Dövlət Bayrağı meydanı

Ermənistanın Şuşa ilə bağlı "nota oyununa" rəsmi Bakıdan cavab

99
Ermənistan XİN-in Azərbaycanda akkreditə olunan ölkələrin səfirlərinin Şuşa şəhərinə səfəri ilə bağlı Ermənistandakı xarici ölkələrin diplomatik nümayəndəliklərinə nota təqdim etməsi xəbəri Azərbaycan tərəfində səssiz qarşılanmayıb.

BAKI, 13 iyul - Sputnik. "Azərbaycanın beynəlxalq sərhədləri çərçivəsindəki ərazisinə edilən hər hansı səfər Ermənistan tərəfindən nəinki etiraz, heç şərh belə oluna bilməz". 

Sputnik Azərbaycan-ın məlumatına görə, bunu Azərbaycan Respublikası Xarici İşlər Nazirliyinin Mətbuat xidməti idarəsinin rəisi Leyla Abdullayeva Ermənistan XİN-in son fəaliyyətini şərh edərkən bildirib.

İyulun 9-da Ermənistan XİN-in Azərbaycanda akkreditə olunan ölkələrin səfirlərinin Şuşa şəhərinə səfəri ilə bağlı Ermənistandakı xarici ölkələrin diplomatik nümayəndəliklərinə nota təqdim etməsi ilə bağlı məlumat yayılıb.

"Ermənistan XİN-in bu addımı bir daha onu göstərir ki, bu ölkə hələ də beynəlxalq hüquqa zidd olan və ərazi iddialarından çıxış edən mövqe sərgiləyir. Bir daha vurğulayırıq ki, Azərbaycanın beynəlxalq sərhədləri çərçivəsindəki ərazisinə edilən hər hansı səfər Ermənistan tərəfindən nəinki etiraz, heç şərh belə oluna bilməz.

Bu ərazilərə səfərlər Ermənistanın hərbi işğalı altında olan zaman qanunsuz xarakter daşıyırdı. Artıq Şuşa azad olunub, digər azad olunan bölgələrimiz kimi Azərbaycanın tərkib hissəsidir. Bura səfərlər də edilir və ediləcək, bərpa işləri də həyata keçirilir, şəhərin qanuni sahibləri öz evlərinə geri qayıdacaqlar, bir sözlə, mədəniyyət beşiyimizdə həyat yenidən canlanacaq", - Leyla Abdullayeva vurğulayıb.

"Ermənistan XİN-i nota tərtib edərkən ən azından nəyə və nə əsasla etiraz etdiyini düşünməlidir. Görünür, Ermənistan XİN-ində rəhbərliyin olmaması bu qurumun tərtib etdiyi sənədlərə də öz təsirini göstərir, - söyləyən Abdullayeva Ermənistan XİN-in artıq bölgədəki yeni vəziyyəti dərk etməsinin gərəkdiyini bildirib.

"Keçmişdə olduğu kimi, beynəlxalq hüquqa zidd və destruktiv siyasətdən çıxış etmək Ermənistana yaxşı heç nə vəd etmir", - Azərbaycan XİN rəsmisi yekunlaşdırıb.

Diplomatların Şuşa səfəri 

İyulun 9-u və 10-da Azərbaycanda akkreditə olunmuş 50-yə yaxın diplomatik korpus nümayəndələri və beynəlxalq təşkilatların Azərbaycandakı təmsilçiləri işğaldan azad edilmiş Füzuli və Şuşa şəhərlərinə səfər ediblər.

Səfər Azərbaycan Respublikasının Prezidenti, Ali Baş Komandan İlham Əliyevin tapşırığı ilə təşkil olunub. 

Səfərdə Türkiyə, Pakistan, İtaliya, Avstriya, İsveç, İsrail, Çin, Yaponiya, Malayziya, Cənubi Koreya, Belarus, Ukrayna, Braziliya, Meksika, Səudiyyə Ərəbistanı, Qətər, Əlcəzair və digər ölkələrin səfirləri, eləcə də BMT-nin qaçqınların işləri üzrə Ali Komissarının və Ümumdünya Səhiyyə Təşkilatının nümayəndələri də iştirak ediblər.

Yerevanın reaksiyası 

Çərşənbə axşamı, iyulun 13-də məlum olub ki, bir sıra ölkələrin diplomatları Ermənistanın Xarici İşlər Nazirliyinə çağırılıb və onlara etiraz notaları təqdim olunub. 

Eləcə də oxuyun:

 

99
Teqlər:
cavab, Azərbaycan XİN, Bakı, diplomat, nota, Ermənistan, Yerevan
Prezident İlham Əliyev Türkiyənin Ədalət və İnkişaf Partiyası sədrinin birinci müavininin rəhbərlik etdiyi nümayəndə heyətini qəbul edib

İlham Əliyev AKP sədrinin birinci müavinini qəbul edib

19
Görüşdə ölkələrimizin müxtəlif qurumlarının nümayəndələrinin qarşılıqlı səfərlərinin əhəmiyyətinə toxunulub.

BAKI, 26 iyul — Sputnik. Azərbaycan Respublikasının Prezidenti İlham Əliyev iyulun 26-da Türkiyənin Ədalət və İnkişaf Partiyası (AKP) sədrinin birinci müavini Numan Kurtulmuşun rəhbərlik etdiyi nümayəndə heyətini qəbul edib.

Sputnik Azərbaycan xəbər verir ki, görüşdə Azərbaycanla Türkiyə arasında dostluq və qardaşlıq münasibətlərinin bütün sahələrdə uğurla inkişaf etdiyi bildirildi. Dövlət başçıları arasında mütəmadi təmasların əlaqələrimizin genişlənməsində xüsusi rolu vurğulanıb.

© Official website of President of Azerbaijan Republic
Prezident İlham Əliyev Türkiyənin Ədalət və İnkişaf Partiyası sədrinin birinci müavininin rəhbərlik etdiyi nümayəndə heyətini qəbul edib

Söhbət zamanı Yeni Azərbaycan Partiyası ilə Ədalət və İnkişaf Partiyası arasında əməkdaşlıq məsələləri müzakirə olunub. Qeyd edilib ki, partiyalar arasında əlaqələr ikitərəfli münasibətlərin inkişafında mühüm rol oynayır. Eyni zamanda, ölkələrimizin müxtəlif qurumlarının nümayəndələrinin qarşılıqlı səfərlərinin əhəmiyyətinə toxunulub.

Görüşdə əməkdaşlığın perspektivləri ətrafında fikir mübadiləsi aparıldı, ölkələrimiz arasında münasibətlərin bundan sonra da genişlənəcəyinə əminlik ifadə olunub.

19

Prezident: Azad olunmuş ərazilərdə bərpa işlərində dost ölkələrin şirkətləri iştirak edir

1444
(Yenilənib 23:07 25.07.2021)
Azərbaycan Prezidenti Serbiya şirkətlərinin gələcəkdə işğaldan azad olunmuş ərazilərdəki bərpa və yenidənqurma işlərində iştirakının mümkünlüyünü bildirib.

BAKI, 25 iyul - Sputnik. Azərbaycan Respublikasının Prezidenti İlham Əliyev Serbiya Respublikasının xarici işlər naziri Nikola Selakoviçin başçılıq etdiyi nümayəndə heyətini qəbul edib.

Sputnik Azərbaycan xəbər verir ki, Serbiyanın xarici işlər naziri Nikola Selakoviç Serbiya Prezidenti Aleksandr Vuçiçin salamlarını dövlətimizin başçısına çatdırıb.

Prezident İlham Əliyev Serbiya Prezidentinin salamlarına görə minnətdarlığını bildirdi, onun da salamlarını Aleksandr Vuçiçə çatdırmağı xahiş edib.

Görüşdə iki ölkə arasında strateji tərəfdaşlıq münasibətlərinin uğurla inkişaf etdiyi məmnunluqla qeyd olunub, Bakıda keçiriləcək Azərbaycan Respublikası ilə Serbiya Respublikası arasında ticarət və iqtisadi əməkdaşlıq üzrə Hökumətlərarası Komissiyanın iclasının əməkdaşlığın genişlənməsi baxımından önəmi vurğulanıb.

Söhbət zamanı Azərbaycanın və Serbiyanın bir-birinin ərazi bütövlüyünü qarşılıqlı şəkildə dəstəklədiyi bildirilib. İqtisadi əməkdaşlıq məsələləri müzakirə olunub. Prezident İlham Əliyev deyib ki, işğaldan azad olunmuş ərazilərimizdə aparılan bərpa və yenidənqurma işlərində dost ölkələrin şirkətləri iştirak edir. Bu baxımdan Serbiya şirkətlərinin gələcəkdə bu işlərdə iştirakının mümkünlüyü bildirilib.

Həmçinin oxuyun:

Serbiya prezidenti Azərbaycan liderini ölkəsinə rəsmi səfərə dəvət edib

İlham Əliyev: "Bizim üçün Serbiya ilə əməkdaşlıq böyük əhəmiyyət kəsb edir"

İlham Əliyev Türkiyə və Serbiyanın səfirlərinin etimadnamələrini qəbul edib

1444

Londonun su batmış küçələri