Qarabağda Rusiya sülhməramlıları, arxiv şəkli

Qarabağ, sərhəd, sülhməramlılar:  həftənin əsas mövzuları

66
(Yenilənib 12:34 14.08.2021)
Bakı ilə Yerevan ötən həftə bir neçə dəfə bir-birlərinə mesaj verdilər: erməni tərəf danışıqlar masası arxasında oturmağa hazır olduğunu dedi, Azərbaycan XİN isə Ermənistana rus dili dərsi keçdi.

BAKI, 14 avqust – Sputnik. Azərbaycanla Ermənistan sərhədində gərginlik davam edir: atışmalar artıq gündəlik xarakter alıb, hərdən atəşkəs gün ərzində bir neçə dəfə pozulur. Bakı və Yerevan atəşkəsin pozulmasında bir-birini günahlandırırlar.

Cümə axşamı Azərbaycan tərəfi Azərbaycan torpaqlarında Rusiya sülhməramlılarının müvəqqəti yerləşdirildikləri ərazilərə Ermənistan SQ-nin şəxsi heyətinin qanunsuz yerləşdirilməsi ilə üçtərəfli bəyanatın pozulmasını bildirdi. Azərbaycan MN-dən xüsusilə qeyd olundu ki, erməni tərəf məqsədyönlü şəkildə vəziyyətin gərginləşdirilməsi üçün təxribatlara əl atır.

“Rusiyalı sülhməramlılar Ermənistan SQ-nin Azərbaycan ərazisində yerləşdirilməsinə son qoymalıdırlar”, - qurumdan vurğuladılar.

Ermənistanın Xarici İşlər Nazirliyi Azərbaycan Müdafiə Nazirliyinin bəyanatını təkzib etdi və bildirdi ki: “Qarabağ üzrə üçtərəfli bəyanat erməni bölmələrinin Qarabağdan çıxarılmasını nəzərdə tutmur”. Yerevanın versiyasına görə, bəyanatda “erməni qüvvələrinin Dağlıq Qarabağın ətrafından çıxarılması nəzərdə tutulur”.

Cavabında Azərbaycan XİN erməni həmkarlarına üçtərəfli bəyanatın rus dilində yazıldığını xatırlatdı:

"Ermənistan Xarici İşlər Nazirliyinin diqqətinə çatdırırıq ki, üçtərəfli bəyanatın 1-ci maddəsində "tam atəşkəsin və münaqişə zonasında bütün hərbi əməliyyatların 10 Noyabr 2020 Moskva vaxtı ilə 00:00-dan etibarən dayandırılması" elan edilir, o cümlədən Azərbaycan Respublikası ilə Ermənistan Respublikası "tutduqları mövqelərində dayanırlar" qeyd olunur. Vurğulamaq istərdik ki, "dayanmaq" sözü bu və ya digər kontekstdə "qalmaq" mənasını vermir. Bu həm müqavilənin tərtib olunduğu rus dilinə, həm də digər dillərə aiddir".

Bakı həmçinin “üçtərəfli bəyanatın əsas müddəalarını cəfəng şəkildə şərh etmək cəhdlərinin erməni tərəfinin bu ölkə tərəfindən 10 noyabr 2020-ci ildə imzalanan sənədin mahiyyətini tam dərk etmədiyini və ya əvvəldən onun tələblərinə tam riayət etmək niyyətində olmadığını göstərdiyinə” dəlalət etdiyini deyib.

Belə davranışı Ermənistanın destruktiv mövqeyinin növbəti bariz nümunəsi adlandıran Azərbaycan XİN vurğulayıb ki, “bu destruktiv yanaşma regionda uzun müddətdir gözlənilən sülh və təhlükəsizliyin təmin edilməsi kontekstində hər hansı bir perspektivdən məhrumdur”.

Yerevan Zası eşitmir

Yeri gəlmişkən, məhz Ermənistan-Azərbaycan sərhədində gərginlik KTMT baş katibi Stanislav Zasın bölgəyə səfəri üçün əsas olub. O, Yerevanda Ermənistanın rəsmi şəxsləri ilə görüşüb və sərhəddə yaranan gərginliyin həm Ermənistanda, həm də KTMT-nin məsuliyyət zonasında təhlükəsizliyə mənfi təsir etdiyini deyib.

“Biz hərbi insidentlərin təkrarlanması və coğrafiyasının genişlənməsindən, insanların insident qurbanı olmasından ciddi narahatlıq keçiririk. Hesab edirik ki, Ermənistanla Azərbaycan arasında sərhədlə bağlı ziddiyyətlərin siyasi-diplomatik tədbirlərlə aradan qaldırılması imkanları hələ bitməyib”, - baş katib vurğulayıb.

Ancaq sərhədlə bağlı ziddiyyətləri sülh yolu ilə həll etmək çağırışlarını Yerevanda yenə özləri bildikləri kimi anlayıblar. Ermənistanın müdafiə naziri Arşak Karapetyanın Zasla görüşündə: “Situasiyanı sülh yolu ilə həll etməyə cəhd edirik, ancaq əgər Ermənistan-Azərbaycan sərhədində vəziyyət sülh yolu ilə həll olunmasa, Yerevan güc tətbiq etmək hüququnu özündə saxlayır”, - tipli bəyanat verməsini başqa cür izah etmək olmur.

Karapetyan KTMT sədrinin səfərini hələ bu ilin mayında, Ermənistan üçün kifayət qədər gərgin bir vaxtda, gözlədiklərini, ancaq Zasın gəlmədiyini də baş katibə xatırladıb. Üstəlik, erməni nazir KTMT-də “qərarların qəbul olunması və böhranlı vəziyyətlərə reaksiya mexanizminin operativ şəraitin inkişafının müasir tələblərinə cavab verməməsindən” şikayətlənib.

Bakıda Karapetyanın KTMT haqda bəyanatlarını gözlənilən, təşkilatı qınamasını isə əsassız adlandırıblar.

Milli Məclisin deputatı Arzu Nağıyev qeyd edib ki, Karapetyan öz sözləri ilə sübut edir ki, məhz erməni tərəfi amanabənd, çox çətinliklə əldə olunmuş barışığı pozur və açıq-aşkar müharibəyə səsləyir

Paşinyanın yeni oyunu?

Bu hadisələrin fonunda Ermənistanın baş naziri Nikol Paşinyan qəflətən Azərbaycan Prezidenti İlham Əliyevlə Qarabağ üzrə danışıqlar aparmaq və bölgədə vəziyyəti yoluna qoymaq üçün görüşməyə hazır olduğunu bəyan edib.

“Yerevan regionda kommunikasiyaların açılması üçün Azərbaycan, Ermənistan və Rusiyanın  baş nazir müavinlərinin üçtərəfli komissiyasının işini bərpa etməyə hazırdır”, - o deyib.

Paşinyan qeyd edib ki, Azərbaycanla sərhədlərin demarkasiyası və delimitasiyası məsələsində Ermənistanın mövqeyi dəyişməyib, bu istiqamətdə işi sürətləndirmək lazımdır: “Regionda düşmənçilik atmosferinin dərinləşməsi yol vermək olmaz”.

Ancaq ekspertlər Ermənistan liderinin səmimiliyinə şübhə edirlər. Məsələn, "Национальная оборона" (Milli müdafiə) jurnalının baş redaktoru İqor Korotçenkonun fikrincə, Yerevanın əvvəlki qəsbkarlıq planları dəyişməyib, sadəcə indi onları cari hərbi-siyasi vəziyyətə uyğunlaşdırırlar.

"Paşinyan sərhədin delimitasiyası və demarkasiyası prosesini, Zəngəzur nəqliyyat dəhlizi layihəsinin reallaşmasını istəmir. Lakin ən əsası, o indiyədək üçtərəfli bəyanatların çərçivəsində üzərinə götürdüyü baza öhdəliklərini yerinə yetirməyib: söhbət bütün qeyri-qanuni erməni birləşmələrinin Rusiya sülhməramlılarının yerləşdiyi zonadan çıxarılmasından gedir", - ekspert qeyd edib.

"Paşinyan deyəndə ki, hansısa təkliflər gözləyir, o nəyə görəsə unudur ki, Bakı bütün zəruri təklifləri artıq Yerevana edib. Söhbət sülh müqaviləsini bağlamaq, bir-birinin ərazi bütövlüyünü tanımaq, sərhədlərin delimitasiyası və demarkasiyasına başlamaqdan gedir. İndi isə Paşinyan yalandan sülhməramlı cildinə girib və deyir ki, hansısa təklif gözləyir. Başqa nə gözləyir? Qoy otursun və sülh müqaviləsini imzalasın", - ekspert yekunlaşdırıb.

Ermənistanın baş naziri Nikol Paşinyanın bəyanatları təəccübləndirir: əlbəttə, bunlar siyasi kursun dəyişməsindən xəbər verə bilər, ancaq bu, oyuna bənzəyir. Bunu isə Sputnik Azərbaycan-a Siyasi Araşdırmalar İnstitutunun direktoru Sergey Markov deyib.

“İndiyədək bölgədə kommunikasiyaların açılması üzrə üçtərəfli komissiyanın işini məhz erməni tərəf əngəlləyirdi”, - deyən ekspert Ermənistanın növbəti addımlarını gözləməyi tövsiyə edib.

Eləcə də oxuyun:

66
Teqlər:
Ermənistan, sərhəd, gərginlik, Azərbaycan, ekspertlər, şərh, həftənin icmalı
Mövzu:
Azərbaycan və Ermənistan arasında müharibə (1202)
Azərbaycan Respublikasının Xarici İşlər Nazirliyi

XİN rəhbəri Körfəz Ərəb Dövlətlərinin Əməkdaşlıq Şurasının Baş katibi ilə görüşüb

3
(Yenilənib 22:09 23.09.2021)
Bakıda keçirilməsi nəzərdə tutulan Azərbaycan-Körfəz Əməkdaşlıq Şurası biznes forumunun bu əməkdaşlığın iqtisadiyyat, ticarət, sərmayələr və turizm kimi sahələrdə daha da inkişaf etdirilməsi üçün əlverişli imkanlar yaradacağından əminlik ifadə edilib.

BAKI, 23 sentyabr - Sputnik. Azərbaycan Respublikasının xarici işlər naziri Ceyhun Bayramov sentyabrın 23-də BMT Baş Assambleyasının 76-ci sessiyası çərçivəsində Körfəz Ərəb Dövlətlərinin Əməkdaşlıq Şurasının Baş katibi Nayif Fəlah Mübarək Əl-Hacraf ilə görüşüb.

XİN-dən Sputnik Azərbaycan-a verilən məlumata görə, görüşdə Azərbaycan və Körfəz Ərəb Dövlətlərinin Əməkdaşlıq Şurasına üzv ölkələr arasında siyasi əlaqələrin yüksək səviyyədə oldugu, qarşılıqlı hörmət və dostluğa əsaslandığı qeyd edilib.

Bakıda keçirilməsi nəzərdə tutulan Azərbaycan-Körfəz Əməkdaşlıq Şurası biznes forumunun bu əməkdaşlığın iqtisadiyyat, ticarət, sərmayələr və turizm kimi sahələrdə daha da inkişaf etdirilməsi üçün əlverişli imkanlar yaradacağından əminlik ifadə edilib.

Ceyhun Bayramov münaqişə sonrası regionda mövcud olan vəziyyət, xüsusilə də mina təhlükəsi və onun doğurduğu fəsadlar, azad edilmiş ərazilərdə həyata keçirilən bərpa, yenidənqurma işləri barədə qarşı tərəfə ətraflı məlumat verib. Körfəz Ərəb Dövlətlərinin Əməkdaşlıq Şurasına üzv dövlətlərin işğaldan azad olunmuş ərazilərdə aparılan quruculuq işlərində birgə layihələrdə iştirakında maraqlı olduğu yüksək qiymətləndirilib.

Baş katib Azərbaycanın keçmiş münaqişə ile bağlı mövqeyinin Körfəz Ərəb Dövlətlərinin Əməkdaşlıq Şurası tərəfindən hər zaman birmənalı və tam şəkildə dəstəkləndiyini qeyd edib.

Tərəflər, Azərbaycanla Şura arasında əməkdaşlığın genişləndirilməsi imkanları, o cümlədən birgə 2021-2025-ci illər üzrə Fəaliyyət Planının işlənib hazırlanması, habelə regional və beynəlxalq təhlükəsizlik məsələlərini müzakirə ediblər.

Həmçinin oxuyun:

Ceyhun Bayramov Finlandiyanın xarici işlər naziri ilə görüşüb

Ceyhun Bayramov ATƏT sədri və Macarıstan XİN başçısı ilə görüşdə nədən danışıb?

Ceyhun Bayramov ATƏT sədri və Macarıstan XİN başçısı ilə görüşdə nədən danışıb?

3
Teqlər:
XİN, Ceyhun Bayramov
Skripal cinayətinin baş verdiyi ərazidə olan hərbçilər, arxiv şəkli

Skripalların işi: Böyük Britaniya onları virtual generalın zəhərlədiyini iddia edir

84
(Yenilənib 20:17 23.09.2021)
Sən demə, Skripalları zəhərləyən toydakı general imiş. Hərçənd, o, heç vaxt Solsberidə olmayıb. Və elə həmin o üçüncü "şübhəli" mövcudluğu heç kim tərəfindən təsdiqlənməyən bu uydurma şəxsiyyətdir.

BAKI, 23 sentyabr — Sputnik. KİV-in təqdimatında xəbər belə səslənir: Böyük Birtaniya prokurorluğu Skripalların zəhərlənməsi məsələsində iştirak etmiş üçüncü şəxsə qarşı ittiham irəli sürüb. Bu hansısa Sergey Fedotovdur, əslində o heç Fedotov da deyil…

Xatırladaq ki, 2018-ci ilin yaz-yay aylarında kiçik ingilis şəhərləri Solsberi və Eymsberidə bir neçə nəfər naməlum maddədən zəhərlənmişdi. Onların arasında iki Rusiya vətəndaşı və dörd ingilis vardı: bir polis işçisi, iki Eymsberi sakini və Solsberidən olan bir qadın. Həmin qadından başqa zəhərlənənlərin hamısının həyatını xilas etmək mümkün olmuşdu.

Eymsberi də, Solsberi də məşhur Porton-Daun hərbi-bioloji laboratoriyasının yaxınlığında yerləşir. Orada dünyanın ən təhlükəli kimyəvi və bioloji maddələri saxlanılır. Məsələn, laboratoriyanın alimləri ritsin kimi zəhərli maddə ilə aktiv şəkildə işləyirlər və ona qarşı zərdab bu yaxınlarda hazırlanıb.

Porton-Daun insanlar üzərində aparılan təcrübələrlə "ad çıxarıb". Müharibədən dərhal sonra alimlər cürbəcür zəhərli maddələri, kimyəvi və bioloji silahları Almaniyadan çıxararaq onlarla fəal şəkildə eksperiment aparmağa başlamışdılar. Onlar öz sınaqlarını ingilis əsgərlərinin üzərində aparırdılar. Əsgərləri qaz kameralarında həbs edir, onların dərisinin üstünə ölümcül zəhər tökürdülər. Belə təcrübələr vaxtı əsgərlər bəzən görmə, eşitmə qabiliyyətini itirir, güclü ağrılara və qıcolmalara məruz qalırdılar.

1953-cü ildə eksperiment aparanlar təyyarəçi Ronald Meddisonun qoluna sinirləri iflic edən maddə vurdular. Ronald öldü. Məhkəmə onun ölümünü təsadüfü hadisə kimi qiymətləndirdi. Bu hadisə barədə Böyük Britaniya tarixçisi Rob İvens "Qazla boğulanlar: Porton-Daunda insanlar üzərində aparılan hərbi-kimyəvi təcrübələr" adlı kitabında geniş bəhs edir.

İngilis hərbçiləri üzərində aparılan təcrübələrdə 1000 nəfər iştirak etməli idi. Doktor Mengelin eksperimentlərini xatırladan bu heyrətamiz təcrübələr 1989-cu ilə kimi davam etdirildi.

1960-cı illərdə Böyük Britaniyanın Müdafiə Nazirliyi London metrosunda bioloji silahlardan istifadə ilə bağlı hücumun simulyasiyasını təşkil etdi. Neytrallaşdırılmış Sibir xorası sporları talkla qarışdırılaraq ventilyasiya sistemi vasitəsilə içəri püskürdülür və hamı bütün bunların metro stansiyalarında necə yayıldığını izləyirdi. Aydın məsələdir ki, London sakinləri bu barədə xəbərdar olunmamışdılar.

Ölkədə müntəzəm olaraq laboratoriyalardan təhlükəli sızmalar baş verirdi. 1978-ci ildə Londonun göbəyində bolqar mühaciri Georgi Markovu ritsinlə zəhərlədilər. 2002-ci ildə elə həmin Londonda bir qrup terroristin qanında zarin maddəsinin sintezi üçün tələb olunan bütün komponentlər tapıldı. 2006-cı ildə isə Pikadillada poloniumun izləri tapıldı və ingilis hakimiyyəti bundan dərhal "Litvinenko işi" adı altında mərəkə düzəltdi.

Bir sözlə, zəhərli maddələrlə davranış baxımından ingilislərin keçmişi heç də ürəkaçan deyil. Porton-Daun yaxınlığındakı əyalətlərdə hələ də insanlar zəhərlənir.

Bununla belə, 2018-ci ildə Solsberidə zəhərlənənlər arasında keçmiş sovet kəşfiyyatçısı Sergey Skripal və onun qızı Yuliya da var idi. Və Britaniya təbliğat maşını insanların beyninə Skripalları rusların öldürmək istədiyi barədə fikir yeritməyə başladı: atanı bir vaxtlar Rusiyaya xəyanət etdiyinə görə, qızını isə elə belə, məşğuliyyət olsun deyə. Məşhur "Skripalların işi" beləcə ortaya çıxdı.

Bu məsələnin təfərrüatına varmaq onu ortaya atanların dəyirmanına su tökmək deməkdir. Biz bu mənasız söhbəti nə qədər inkar etsək, ona bir o qədər əhəmiyyət vermiş oluruq. Odur ki, gəlin bu hadisənin başqa bir ingilis təxribatı ilə necə üst-üstə düşdüyünə nəzər salaq.

Vaxtilə Pyer Rişarın iştirakı ilə məzəli bir fransız filmi var idi: "Çətirlə iynə". Bu film ingilis xüsusi xidmət orqanlarının mühacir Markovun ölümü ilə bağlı düzüb-qoşduqları hekayəni özünəməxsus şəkildə təkrarlayır.

1978-ci ildə ortaya belə bir fikir atıldı ki, hansısa bolqar xüsusi xidmət orqanı işçisi onu Vaterloo körpüsündə haqlayaraq günün günorta çağı üstünə ritsin sürtülmüş çətirlə "iynələyib". Nəticədə Britaniya həkimlərinin bütün səylərinə baxmayaraq zavallı mühacir canını tapşırıb.

İngiltərə xüsusi xidmət orqanları və Skotlend-Yard əməkdaşlarının bütün ciddi cəhdlərinə rəğmən, bu versiyanı təsdiqləyəcək bircə dəlil belə tapmaq mümkün olmadı. 2013-cü ildə bu səbəbdən Markovun ölümü ilə bağlı iş bağlandı.

Bolqar müstəntiq həyasızcasına bəyan elədi ki, mühaciri ingilis xəstəxanasında həkimlər müalicə eləyib sağaldıblar. Bu şayiə indi də internetdə yayılmaqdadır, özü də Bolqarıstan və Sovet xüsusi xidmət orqanlarına qarşı təbliğatın təməl daşına çevrilib - mifin bir versiyasında deyilir ki, SSRİ DTK-sı bolqar həmkarlarına "kömək edib".

Təxminən 20 il ərzində Markovun ölümünə ingilis baxışını bolqar araşdırmaçı-jurnalisti Xristo Xristov formalaşdırıb. O, yeni-yeni hekayələr uydurur, Dövlət Təhlükəsizlik Xidmətinin arxivlərinin açılmasını tələb edir, çoxdan süqut etmiş bolqar kommunizmi ilə mübarizə aparır, bir sözlə, dəridən-qabıqdan çıxırdı. Ancaq 2013-cü ildə məlum oldu ki, məsələyə maraq ölüb. Xristovun kitablarını artıq heç kim oxumur, Markovun kim olduğunu isə çoxdan yaddan çıxarıblar. Odur ki, məkrli slavyan gücləri ilə bağlı mövzunu yenidən qızışdırmağa ehtiyac var.

Beləliklə, ingilis xüsusi xidmət orqanları Xristo Xristovu "müstəqil jurnalist" postunda elə onun həmyerlisi, adaşı və yaşıdı Xristo Qrozevlə əvəzlədi. Xristo sələfinin bütün ritorik üsullarından yararlanaraq tezliklə fantaziyasının gücünə görə onu ötüb keçdi. Qrozev anlayırdı ki, yalnız ictimaiyyətə mütəmadi olaraq bu barədə mövzu verməklə öz mövqeyini qoruyub saxlaya bilər. O, Mariya Zaxarovanın "qarışıq alət" adlandırdığı "Bellingcat"-dan istifadə edərək ildırım sürəti ilə feyk xəbərlər yaymağa başladı.

Əvvəl onlar Petrov və Boşirov idilər. Yəni, əslində Çepiqa və Mişkin. Baş Kəşfiyyat İdarəsindəndirlər. Skripalları da onlar zəhərləyiblər. Bu hadisəyə qədər isə Çexoslovakiyada hərbi anbarı partladıblar. Haradasa Balkan dağlarında gəzib-dolaşıblar, hansısa Rusiya müxlifətçilərinin başına oyun açıblar, Bolqarıstanda da kimisə zəhərləyiblər.

Arada hansısa toy mərasiminə də baş çəkiblər. Orada hansısa generalla şəkil çəkdiriblər. Yaxşı bəs niyə polkovniklə yox, məhz generalla? Nə isə, sözümüzü kəsməyin. Hə, harada qalmışdıq? General da həmin toyda imiş. Deməli, o da Baş Kəşfiyyat İdarəsindən olub. Və deyəsən, Skripalları zəhərləyən də elə toydakı bu general imiş. Hərçənd, o heç vaxt Solsberidə olmayıb. Generalın adı Sergey Fedotovdur. Daha doğrusu, Denis Sergeyev. Ya da bəlkə, Sergey Denisov? Nə isə, bunun bir əhəmiyyəti yoxdur. Hə, deməli, elə həmin o üçüncü "şübhəli" mövcudluğu heç kim tərəfindən təsdiqlənməyən bu uydurma şəxsiyyətdir. Və Böyük Britaniya prokurorlarının ona sualları var. Yəni, "üçüncü şəxs" qismində. Yeri gəlmişkən, belə bir ingilis filmi də var idi. Yaxşı film idi...

Əslində, Skripallarla bağlı hadisə Rusiyaya deyil, Böyük Britaniya hakimiyyətinə qarşı suallar doğurur. Belə görünür ki, ata-qız əvvəl ya hansısa laboratoriyadan zəhərli maddənin sızmasının, ya da Porton-Daun mütəxəssislərinin insanlar üzərində apardıqları təcrübənin qurbanı olublar, sonra xəstəxanaya düşüblər və orada onların başına nə oyun açıldığı heç kimə məlum deyil. Daha sonra ümumiyyətlə, yoxa çıxıblar.

Rusiya vətəndaşı Yuliya Skripal yalnız bir dəfə kameralar qarşısında görünüb və həmin vaxt cin görmüş kimi qorxu işində olub. Rusiya və Böyük Britaniya vətəndaşı Sergey Skripal isə sonuncu dəfə 2018-ci ildə ictimaiyyət qarşısına çıxıb. Bundan sonra onların başına nə iş gəlib? Onları qaçırıblarmı?. Haradasa zorlamı saxlayırlar? Sağ-salamatdırlarmı?

Ölkə rəhbərliyi öz cinayətlərini və ya cinayət səhvlərini ört-basdır etmək məqsədilə Rusiyaya qarşı "Bellingcat" dezinformasiya kampaniyasını sifariş edib və dəlilləri ildırım sürətilə yox etməyə başlayıb. Skripalın evi kərpic-kərpic sökülüb, hətta damını belə dəyişiblər. Nədənsə kəşfiyyatçının pişiyini də öldürüblər.

İngiltərə hökuməti hələ heç bir dəlil təqdim etməyib, Rusiya hakimiyyətinin ekspertizaların aparılması ilə bağlı çoxsaylı təkliflərini rədd edib, rus diplomatlarının Skripallarla görüşməsinə icazə verməyib, ümumiyyətlə, sivil cəmiyyətdə qəbul edilmiş bütün beynəlxalq araşdırma normalarını pozub.

İngiltərə müxalifətinin lideri Ceremi Korbin icmalar palatasında saxta "Skripalların işi"ni haqlı olaraq tənqid edib.

Skripalların işinə görə Britaniya hökumətinin beynəlxalq ictimaiyyət qarşısında cavab verməsinin vaxtı gəlib çatıb. Və əlbəttə ki, onların pişiyinə görə də...

Həmçinin oxuyun:

Boltondan yeni iddia: Rusiyaya qarşı tətbiq edilmiş sanksiyaları ləğv etmək istəyirdi

Putin ilk dəfə dünyanın danışdığı şəxsdən söz açdı

84
Teqlər:
Skripal, Skripal işi
 Şuşada Bülbülün ev-muzeyi, arxiv şəkli

Bülbülün Şuşadakı ev-muzeyinə direktor təyin olunub