barədə Rusiya Mərkəzi Seçki Komissiyasının məlumatında deyilir.

"Səsvermənin sonunadək, hesab edirəm ki, bu göstərici 90%-ə çatacaq. Bu cür aktivlik adi klassik məntəqələrdə olmur, hətta bunu təsəvvür etmək də çətindir", - MSK sədrinin köməkçisi Nikolay Bulayev "Rossiya 24"ün efirində deyib.

Rusiyada vahid səsvermə günü sentyabrın 17-dən 19-dək keçirilir. Vətəndaşlar deputatları, eləcə də doqquz subyektin rəhbərlərini, regional parlamentin və bələdiyyə orqanlarının nümayəndələrini seçirlər.

Moskva, Nijeqorod, Yaroslav, Murmansk, Rostov vilayətlərində, eləcə də Sevastopolda məsafədən səsvermə imkanları yaradılıb.

Parlamentin aşağı palatası qarışıq seçki sistemi ilə beş il müddətinə seçilir: 225 namizəd partiya siyahısı və daha 225-i birmandatlı dairələrdən bir tur ərzində seçilir.

Bütün səviyyələrdə seçkilərdə 23 partiya 74 min namizəd irəli sürərək onları qeydiyyatdan keçirib.

"Mobil seçici" texnologiyası ilə səsvermədə 80%-lik nəticə 

RF MSK sədrinin müavini Nikolay Bulayev bildirib ki, yerləşdiyi məkana görə "mobil seçici" texnologiyası vasitəsilə səs verən rusiyalıların fəallığı çox yüksəkdir - 80%-dən də artıqdır. 

"Mobil seçici" texnologiyası ilə səs vermək istəyən vətəndaşların sayının 3,5 milyon olduğu bildirilir.

"Onlar hamısı motivasiyalı adamlardır, ancaq səs vermək üçün yenə də seçki məntəqəsinə gəlmək lazımdır", - Bulayev deyib.

Beynəlxalq müşahidəçilər

Rusiya Federasiyasında keçirilən seçkini ictimai nəzarət mərkəzlərində 380-dən çox xarici müşahidəçi və ekspert izləyir. Bu barədə RF İctimai Palatası yanında səsverməyə ictimai nəzarət üzrə koordinasiya şurasının sədri Maksim Qriqoryev bildirib.

"Bizə xarici müşahidəçilər də qoşulurlar, onlar ictimai mərkəzlərdə, qərargahlarda və seçki məntəqəsindədirlər... 80 ölkədən 383 beynəlxalq müşahidəçinin elektron səsverməyə nəzarətə tam əlçatanlığı təmin olunub", - Qriqoryev brifinqdə deyib.

Bosniya və Herseqovinanın Ombudsmanı Yasminka Cümhur Dövlət Dumasına seçkidə videomüşahidə sisteminin rahat olduğunu qeyd edib.

"Hazırda hansısa nəticələr çıxarmaq çətindir, biz müxtəlif məntəqələrə baş çəkilməsi və monitorinq əsasında ayrıca məlumat almışıq. Ancaq üç əsas şeyə diqqət yetirmək istəyirəm: bu, informasiya texnolopgiyalarının seçki prosesinin izlənməsində roludur. Videomüşahidə sayəsində şikayətlərə baxılması prosesi sürətlənir, çünki kameralarda pozuntuları izləmək mümkündür. Üstəlik, insan haqları üzrə müvəkkil seçkini izləyə bilər. Üçüncüsü - necə düzgün əməkdaşlıq və qarşılıqlı fəaliyyət qurmaqdır. Çünki ombudsman institutu vətəndaşla hakimiyyət arasında birləşdirici bənddir, digər tərəfdən MSK qərar qəbul edir bə və ombudsman MSK ilə qarşılıqlı əlaqədə olmalıdır", - Cumhur deyib.

Məcburən səs verənlər

RF MSK səs verməyə məcbur edilmə ilə bağlı ölkənin 45 subyektindən 137 müraciət alıb. Bunu RF MSK sədri Ella Pamfilova bildirib.

O qeyd edib ki, Mərkəzi Seçki Komissiyasına prosesin müxtəlif iştirakçılarından 6317 yazılı müraciət daxil olub. Bunlardan beş mindən çoxu sarğu xarakteri daşıyıb - seçicilər hansısa aspektlərin izah olunmasını xahiş ediblər.

"Səs verməyə məcbur edilmə barədə müraciətlərə xüsusi diqqət ayırırıq. Bu məsələ ilə bağlı MSK-ya Rusiyanın 45 subyektindən 137 müraciət daxil olub. Seçicilər distansion elektron səsverməyə məcbur edildiklərini bildirirlər, 16 müraciətdə isə müəyyən partiya və ya namizədə səs verməyə məcbur olunma haqda qeyd olunub", - Pamfilova deyib.

Bakıda da seçki olacaq

Rusiyada keçirilən seçkidə iştirak edə bilməyən, Azərbaycan ərazisində olan rusiyalılar isə bazar günü, sentyabrın 19-da Bakıda səs verə biləcəklər. Onlar Rusiyanın Bakıdakı səfirliyində təşkil olunan seçkiyə qatılaraq konstitusion hüquqlarını gerçəkləşdirə bilərlər.

8
Teqlər:
seçki, Rusiya Federasiyası Dövlət Duması, Bakı
Meğridə yük maşını, arxiv şəkli

Gorus-Qafan yolu yenidən gündəmdə: İran səfiri Bakıda daha bir rəsmi ilə görüşdü

768
Seyid Abbas Musavi bölgədəki cari dəyişikliklər, xüsusən Azərbaycan Respublikası ilə Ermənistan arasındakı sərhəd bölgələrindəki yeni vəziyyət və digər əlaqəli mövzularda Azərbaycanın Baş nazirinin müavini ilə məsləhətləşib.

BAKI, 18 sentyabr — Sputnik. İranın Azərbaycandakı səfiri Seyid Abbas Musəvi Azərbaycanın Baş nazirinin müavini Şahin Mustafayevlə görüşüb. Sputnik Azərbaycan xəbər verir ki, bu barədə məlumat İranın Azərbaycandakı Səfirliyinin rəsmi "Twitter" hesabında yerləşdirilib.

"Seyid Abbas Musavi bölgədəki cari dəyişikliklər, xüsusən Azərbaycan Respublikası ilə Ermənistan arasındakı sərhəd bölgələrindəki yeni vəziyyət və Gorus-Qafan yolunda yeni nəqliyyat şəraiti və digər əlaqəli mövzularda Azərbaycanın Baş nazirinin müavini cənab Şahin Mustafayev ilə məsləhətləşdi", - deyə məlumatda bildirilir.

Üç gündə baş tutan iki görüş

Sentyabrın 16-sı İran İslam Respublikasının Bakıdakı səfiri Seyid Abbas Musəvi Azərbaycan Respublikası Prezidentinin köməkçisi, Prezident Administrasiyası xarici siyasət məsələləri şöbəsinin müdiri Hikmət Hacıyevlə görüşüb. O, bu barədə Twitter səhifəsində paylaşım edib

"Bu həftə ikinci dəfə cənab Hikmət Hacıyevlə görüşmək şansım oldu. Səmimi müzakirələrimiz zamanı yaxşı münasibətlərimizin mövcud vəziyyəti, gələcəyi və maraq doğuran digər məsələləri nəzərdən keçirdik", - səfir yazıb.

Xatırladaq ki, Azərbaycan Prezidentinin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev sentyabrın 13-də də İranın Azərbaycandakı səfiri Seyid Abbas Musəvi ilə görüşmüşdü.

O, öz Twitter hesabında yazmışdı ki, görüş zamanı gündəlikdə yer alan məsələlər ətrafında səmərəli müzakirələr aparılıb. Həmçinin, ikitərəfli münasibətlərin gələcək inkişafı yolları nəzərdən keçirilib.

Paşinyan da Azərbaycanın addımının düzgün olduğunu təsdiqləyib

Sentyabrın 15-i Ermənistanın Baş naziri Nikol Paşinyan Gorus-Qafan yolunda Azərbaycanın nəzarətində olan ərazidə İran yük maşınlarının yoxlanılmasının mümkün səbəbini açıqlayıb.

Paşinyan xatırladıb ki, 2020-ci ilin dekabrında Ermənistan Silahlı Qüvvələri Sovet Ermənistanından miras qalan sərhədə geri çəkilib: "Gorus – Qafan yolu iki hissədə Ermənistan Respublikası və ya Sovet Ermənistanının sərhədini keçir".

Paşinyan bildirib ki, dekabrda bu yolun nəqliyyat vasitələri tərəfindən sərbəst şəkildə istifadə edilməsi və malların tranziti üçün razılıq əldə edilib.

"Hesab edirəm ki, razılaşma mətnində xarici yüklərin keçidinə dair müddəa yer almadığından Azərbaycan bu mexanizmi tətbiq edir", - deyə Ermənistan Baş naziri vurğulayıb.

Paşinyanın sözlərinə görə, bölgədəki kommunikasiyaların açılmalı olduğunu qəbul edən Ermənistan, ölkə sərhədindən keçən xarici malların MDB-nin hüquqi çərçivəsinə uyğun olaraq gömrük, pasport və digər məntəqələrdən keçməli olduğunu qeyd edir.

Sentyabrın 13-ü Dövlət Gömrük Komitəsi məlumat yayaraq Azərbaycan Respublikasının ərazisindən keçən nəqliyyat vasitələrindən yol vergisi və digər gömrük ödənişlərinin alınması ilə bağlı bir sıra KİV-də yayılan məlumatlarla əlaqədar bildirib ki, Azərbaycan Respublikasının Vergi Məcəlləsinin 210-cu maddəsinə əsasən Azərbaycan Respublikasının ərazisinə daxil olan və Azərbaycan Respublikasının ərazisini tərk edən zaman xarici dövlətlərin avtonəqliyyat vasitələri yol vergisinin vergitutma obyektidir.

Bu Məcəlləyə əsasən, avtonəqliyyat vasitələri yol vergisinə, "Dövlət rüsumu haqqında" Azərbaycan Respublikasının Qanununun 24-cü maddəsinə əsasən, Azərbaycan Respublikası ərazisində beynəlxalq avtomobil daşımalarını tənzimləyən icazənin verilməsi üçün dövlət rüsumuna cəlb edilir.

Hazırda gömrük orqanları tərəfindən qanunvericilikdə bu istiqamətdə nəzərdə tutulan müddəaların yerinə yetirilməsi bütün ölkə ərazisi üzrə təmin olunur.

Eləcə də oxuyun:

768
Teqlər:
Gorus, Qafan rayonu, Azərbaycan, İran, səfir, görüş, Şahin Mustafayev
Həkim, arxiv şəkli

Bekarsınız? Psixoloq bunun gözlənilməz faydalarını açıqladı

0
(Yenilənib 22:36 18.09.2021)
Cəmiyyətdə belə bir anlayış var ki, insan istirahət etmək və heç nə etməmək imkanını qazanmalıdır. Nəticədə bu, stressin səviyyəsinin artmasına səbəb olur.

 

BAKI, 18 sentyabr — Sputnik. Çoxları istirahət etməyi və bekar olmağın faydalı ola biləcəyini unudub. Bu barədə Sputnik Radio-ya açıqlamasında Rusiyanın "Psixodemiya" Təhsil Mərkəzinin konsultativ psixologiya və psixoterapiya laboratoriyasının müdiri Nataliya Kiselnikova deyib.

Onun sözlərinə görə, məhsuldarlığa can atmaq insan həyatının daimi bir hissəsi olmamalıdır.

"Bekar olmaq, çətin ki, özü-özlüyündə nəticə hesab oluna, lakin o, dəyər ola bilər. Cəmiyyətdə belə bir anlayış var ki, insan istirahət etmək və heç nə etməmək imkanını qazanmalıdır. Nəticədə bu, stressin səviyyəsinin artmasına səbəb olur", - deyə Kiselnikova bildirib.

O vurğulayıb ki, əksəriyyət bekar olarkən özünü günahkar hiss edir ki, bu da insanın nə istirahətdən, nə də işdən həzz almaması ilə nəticələnir.

Psixoterapevtin sözlərinə görə, çoxlarının istirahət hesab etdiyi şey heç istirahət də deyil. Bura xəbərlərin oxunması və digər məlumat yüklənmələri daxildir. Kiselnikova insanlara hər gün ən az 15 dəqiqə tamamilə sakitlikdə qalmağı tövsiyə edir. Mütəxəssis vurğulayıb ki, bu heç də asan məsələ deyil.

Eləcə də oxuyun:

0