Milli Məclisin iclası, arxiv şəkli

Deputatların işi bitdi: Milli Məclis on üç məsələni təsdiqlədi

46
(Yenilənib 12:46 09.07.2021)
Dövlət rüsumu, enerji resurslarından səmərəli istifadə, mediasiya ilə bağlı qanunlara, habelə Mülki Prosessual, Əmək, İnzibati Prosessual məcəllələrə dəyişikliklər müzakirəyə çıxarılıb. Deputatlar müzakirələri yekunlaşdırıblar.

BAKI, 9 iyul — Sputnik. Azərbaycan parlamentinin növbədənkənar sessiyası başa çatıb.
Sputnik Azərbaycan xəbər verir ki, Milli Məclisin növbədənkənar sessiyası işini yekunlaşdırıb.
Parlament sədrinin I müavini Əli Hüseynlinin sədrliyi ilə keçirilən növbədənkənar sessiyanın sonuncu plenar iclasında 13 məsələ müzakirə olunaraq qəbul edilib.
İclas Azərbaycanın Respublikasının Dövlət Himninin səsləndirilməsi ilə başa çatıb.
Qeyd edək ki, iclasın gündəliyində 13 məsələ olub.
Növbədənkənar sessiya başa çatdıqdan sonra isə deputatlar iyulun 15-dən avqustun 30-dək tətildə olacaqlar.

---------

11:53

COVID pasportu ətrafında ciddi müzakirələrə, əsaslandırmalara ehtiyac var.

Sputnik Azərbaycan xəbər verir ki, bunu Milli Məclisin bu gün keçirilən iclasında deputat Nigar Arpadarai deyib.

Onun sözlərinə görə, COVID pasportlarının tətbiqinin müzakirələrdən kənar qalması təəssüf doğurur: "Çünki bunun tətbiqi uzunmüddətli qərardır və vətəndaşların həyatına birbaşa təsiri var. Hazırda xroniki xəstəlikləri, allergiyası olan, yaxud şəxsi qərarı ilə peyvənd olunmayanlar sağlamlıq mərkəzlərinə girə bilmirlər. Bu, nə dərəcədə doğrudur? Heç kəsin şübhəsi yoxdur ki, dövlət insanların sağlamlığını düşünür. Amma müzakirə olunmadan edilən tətbiqlər əlavə bürokratiyaya çevrilir. Hesab edirəm ki, bunun əlavə əsaslandırması olmalıdır. İnsanlara məlumat verilməlidir ki, təkrar yoluxma halı neçə faizdir. Apardığım araşdırmaya görə, dünyada təkrar yoluxma halları 1%-dən azdır".

İclasda çıxış edən deputat Rəşad Mahmudov seçildiyi Astara rayonunun su problemindən danışıb. Deputat bildirib ki, bu istiqamətdə bəzi addımlar atılsa da, problemin aradan qaldırılması üçün daha ciddi tədbirlərə ehtiyac var. Deputat Lənkəran və Astara arasındakı magistral yolun keyfiyyətsizliyindən də bəhs edib. Onun sözlərinə görə, bunu rayona gələn qonaqlar da təsdiqləyə bilərlər. Millət vəkili vaxtilə İpək Yolu olaraq çəkilən yolun bu hissəsinin keçilməz vəziyyətə düşməsindən narahatlığını dilə gətirib, əlaqədar qurumları hərəkətə keçməyə çağırıb.

Deputat Qüdrət Həsənquliyev seçiciləri – Xətai rayon sakinləri adından müraciət edib. O bildirib ki, dövlət ehtiyacları üçün torpaqların alınması ilə bağlı ortaya çıxan problem həllini tapmalıdır: "Sakinlərin müraciətindən bəlli olur ki, onların torpaqları dövlət ehtiyacları adı altında alınıb, ancaq onlara kifayət qədər kompensasiya ödənilməyib. Təsəvvür edin, yataq otağı ilə qonaq otağı 1000 manat, sanitar qovşağı, dəhliz, mətbəxsə 750 manat məbləğində qiymətləndirilir. Biri evinin təmirinə 100-200 min xərcləyib, digəri az. Amma müstəqil ekspertlər qiymətləndirmə üçün dəvət olunmur. Heç bir müqavilə bağlanmadan onların evləri sökülüb. Cənab prezident də qeyd etmişdi ki, bu insanlara heç olmasa 1500 manatdan kompensasiya ödənilməlidir".

Q.Həsənquliyev qeyd edib ki, bu sakinlərin hesabına köçürülən kompensasiya ilə mənzil almaq mümkünsüzdür: "Biz hər birimiz özümüzü həmin vətəndaşların yerinə qoymalıyıq. İnanıram ki, həmin sakinləri narahat edən problem həllini tapacaq".

Qeyd edək ki, Milli Məclisin növbədənkənar iclası keçirilir. İclasın gündəliyinə 13 məsələ daxil edilib.

 

--------

11:00

Milli Məclisin növbədənkənar iclası başlayıb.

Sputnik Azərbaycan xəbər verir ki, iclasın gündəliyinə 13 məsələ daxil edilib.

Həmin məsələlər bunlardır:

1. "Enerji resurslarından səmərəli istifadə və enerji effektivliyi haqqında" Azərbaycan Respublikası qanununun layihəsi (üçüncü oxunuş).

2. Azərbaycan Respublikasının Əmək Məcəlləsində, Azərbaycan Respublikasının Mülki Prosessual Məcəlləsində, Azərbaycan Respublikasının Ailə Məcəlləsində, Azərbaycan Respublikasının Mülki Məcəlləsində, Azərbaycan Respublikasının Vergi Məcəlləsində, Azərbaycan Respublikasının Cinayət-Prosessual Məcəlləsində, Azərbaycan Respublikasının İnzibati Xətalar Məcəlləsində, Azərbaycan Respublikasının İnzibati Prosessual Məcəlləsində, "Sosial sığorta haqqında", "Tibbi sığorta haqqında", "Dövlət rüsumu haqqında", "Məhkəmə-Hüquq Şurası haqqında" və "İnzibati icraat haqqında" Azərbaycan Respublikasının qanunlarında dəyişiklik edilməsi barədə Azərbaycan Respublikası qanununun layihəsi (üçüncü oxunuş).

3. "Mediasiya haqqında" Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi (üçüncü oxunuş).

4. "Dövlət qulluğu haqqında", "Prokurorluq orqanlarında qulluq keçmə haqqında", "Diplomatik xidmət haqqında", "Ədliyyə orqanlarında qulluq keçmə haqqında", "Fövqəladə hallar orqanlarında xidmətkeçmə haqqında" Azərbaycan Respublikasının qanunlarında və Azərbaycan Respublikasının 1999-cu il 7 dekabr tarixli 768-IQ nömrəli Qanunu ilə təsdiq edilmiş "Gömrük orqanlarında xidmət haqqında Əsasnamə"də, 2001-ci il 12 iyun tarixli 141-IIQ nömrəli Qanunu ilə təsdiq edilmiş "Dövlət vergi orqanlarında xidmət haqqında Əsasnamə"də, 2001-ci il 29 iyun tarixli 168-IIQ nömrəli Qanunu ilə təsdiq edilmiş "Azərbaycan Respublikasının daxili işlər orqanlarında xidmət keçmə haqqında Əsasnamə"də və 2009-cu il 4 dekabr tarixli 930-IIIQ nömrəli Qanunu ilə təsdiq edilmiş "Miqrasiya orqanlarında qulluq keçmə haqqında Əsasnamə"də dəyişiklik edilməsi barədə Azərbaycan Respublikası qanununun layihəsi (üçüncü oxunuş).

5. Azərbaycan Respublikasının Mülki Prosessual Məcəlləsində dəyişiklik edilməsi haqqında Azərbaycan Respublikası qanununun layihəsi (üçüncü oxunuş).

6. "Dövlət rüsumu haqqında" Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi (üçüncü oxunuş).

7. Azərbaycan Respublikasının İnzibati Prosessual Məcəlləsində dəyişiklik edilməsi haqqında Azərbaycan Respublikası qanununun layihəsi (üçüncü oxunuş).

8. "Azərbaycan Respublikasının Müdafiə Nazirliyi ilə Belarus Respublikasının Müdafiə Nazirliyi arasında ikitərəfli əməkdaşlığın həyata keçirilməsi zamanı məxfi informasiyanın qarşılıqlı ötürülməsinə dair" Müqavilənin təsdiq edilməsi haqqında Azərbaycan Respublikası qanununun layihəsi.

9. Azərbaycan Respublikasının Miqrasiya Məcəlləsində dəyişiklik edilməsi haqqında Azərbaycan Respublikası qanununun layihəsi.

10. Azərbaycan Respublikasının Ticarət Gəmiçiliyi Məcəlləsində və "Dəniz limanları haqqında" Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi.

11. "Dövlət rüsumu haqqında" Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi.

12. "Torpaq bazarı haqqında", "Beynəlxalq xüsusi hüquq haqqında", "Dövlət satınalmaları haqqında", "Xüsusi iqtisadi zonalar haqqında", "Ölçmələrin vəhdətinin təmin edilməsi haqqında" və "Uyğunluğun qiymətləndirilməsi sahəsində akkreditasiya haqqında" Azərbaycan Respublikasının qanunlarında dəyişiklik edilməsi barədə Azərbaycan Respublikası qanununun layihəsi.

13. Azərbaycan Respublikası Milli Məclisinin İntizam komissiyasının Əsasnaməsi haqqında.

Qeyd edək ki, Milli Məclisin 2021-ci il yaz sessiyası başa çatıb. Milli Məclisin Daxili Nizamnaməsinə əsasən, yaz sessiyası fevralın 1-də başlayır və mayın 31-dək davam edir. Lakin yaz sessiyasının başa çatmasına baxmayaraq, Milli Məclisin növbədənkənar xüsusi sessiyası çağırılıb.

Milli Məclisin Daxili Nizamnaməsinə əsasən, parlamentin növbədənkənar sessiyalarını Milli Məclisin sədri Azərbaycan Prezidentinin və ya qanunverici orqanın 42 deputatının tələbi əsasında çağırır. Növbədənkənar sessiyanın gündəliyini müvafiq olaraq onun çağırılmasını tələb edənlər müəyyənləşdirir.

Növbədənkənar sessiya başa çatdıqdan sonra isə deputatlar iyulun 15-dən avqustun 30-dək tətildə olacaqlar.

Eləcə də oxuyun:

46
Teqlər:
müzakirə, iclas, Milli Məclis
Azərbaycanın iqtisadiyyat naziri Mikayıl Cabbarovun İsrailə səfəri çərçivəsində Azərbaycanın bu ölkədə Ticarət Nümayəndəliyinin açılışı olub

Tarixi gün Azərbaycan ilk dəfə İsraildə nümayəndəlik açdı

2485
(Yenilənib 13:55 29.07.2021)
İsrailin Azərbaycandakı səfiri Con Dik deyib ki, bu, İsraildə Azərbaycan səfirliyinin açılması istiqamətində daha bir addımdır.

BAKI, 29 iyul — Sputnik. Azərbaycanın iqtisadiyyat naziri Mikayıl Cabbarovun İsrailə səfəri çərçivəsində Azərbaycanın bu ölkədə Ticarət Nümayəndəliyinin açılışı olub. Sputnik Azərbaycan xəbər verir ki, bu barədə İsrailin Azərbaycandakı səfirliyi məlumat yayıb.

Bildirilir ki, açılış mərasimində İsraildən olan nazir Yoel Razvozov da iştirak edib və nazirlər Ticarət Nümayəndəliyinin lentini kəsiblər.

© AR Ministry of Economy
Azərbaycanın Ticarət Nümayəndəliyi

"Bu gün tarixi gündür. Ölkələrimiz arasında əlaqələr təxminən 30 il əvvəl qurulduğundan Azərbaycanın İsraildə heç bir nümayəndəliyi yox idi. İndi bu dəyişdi. Bu gün Azərbaycan Təl-Əvivdə Ticarət Nümayəndəliyi açdı və ilk dəfə İsraildə Azərbaycan bayrağı dalğalanacaq. Bu ölkələrimiz və xalqlarımız arasında əlaqələri daha da yaxınlaşdıraraq münasibətlərimizin daha güclü və daha çoxtərəfli olması üçün imkanlara yaradacaqdır. İnanıram ki, bu İsraildə Azərbaycan səfirliyinin açılması istiqamətində daha bir addımdır. Gələn il ölkələrimiz arasında diplomatik münasibətlərin qurulmasının 30 illiyini qeyd edəcəyik. İnşallah, biz bunu hamımız birlikdə, Azərbaycanda və İsraildə qeyd edəcəyik", - deyə İsrailin Azərbaycandakı səfiri Corc Dik bildirib.

© AR Ministry of Economy
Azərbaycanın Ticarət Nümayəndəliyi

Qeyd edək ki, bu gün Azərbaycanın İsraildə Turizm Nümayəndəliyinin də açılışı olub.

Həmçinin oxuyun:

* İsrail səfiri Azərbaycan xalqına təşəkkür etdi: Biz həqiqətən təsirləndik

* Səfirdən Azərbaycana kreativ hədiyyə - VİDEO

Azərbaycanlı deputat İsrailə dəstəyini ifadə etdi: Unutmayacağıq

İsrail və İranın Bakıdakı səfirləri "dalaşdılar"

2485
Politoloq İlyas Hüseynov

Politoloq Bakı Bəyyanaməsinin önəmini şərh edir

9
(Yenilənib 01:12 29.07.2021)
Politoloq İlyas Hüseynov bildirib ki, Vətən Müharibəsi dövründə də bu iki dövlət Azərbaycanın haqlı mövqeyini dəstəklədi və beynəlxalq səviyyədə bunu bəyan etdilər
İlyas Hüseynov: “Azərbaycan yanında dost dövlətləri görmək istəyir”

Milli Məclisdə Azərbaycan, Türkiyə və Pakistan parlamentlərinin sədrlərinin birinci üçtərəfli görüşünün yekun sənədi olaraq Bakı Bəyannaməsi imzalanıb.

Politoloq İlyas Hüseynov Sputnik Azərbaycan-a bildirib ki,üçtərəfli Bəyannamənin imzlanması strateji münasibətləri yeni səviyyəyə qaldırır: “Vətən Müharibəsi dövründə də bu iki dövlət Azərbaycanın haqlı mövqeyini dəstəklədi və beynəlxalq səviyyədə bunu bəyan etdilər. Bu da bizim beynəlxalq müstəvidə olan mövqelərimizi daha da gücləndirirdi. Hazırkı post münaqişə dövründə də Azərbaycan yenə də yanında dost dövlətləri görmək istəyir. Digər tərəfdən bu əməkdaşlıq müstəvisi hərbi və iqtisadi seqmentlərlə də möhkəmləndirilir. Azərbaycan Qafqazda Türkiyə və Pakistan arasında olan kilid nöqtədir. Hər üç dövlətin mövqeyi və strateji baxışı bəllidir”.

İlyas Hüseynovun fikirlərinə audiofaylda qulaq asa bilərsiniz

9
Bakıda vəziyyət, arxiv şəkli

Avtomobillərin arxa şüşəsinə şüarların vurulması qanunsuzdur