Azərbaycan Prezidenti İlham Əliyev və Rusiya Prezidenti Vladimir Putin

Əliyevlə Putinin görüşündən gözləntilər

89
Azərbaycan cəmiyyətində Rusiya və Azərbaycan liderlərinin görüşündən gözləntilər çoxdur. Rusiyada bu barədə nə fikirləşirlər – Sputnik Azərbaycan araşdırıb.

BAKI, 20 iyul – Sputnik. Azərbaycan Prezidenti İlham Əliyev çərşənbə axşamı, iyulun 20-də Moskvaya rəsmi səfərə gedir, burada o, rusiyalı həmkarı Vladimir Putinlə görüşəcək.

Bu ərəfədə Kremldə danışıqların iki əsas istiqamətini açıqlayıblar – Qarabağ üzrə razılaşmaların gerçəkləşdirilməsi və Rusiya-Azərbaycan münasibətləri.

İki ölkə liderləri nədən danışacaqlar

Birinci halda əsas diqqət iqtisadi və nəqliyyat əlaqələrinin açılması və inkişafı məsələlərinə yönəldiləcək. İkinci halda – liderlər Rusiya-Azərbaycan strateji partnyorluğunun bundan sonrakı möhkəmləndirilməsi, ticari-investisiya və humanitar əməkdaşlığa diqqət ayrılması məsələlərini nəzərdən keçirəcəklər.

Sputnik Azərbaycan rusiyalı iqtisadi analitik Aleksandr Razuvayevin iki liderin görüşündən gözləntilər barədə rəyini öyrənib.

Cənubi Qafqaz Rusiya üçün ən prioritet regionlardandır, Razuvayev hesab edir. Bununla bağlı danışıqlarda, çox güman ki, Rusiyanın müharibədən sonrakı proseslərdə - sərhədlərin delimitasiyasında, Qarabağ regionunda və İran, Azərbaycan və Rusiya üçün vahid klaster olacaq logistika dəhlizinin yerləşəcəyi rayonlarda sülh quruculuğunda - Azərbaycana dəstək göstərməsindən söhbət gedə bilər.

Günün ən vacib mövzusu

Əsas iqtisadi məsələ - nəqliyyat dəhlizlərinin açılması və Zəngəzur nəqliyyat dəhlizinin işə salınmasıdır, analitik hesab edir.

Həmçinin, Sputnik Azərbaycan-ın həmsöhbətinin fikrincə, prezidentlər Azərbaycanın işğaldan azad olunmuş ərazilərinin bərpasına Rusiyanın köməyi, bu işdə rusiyalı biznesmenlərin iştirakını da müzakirə edə bilərlər.

“Azərbaycanın investisiyalara ehtiyacı var, ancaq Qərbin sanksiyaları fonunda Rusiya biznesinin əl-qolu beynəlxalq ekspansiyada bağlanır”, - o qeyd edib.

Enerji resursları bazarında optimizm işartıları

Razuvayev əmindir ki, digər məsələlərlə yanaşı, neft bazarındakı durum da müzakirə ediləcək. Onun sözlərinə görə, neft qiymətləri hər iki ölkənin büdcəsinə və makroiqtisadiyyata böyük təsir göstərir. Dünyada yeni xammal dövrü başlayıb və “qara qızıl”la bağlı proqnozlar optimist görünür.

Ümumilikdə, analitik deyir ki, bu görüşü “saatların dəqiqləşdirilməsi” adlandırmaq olar: bu, Moskva və Bakının dost və partnyor münasibətlərinin növbəti dəfə vurğulanması olacaq.

“Dünyada gerçək suveren dövlətlərin sayı elə də çox deyil, Azərbaycan və Rusiya birmənalı olaraq onların sırasına daxildir”, - Sputnik Azərbaycan-ın həmsöhbəti yekunlaşdırıb.

Eləcə də oxuyun:

89
Teqlər:
görüş, Moskva, Rusiya prezidenti Vladimir Putin, Prezident İlham Əliyev
Prezident İlham Əliyev Türkiyənin Ədalət və İnkişaf Partiyası sədrinin birinci müavininin rəhbərlik etdiyi nümayəndə heyətini qəbul edib

İlham Əliyev AKP sədrinin birinci müavinini qəbul edib

19
Görüşdə ölkələrimizin müxtəlif qurumlarının nümayəndələrinin qarşılıqlı səfərlərinin əhəmiyyətinə toxunulub.

BAKI, 26 iyul — Sputnik. Azərbaycan Respublikasının Prezidenti İlham Əliyev iyulun 26-da Türkiyənin Ədalət və İnkişaf Partiyası (AKP) sədrinin birinci müavini Numan Kurtulmuşun rəhbərlik etdiyi nümayəndə heyətini qəbul edib.

Sputnik Azərbaycan xəbər verir ki, görüşdə Azərbaycanla Türkiyə arasında dostluq və qardaşlıq münasibətlərinin bütün sahələrdə uğurla inkişaf etdiyi bildirildi. Dövlət başçıları arasında mütəmadi təmasların əlaqələrimizin genişlənməsində xüsusi rolu vurğulanıb.

© Official website of President of Azerbaijan Republic
Prezident İlham Əliyev Türkiyənin Ədalət və İnkişaf Partiyası sədrinin birinci müavininin rəhbərlik etdiyi nümayəndə heyətini qəbul edib

Söhbət zamanı Yeni Azərbaycan Partiyası ilə Ədalət və İnkişaf Partiyası arasında əməkdaşlıq məsələləri müzakirə olunub. Qeyd edilib ki, partiyalar arasında əlaqələr ikitərəfli münasibətlərin inkişafında mühüm rol oynayır. Eyni zamanda, ölkələrimizin müxtəlif qurumlarının nümayəndələrinin qarşılıqlı səfərlərinin əhəmiyyətinə toxunulub.

Görüşdə əməkdaşlığın perspektivləri ətrafında fikir mübadiləsi aparıldı, ölkələrimiz arasında münasibətlərin bundan sonra da genişlənəcəyinə əminlik ifadə olunub.

19

Prezident: Azad olunmuş ərazilərdə bərpa işlərində dost ölkələrin şirkətləri iştirak edir

1444
(Yenilənib 23:07 25.07.2021)
Azərbaycan Prezidenti Serbiya şirkətlərinin gələcəkdə işğaldan azad olunmuş ərazilərdəki bərpa və yenidənqurma işlərində iştirakının mümkünlüyünü bildirib.

BAKI, 25 iyul - Sputnik. Azərbaycan Respublikasının Prezidenti İlham Əliyev Serbiya Respublikasının xarici işlər naziri Nikola Selakoviçin başçılıq etdiyi nümayəndə heyətini qəbul edib.

Sputnik Azərbaycan xəbər verir ki, Serbiyanın xarici işlər naziri Nikola Selakoviç Serbiya Prezidenti Aleksandr Vuçiçin salamlarını dövlətimizin başçısına çatdırıb.

Prezident İlham Əliyev Serbiya Prezidentinin salamlarına görə minnətdarlığını bildirdi, onun da salamlarını Aleksandr Vuçiçə çatdırmağı xahiş edib.

Görüşdə iki ölkə arasında strateji tərəfdaşlıq münasibətlərinin uğurla inkişaf etdiyi məmnunluqla qeyd olunub, Bakıda keçiriləcək Azərbaycan Respublikası ilə Serbiya Respublikası arasında ticarət və iqtisadi əməkdaşlıq üzrə Hökumətlərarası Komissiyanın iclasının əməkdaşlığın genişlənməsi baxımından önəmi vurğulanıb.

Söhbət zamanı Azərbaycanın və Serbiyanın bir-birinin ərazi bütövlüyünü qarşılıqlı şəkildə dəstəklədiyi bildirilib. İqtisadi əməkdaşlıq məsələləri müzakirə olunub. Prezident İlham Əliyev deyib ki, işğaldan azad olunmuş ərazilərimizdə aparılan bərpa və yenidənqurma işlərində dost ölkələrin şirkətləri iştirak edir. Bu baxımdan Serbiya şirkətlərinin gələcəkdə bu işlərdə iştirakının mümkünlüyü bildirilib.

Həmçinin oxuyun:

Serbiya prezidenti Azərbaycan liderini ölkəsinə rəsmi səfərə dəvət edib

İlham Əliyev: "Bizim üçün Serbiya ilə əməkdaşlıq böyük əhəmiyyət kəsb edir"

İlham Əliyev Türkiyə və Serbiyanın səfirlərinin etimadnamələrini qəbul edib

1444

Londonun su batmış küçələri